Alþýðublaðið - 03.10.1987, Blaðsíða 10

10
Laugardagur 3. október 1987
MPYÐUBIMÐ
Sfmi: 681866
Útgefandi: Blaö hf.
Ritstjóri: Ingólfur Margeirsson.
Ritstjórnarfulltrúi: Jón Daníelsson.
Blaðamenn: Ingibjörg Árnadóttirog Kristján Þorvaldsson.
Umsjónarmaóur
helgarblaðs: Þorlákur Helgason.
Framkvæmdastjóri: Valdimar Jóhannesson.
Skrifstofa: Halldóra Jónsdóttirj Eva Guömundsdóttir,
Þórdís Þórisdóttir, Olöf Heióur Þorsteinsdóttir
og Guölaugur Tryggvi Karlsson.
Setning og umbrot: Filmur og prent, Ármúla 38.
Prentun: Blaðaprent hf., Siðumúla 12.
Áskriftarsíminn er 681866.
Enn vex Alþýðublaðið
Alþýðublaðið heldur áfram að vaxa og taka á sig nýjan
svip. í vor var útliti blaðsins breytt og meðal annars hann-
aður nýr haus á blaðið. Helgarútgáfa blaðsins var efld og
efnisvalið gert fjölbreyttara. í leiðara Alþýðublaðsins þ. 14.
apríl s.l. sem fylgdi endurbættu blaði úr hlaði, sagði með-
al annars: „Þessar breytingar á Alþýðublaðinu er liður í
átaki að skipa blaðinu aftur á tilhlýðilegan sess meðal
dagblaða á íslandi en á undanförnum árum hefur útgáfa
blaðsins verið í láginni og hefur það varla farið framhjá
lesendum og almenningi." í sama leiðara gaf einnig að
lesa: „Útgáfa Alþýðublaðsins verður ekki bætt og aukin á
einni nóttu. Breytingarnar munu standa fram eftir sumri
og vonum við að endurbætt útgáfa Alþýðublaðsins mæl-
ist vel fyrir hjá lesendum blaðsins."
Lesendurblaðsins hafatekið breytingunum áblaðinu vel
og við teljum okkur hafa fengið góðan hljómgrunn meðal
almennings og samkeppnisfélaga okkar. Nú er hins vegar
komið að næsta skrefi í uppbyggingu blaðsins.í dag kem-
ur nýtt og endurbætt helgarblað Alþýðublaðsins fyrir
sjónir lesenda. Helgarblaðið verður framvegis gefið út
reglulega á laugardögum, 24 síður að stærð og mun leit-
ast við að veita lesendum alhliða upplýsingu, fræðslu,
skemmtun og umhugsun. Meginmálsletri Alþýðublaðs-
ins hefur verið breytt, svo og öllum gerðum fyrirsagna, og
dálkastrik tekin upp. Við höfum með öðrum orðum teikn-
að útlit Alþýðublaðsins upp á nýtt. Ráðinn hefur verið sér-
stakur umsjónarmaður að helgarblaði Alþýðublaðsins,
Þorlákur Helgason og býður Alþýðublaðið hann velkom-
inn til starfa.
En við ætlum ekki að láta staðar numið við myndarlegt
helgarblað. Strax eftir helgi stækkum við Alþýðublaðið
um helming — úr fjórum síðum í átta, jafnframt sem við
stóraukum við okkur lesefni og stórfjölgum föstum penn-
um Alþýðublaðsins. Mörgfftm finnst ef til vill átta síður
harla lítil lesning þegar dagblað er annars vegar. Við telj-
um hins vegar að búa megi til vandað og hnitmiðað átta
siðna dagblað; og sjáum reyndar þann kost við slíkt blað
að það þreytir ekki lesendur sínar á tilgangslausu fletti
gegnum auglýsingar og froðudálka. Alþýðublaðið mun
leggja metnað í að koma fréttum og fréttaskýringum svo
og baksviði þjóðlífs umbúðarlaust til lesandans. Það er
engin tilviljun að við höfum valið slagorðið: Alþýðublaðið
— beint að kjarnanum.
