Alþýðublaðið - 02.07.1983, Blaðsíða 22

22
Laugardagur 2. júlí 1983
Félag ungra
jafnaðarmanna í Reykjavík
Leshringur FUJ að störfum.
Þessi síða sem hér birtist er kynningarsíða fyrir Fé-
Iag ungra jafnaðarmanna í Reykjavík. Kynnt er starf-
semi félagsins bæði nú og áður fyrr. Þá fylgir einnig
inntökubeiðni í félagið. Þeir sem hafa hug á að gerast
félagar eftir lestur þessarar síðu eru beðnir um að
senda hana að Hverfisgötu 106a eða skrifstofu Al-
þýðuflokksins og verður þá haft samband við þá sem
fyrst.
Hvað er FUJ
F.U.J. — Félag ungra jafnaðar-
manna í Reykjavík er pólitísk
ungmennasamtök sem berjast
fyrir framgangi jafnaðarstefn-
unnar á íslandi. í lögum félagsins
segir: „Markmið félagsins er að
berjast fyrir útbreiðslu jafnaðar-
stefnunnar á grundvelli lýðræðis
og þingræðis og vekja áhuga
æskumanna og — kvenna á mikil-
vægustu viðfangsefnum alþýð-
unnar og verkalýðssamtakanna í
landinu í samræmi við stefnuskrá
Sambands ungra jafnaðarmanna
(SUJ).
Starfsemi
Starfsemi félagsins fer fram í
formi félagsfunda ráðstefna,
nefndarfunda, leshringa en ekki
er einungis rætt um pólitík heldur
er hún stundum lögð til hliðar svo
sem á skemmtikvöldum og í
ferðalögum.
Nefndafundir: Helstu nefndir
eru utanríkismálanefnd, verka-
lýðsmálanefnd ferða- og
skemmtinefnd og einnig útgáfu-
nefnd. í nefndunum koma menn
saman í smá hópum og ræða mál-
in ítarlega eða framkvæma eitt-
hvert ákveðið áhugamál sem feil-
ur undir starfsemi nefndarinnar.
Þær nefndir sem mestur áhugi
hefur verið fyrir eru utanríkis-
málanefnd sem kom mjög vel
undirbúin til síðasta sambands-
þings. Útgáfunefnd sem þegar
hefur gefið út eitt stórt blað í
12000 eintökum ásamt 3tbl^af
félagsblaðinu Árroða og er nú að
leggja drög að öðru blaði sem ætl-
un er að koma út í haust. Ferða-
og skemmtinefnd hefur séð um
skemmtikvöld, „opið hús“ og
ferðalög félagsins.
Á skemmtikvöldum koma
menn saman oftast á laugardags-
kvöldum, með það fyrir augum
að skemmta sér og öðrum og er þá
oft tekinn upp gítar eða skemmt
sér á einhvern annan hátt og síðan
er skemmtuninni haldið áfram á
einhverju af danshúsum borgar-
innar.
í leshringjum lesa menn saman
bækur og rit um stjórnmál og
hugmyndafræði, ræða innihaldið
og reyna að brjóta það til mergjar.
Nú er verið að ræða bókina jafn-
aðarstefnan eftir G.Þ.G.
Eitt af því alvinsælasta í starfi
F.U.J. hefur verið hið svokallaða
„Opið hús“. Þau eru haldin á
þriðjudagskvöldum og er dagskrá
ekki fastmótuð fyrirfram, heldur
hittast menn og ræða málin yfir
tafli, spilum o.fl. Þetta er tilvalið
tækifæri fyrir félagsmenn til að
kynnast og skiptast á skoðunum
um menn og mélefni.
F.U.J. — S.U.J.
Alþýðuflokkurinn
F.U.J. í Reykjavík er aðili að
S.U.J. — Sambandi ungra jafnað-
armanna og kýs félagið fulltrúa á
sambandsþing sem haldin eru
annað hvert ár. Þar eru stefnumál
ungra jafnaðarmanna ákveðin og
ályktanir samþykktar ásamt
kosningu til embætta sambands-
ins. Stjórn S.U.J. er skipuð 7
mönnum en einnig er kosið í 3
nefndir stjórnmálanefnd, verka-
lýðsmálanefnd og utanríkismála-
nefnd. Þær sjá um póitíska um-
Sumardagskrá F.U.J.
1. Sumarferð FUJ að Hítárvatni helgina 1-3. júlí.
2. 9. júlí skemmtikvöld.
3.18. júlí opið hús. (
4. Þórsmerkurferð í byrjun ágúst.
5. Félagsfundur mánudaginn 8. ágúst.
6. Leshringur mánudaginn 15. ágúst.
Einnig veröa nefndarfundir á dagskrá en þeir
verða auglýstir síöar éins og öll önnur dagskrá
FUJ.
fjöllun á milli sambandsþinga. Á
sambandsþingum eru kosnir full-
trúar S.U.J. á flokksþing Alþýðu-
flokksins. Félagið hefur einnig 10
fulltrúa í fulltrúaráði Alþýðu-
flokksins í Reykjavík, og tvo
menn í stjórn fulltrúaráðsins.
Stefnumál
Félag ungra jafnaðarmanna er
stjórnmálahreyfing sem starfar á
grundvelli jafnaðarstefnunnar,
sem byggir á hinni alþjóðlegu
hugmyndafræði sosialismans, og
er í skipulagslegum tengslum við
Alþýðuflokkinn. Jafnaðarmenn
berjast fyrir frelsi, jafnrétti, og
bræðralagi, gegn einræði, kúgun,
og auðvaldi.
