Helgarpósturinn - 18.04.1996, Blaðsíða 12

12
FIMMTUDAGUR1B. APRÍL1996
\
Topp 10
lislinn
— yfir þá hluti sem Jón
Baldvin Hannibalsson hefði
getað sagt við Bryndísi sína
Schram þegar hann kom
heim í ýsuna eftir að hafa
heyrt að sinn forni fjand-
maður, Ólafur Ragnar
Grímsson, væri langvinsæl-
asti forsetaframbjóöandinn.
1. „í fyrsta lagi: Er þessi þjóð
gengin af göflunum. Aldrei
nokkurn tímann hefði mér dott-
ið í hug aö þessi staöa kæmi
upp. Verð ég þá ekki aö skipu-
leggja hægrikratana mína í fylk-
ingu gegn honum?"
2. „í öðru lagi: Hvernig í ósköpun-
um á ég aö orka þaö, að
standa upp í þinginu og segja:
Forseti vor, herra Ólafur Ragnar
Grímsson! — og hrópa svo fer-
falt húrra, honum til heiðurs?"
3. „í þriðja lagi: Össur Skarphéð-
insson og Ólafur Ragnar eru
vinir. Hrafn Jökulsson og Ólafur
Ragnar eru vinir. Verður þeim
þá ekki boðið í öll fínu partýin
út á Bessastöðum, en ekki
mér? Verð ég ekki skilinn út-
undan?"
4. „í fjóröa lagi: Alveg þori ég að
veöja, að þjóðin ætlar að kjósa
' Ólaf vegna þess að hann kann
þá fögru list að halda kjafti.
Hvers vegna get ég ekki fyrir
mitt litla líf haldiö kjafti? Svona
einu sinni og einu sinni..."
5. „í fimmta lagi: Fleygðu þessari
ýsu í ruslið. Ég er að fara með
þig á Holtið, kelli mín. Ég veit
aö þessi dagur er síðasti gleði-
dagur lífs míns og það er eins
gott að nýta hann út í ystu æs-
ar."
6. „í sjötta lagi: Djöfull andskoti
er þetta gott á Davíö Oddsson.
Mér líður eiginlega strax betur
þegar ég hugsa hversu hörmu-
legar sálarkvalir Davíð hlýtur aö
taka út núna. Gott á Hannes
líka..."
7. „í sjöunda lagi: Ég er búinn aö
leita logandi Ijósi aö forseta-
efni innan fjölskyldunnar og
ekki fundið neitt skárra en
Gunnu, mig, þig og Ellert. Er
þetta ekki fullkomlega vonlaust
stríð?"
8. „í áttunda lagi: Þaö er náttúr-
lega sárara en tárum taki, að
nú get ég ekki orðiö utanríkis-
ráðherra á nýjan leik. Þaö er
vitaskuld útilokað að ég verði
fylgdarsveinn Ólafs á ferðum
erlendis."
9. „í níunda lagi: Eggja-Grímur
hefði án vafa tekið þessu eins
og hverju öðru hundsbiti og ró-
iö eða sigið þetta úr sér. Hvað
get ég tekið til bragðs annað
en að fara í laugina? Þetta nú-
tímalíf..."
10. „Eru menn búnir aö gleyma
Svart á hvítu-hneykslinu, sklt-
legu eðli Davíðs, Skattmanni,
skoðanaskiptunum, flokka-
flakkinu — brennivínsmálinu og
skinkumálinu? Nei, bíddu-
bíddu... Það vorum við!"