Jafnframt þvl sem við höfum breytt blaðinu, stækkað það
og eflt, förum við nú með afurðina út á markaðinn í meira
mæli en hingað til hefur tlðkast. Alþýðublaðið hefur und-
anfarin ár verið aðeins fáanlegt f áskrift að einstaka sölu-
stað undanskildum. Frá og með þessari helgi verður Al-
þýðublaðið fáanlegt í lausasölu áöllum blaðsölustöðum
landsins, alla daga vikunnar auk þess sem blaðið er að
sjálfsögðu selt í áskrift. Umræddum leiðara þ. 14. apríl s.l.
lauk með eftirfarandi orðum: „Þær breytingar sem unnið
er að, miða fyrst og fremst að því að gera blaðið aðgengi-
legra, áhugaverðaraog skemmtilegrafyrir lesendurna, því
það er kaupendum blaðsins sem ritstjórnin á fyrst og
f remst að þjóna. Þess vegna vonum við að lesendur okkar
taki breytingunum á Alþýðublaðinu með jákvæðu hugar-
fari og hjálþi okkur með ábendingum og skrifum til að
stuðla að bættu og efnisrikara blaði.“ Þessi orð eiga enn
við.
ÖNNUR SJÓNA RMIÐ
EINN slyngasti stjórnmála-
maður landsins, Steingrímur
Hermannsson, forsætis ...,
fyrirgefiö, utanríkisráöherra,
er ómyrkur I máli þessa dag-
ana. Steingrímur er farinn aö
boöa utanríkisstefnu íslend-
inga meö þeim hætti aö eftir
er tekið, alla vega á íslandi.
Ljóst er af yfirlýsingum
Steingríms síóustu daga og
vikur aö gamla utanríkis-
stefnan hans Geirs Hall-
grimssonar sem ráóið hefur
ferðinni síöan Geir steig úr
stóli utanríkisráðherra, er nú
úr sögunni. Ekkert meira
kanadekur og hjáseta á Sam-
einuðu þjóðunum. Aldrei aft-
ur aö biða eftir því hvernig
hin Norðurlöndin greiða at-
kvæði og síðan að gera slikt
•hið sama. Nei, Steingrímur
vill hysja upp sjálfsvirðingu
íslendinga á alþjóðaþingum
og það er vel i sjálfu sér. Sér-
staklega er það gott fyrir
Steingrím og Framsóknar-
flokkinn, því þetta er pólitík
sem landinn kann að meta. í
Tímanum í gær er vitnað i
ræðu Steingrfms sem hann
hélt í vikunni á hádegisverð-
arfundi hjá Landssambandi
framsóknarkvenna. Stein-
grimur sagði meðal annars:
„Ég sætti mig ekki við það
að Isiendingar sitji hjá við til-
lögu sem komið hefur fram frá
Svíum og Mexíkönum á vett-
vangi Sameinuðu þjóðanna
um svokallaöa frystingu
kjarnorkuvopna, sem er i
raun bann við tilraunum með
kjarnorkuvopn." Og Stein-
grimur lætur ekki þar við
sitja: „Ég er þeirrar skoðunar
að smáriki eigi ekki aðeins
rétt á að reyna að hafa þau
áhrif og afskipti af alþjóða-
málum sem það getur, heldur
beri því í raun skylda til
þess.“ Steingrímur vill að
rödd íslands heyrist í sem
flestum alþjóðamálum, að
við eigum ekkert að fallast
sjálfkrafa á það álit sem vinir
okkar hafa á ýmsum málum,
að við eigum þó að vera
áfram í Atlantshafsbandalag-
inu og eigum að vera fylgj-
andi frjálsri alþjóðaverslun.
Nú verður spennandi að fylgj-
ast með Steingrimi á þingi
Sameinuðu þjóðanna I fram-
tiðinni. Mun hann nota skó-
inn eins og Krúsjoff forðum?
Hvað gera stóru Ijónin og
tígrisdýrin þegar hvutti frá ís-
landi geltir voffvoff? Ef les-
endur vilja fræðast nánar um
sjónarmið Steingrims Her-
mannssonar er þeim bent á
að fletta upp á blaðsíðu 40 í
Alþýðublaöinu í dag þar sem
birt er ítarlegt viðtal við utan-
ríkisráðherrann.
ÞAÐ er mikil og góð mór-
ölsk visbending til ríkis-
stjórnarinnar að lesa Tfmann
í gær. Þar stendur stórum
stöfum að hundar og kettir
búi saman í dýraspítalanum
Kattholti. Upphaflega var
nefnilega gert ráð fyrir þvi að
Kattholt hýsti einungis ketti
eins og nafnið bendir reyndar
til. En líkt og í rikisstjórnar-
mynduninni, þegar Alþýðu-
flokkurinn og Sjálfstæðis-
flokkurinn hlutu ekki at-
kvæðastyrk til að mynda ein-
ir ríkisstjörn, varð að hleypa
hundunum einnig inn, því
hundar þurfa einnig geymslu
og aðstöðu til meðhöndlunar.
