Lesbók Morgunblaðsins - 05.03.1988, Blaðsíða 15

Saab 9000 CD. Hönnun að utan og innan er eftir Bjöm Envall, yfirhönnuð Saab.
Farangursrýmið er mjög stórt. Rúmtak
þess er venjulega mælt í lítrum og
mælist 5121. á Saab 9000 CD. TU hæg-
inda opnast skottlokið niður að stuðara.
þetta hús perla í nútíma arkitektúr, en þar
sem ég hef áður fjallað all ítarlega um það
í Lesbók, verður ekki fjölyrt frekar um það
hér.
Að hluta fór kynningin fram á stóra leik-
sviðinu, þar sem 30 manna dansflokkur
dansaði í tímans takt eftir því sem Saab-
bílum frá ýmsum tímum var ekið inn á svið-
ið; þar á meðal var sænski rallkappinn Eric
Carlsson „pá taget", sem renndi sér inn á
sviðið á fagurrauðum Saab sömu gerðar og
hann sigraði á í Monte Carlo-kappakstrinum
á sjöunda áratugnum. Síðar fékk kappinn
slæmar skrokkskjóður í bflslysi og virðist
illa geta rétt úr bakinu síðan. En skraut-
fjöðrin í þessu öllu saman var sænska stjam-
an Lill Lindfors, sem íslendingar muna
kannski eftir frá því hún var kynnir í evr-
ópsku sönglagakeppninni. Svíar eru svo
hrifnir af Lill Lindfors, að jafnvel Volvo og
Saab falla í skuggann. Milli kampavínsins
og kvöldverðarins gátu menn síðan dundað
sér við að skoða mismunandi lit eintök af
9000 CD á svölum og göngum þessa mikil-
fenglega húss.
„KVALITETSBIL"
Ekki verður því á móti mælt, að þessi
nýi Saab 9000 CD ber sænskri hönnun
og iðnaðarsnilli fagurt vitni. Því var óspart
haldið á loft, að hér væri „kvalitetsbil" -
gæðabíll- en það var í rauninni óþarft;
maður sér það langar leiðir í hvaða dilk ber
að draga þennan grip. Mér fannst ekki sízt
ánægjulegt að sjá, hvað hönnunin er frá-
bær, einkum á mælaborði, sem hefur alveg
sitt eigið svipmót og hefur ekki verið látið
draga dám af þýzka stílnum, sem virðist
stældur um víða veröld. Önnur smáatriði
eins og harðviðarkúla á gírstönginni og
hnota umhverfís mæla í mælaborði eru orð-
in klassísk fyrirbæri sem valkostur í þessum
verðflokki og eru ættuð úr brezkum lúxus-
bflum.
Sætin eru frábær án þess að vera mjög
þykk og þessvegna m.a. er fótarými bæði
að framan og aftan eins og bezt gerist.
Eins og tíðkast hefur um árabil hjá Svíum,
eru sætin upphituð og hægt er að velja um
plussáklæði og leður. Stíll, útlit og frágang-
ur allur að innan verðskuldar ekki annað
en ágætiseinkunn. Stýrið er hægt að draga
að sér; það er fremur lítið að þvermáli eins
og nú tíðkast. Litir eru fagurlega saman
settir; t.d. nýstárlegur grábrúnn litur á
móti brúnni leðurklæðningu að innan.
Einn af valkostunum er tölva (Dcc-Dri-
ver/Co-driver computer) sem sér manni fyr-
ir allskonar upplýsingum, þar á meðal er
viðvörun um að ekið sé of hratt, meðal-
hraða, bensíneyðslu o.s. frv. Einnig er
stjómborð fyrir sjálfvirka hitastillingu (Au-
tomatic climate control) Að sjálfsögu er
snúningshraðamælir og nál sem sýnir hve-
nær forþjappan kemur til skjalanna. Það
gerist fyrr og á lægri snúningshraða, þegar
bíllinn er tekinn af stað; það er flugtakstil-
finning á þeim beinskipta, en við hröðun í
hærri gírunum, t.d. í framúrakstri, finnst
einnig mjög vel þegar forþjappan fer í gang,
enda er aflið ekki skorið við nögl: 175 hest-
öfl, sem að vísu verða 160 með mengunar-
vöm (Catalytic converter), svo sem krafizt
er í sumum löndum. Hægt er að velja um
5 gíra beinskiptingu eða fjögurra þrepa
sjálfskiptingu.
