Lesbók Morgunblaðsins - 25.11.2000, Blaðsíða 17

w
Tony Cragg á bás Bernd Klúser.
Ragna Róberts og Edda Jónsdóttir við verk eftir Þór Vigfússon, Finnboga Pétursson og Hrein Friðfmnsson.
)
1
I
Bláklæddi maðurinn.

Eva og Adele.
Með framtaki sínu er
Edda búin að rjúfa
áratuga einangrun
landsins á vissu
sviði; pessi tilraun
hennar má alls ekki
misheppnastfyrir
einhverja hand-
vömm að heiman.
anna, sem fylgja svona sýningum. Þótt und-
irritaður hefði ekki komið þarna á vettvang í
tíu ár, var samt eins og hann hefði bara
brugðið sér frá í fimmtán mínútur.
Skrautparið sköllótta, Eva og Adele, mætti
rauðklætt til leiks að þessu sinni - og blá-
klæddi maðurinn var líka á staðnum; hann
reyndist vera listgagnrýnandi bandaríska
tímaritsins Artforum International, Knight
Landsman. Þá var ljóst að stuðlarnir og höf-
uðstafirnir voru á sínum stað! Gífurlegur
fjöldi Kölnarbúa fyllti svo sýningarsvæðið og
tók þátt í kaupstefnugleðinni með lista-
heimsfólkinu; veittur var Kölsch í stríðum
straumum og rétta andrúmsloftið tók völdin.
En það sem er aðalfréttin í þessum pistli
er íslenzka þátttakan. ísland var í fyrsta
skipti með gallerí á Art Cologne - og það
ekki seinna vænna áður en tuttugasta öldin
hverfur endanlega af almanakinu, það var
svo sannarlega bjargað í horn á síðustu
stundu.
Gallerí i8 í Reykjavík uppfyllti greinilega
öll þátttökuskilyrði og sýndi með prógrammi
sínu, að það er fyllilega gjaldgengt á þessum
alþjóðlega vettvangi. Strax á opnunardegin-
um voru vinsamlegar umsagnir í Kölnarblöð-
unum, sem íjöliuðu um messuna. Þar var
ekkert minnzt á „álfa, tröll og geysa“, eins
og svo algengt er þegar Þjóðverjar eru að
skrifa eitthvað í blöð um Islendinga; þessi
tónn var blessunarlega horfinn af því að sýn-
ing i8 gaf einfaldlega ekki tilefni til hans. Má
segja að þarna hafi ótrúlega mikilvægum
áfanga verið náð.
Edda Jónsdóttir, sem rekur Gallerí i8,
setti upp litla sýningu á básnum er hún hafði
til umráða. Hún stillti upp verkum eftir
Kristján Guðmundsson, Hrein Friðfinnsson,
Rögnu Róbertsdóttur, Finnboga Pétursson
o.fl. Auk þess Roni Horn og Karin Sander.
Einnig fylgdi kynningai’bæklingur á ensku,
þar sem listafólk gallerísins er kynnt, gefinn
út með stuðningi menntamálaráðuneytisins.
Er það vel að slíkur stuðningur opinbers að-
ila hafi fengizt, því það þarf að hlúa vel að
svona starfsemi a.m.k. í upphafinu. Kostnað-
urinn við þetta fyrirtæki er talsverður og
það er alls ekki hægt að sjá fyrirfram hvort
ágóði af sölu nái upp í hann. En þetta tæki-
færi að vera með er svo mikilvægt, að það er
ekki annað hægt en að hvetja íslenzk fyrir-
tæki ( með óflekkað mannorð ) til að fara á
stúfana og kanna með hverjum hætti þau
geta lagt hönd á plóginn. Með framtaki sínu
er Edda búin að rjúfa áratuga einangrun
landsins á vissu sviði; þessi tilraun hennar
má alls ekki misheppnast fyrir einhverja
handvömm að heiman.
Prógramm Gallerís i8 byggist ekki ein-
göngu á íslenzku listafólki, og er það styrkur
þess að þekktir erlendir listamenn koma þar
og við sögu. Þar er þáttur Roni Horn ekki
lítilvægur, því hún er komin í stjörnuverð-
flokk og galleríinu þess vegna ómetanleg
lyftistöng.
Aðspurð sagði Edda, að þegar væri verið
með Richard Long og Roni Horn, þá sæi
fólk að þetta væri í alvöru. Lét hún ágæt-
lega af undirtektum, það væri búinn að vera
látlaus straumur venjulegra sýningargesta
og listaheimspersónuleika. Messuþátttakan
hefði opnað ný og fjölbreyttai’i sambönd inn
í völundarhús listaheimsins. - Mikilvægi -c
svona kaupstefna er ekki hvað sízt sambönd-
in sem nást við annarra þjóða gallerí og sýn-
ingarforkólfa á safnastiginu. Gallerí i8 er
búið að „stimpla sig inn“ í þennan heim
listamarkaðarins, sem listamennirnir geta
ekki án verið. Halaði Edda inn mörg sýning-
artilboð fyrir listafólk sitt.
í lokafrétttilkynningu messunnar sagði að
listamarkaðurinn blómstraði sem aldrei fyrr
á undanförnum árum. Um 70 þúsund gestir
sóttu Art Cologne 2000 heim og gífurleg al-
menn sölustemmning ríkti í verðllokkum
upp að tíu þúsund mörkum. Árangur flest-
allra gallería fór fram úr björtustu vonum. }
Dýrasta verkið fór á 950.000 DM, jafnvirði
röskra 37 milljóna króna. Það var eftir
Ernst-Ludwig Kirchner. Næst komu verk
eftir Lyonel Feininger, sem voru á bilinu
400 til 560 þúsund DM.
Fyrir Köln er heimurinn í réttum skorð-
um.
LESBÓK MORGUNBLAÐSINS - MENNING/USTIR 25. NÓVEMBER 2000 1 7