Alþýðublaðið - 10.12.1988, Side 4

4
rr.r *- ---- Þ- C5 ► - . •* C r~.»> *o; *
Laugardagur 10. desember 1988
Til og með
16. desember
næstkomandi
getur þú lagt inn á
Afmælisreikning
Landsbankans
og fengið
7,25% ársvexti
umfram verð-
tryggingu næstu
15 mánuðina.
Landsbanki
íslands
Banki allra landsmanna
FRÉTTASKÝRING
Ómar Friðriksson
skrifar
Yfirlýsingar utanrikisráðherra í PRESSUNNI um athugun á NATO-flugvelli i Aðaldal vekja snögg viðbrögð hjá
samgönguráðherra. NATO vill gera forkönnun fyrir byggingu 3000 metra varaflugvallar við Húsavík en frestur-
inn fyrir islensk stjórnvöld til að ákveða sig er aö renna út. Mynd/JS-Húsavík.
Varaflugvallarmálið
STEINGRÍMUR ÁKVEÐUR
M
ISLENSKA LAUSN
ii
í gær boðaði Steingrímur
J. Sigfússon, samgönguráð-
herra, til fréttamannafundar
um varaflugvallarmálið. Þar
tilkynnti hann þá ákvörðun
sína að óska eftir því við flug-
málastjóra, að unnar verði til-
lögur um uppbyggingu flug-
valla, sem þjónað geti sem
varaflugvellir fyrir millilanda-
flug íslendinga og almennt
farþegaflug. Með öðrum orð-
um þá vill ráðherra útiloka
samstarf við NATO um bygg-
ingu vallarins — hin ,,ís-
lenska lausn“ flugráðs frá i
sumar verði hins vegar ofaná.
í sumar gerði flugráð meg-
insamþykkt sína í varaflug-
vallarmálinu þar sem segir að
nýja flugbrautin á Egilsstöð-
um verði frá upphafi miðuð
við 2400 m. lengd og því
framtíðar varaflugvöllur
landsins. Þar sem nýja flug-
brautin á Egilsstöðum verður
væntanlega ekki tilbúin fyrr
en á árinu 1991, ákvað flugráð
að jjjónusta á Akureyrarflug-
velli verði hið fyrsta aukin. Á
næsta ári verði lokið ýmsum
lagfæringum er þetta varðar.
Á fundi sl. þriðjudag var
svo samþykkt í flugráði að
beina þeirri ósk til flugmála-
stjórnar að taka saman grein-
argerð um einstök atriöi s.s.
um kostnað við að lengja
þjónustutíma, hvaða breyt-
ingar þurfi að gera á braut,
flughlaði o.fl., svo Akureyrar-
flugvöllur geti gegnt því hlut-
verki að sinna þörfum áætl-
unar- og leiguflugs til og frá
íslandi sem varaflugbraut þar
til Egilsstaðavöllur kemst í
gagnið. í aðalatriðum rúmast
þessi framkvæmdaáform
innan núgildandi flugmála-
áætlunar.
VIÐBRÖGD STEINGRÍMS
Þegar þetta er haft í huga
vakna spurningar um tilefni
og tilgang þeirrar ákvöröunar
sem samgönguráðherra
kynnti fréttamönnum í gær.
Viðbrögð Steingríms eru
augljóslega til komin vegna
yfirlýsingar utanríkisráðherra
i Pressunni s.l. fimmtudag
þar sem hann segir að athug-
un á hugsanlegri tjármögnun
Mannvirkjasjóðs NATO á
varaflugvelli við Húsavík sé
nú í gangi í ráðuneytinu. í
viðtalinu við Pressuna segir
Jón Baldvin að ef islendingar
vilji fá þetta verkefni þá beri
mönnum að flýta sér að taka
ákvörðun um hvort Banda-
ríkjaher verði veitt heimild til
að gera forkönnun á aðstæð-
um hér á landi — ella hverfi
verkefnið úr landi.