Páll Rósinkrans: „Þetta byrjaði alltsaman á því að ég fór að finna allskonar
mannakorn, eða ritningarbrot úr Biblíunni, á gólfinu heima mér. Ég hafði oft
staðið mig að því að reyna sjálfur sannfæra fólk um að Guð væri til — án þess
þó að ég hafi komið mér í að leita hans sjálfur. En svo fann ég mannkorn sem á
stóð eitthvað á þessa leið: Pú sem sem fræðir aðra og segir að eigi megi stela
eða drýgja hór, en gerir það samt sjálfur... Þú sem þannig fræðir aðra, því fræð-
ir þú ekki sjálfan þig?“
„Ég er forfallinn
frelsaður trúar-
ofstækismaðuru

..
s

Mynd: Jim Smart
Mikið vatn hefur runnið til
sjávar í lífi Páls Rósin-
krans, einnar skærustu rokk-
stjörnu íslands, frá því að hann
brá sér vestur um haf eftir ára-
mót ásamt félögum sínum úr Jet
Black. Förinni var nánar tiltekið
heitið á hið árlega rokkmót
South by South-West í Austin í
Texas. Fjögur þúsund bönd
víðsvegar að úr heiminum sótt-
ust eftir að komast á hátíðina,
en aðeins 200 hrepptu hnossið.
Og þar á meðal var íslenska eð-
alrokksveitin Jet Black Joe.
Upphaflega stóð til að fara til
London, en að sögn Páls, sem er
söngvari hljómsveitarinnar,
freistaði tilboðið frá Bandaríkj-
unum meira, enda eru á hátíð-
inni jafnan samankomnir frá öll-
um heimshornum allir þeir sem
með einum eða öðrum hætti
tengjast plötuiðnaðinum. Þótt
óvissa ríkji nú með framtíð Jet
Black Joe var í framhaldi hátíð-
arinnar ráðist í að ræða við
bandarísk plötuútgáfufyrirtæki.
Nú nýverið gerði hljómsveitin
samning í Japan, en hafði fyrir
nokkru gert útgáfusamninga á
Norðurlöndum og í Benelux-
löndunum.
Eigið þið von á að eitthvað
komi út iír þessurn samning-
um í bráð?
„Þetta er allt svo mikil bull og
vitleysa, að það er best að bíða
ekki eftir neinu. Ef maður ætlaði
að vera að pæla í slíku færi mað-
ur nú fyrst í hundana. Það er
bara best að líta það sem happ-
drættisvinning ef eitthvað kem-
ur út úr þessu. Á meðan reynir
maður bara hugsa um sjálfan
sig og það sem maður er að
gera.“
Er ekki rétt að þú dreifir
huganum með því að vinna á
dekkjaverkstœði?
„Jú, góður vinur minn opnaði
fyrir skömmu dekkjaverkstæði
og smurstöð í Garðabænum og
bauð mér að vera með í verk-
efninu. Ég ákvað bara að kýla á
það. Það er auk þess ágætt að
reyna að prófa lifa eðlilegu lífi
og komast í daglega rútínu eftir
allt rokkaralífernið."
Guð sagði mér
að snúa við blaðinu
Það fór í loftið nýverið, að
þú vœrir frelsaður. Hefur
það eitthvað með það að
gera, að þú ert í innsta hring
Krossins sem frœndi söng-
konunnar Sigríðar Guðna-
dóttur og nátengdur forstöðu-
manninum Gunnari Þor-
steinssyni?
„Það er rétt að ég er í innsta
hring fjölskyldunnar, en þetta
fólk hefur síður en svo eitthvað
verið að röfla í mér. Þetta virkar
ekki þannig. Ég trúi því að Guð
sé lifandi og ekki dáinn úr öllum
æðum eins og þorri fólks vill al-
mennt halda. Ég fann það bara
sjálfur, að það var verið að
herja á mig. Guð var að segja
mér að ég þyrfti að snúa við
blaðinu.“
Hvernig kom það til?
„Þetta byrjaði alltsaman á því
að ég fór að finna allskonar
mannakorn, eða ritningarbrot
úr Biblíunni, á gólfinu heima
mér; mannakorn sem komu
væntanlega þangað af sjálfu sér.
