Morgunblaðið - 24.06.2001, Blaðsíða 5
MORGUNBLAÐIÐ SUNNUDAGUR 24. JÚNÍ 2001 B 5
VÍÐA að berast fréttir um góða sil-
ungsveiði, ekki hvað síst í Þingvalla-
vatni þar sem gríðarlega mikil
bleikja og væn í bland sveimar um
víkur og voga. Þá eru menn að fá
góðskot á ósasvæðum sjóbleikjuáa.
Bleikjan er ekki farin að ganga fram
árnar, en rennir sér upp í ósinn og
svo út aftur með sjávarföllunum. Sé
rétta agnið undir, hafa menn fengið
hörkuveiði., t.d. í Lónsá í Þistilfirði,
Fögruhlíðará í Héraðsflóa og
Breiðadalsá.
Bleikja í ósnum
Fyrir skömmu fékk tiltölulega
óvanur veiðimaður 26 vænar sjó-
bleikjur í Lónsá og sagði Pálmi
Gunnarsson leigutaki árinnar að
fleiri hefðu skotist í ósinn og fengið
góðan afla. „Hún fer samt ekki að
ganga fram í ána fyrr en eftir mán-
aðamótin,“ sagði Pálmi.
Góðar hrotur hafa einnig verið víð-
ar, einn fékk 12 stykki á skömmum
tíma í Breiðdalsá og spurnir hafa
fengist af tveimur veiðimönnum sem
voru saman í ósi Fögruhlíðarár og
fengu tuttugu stykki, allt væna fiska,
marga 2-3 punda.
Rólegt yfir Hörgá
Hörgá í Eyjafirði var opnuð ný-
lega, en aðeins verið reytingsveiði og
sumir fengið lítið. Hafa stöku veiði-
menn þó fengið upp í 10 fiska yfir
daginn. Enginn örvæntir þó nyrðra,
allur besti tíminn er eftir.
Góð byrjun í Korpu
Korpa var opnuð undir lok vikunn-
ar og veiddust fjórir laxar fyrsta
daginn sem telst alveg bærilegt. Þeir
veiddust allir neðst í ánni, í Foss-
inum og Berghyl og voru allir smáir
utan einn sem var 8 pund. Áhuga-
menn hafa séð laxa skríða upp í
Korpu af og til að undanförnu og var
sú fiskför byrjuð góðri viku fyrir
opnun.
Aðalfundur LV
Aðalfundur Landssambands veiði-
félaga var haldinn á dögunum. Á
fundinum urðu miklar umræður um
þau málefni sem aðildarfélögin varða
og bar þar hæst umræða um yfirvof-
andi sjókvíaeldi á norskum laxi hér
við land sem félagar í LV telja að feli
í sér háska fyrir villta íslenska laxa-
stofninn vegna hættu á erfðamengun
og sjúkdómum.
Í ályktun sem samþykkt var á
fundinum, kemur fram að fundurinn
mótmæli þeim vinnubrögðum sem
heimila stórfellt sjókvíaeldi á norsk-
ættuðum laxi án nauðsynlegra
grunnrannsókna og taldi fundurinn
þetta framferði „lýsa algeru tillits-
leysi gagnvart íslenska villta laxa-
stofninum og þeim miklu verðmæt-
um sem felast í rekstri íslenskra
veiðivatna,“ eins og það var orðað.
Í annarri ályktun er hvatt til
strangs eftirlits með viðkomandi
sjókvíaeldi. Einnig stendur þetta í
fréttatilkynningu frá KV:
„Auk fyrrgreindra ályktana voru
gerðar samþykktir varðandi skatta-
mál, veiðieftirlit með netalögnum í
sjó og um aðför að eignarrétti sem
veiðiréttareigendur telja að felist í
kröfugerð fjármálaráðherra um
eignarhald á hálendi Íslands. Er
kröfugerð þessari harðlega mótmælt
og hún talin verða ein mesta aðför að
eignarrétti sem þekkt er í Íslands-
sögunni.“
Sjóbleikja veiðist
á fallskiptum
Morgunblaðið/Einar Falur
Falleg tveggja punda Þingvallableikja.
ERU
ÞEIR AÐ
FÁ’ANN?