Helgarpósturinn - 18.04.1996, Blaðsíða 4

4
BHH
FIMMTUDAGUR18. APRÍL1996
[yjirheyrsla
■ Aöeins þrír sölustaöir
ÁTVR eru opnir á laugardðg-
um og þá einungis í tvær
klukkustundir. HP sló á þráö-
inn til Þórs Oddgeirssonar,
aöstoöarforstjóra ÁTVR og
spuröi: Hvers vegna í
ósköpunum?
ÁTVR
þrýstir ekki
á pingmenn
„Því er nú auðvelt að svara.
Samkvæmt áfengislögum
sem sett voru fyrir tuttugu
árum er bannað að hafa
áfengisverslanir opnar eftir
tólf á hádegi á laugardögum.
í kjölfar þeirrar lagasetningar
var hins vegar sett reglugerð
þar sem alfarið var bannað
að hafa opið á laugardögum.
Við vorum frekar óánægðir
með þetta fyrirkomulag í
reglugerðinni og nú í október
var þessu ákvæði hennar
breytt til samræmis við lög-
in. I kjölfar þess var ákveðið
að hafa þessar þrjár verslan-
ir opnar á laugardögum."
En afhverju er ekki opið á
fleiri stöðum? Ekki íþyngir
lagasetningin ykkur þar...
„Þetta var nú bara sett upp
til prufu — svona til að byrja
með — og er bara ekki kom-
ið lengra en það.“
Hafið þið ekkert þrýst á að
fá þessum lögum breytt
svo þið gœtuð fengið að
hafa opið lengur — til sam-
rœmis við aðrar verslanir?
„Það er ákaflega erfitt fyrir
okkur, að vera að þrýsta á
Alþingi um að breyta lögum.
Það held ég að sé ekki rétta
aðferðin.“
Forsjármenn stofnunarinn-
ar hljóta þó að segja þeim
sem ráða frá sinu áliti...
„Við verðum fyrst og fremst
að fara eftir þeim lögum sem
okkur eru sett. Ég sé ekki
hvernig við gætum farið að
því að þrýsta á um þessi mál.
Og breytingar á áfengislög-
unuin rjúka ekki beinlínis
gegnum þingið."
,,/Vií var haldin útsala hjá
ykkur um daginn og úr
varð stórfrétt. Afhverju
gerið þið ekki meira af
svonalöguðu og bjóðið
jafnvel upp á tilboð — eins
og aðrar verslanir?
„Þessi vara hjá okkur er ekki
sambærileg við aðrar vörur.
Innkaupaverð vörunnar er
þannig ekki nema lítið brot af
söluverðinu því restin er
skattheimta ríkisins. Og
mönnum hefur til þessa þótt
vafasamt að gefa mikinn af-
slátt frá skattheimtu.1'
En er það ekki skárra en
að sitja uppi með vöru sem
selst ekki?
„Nei, ekki endilega. Það getur
til dæmis komið betur út fyr-
ir afraksturinn, að fólk kaupi
frekar annað áfengi en að
selja því áfengi sem selst illa
með afslætti."
Á mánudaginn var haldin útsala hjá
ÁTVR. Það hlýtur að teljast til undantekn-
inga þegar útsala fyrirtækis verður eins
fréttnæm og þessi. Ástæðan er fyrst og
fremst sú að einokunarfyrirtækið ÁTVR
hefur ekki elt aðra verslun í landinu auk-
inni þjónustu við viðskiptavini, enda ekk-
ert þurft að glíma við samkeppnislögmál-
in. Smávegis viðhorfsbreyting I þjónustu-
átt varð þó fyrir nokkru þegar ákveðið var
að hafa verslanir fyrirtækislns við Austur-
stræti og Stuðlaháls i Reykjavik og á
Akureyri opnar á laugardógum milli
klukkan tíu og tólf. -EBE
aHjalta Jóni Sveinssyni ritstjóra tímaritsins Hestsins okkar og Birni
Eiríkssyni útgefanda þess var stefnt af séra Halldóri Gunnarssyni í
Holti og Reyni Sigursteinssyni á Hlíöarbergi tyrir meiöyrði og brot á
höfundarétti. Krafist var milljóna í miskabætur. Nú er dómur fallinn og
Sæmundur Guðvinssön kynnti sér málavöxtu.
