Morgunblaðið - 24.06.2001, Blaðsíða 8

8 B SUNNUDAGUR 24. JÚNÍ 2001 MORGUNBLAÐIÐ
ferðalög
Hvert ertu að fara?
Hvert ertu að fara?
Ég flýg til Düsseldorf og leigi hús-
bíl þar. Þaðan munum við keyra
um og heimsækja ýmsa staði,
m.a. Móseldalinn og skemmtigarð
sem er rétt utan við Köln. Þá keyr-
um við yfir til Danmerkur þar sem
við förum á Hróarskelduhátíðina.
Hvers vegna?
Okkur langaði til að fara á Hróars-
kelduhátíðina en nenntum ekki að
vera í tjaldi. Því brugðum við á
það ráð að leigja okkur húsbíl sem við gætum gist í á hátíðinni. Þeir
voru mun ódýrari í Þýskalandi en í Danmörku svo við ákváðum að leigja
hann þar.
Vildirðu vera að fara eitthvað annað?
Já, til Tahiti það hljómar spennandi og ég ímynda mér alltaf að það sé
einhvers konar paradís.
Hvernig skipulagðir þú ferðina?
Við fljúgum með ferðaskrifstofunni Terra-Nova og leigðum einnig hús-
bílinn í gegnum hana. Við lásum okkur síðan til á Netinu og fundum þar
áhugaverða staði sem við hyggjumst heimsækja.
Með hverjum ferðu?
Með kærastanum mínum, tveimur systrum hans sem eru 20 og 22 ára
og systur minni sem er 16 ára.
Hvernig ferðatösku áttu?
Ég á eina fína flugfreyjutösku en hún er frekar lítil svo ég þarf sennilega
líka að taka einhverja aðra með sem er ekki eins fín.
Hver er fyrsti hluturinn sem þú pakkar niður?
Myndavél.
Hvaða fatnað er nauðsynlegt að taka með í ferðina?
Sokka og nærbuxur.
Er eitthvað sérstakt sem þú tekur með þér í öll ferðalög?
Póstkortalista með nöfnum og heimilisföngum allra sem ég ætla að
senda póstkort í ferðinni.
Tekurðu einhverjar bækur með þér?
Ég tek alltaf bækur með mér en les þær aldrei.
Hvernig nýtirðu tímann á fluginu?
Ég býð spennt eftir matnum og skoða bæklingana sem eru í sætisbak-
inu fyrir framan mig.
Ef þú gætir hlustað á geisladisk, hvaða disk myndirðu hlusta á?
Ég myndi hlusta á lyftutónlist frá sjöunda áratugnum til að slaka á.
Er eitthvað annað sem þú tekur með þér til að stytta þér stundir?
Já, Gameboy.
Hvaða ilmvatn/rakspíra tekurðu með þér?
Dolce Vita, frá Cristian Dior.
Áttu einhvern uppáhaldsveitingastað þar sem þú verður?
Nei, en ég hlakka mikið til að bragða chili-pulsur sem fást í öllum pulsu-
vögnum Danmerkur.
Hvað er skemmtilegasta frí sem þú hefur farið í?
Ég fór í helgarferð til Amsterdam í fyrra þar sem kærastinn minn bað
mín á miðri brú yfir einu síkjanna.
Áttu góð ráð handa ferðalöngum?
Passa sig á sölumönnum, ég hef lent illa í þeim nokkrum.
Með húsbíl um
Þýskaland
Berglind Björk Halldórs-
dóttir vinnur á leikskól-
anum Njálsborg. Hún ráð-
leggur ferðalöngum að
passa sig á sölumönnum.
Morgunblaðið/Sigurður Jökull
Þ
AÐ sem af er árinu hafa
tæplega 800 innbrotsmál
komið til kasta Lögregl-
unnar í Reykjavík. Þetta
er nokkuð meira en á síð-
asta ári en um er að ræða bráða-
birgðatölur. Innbrot fara oft fram
um helgar og sérstaklega virðast
þjófar sækja í heimili þar sem heim-
ilisfólk er í sumarfríi.
Það færist í vöxt að fólk fái sér
þjófavörn á heimilið áður en farið er í
sumarfrí. Í rannsókn á því hvað hef-
ur áhrif á val innbrotsþjófa á inn-
brotsstað, sem birtist í ársskýrslu
Lögreglunnar í Reykjavík 1997,
kemur fram að fælingarmáttur