Þau sjónarmið ríkja á Katt-
holti að kettir geti vel búið
þétt upp við hunda og dýra-
læknar sem leitað hefur verið
álits hjá, telja engin vand-
kvæði á slíkri sambúð og eru
mjög hlynntir þessari hug-
mynd. Kattavinir verða hins
vegar að átta sig á að hundar
gelta og eru þurftafrekir á
mat. En allflestir eru góðir
fjárhundar.
ÓTRÚLEGUSTU menn
eru orðnir að framsóknar-
mönnum. Þannig er að sjá að
Haraldur Blöndal, lögfræð-
ingur, gamall og gegn fylgis-
maður Sjálfstæðisflokksins,
sé genginn yfir til Steingríms
og kó. Haraldur skrifar grein í
DV i gær, þar sem hann
skammar Sjálfstæðisflokkinn
og þó einkum ritstjóra Morg-
unblaðsins fyrir aumingja-
skap í hvalamálinu og tepru-
skap gegn aðalandstæðingi
fslenska lýðveldisins þessa
KjaHariim
Haraldur Blöndal
^ lögfræðingur
Er Haraldur Blöndal genginn i
Framsókn?
Steingrímur: Voffvoff á
Sameinuðu þjóðunum?
„Hvalireru greindari en
margir Bandaríkjamenn, skrif-
ar lögfræðingurinn og eru nú
menn hættir að skilja hvað
snýr upp og hvað niðu-“ Har-
aldur lofar einnig Steingrím
Hermannsson i hástert og
rómar þjóðlegt stolt hans en
niðir skóinn af Sjálfstæðis-
mönnum fyrir að ganga ekki
lengur uppréttir: „Sjálfstæð-
ismenn hafa vanist því að for-
ystumenn flokksins gangi
uppréttir og sjálfstæðismenn
skiljaekki hvað mönnum
gengur til sem tilbúnir eru að
fórna öllu ef varnarliðið er
annars vegar.“ En klikkjum út
með lýsingu lögfræðingsins
á meintum tvískinnungs-
hætti Bandaríkjamanna.
Klausan er reyndar á við þrjár
Keflavikurgöngur:
„Tvískinnungsháttur
Bandarikjanna er svo
öllum Ijós. Þeir hafa
barist fyrir því að eski-
móar i Alaska fái að
drepa gráhval, en sú
hvalategund er í hvað
mestri útrýmingar-
hættu. Þetta hafa þeir
fengið m.a. með stuðn-
ingi fylgiríkja sinna í
Alþjóða hvalveiðiráð-
inu. Þetta er byggt á
því að verið sé að
vernda þjóðlega menn-
ingu. Eskimóarnir þurfa
ekkert á þessum veið-
um að halda — það eru
veiddir of margir hvalir
og þegar vertíðin hefst
koma eskimóarnir í
skinnfötum og láta
Ijósmynda sig og drepa
siðan hvalina á fornan
hátt með sveðjum og
lagvopnum. Eftir veið-
arnar fara eskimóar sið-
an aftur f gallabuxurnar
sinar og aka brott í
amerlskum köggum og
drekka budweiser en
Ijósmyndarar geta ekki
haldið vatni yfir vernd-
un þjóölegs arfs.“
Alþýðublaðið
25 þúsund eintök um helgar
Átta síður daglega og kemur beint að kjarnanum
Frá og með deginum í dag
kemur helgarblað Alþýðu-
blaðsins út i 24 siðum á
hverjum laugardegi og að
sjálfsögðu sprengfullt af
góðu og skemmtilegu les-
efni. Helgarblað Alþýðublaðs-
ins er prentað ( 25 þúsund
eintökum, dreift til áskrif-
enda og selt í söluturnum
um land allt. Auk þess mun
standa yfir sérstök kynning-
ardreifing næstu vikurnar, og
blaðið borið í einstök hverfi á
Stór-Reykjavíkursvæðinu.
Jafnframt því sem að Al-
þýðublaðinu vex fiskur um
hrygg á laugardögum, stækk-
ar Alþýðublaðið um helming
á virkum dögum, úr 4 síðum í
8. Fyrsta tölublað í nýju formi
kemur út þriðjudaginn 5.
október og verður Alþýðu-
blaðið frá og með helginni í
sölu í söluturnum um land
allt, alla daga vikunnar. Við
vonum að nýtt og betra Al-
þýðublað fái góðar viðtökur á
markaði. Við trúum þvi að
hægt sé að gefa út vandað
og meitlað dagblað án þess
að eyða tíma lesenda um
of í að fletta sig þreytta í leit
að efni. Alþýðublaðið er blað-
ið sem kemur beint að kjarn-
anum.