Morgunblaðið - 24.06.2001, Blaðsíða 14
14 B SUNNUDAGUR 24. JÚNÍ 2001 MORGUNBLAÐIÐ
bílar
PEUGEOT 206 CC er óvenjulegur
bíll sem vekur mikla athygli, eða
raunverulega æpir á athygli. Hann
er eins og venjulegur 206 að fram-
an og þar er ekki leiðum að líkjast
því 206 er með laglegri smábílum á
markaðnum, að mati þess sem
þetta skrifar. En þar með lýkur
samanburðinum. Að aftan er flatur
og dálítið sérkennilegur stallur
með tveimur handföngum, sem
engin skýring er á, og hemlaljós
eru fyrir miðjum stuðara og á
skottlokinu, eins og á 206. Það er
óvenjulegt byggingarlag á þessum
bíl sem virðist annaðhvort höfða
sterklega til manna eða alls ekki.
Það verður þó ekki annað sagt um
206 CC að hann er frísklega hann-
aður og „öðruvísi“.
Rafstýrt felliþak
Farangursrýmið er um 400 lítrar
þegar þakið er uppi en aðeins um
200 lítrar sé bíllinn hafður opinn
því þangað fer þakið þegar öku-
maður kýs að opna það. Þetta er
því ekki blæjubíll heldur bíll með
felliþaki með rafstýringu inni í
bílnum. Aðeins þarf að losa um
tvær krækjur og styðja á hnapp til
þess að opna bílinn eða loka honum
og tekur ferlið aðeins um 20 sek-
úndur. Til að spara rými er ekkert
varahjól í bílnum, eingöngu bráða-
birgðaviðgerðarsett sem hægt er
að grípa til springi á bílnum.
Ólíkt flestum bílum með felliþak,
eins og t.d. Mercedes-Benz SLK
og Honda CRX, eru tvö aftursæti í
206 CC, en farangursrýmið gengur
svo á plássið aftur í að það er vart
bjóðandi nema allra smávöxnustu
farþegum. Þó ræðst það af stærð
ökumanns því möguleg færsla á
framsætunum er allt að 22 cm.
Í aftursætum eru tvö þriggja
punkta belti. Þangað er miklu
heldur trúlegt að hægt sé að setja
frá sér hluti, eins og innkaupapoka
eða tösku.
Lúxusbúnaður
Bíllinn er hinn glæsilegasti að
innan; klæddur svörtu og rauðu
leðri, með hvítum sportmælum og
álpedölum. Sætin veita mikinn
hliðarstuðning og eru með stillan-
legum halla. Innbyggð hljómtækin
eru með geislaspilara og fjarstýr-
ing er fyrir græjurnar á stilk sem
gengur út frá stýrinu. Stýrið er
líka klætt rauðu og svörtu leðri.
Fyrir neðan hljómtækin er miðstöð
með loftkælingu og stafrænni hita-
stillingu. Allt eins og í dýrari gerð-
um lúxusbíla.
Það er ekkert sparað heldur til
undirvagnsins og drifrásarinnar.
Undirvagninn er sams konar og
206 GTi-bíllinn státar en CC er
með styrktri yfirbyggingu. Fjöðr-
unin er þó líkari því sem menn eiga
að venjast í stærri bílum fremur en
sportbílum; mjúk fremur en stíf en
bíllinn liggur engu að síður vel.
Stýringin er undragóð þegar bíln-
um er þeytt í krappar beygjur og
hann undirstýrir ekki að ráði.
Aflmikil tveggja lítra vél
Vélin er tveggja lítra, 138 hest-
öfl, afar togmikil og hljóðlát vél, sú
sama og býðst í hefðbundinni 206
og GTi-gerðinni. Hámarkstog er
190 Nm við 4.000 snúninga á mín-
útu. Bíllinn er þokkalega snöggur
upp, 8,9 sekúndur úr kyrrstöðu í
100 km, sem er sami tími og gefinn
er upp fyrir GT-i og 2ja lítra 206
bílinn. Vélin togar líka vel í öllum
gírum og virðist eiga talsvert inni
við flestar aðstæður. Eyðslan er
sögð vera nálægt 8 lítrum á hundr-
aðið í bæjarakstri.
Þetta er vel búinn bíll út frá ör-
yggissjónarmiðum. Hann er með
fjóra öryggispúða, tvo í stýri og við
hanskahólf og tvo í hliðum. Þá er
hann með ABS-hemlakerfi og
hemlarnir virka aflmiklir og ná-
kvæmir. Þetta eru diskahemlar að
framan og aftan, kældir að framan.
206 CC kominn með 1,6 l vél
Það er verulega gaman að aka
þessum bíl. Hann er með rómaða
aksturseiginleika Peugeot, eins og
menn þekkja þá frá 306 og 406 bíl-
unum; mjúkur en nákvæmur á
vegi, og þeir sem óska eftir athygli
verða ekki fyrir vonbrigðum með
206 CC því hann er sannkallaður
senuþjófur hvert sem hann fer.
Bernhard ehf., umboðsaðili Peu-
geot, hefur nú einnig fengið 206
CC með 1,6 lítra vél. Að óreyndu
má telja að sú vél, sem nú skilar
110 hestöflum í stað 90 áður, dugi
ágætlega í þennan bíl. Ljóst er alla
vega að talsverður verðmunur
verður á þessum tveimur bílum. Sá
sem hér er til umfjöllunar kostar
2.295.000 krónur, sem er vissulega
talsvert hátt verð fyrir lítinn, nán-
ast tveggja sæta bíl. 1,6 l bíllinn
verður líklega um 1,8–1,9 milljónir
kr.
Morgunblaðið/Billi
Um 20 sekúndur tekur að opna þak bílsins sem fellur ofan í farangursrýmið.
Sprækur og öðruvísi 206 CC
REYNSLUAKSTUR
Peugot 206 CC
206 CC er með háan og flatan stall að aftan.
Hverfandi lítið fótarými er fyrir farþega í aftursætum.
gugu@mbl.is
Guðjón Guðmundsson
Vél: 1.997 rsm, 138 hest-
öfl v. 6.000 sn./mín., 190
Nm tog við 4.000 sn./
mín.
Lengd: 3.835 mm.
Breidd: 1.673 mm.
Eigin þyngd: 1.125 kg.
Hröðun: 8,9 sekúndur úr
kyrrstöðu í 100 km.
Hámarkshraði: 204 km/
klst.
Eyðsla: 8 lítrar í bæj-
arakstri.
Verð: 2.295.000 kr.
Umboð: Bernhard ehf.
Peugeot 206
CC 2.0
TILBOÐ ÓSKAST
Í Ford Expedition (Eddie Bauer) 7 manna
m/leðursætum (ekinn 26 þús. mílur)
vél V-8 5,4 l., magasín CD og fleira
og aðrar bifreiðar,
er verða sýndar að Grensásvegi 9
þriðjudaginn 26. júní kl. 12-15.
Tilboðin verða opnuð á sama stað kl. 16
UMSÝSLUSTOFNUN VARNARMÁLA
SALA VARNARLIÐSEIGNA