Frjáls verslun - 01.01.1982, Blaðsíða 23

„Fyrirtækið
erallt
japanskt
nema
starfsfólkið"
segir Þórir Jensen hjá Bílaborg
„Það má í raun segja, að í þessu
fyrirtæki sé allt japanskt, nema
starfsfólkið“, sagði Þórir Jensen,
forstjóri í Bílaborg h. f., í samtali
við FV. Bílaborg hefur umboð fyrir
fimm stór japönsk stórfyrirtæki, en
mestu viðskiptin á fyrirtækið við
Mazda bílaframleiðendurnar og
fyrir það eru þeir eflaust þekktastir
hér á landi.
Auk Mazda hefur Bílaborg um-
boð fyrir Hino vörubíla, sem settir
eru saman á íslandi, Bridgestone
hjólbarða, en það umboð fékk
Bílaborg fyrir rúmu ári síðan, Yam
aha utanborðsmótóra og mótor-
hjól og loks hefur fyrirtækið um-
boð fyrir Komatshu þungavinnu-
vélar.
- Viðskipti okkarvið Japani hafa
alltaf verið með miklum ágætum,
enda eru þetta mjög áreiðanlegir
menn, sem maður getur treyst full-
komlega. Reyndar byggist jap-
anska undrið að mínu mati fyrst og
fremst á gífurlegri samviskusemi
starfsmanna fyrirtækjanna. Það
liggur við, að þetta fólk búi í verk-
smiðjunum, sagði Þórir.
Þórir Jensen sagði, að það væri
einkum eitt atriði, sem gerði við-
skipti Japana frábrugðin viðskipt-
um annarra þjóða. Yfirleitt væru
sjálf fyrirtækin ekki í sölu á vör-
unni. Þau ættu viðskipti við ákveð-
in „Trading House“, sem sæju um
alla sölu. Þessi fyrirtæki skaffa
reyndar hráefnið, skipuleggja
framleiðsluna að ákveðnu marki
og sjá síðan um að selja vöruna.
„Hjá þessum „Trading Houses"
eru yfirleitt starfandi mjög vel-
menntaðir menn, sem jafnframt
eru klárir í erlendum tungumálum,
en það er mjög einkennandi fyrir
Japani, að jafnvel hámenntaðir
tæknimenn og hagfræðingar úti í
fyrirtækjunum kunna varla staf í
erlendum tungumálum. Það er
einfaldlega talið nægjanlegt, að
það geri mennirnir, sem sjá um
viðskiptin", sagði Þórir enn-
fremur.
„Annars er það með ólíkindum
hver uppgangur Japana hefur ver-
ið í gegnum tíðina og það virðist
alls ekkert lát vera á honum, nema
síður sé“, sagði Þórir ennfremur.
Þórir sagði aðspurður, að það
færi mjög í vöxt, að japönsk fyrir-
tæki kölluðu umboðsmenn sína til
funda í Japan, en áður tíðkaðist
það aðallega, að haldnir voru alls-
herjarfundir í Evrópu. „Þessi fyrir-
tæki hafa öll höfuðstöðvar i Evr-
ópu, þaðan sem dreifing fer fram.
Það er í raun nauðsynlegt fyrir
svona eftirþjónustuvöru eins og
bíla og vélar ýmis konar, að hafa
aðgang að fullkomnum lager í Evr-
ópu, því það tekur alltaf sinn tíma
að fá vöruna alla leið frá Japan",
sagði Þórir.
í sambandi við vinnusemi og
iðni Japana, sagði Þórir, að hjá
Mazda verksmiðjunum, þá fram-
leiddi hver verkamaður, sem svar-
ar til 37.7 bíla á ári, en sambæri-
legar tölur fyrir Evrópu og Banda-
ríkin eru ekki nema brot af þessu.
Mazda framleiddi á síðasta ári um
eina milljón bíla og var í níunda
sæti yfir stærstu bílaframleiðend-
ur heimsins.
Þá nefndi Þórir það að síðustu,
sem dæmi um hversu sérstakir
Japanir eru í samskiptum, að aldur
virtist skipta miklu máli. „Frá því,
að ég kom fyrsta skipti til Japans
árið 1973 og til dagsins í dag, erég
alltaf að hitta hærraog hærrasetta
yfirmenn Mazda. Ég verð því
sennilega kominn upp í topp um
fimmtugt, sagði Þórir Jensen að
síðustu og hló við.
23