þjófavarnarkerfa virðist mikill.
Hægt að leigja kerfi í styttri tíma
Að sögn Jóhanns Ólafssonar,
framkvæmdastjóra þjónustusviðs
hjá Öryggismiðstöð Íslands, kaupa
ekki mjög margir sérstaklega gæslu
á meðan þeir eru að heiman yfir
sumartímann. „Það sem fólk gerir
almennt er að afgreiða málið í eitt
skipti fyrir öll og fá sér svokallaða
heimagæslu. Þá er sett upp örygg-
iskerfi með ýmsum skynjurum og
greidd ákveðin upphæð á mánuði.“
Ef fólk er hins vegar einungis að
fara styttri ferðir og vill ekki hafa
kerfi allan ársins hring getur það
leigt kerfin í styttri tíma. „Þá er það
minnst vika og síðan borgar fólk
ákveðið fyrir hverja viku. Kerfið er
þráðlaust og gengið frá því til bráða-
birgða,“ segir Jóhann. Einnig er
boðið upp á að senda öryggisverði á
nokkurra daga fresti sem sjá til þess
að póstur liggi ekki dögum saman og
sýni að enginn sé í húsinu. Það er þá
hluti af almennum vaktferðum.
Ef um er að ræða styttri frí, langa
helgi eða slíkt segir Jóhann að boðið
sé upp á eftirlitsferðir að húsinu.
„Okkar öryggisverðir myndu koma
við og fylgjast með húsinu og fara
ákveðið margar ferðir, sem er sam-
komulagsatriði við húseigandann.
Eitt og sér er þetta ekki mikil vörn
en þetta er betra en ekki neitt.“
Jóhann mælir þó sérstaklega með
að fólk kaupi heimagæslu þannig að
húsin séu vöktuð allan ársins hring.
Hagkvæmast að hafa varanlegt kerfi
Karl Jónsson, framkvæmdastjóri
Vara, hefur svipaða sögu að segja.
Hann segir aukningu í heimagæslu
en segir að fólk kaupi yfirleitt kerfi
til frambúðar. Einnig sé þó boðið
upp á svipuð orlofskerfi sem sett eru
upp til bráðabirgða. Þá er greitt fyr-
ir uppsetningu og eina viku og svo
aukalega fyrir hverja
viku eftir það. „Það sem
við ráðleggjum fólki þó
er að fá sér einfaldlega
varanleg kerfi þannig
að öryggið sé alltaf til
staðar. Svo fær fólk oft
peninga til baka með
ódýrari tryggingum.
Þetta er ekki mikil fjár-
festing. Ef fólk tekur
bráðabirgðakerfi einu
sinni á ári í nokkur ár
hefði borgað sig þegar
upp er staðið að kaupa
varanlegt kerfi.“ Einnig
er boðið upp á þá þjón-
ustu að senda bíla í eft-
irlit og þá er hægt að
tæma póstkassa í leið-
inni.
Öryggi í fríinu
Hjá Securitas má
einnig fá öryggisþjón-
ustu þegar fólk fer í frí.
Bjarni Ágústsson sölu-
maður segir ýmsa
möguleika í boði. „Við
getum bæði boðið upp á
farandgæslu, að við
komum ákveðið oft að húsinu og yf-
irförum fyrirbyggjandi atriði og að-
gætum að allt sé í lagi. Einnig getum
við tekið póst, dagblöð og þess hátt-
ar. Svo er hægt að setja upp örygg-
iskerfi tímabundið. Þá er kerfið sett
upp fyrir tvær vikur lágmark og svo
leigt í viku í senn eftir það.“
Spurður um aukningu á sölu þess-
ara tímabundnu kerfa segir Bjarni:
„Það er meiri aukning í því að fólk fái
sér kerfi til lengri tíma þó að það
byrji kannski að skoða skammtíma-
lausnir.“ Einnig segir Bjarni það al-
gengt að fólk sem hafi fengið sér
kerfi tímabundið fái sér síðan
Heimavörn Securitas, öryggiskerfi
að láni til lengri tíma þegar það er
orðið vant verndinni.
Öruggt heimili í sumarfríinu
Kostar um 26.000 að leigja
öryggiskerfi og vaktferðir
Morgunblaðið/Arnaldur
Innbrotsþjófur að störfum. Myndin er sviðsett.