Jafnaðastefnan felur í sér hug-
sjónir lýðræðis, og félagshyggju.
Með félagshyggju er átt við, að
framleiðsla og dreifing lífsgæða
mótist af samvinnu og samstöðu.
Með lýðræði er átt við rétt allra
manna til þátttöku í ákvörðunum,
sem varða þá sjálfa sem félaga í
heild.
Félagshyggja og lýðræði eiga
sameiginlega grundvallarhug-
sjón. Sú hugsjón er jafnrétti.
Jafnaðarstefnan er jafnréttis-
stefna, sem berst gegn forréttind-
um í hvaða mynd sem þau birtast.
Hún er tæki þeirra, sem engra for-
réttinda njóta í baráttunni gegn
forréttindahópunum. Sú stétt sem
jafnaðarmenn berjast gegn, er hin
samtvinnaða og samtryggða
valdastétt, sem ræður yfir fjár-
magni og hlunnindum, og mis-
notar aðstöðu sína í eigin þágu, en
býr við takmarkað lýðræðislegt
aðhald.
Ágrip af sögu FUJ
Fyrsta félag ungra jafnaðar-
manna var stofnað í Reykjavík 8.
nóvember 1927. Snemma var tek-
inn upp sá siður að gefa út skrifað
blað innan félagsins, málgagnið
„Árroða“. Félagið hóf ennfremur
útgáfu prentaðs blaðs, er hlaut
nafnið „Kyndill“. Hóf það göngu
sína í mars 1928, og hélt félagið
því uppi til 1930, er S.U.J. tók við
útgáfu þess.
Fyrstu árin voru fundir félags-
ins nær eingöngu umræðufundir,
þó á stundum væru flutt þar
fræðandi erindi. Voru fundir
þessir fyrst og fremst deilufundir,
þar sem kommúnistar og alþýðu-
flokksmenn áttust við. Segja má,
að deilum innan félagsins væri
lokið, þegar kommúnistar viku
burtu, en þá færði félagið funda-
starfsemi sína í annað og betra
horf. Skiptust nú á umræður-
fundir um félagsmál og hags-
munamál æskunnar og skemmti-
og fræðslufundir.
Félagið gerði eitt sinn tilraun
með lesstofu, en hún lagðist því
Reiptog milli FUJ félaga í einni sumarferð þeirra hér á árum áð-
ur.
FUJ í Reykjavík starfrækti leikskóla um 2-3 ára skeið rétt fyrir
1950. Leikflokkur félagsins sýndi leikrit víða á suðvesturlandi að
sumarlagi. Á myndinni má sjást í hlutverkum Guðmundur Þor-
steinsson formaður félagsins og Jósep Helgason.
miður niður. En veturinn 1931 —
32 tókst að safna allmiklu af bók-
um hjá einstökum mönnum og
stofnunum, og var bókasafn þá
sett á laggirnar. Sama vetur tókst
einnig að stofna fyrsta talkór fé'-
lagsins fyrir forgöngu nokkurra
félaga, er tóku sig saman um
framkvæmdir. Talkór þessi æfði
nokkuð stórt verkefni, og voru
þátttakendur röskir 40. Talkórinn
kom aldrei fram opinberlega, en
þessi byrjun á merkum þætti
félagsstarfsins hafði geysileg' á-
hrif í þá átt að lífga félagsstarfið.
Síðan var starfsþætti þessum
haldið áfram og talkórsstarfssem-
in óx og þróaðist um skeið.
Auk fræðsluerinda, bókasafns
o.þ.h. gerði félagið jafnframt til-
raunir með frekari fræðslu í
námshópum.
Haustið 1946 varð herverndar-
samningurinn við Bandaríkin
töluvert hitamál innan F.U.J. í
Reykjavík, og má e.t.v. segja að
enn eimi eftir af þeim deilum.
Á öðrum áratug félagsins álykt-
uðu S.U.J. og F.U.J. að hefja sam-
eiginlegan undirbúning undir það
að komið yrði á fót erindrekstri út
um land í því skyni að stofna félög
ungra jafnaðarmanna og hleypa á
þann hátt nýju blóði í þau félög
sem til staðar voru. Hefur svipuð
hugmynd skotið upp kollinum hjá
F.U.J. á þessu ári.
F.U.J. í Reykjavík starfrækti
leikskóla um 2-3 ára skeið rétt
undir 1950. Leikflokkur félagsins
sýndi síðan leikrit víða á Suðvest-
urlandi að sumarlagi.
Málfundafélag var einnig starf-
andi innan félagsins um tíma.
Félagið gekkst eitt sinn fyrir
bílahappdrætti sem gekk vel, og
einnig var félagsheimilið BURST
rekið í nokkur ár.
Sumarstarfi hefur félagði ætið
reynt að halda uppi, skemmtiferð-
um, útilegum og því líku.
(Nú er starfandi innan F.U.J.
leshringur, ýmsar nefndir, og
einnig er vaxandi blaðaútgáfa á
vegum félagsins. Skemmtikvöld
eru haldin annað veifið og farið í
útivistarferðir.)
Að lokum má geta þess, að nú-
verandi stjórn félagsins hyggst
hleypa endurnýjuðum krafti í
þetta gamla og góða félag, og
heitir á alla velunnara þess og
stuðningsmenn að leggja því lið í
orði og athöfn.
Inntökubeiðni í Félag ungra jafnaðar-
manna Reykjavík
Nafn: ___________________________________
Heimili: ________________________________
Sími: ____________________________________
Atvinna: _________________________________
Það sem ég hef mestan áhuga á í félags-
starfinu: '