Búnaður sem fylgir
grundvaliargerðinni og
ekki þarf að sérpanta
Diskahemlar - loftkældir að framan
Fimm gíra kassi -beinskipting
Sjálfvirk stjórnun á hægagangi.
Léttmálmsfelgur og hraðakstursdekk.
Þurrkur á afturljósum.
Stillanlegt stýri - fram og aftur.
Rafstýrðir speglar.
Rafstýrðar rúður -miðstýrð læsing.
Rafhituð afturrúða.
Upphituð framsæti -handstýrt.
Skíðalúga gegnum aftursæti.
Punktljós vegna kortalesturs.
Leslampar aftur í.
Hátalarar að framan.
Rafknúin ioftnetsstöng.
Aukabúnaður sem
hægt er að sérpanta:
Sjálfskipting, fjögurra þrepa
Opnanleg glerlúga á þaki
Upplýsingatölva í mælaborði
Sjálfvirkt loftkælingar/hitunarkerfi
Leðurklæðning á sætum.
TímalaustÚtlit
Oft sést, að það er varlegt að treysta
auganu; línur og form geta blekkt. Mér
sýndist eindregið, að Volvc 760 væri bæði
lengri og breiðari en þessi Saab 9000 CD,
sem er þó ekki raunin og Jaguar XJ6 sýn-
ist ekki bara stærri, heldur er hann það:
21 sm lengri og 24 sm breiðari. En sam-
kvæmt staðli úr bflaiðnaðinum (E.P.A. vol-
ume index) sem er mælieining fyrir rýmið
að innan, eru Volvo 76o, Jaguar XJ6, Merce-
des Benz 300, BMW 530 og Audi 200 turbo
allir í milliflokki hvað þetta snertir, en Saab
9000 CD mælist svo rúmur að innan, að
hann telst stór.
Það má segja, að Saab 9000 CD sé beint
framhald af 3—5 dyra 9000 hlaðbaksgerð-
inni. Það sem gerst hefur er í fáum orðum
það, að framendinn hefur fengið aukinn
halla, sem lengir bflinn lítið eitt, en fyrst
og fremst hefur afturendanum verið breytt
í þá veru, að heildarlagið er nú hefðbundið
og komið geysilega rúmgott skott, 512 1
að rúmtaki. Við þetta hefur bíllinn lengst;
CD er 16 cm lengri en upprunalega 9000-
gerðin. Við kynninguna var mikið talað um
„tímalaust" útlit og þá eiga menn við að
reynt hafi verið að forðast skammtíma tízku-
fyrirbæri. Það er rétt svo langt sem það
nær; hitt er svo annað mál, að þessi bíll
eins og allir aðrir er bam síns tíma og því
marki brenndur eins og flestir nýir, að niður-
stöður úr vindgöngum ráða miklu um útlit-
ið. Segja má, að allir sambærilega dýrir
Evrópubflar séu vel teiknaðir. Það verður
því algerlega smekksatriði, þegar menn taka
einn framyfir annan. Það verður þó að segj-
ast, að þótt 9000-gerðirnar báðar séu vel
teiknaðir bflar, hefur Saab tekizt síður en
þeim þýzku að halda í ákveðið svipmót eða
karakter, sem þekkist langt að. Kannski er
það helzt eitthvað á framendanum, sem
uppá vantar og gæti borið með sér sterkara
svipmót; aftur á móti er afturendinn betur
hannaður en hjá flestum ef ekki öllum keppi-
nautunum. Vitaskuld má lengi hafa uppi
vangaveltur um útlit; ég ætla þó, að þeir
verði æði margir, sem hrífast af þessum
grip.
Saab 9000 CD hefur vindstuðul 0,34, sem
telst gott, enda er lítill hvinur í hraðakstri.