       

 

   

 

 


 
      
 

      
 

Hægt er að leigja öryggiskerfi
fyrir heimili í skamman tíma
þegar farið er í sumarfrí, auk
þess sem hægt er að láta
vakta húsið sitt og tæma
póstkassa. Meðalkostnaður
fyrir öryggiskerfi og vaktferðir
til að tæma póstkassa í 3 vik-
ur er um 26.000 kr.
SUMARDAGSKRÁ ákirkjustaðnum og skóla-setrinu að Hólum í
Hjaltadal er fjölbreytt og
nokkrar nýjungar hafa bæst við
flóruna frá því í fyrra.
Guðrún Þóra Gunnarsdóttir,
deildarstjóri ferðamálabrautar
á Hólum, segir að sökum mikilla
vinsælda Draugaröltsins í fyrra
verði slíkum ferðum fjölgað í
sumar. „Nú er ætlunin að bjóða
fólki á Draugarölt hvert föstu-
dagskvöld en sagðar verða sög-
ur af þekktu fólki frá Hólum, meðal
annars af Galdra-Lofti og gengið er
um fræga sögustaði í draugaleit.“
Þvottadagur á dagskránni
Í samstarfi við áhugahópinn Bú-
álfa hefur verið skipulagður svo-
kallaður Þvottadagur laugardaginn
14. júlí. Tilgangur hans er, að sögn
Guðrúnar Þóru, að kynna fólki
gömul vinnubrögð og hvernig þau
birtast síðan í alls kyns myndum í
málsháttum og orðtökum. „Mark-
miðið er að viðhalda þekkingunni á
tungunni. Áhugahópur stendur að
uppákomunni og þau munu þennan
dag sýna gömul vinnubrögð og
tengja þau málinu; ull verður þveg-
in á gamla mátann, bærinn sand-
skúraður og jafnvel er ætlunin að fá
sjálfboðaliða í að þvo hár sitt upp
úr keitu. Hópur þessi stóð að
Hestadeginum svokallaða í fyrra
sem verður endurtekinn seinna í
sumar.“
Skagfirskar söngdísir og gönguferðir
Að auki nefnir Guðrún Þóra tón-
leikaröð í Hóladómkirkju sem nefn-
ist Skagfirskar söngdísir og hefst
dagskráin laugardaginn 30. júní.
„Skagafjörður státar ekki síður
af góðum söngkonum en karla-
kórum.Því var ákveðið að efna
til þessarar tónleikaraðar.“
Gönguferðir um svæðið verða
áfram í boði í sumar og nú er
verið að leggja lokahönd á kort
með leiðarvísi um helstu göngu-
leiðir í landi Hóla og nágrennis.
Guðrún Þóra segir vinsælt að
rölta um í rólegheitum og skoða
kirkjuna eða ganga um í skóg-
inum.
Laugardaginn 7. júlí stendur
ferðaþjónustan fyrir fjölskyldudegi
en þá verður frítt í sund og fjöl-
breytt leikjadagskrá allan daginn.
Að lokum nefnir hún punktinn yf-
ir i-ið; bleikjuhlaðborðið sem naut
mikilla vinsælda í fyrra. Veisluborð-
ið er til reiðu einu sinni í mánuði og
í boði eru um 10–13 útfærslur af
bleikjuréttum.
Draugarnir áfram á Hólum
Morgunblaðið/Guðbjörg

www.holar.is
netfang:tourist@holar.is
NÝVERIÐ gengu Flugleiðir í
samstarf við bandaríska lestarfyr-
irtækið Amtrak sem felur í sér að
frá miðjum júlímánuði verður
unnt að kaupa lestarmiða í Banda-
ríkjunum um leið og flugmiði er
keyptur.
Guðjón Arngrímsson, upplýs-
ingafulltrúi Flugleiða, segir að
hér sé um tilraunaverkefni að
ræða. Til að byrja með verður
hægt að kaupa flugmiða til
Bandaríkjanna hér á landi og lest-
armiða til Washington-borgar og
Fíladelfíuborgar um leið. Enn
sem komið er er ekki stefnt á að
hægt verði að bóka lestarferðir
annað en til þessara tveggja borga
en fleiri borgir gætu bæst við ef
þessi tilraun gengur að óskum.
Þessi þjónusta er sérstaklega
hugsuð fyrir Bandaríkjamenn
sem vilja ferðast til Evrópu. Hægt
er að kaupa miða frá Washington-
borg eða Fíladelfíuborg til Skand-
inavíu eða meginlands Evrópu í
gegnum bókunarkerfi Flugleiða í
Bandaríkjunum. Fyrst er ferðast
með lest frá Amtrak að flugvelli
annaðhvort í Baltimore- eða
Washington-borg. Þaðan er flogið
með Flugleiðum til Evrópu.
Flugleiðir og
Amtrak í samstarf

Nánari upplýsingar
má finna á vef Flugleiða,
www.icelandair.com.
Reuters