Ég hafði oft staðið mig að því að
reyna sjálfur að sannfæra fólk
um að Guð væri til — án þess
þó að ég hafi komið mér í að
leita hans sjálfur. En svo fann ég
mannkorn sem á stóð eitthvað
á þessa leið: Þú sem sem frœðir
aðra og segir að eigi megi stela
eða drýgja hór, en gerirþað samt
sjálfur... Þú sem þannig frœðir
aðra, því frœðir þú ekki sjálfan
þig? Mannakornið endaði á
þessari setningu: Yðar vegna
verður nafn Guðs fyrir lasti með-
al heiðingjanna.. Þetta þýðir
með öðrum orðum, að ég trúði
en gerði síðan tóma steypu
sjálfur."
Frelsaðist þú á einni nóttu?
„Neinei, þetta var lengi að
gerjast innra með mér. Það var
ekki fyrr en fyrir þremur mán-
uðum, að ég byrjaði ég að fara á
samkomur. Það greip mig
svona rosalega.“
Hvað var það —stemmning-
in...?
„Ekki beint stemmningin. Mál-
ið er, að Guð er til. Og ef þú leit-
ar hans af einlægni og trú þá
snertir hann þig. Þá lætur hann
finna fyrir sér. Frelsun gengur
ekki út á, að einhver sé að heila-
þvo einhvern. Það er algjör mis-
skilningur að einhver prestur
geti — af því hann er góður
ræðumaður — troðið einhverju
inn í hausinn á manni. Frelsunin
gerist innra með hverjum og
einum. Eins og Biblían segir er
orð Guðs lifandi og talar til þín
— ef þú ert tilbúinn til þess að
hlusta. Það getur enginn sann-
fært neinn um að Guð sé til.
Hver verður að finna það hjá
sér sjálfur, en þá verða þeir líka
að leita sjálfir."
Ég er hamingjusamur
Hefur trúin breytt lífi
þínu?
„Ég hef aldrei verið betri, ég
er hamingjusamur maður...“
Ertu þá búinn að segja skil-
ið við töffarann í þér?
„Ég er náttúrlega ennþá ég, en
maður er kannski samt að
breytast jafnt og þétt. Það teng-
ist líka bara almennum þroska.
Annar útbreiddur misskilningur
er sá, að fólk almennt heldur að
það að fara á svona ofsatrúar-
samkomur geri það að verkum
að maður megi ekki gera þetta
eða hitt; að maður megi hvorki
drekka né reykja, konur verði
að ganga í pilsi og svo framveg-
is.“
Lifir þú lifir eðlilegu lífi?
„Jájá, en hvað er annars eðli-
legt líf? Málið er það, að maður
fer á svona samkomur til þess
að gefa Guði séns á því að
snerta mann. Það sem við ger-
um er ekki svo mikið á okkar
valdi. Við erum ekki að berjast
við það af því okkur langar til
þess, heldur er Guð að gefa okk-
ur eitthvað af sínu eðli. Mann
fer bara að langa til þess að
gera annað en maður hefur
hingað til gert.“
Ertu þá hœttur að drekka
og reykja?p
„Ég reyki nú ennþá, en ég hef
ekki drukkið í einhverja tvo
mánuði. Það vita það allir, að
fyllerí er tóm vitleysa. Hver ein-
asti kjaftur viðurkennir það.
Hver einasti kjaftur veit líka, að
það er alger vitleysa að reykja.
Og allt það sem er í raun og
veru fyrir okkur í lí/inu er vit-
leysa. En einhverra hluta vegna
gerum við það. Við megum ekki
gleyma því að ástæðan fyrir því
að Jesús Kristur kom á jörðina
er sú, að við gátum ekki gert
það sem við vildum gera. Við
gátum ekki fylgt orðum Guðs;
boðorðunum tíu til dæmis. Við
gátum ekki gengið gegnum
þetta líf án þess að ljúga. Við
gátum ekki gengið gegnum
þetta líf án þess að stela, drýgja
hór eða hvað sem er. Þess
vegna kom Jesús Kristur; til
þess að gefa okkur séns á því að
fá fyrirgefningu. Við réðum ekki
við syndir okkar, þess vegna
biðjum við hann um að gefa
okkur sitt eðli svo að við getum
þroskast. Margir halda að um
leið og þeir skíri barn sitt eigi
það greiða leið inn í himnaríki,
sem er algjör misskilningur.