Þar að auki er hann búinn nýrri gerð af
belgvíðum dekkjum, sem eiga að draga úr
vegarhljóði. Boddíið hefur verið styrkt frá
9000-gerðinni; þar munar mest um styrk-
leikann frá föstu aftursæti og fleira hefur
verið gert til að styrkja húsið gagnvart þeim
kröftum, sem valda vindingi. Hljóðeinangr-
un hefur verið aukin, enda er CD mun hljóð-
ari en fyrirrennarinn.
í Morgunuómann Var
LagtAfStað
í tilefni kynningarinnar á gæðingnum
höfðu ráðamenn Saab flutt 100 nýja bfla
af CD gerðinni til Nice og margir vegfarend-
ur ráku upp stór augu einn morgunninn,
þegar þeim hafði öllum verið raðað upp við
glæsigötuna Promenade des Anglais. Það
var fagur dagur og bjartur og sólin skein
eins og vera ber á blátt Miðjarðarhafíð og
pálmamir, sem einu sinni voru fluttir inn
frá Afríku, stóðu í sínum röðum og horfðu
á tilstandið.
Ökuleiðin í þessum reynsluakstri var um
250 km vestur eftir héraðinu Province; nán-
ar tiltekið eftir hraðbrautinni til Aix að
mestu, en síðan eftir feykilega krókóttum
sveitavegi um hæðótt, skógi vaxið landslag
unz komið var niður á ströndina austan við
Toulon. Þaðan var ekið aftur austur á bóg-
inn og endað við bflasafnið í skóginum ofan
við Antibes.
Ég hefði helzt kosið að fá beinskiptan
bíl án mengunarvamar, en sá sem okkur
Jóhannesi Reykdal frá DV var úthlutaður,
var sjálfskiptur og með mengunarvöm, sem
dregur dálítið úr honum vígtennumar. Við-
bragðið er að sönnu tilþrifamikið, en engan
veginn þó eins og orðið getur, þegar um
beinskiptan er að ræða og án mengunar-
vamar.
Að öðru leyti er óhætt að segja, að þessi
gæðingur stendur undir öllum væntingum
og er í akstri við allskonar aðstæður eins
og við má búast. Hann er rásfastur, liggur
frábærlega og það má bjóða honum mikið
í kröppum beygjum þar til dekkin fara að
væla. Allt stuðlar það að sérstakri öryggistil-
fínningu, sem verður til að minnka þreytu
þegar ekið er til lengdar og er mikilvægt
öryggisatriði, því þreyta sljóvgar einbeiting-
una. Hann leynir hraðanum að vísu og
140-150 km hraði er ósköp þægilegur ferða-
hraði á hraðbraut. Við 200 km hraða er
dálítið farið að hvína; þó mun minna en við
mætti búast og alltaf er hann jafn stöðug-
ur. Það er líka skemmtilegt út af fyrir sig
að aka honum innan við íslenzk hraðamörk,
þvi það fer svo vel um mann og maður
hefur á tilfínningunni að vera vel varinn,
hvað sem uppá kemur.
Ef eitthvað í sambandi við aksturinn
gæti staðið til bóta - og þá er átt við sjálf-
skiptinguna - væri það helzt, að lággírinn
og spyman em einum um of seinvirk, þegar
sparkað er í botn til þess að skjótast fram-
úr. Á hægri ferð virkar þessi hröðun þó
eins og skot.
Samkvæmt upplýsingum Ágústs Ragn-
arssonar framkvæmdastjóra Saab-umboðs-
ins hjá Globus, éru fyrstu sýningarbflamir
væntanlegir til íslands í apríl og verða sýnd-
ir þá. Ljóst er, að verulegur verðmunur
getur orðið eftir búnaði; þar munar mest
um sjálfskiptingu, leðurklæðningu, ABS-
hemlakerfi og glerlúgu á þaki. Eftir því sem
næst verður komizt, mun grundvallargerðin
af Saab 9000 CD kosta 1.430 þúsund á
núverandi verðlagi.
GÍSLI SIGURÐSSON
LESBÓK MORGUNBLAÐSINS 5. MARZ 1988 15