Á fréttamannafundinum
vék samgönguráðherra sér
hjá því að ræða út um yfirlýs-
ingar Jóns Baldvins en sagði
aðspurður að athugun utan-
ríkisráðherra á málinu væri
innanhússmál í utanríkis-
ráðuneytinu. Samstarf við er-
lenda aðila á sviði hernaðar
hefði verið lagt til hliðar I
samgönguráðuneytinu og að
öll samgöngumannvirki utan
varnarsvæðanna heyrðu lög-
um samkvæmt undir sam-
gönguráðherra.
í gær sagði Steingrímur þó
I Nýju helgarblaði að yfirlýs-
ingar Jóns Balvins gæfu til-
efni til að taka málið upp I
ríkisstjórn. Auk þess sendir
hann Pressunni tóninn fyrir
það að taka þetta mál upp,
ásakar blaöið um „gula
fréttamennsku" og segir það
vera málgagn utanríkisráð-
herra, af einhverri ástæðu.
FRESTURINN AÐ RENNA ÚT
í Pressunni var greint frá
ýmsum hliöum varaflugvallar-
málsins og sýnt fram á að
hugsanlegt samstarf við
NATO væri enn I gangi þrátt
fyrir pólitíska andstöðu innan
ríkisstjórnarinnar. Þar kom
einnig fram að íslensk stjórn-
völd verða að gera það upp
við sig á næstu mánuðum
hvort þau kæra sig um að
NATO byggi flugvöllinn, þ.e.
fyrsta skrefið I þá átt væri að
veita heimild til forkönnunar
fyrir slíka framkvæmd. Þá
kom fram I frétt Pressunnar
að áætlanir NATO og frum-
kannanir sem þegar hafa
verið gerðar sýna að gera
megi ráð fyrir því að herþotur
bandalagsrlkjanna muni nota
sllkan völl að einhverju leyti
á friðartímum s.s. til æfinga-
flugs. Utanrlkisráðherra hefur
aftur á móti tekið það skýrt
fram aö þó svo að NATO
byggi völlinn verði hann „Is-
lenskur" að öllu öðru leyti og
ekki á neinn hátt tekinn til
hernaðarnota nema á ófriðar-
tímum.
Þessi yfirlýsing Jóns Bald-
vins sýnir auðvitað að þetta
er það skilyrði sem hann vill
setja fram I viðræðum við At-
lantshafsbandalagið. Það
kom líka fram I viðtali Press-
unnar að þær athuganir sem
nú standa yfir beinast að því
að kanna hvort um nokkur
skilyrði sé að ræða varðandi
stjórnun eða nýtingu vallar-
ins á f.riðartimum af hálfu
Mannvirkjasjóðsins.
ÚRSLITASTUNDIN AÐ
RENNA UPP
Engar ákvarðanir hafa verið
teknar og þó stjórnvöld sam-
þykki að leyfa forkönnun þýö-
ir það engan veginn að NATO
fái heimild til að byggja völl-
inn. Mikill áhugi er á því að
af þessu geti orðið því hér
yrði um mjög fullkominn
flugvöll að ræða. Það sem
gerir pólitíska hlið málsins
öllu óþægilegri fyrir sam-
gönguráðherra er sú stað-
reynd að fyrir norðan er
áhugi mjög mikill fyrir því að
fá þá fullkomnu flugvallar-
aðstöðu sem NATO býður og
þá ekki síst þau umsvif sem
fylgja fullkomnum varaflug-
velli fyrir millilandaflug í
Aðaldal.
Á næstu mánuðum getur
þetta orðið átakamál innan
ríkisstjórnarinnar. I Pressunni
kom fram að í ferð sinni í
Brussel hyggst Jón Baldvin
afla frekari upplýsinga um
skilyrði og hugmyndir NATO.
Fresturinn er að renna út og í
byrjun næsta árs ræðst það
að öllum líkindum hvort hér
verður byggður varaflugvöllur
á hernaðarnótum eða ekki.
Það er komið að úrslita-
ákvörðun í þessu áratuga-
gamla deilumáli.