Hugur verður að fylgja máli.
Það sama á við um fermingar.
Pælið í hræsninni. Það er bara
hræsni að vilja bara gjafirnar og
búið.“
Fermdist ekki — Er auð-
mjúkur maður
Varst þú ekki einn af þeim
sem fermdist til þess að fá
gjafir?
„Ég fermdist ekki einu sinni,
en ég hélt hins vegar veislu og
fékk gjafir. Ég var samt á þeim
tíma löngu búinn að ákveða að
ganga þann veg sem ég er á
núna, en fór svo í uppreisn."
Sœkir þú oft samkomur?
„Að meðaltali tvisvar sinnum
í viku. Þetta er orðið mitt
djamm. Á svona samkomnum
verður fólk drukkið af anda
Guðs í stað þess að þurfa hella í
sig flösku af brennivíni.;.“
Sem sterkur söngvari — yf-
irgnœfir þú ekki allt og alla á
samkomunum?
„Nei, ég er auðmjúkur maður,
en ég hef verið að syngja svolít-
ið gospel. Það er mikið af góðu
tónlistarfólki á samkomum hjá
Krossinum sem sést best á því
að það hafa verið gefnar út
nokkrar plötur á vegum Kross-
ins.“
Ætlar þú að snúa þér að go-
spelsöng?
„Já, það er framtíðaráformið.
Það getur verið að ég syngi inn
á plötu sem líknarfélagið Kross-
götur ætlar að gefa út í sumar.
Það félag hefur líka verið að
gefa út trúarsöngva með
Bjögga, Diddú og fleirum þeim
til styrktar stúlknaheimilinu. Ég
get þó ekki hugsað mér að
syngja tónlist í anda þeirra,
enda snýst gospel um lofjörðar-
texta til dýrðar Guði. Ekki um
einhverja ákveðna tónlista-
stefnu, eða einhverja vitleysu.“
Jet Black Joe og gospel-
tónlistin
Hefur þér tekist að fú fé-
laga þína úr Jet Black Joe til
þess að fremja lofgjörðartón-
list með þér?
„Já, raunar. Ég og Gunnar
Bjami höfum verið að tala um
það okkar á milli, að gera jafn-
vel gospelplötu, en ég býst við
að hún verði gerð í mínu nafni.
Mér finnst ekki passa, að Jet
Black Joe fari allt í einu að
syngja lofgjörðarsöngva Guði til
dýrðar.“
Er kannski stutt í það að þú
fáir Jet Black Joe með þér í
Krossinn?
„Ég skal ekki segja um það.
Hver maður verður að velja fyr-
ir sjálfan sig. Það er allt í bið-
stöðu með hljómsveitina hér
heima þótt verið sé að vinna í
okkar málum erlendis. Sjálfur
stefni ég að því að gera gospel-
plötu fyrir jólin. Það er allavega
draumurinn og ég býst við því
að allir textarnir verði á ensku
sem fyrr. Á meðan ég, söngvar-
inn, er forfallinn og frelsaður
trúarofstækismaður býst ég við
að lítið heyrist frá Jet Black
Joe.“
Eru félagar þínir ekkert
móðgaðir út í þig, að vera
leysa svona upp liljómsveit-
ina?
„Þeir tóku vel í þetta, enda
ekkert nema gott um þetta að
segja. Ef mér líður vel þá eru
þeir ánægðir. Ég er líka sann-
færður um að þeir og fólk al-
mennt veit að það er bæði til
gott og illt, hvernig sem svo-
sem það skilgreinir og réttlætir
það illa gagnvart sjálfum sér.
— En þetta er allt gott og bless-
að.“
Ein skærasta rokkstjarna
íslands, Páll Rósinkrans úr
Jet Black Joe, frelsaöist fyrir
þremur mánuðum og gekk í Kross-
inn. í samtali við Guðrúnu Kristjáns-
dóttir segir hann frá þeirri upplifun
og deilir þeim draumi sínum, að
syngja inn á heila lofgörðarplötu —
Guði til dýrðar — fyrir jólin.