Sýknaðir af
öllum kröfum
eir hrossabændur, séra Halldór
Gunnarsson í Holti og Reynir Sigur-
steinsson á Hlíðarbergi, riðu ekki feitum
hesti frá stefnu sinni á hendur Hjalta
Jóni Sveinssyni ritstjóra Hestsins okkar
og Birni Eiríkssyni útgefanda tímarits-
ins. Hrossabændurnir kröfðust þess að
tiltekin ummæli í tímaritinu yrði dæmd
dauð og ómerk, ritstjóri og útgefandi
dæmdir í sektir til ríkissjóðs og til að
greiða tvær milljónir í miskabætur og til
greiðslu málskostnaðar. Héraðsdómur
Reykjavíkur sýknaði útgefanda af öllum
kröfum þar sem ritstjórinn skrifaði hina
kærðu grein undir nafni. Hjalti Jón
Sveinsson var sýknaður af öllum kröfum
tvímenninganna og þeir dæmdir til að
greiða stefndu alls 300 þúsund krónur í
málskostnað.
Halldór Gunnarsson og Reynir Sigur-
steinsson eru báðir meðal eigenda Isen
hf. sem á meirihluta í ISAVSA á móti Lit-
háum. Þar í landi ætlaði ISASVA að stofna
og reka ræktunarstöð fyrir íslenska hesta
og „stærsta hrossabúgarð Evrópu“, eins
og Jörmundur Ingi Hansen fyrrum fram-
kvæmdastjóri búgarðsins orðaði það í
blaðaviðtali. Þessar áætlanir um að
stunda ræktun íslenska hestsins í Litháen
og flytja hartn þaðan til annarra landa
hleyptu illu blóði í ýmsa innan Félags ís-
lenskra hrossabænda. Opinberir styrkir
voru veittir til þessa verkefnis auk þess
sem sótt var um tugmilljón króna lán úr
Norræna fjárfestingabankanum.
Kröfur stefnenda
í marshefti Hestsins okkar skrifaði
Hjalti Jón Sveinsson um þetta Litháen-
mál. Annars vegar var um að ræða for-
ystugrein og hins vegar grein undir fyrir-
sögninni „Gluggað í greinargerð" þar sem
fjallað var um greinargerð ISASVA vegna
745 þúsund dollara lánsumsóknar til Nor-
ræna fjárfestingabankans. í stefnu Hall-
dórs og Reynis eru tilgreind 14 ummæli
og gerð krafa um að þau verði dæmd
dauð og ómerk. Sem dæmi má nefna að
stefnt er vegna millifyrirsagnarinnar
„Prestur og allsherjargoði" en þar er átt
við séra Halldór og Jörmund Inga alls-
herjargoða Ásatrúarsafnaðarins. Þess er
krafist að Hjalti Jón og Björn verði dæmd-
ir í sekt í ríkissjóð fyrir ummælin 14 og
þær aðdróttanir um fjármálasukk, sóun á
almannafé og svik við Félags hrossa-
bænda sem í tilgreindum ummælum fel-
ast. Þá er þess krafist að viðurkennt verði
að höfundaréttur stefnenda hafi verið
brotinn með því að birtar voru í Hestin-
um okkar þýðingar úr lánsumsókninni til
Norræna fjárfestingabankans.
Þá kröfðust Halldór og Reynir þess að
stefndu yrðu dæmdir til að greiða þeim
tvær milljónir króna ásamt dráttarvöxt-
um í miskabætur. Sömuleiðis að þeir
greiði 150 þúsund krónur til þess að
kosta birtingu dómsins í öllum dagblöð-
um og tímaritum landsins. Einnig að
stefndu verði látnir greiðan málskostnað.
Halldór Gunnarsson bar að sér hefði
sárnað umrædd skrif í Hestinum okkar en
þau hafi verið liður í aðför að sér. Hann
kvað lán það sem sótt var um ekki hafa
fengist, viðfangsefnið væri allt í uppnámi
og mikil hætta á að verulegar fjárhags-
skuldbindingar falli á hann. í skýrslu
Reynis Sigursteinssonar fyrir dómi kom
fram að hann teldi umstefnd skrif hafa
Holti: Krafðist þess að tiltekin atríði í Hestinum
okkar yrðu dæmd dauð og ómerk og rítstjóri og
útgefandi tímarítsins í háar sektir.
miðað að því gera tortryggilegt fyrirtæki
sem hann eigi aðild að.
Kröfum vísað á bug
Þeir Hjalti Jón Sveinsson og Björn
Eiríksson gerðu þær dómkröfur að þeir
verði sýknaðir af öllum kröfum stefnenda
og þeim tildæmdur málskostnaður að
mati dómsins úr hendi stefnenda.
Fyrir dómi vísaði Hjalti Jóns Sveinsson
því á bug að umstefnd ummæli væru lið-
ur í samsæri. Hann kvaðst engra hags-
muna hafa að gæta í sambandi við
hrossaræktun og ekki hafa biandað sér í
deilur hrossabænda um Litháenmálið.
Tilefni skrifanna hafi eingöngu verið það
sér hafi fundist umfang málsins og lána-
fyrirgreiðsla þeirrar, sem sótt var um,
vera þvílíkt að rétt væri að upplýsa les-
endur um hvað væri á seyði.
Hjalti Jón vísaði til þess að þar sem
tjáningarfrelsi þegnanna sé stjórnarskrá-
verndað og að auki tryggt með ákvæðum
10. greinar Mannréttindasáttmála Evr-
ópu, verði að ætla honum sem ritstjóra
tímarits hæfilegt svigrúm til að gangrýna
það sem gagnrýnivert sé í þjóðfélaginu á
hverjum tíma. Ummælin sem krafist sé
ómerkingar á, séu mjög almenns eðlis.
Gróflega megi skipta þeim í þrjá þætti: Al-
mennar hugleiðingar stefnda í leiðara og í
greinargerð tímaritsins um fyrirætlanir
stefnenda og félaga þeirra. í öðru lagi fyr-
irsagnir og millifyrirsagnir í greinargerð
stefnda. Og í þriðja lagi beinar tilvitnanir
í skýrslu stefnenda. Hvergi sé að finna
ummæli sem komi æru stefnenda við.
Augljóst sé að útilokað sé að krefjast
ómerkingar á ummælum sem orðrétt séu
höfð upp úr skýrslu stefnenda sjálfra.
Sýkn af öllum kröfum
Með dómi Sigurðar Halls Stefánssonar
héraðsdómara voru stefndu sýknaðir af
öllum kröfum stefnenda. Björn Eiríksson
og Skjaldborgarútgáfan voru sýknaði þeg-
ar af þeirri ástæðu útgefandi ber aðeins
ábyrgð á efni ef enginn nafgreindur höf-
undur er til staðar. Hjalti Jón Sveinsson
ritstjóri þótti ekki með umfjöllun sinni og
þeirri gagnrýni sem þar má greina hafa
Hjalti Jón Sveinsson ritstjórí Hestsins okkar:
Varðist fimlega öllum ásökunum Halldórs
Gunnarssonar og Reynis Sigursteinssonar og
var dæmdur fullkomlega sýkn saka.
Jörmundur Ingi Hansen: Fyrrverandi fram-
kvæmdastjóri ræktunarstöðvar ISASVA í Lithá-
en þar sem meiningin var að reka ræktunarstöð
fyrír íslenska hesta og „stærsta hrossabúgarð
Evrópu".
farið út fyrir þau mörk sem sett eru rétti
manna til tjáningarfrelsis samkvæmt
stjórnarskrá Islands og 10. greinar mann-
réttindasáttmála Evrópu. Hjalti Jón var
sýknaður af kröfu um miskabætur með
vísun til þess að ekki hafi verið gert lík-
legt að stefndendur hafi orðið fyrir tjóni
eða miska af umstefndum skrifum hans
um skýrslu stefnenda sem víða hafði far-
ið og verið til umræðu manna á meðal og
á opinberum vettvangi. Hins vegar voru
stefndendur dæmdir óskipt til að greiða
stefndu alls 300 þúsund krónur í máls-
kostnað.
Það var Steingrímur Þormóðsson hér-
aðsdómslögmaður sem rak málið fyrir
Halldór Gunnarsson og Reyni Sigur-
steinsson en Skarphéðinn Þórisson
hæstaréttarlögmaður fyrir hina stefndu.
NÝ STJÖRNUSPÁ
Á HVERJUM DEGl
hvað ber dagurinn
í skauti sér?
S P Á S í M I N N
904 1414
39.90 mfnútan
hvernig hljómar þú á brandaralínunni?
þú getur bæði hlegiö aö gríni annarra
og lesið inn þitt eigiö grín!
segið gamansögur
904 1030
39.90 mlnútan