Morgunblaðið - 24.06.2001, Qupperneq 9
MORGUNBLAÐIÐ SUNNUDAGUR 24. JÚNÍ 2001 B 9
ferðalög
F
ORRÁÐAMENN ferða-
mála í Steigerwald eru
mjög áhugasamir um að
auðvelda fólki að ferðast
um á hjólum. Þar eru fjöl-
margar merktar hjólaleiðir, stuttar
sem langar og auðratað um þær,
jafnvel óvönum. Boðið er upp á
margs konar þjónustu við ferðafólk
og pakkaferðir sérsniðnar að þörf-
um og áhuga hvers og eins.
Undirbúningur
Ferðin var undirbúin með tölvu-
samskiptum við ferðamálaskrifstof-
una í Scheinfeld í Steigerwald en
tengiliður okkar þar hét Horst
Graf. Graf kom með hugmynd að
ferðatilhögun og eftir að við höfð-
um gert athugasemdir við hana var
ferðin fullsköpuð.
Við sváfum á gistiheimilum eða
hjá bændum með ferðaþjónustu.
Gist var í eins manns herbergjum
með sturtu, snyrtingu og sjónvarpi.
Hver nótt kostaði ekki nema 50
mörk (2.000 kr.) á mann með morg-
unverði. Þótti okkur það vel slopp-
ið, ekki síst í ljósi þess að herbergin
sem við fengum voru nær undan-
tekningarlaust vel búin og notaleg.
Ferðamálaskrifstofan í Scheinfeld
sá um að bóka gistingar, leigja okk-
ur hjól, annaðist flutning á farangri
milli gististaða þá daga sem hjólað
var, útvegaði leiðsögn um söfn og
miðlaði til okkar upplýsingum um
samgöngur. Þar að auki sá skrif-
stofan okkur fyrir tveimur bílferð-
um sem við þurftum á ferðalaginu.
Bad Windsheim
og Rothenburg
Flogið var til Frankfurt og þaðan
farið með lest til smáborgarinnar
Bad Windsheim. Fyrsti gististaður-
inn var á kránni Bürgerbräustu-
berg. Daginn eftir var byrjað á því
að skoða Árbæjarsafn borgarinnar,
svokallað Freilandsmuseum, og
hafði ferðamálaskrifstofan útvegað
leiðsögn um það. Eftir hádegið var
farið með lest til borgarinnar Rot-
henburg ob der Tauber. Hún er
vinsæll áfangastaður ferðamanna.
Borgin hefur varðveist mjög vel og
þar er að finna margar gamlar
byggingar. Ganga má á borgarmúr-
unum í kringum gamla miðbæinn.
Mörg skemmtileg söfn eru í Rot-
henburg og má sérstaklega mæla
með Mittelälterliches Kriminalmu-
seum sem er einstök heimild um
glæpi, réttarfar og refsingar og
miðöldum. Höfðum við mjög gaman
af að skoða það enda tveir lögfræð-
ingar og sagnfræðingur með í för.
Bjórstrætið
Á þriðja degi ferðarinnar var
stigið á hjólin og lagt út á svonefnt
Bjórstræti sem liggur meðfram
ánni Aisch. Leið þessi dregur nafn
sitt af því að heimamenn fullyrða að
hvergi í veröldinni séu jafnmörg
bjórgerðarhús á jafnfáum kílómetr-
um og á þessu svæði. Höfðum við
engar forsendur til að sannreyna
eða rengja þær staðhæfingar en
hinu var ekki að leyna að á þessum
slóðum er ágætt framboð af prýði-
legum bjór. Leið okkar lá enn frem-
ur um vínræktarhéruð þar sem svo-
nefnd Frankenvín eiga uppruna
sinn en þau er fræg fyrir að vera
gjarnan í dropalaga flöskum.
Hjóladagana fórum við á bak eft-
ir morgunverð og vorum á hjólun-
um fram undir kvöldmat en áðum
eftir þörfum á leiðinni. Misstum við
fljótlega tölu á þorpunum, sem við
fórum í gegnum, en þar var nóg af
smábúðum, bakarí-
um, knæpum eða
veitingahúsum.
Fyrsta hjóladegin-
um lauk í örlitlu
þorpi uppi í hæðun-
um suður af Aisch,
Oberrossbach. Þar
var borðað og gist
hjá Fiedler-hjónun-
um sem reka yndis-
legt gistihús og ekki
síðri veitingastað.
Þjónustan hjá þeim
er persónuleg og hlý
eins og víðast hvar
annars staðar á þessum slóðum.
Næsta dag hjóluðum við í gegn-
um smáborgina Neustadt og upp í
hæðirnar norðan við Aisch til
þorpsins Sugeheim sem er í miðju
vínræktarhéraðs. Þar rekur Günth-
er nokkur Steigler ferðaþjónustu
ásamt fjölskyldu sinni. Hann er
fæddur og upp alinn í þorpinu. Fað-
ir hans var bóndi þar og tók Steigl-
er við búskapnum af honum en
ákvað fyrir nokkrum árum að
bregða búi og breyta húsakosti
býlisins í gistiheimili og veitinga-
stað.
Aðstaðan hjá honum var til fyr-
irmyndar og fyrsta kvöldið bauð
hann okkur til ógleymanlegrar vín-
smökkunar þar sem hann fjallaði af
frábærri kunnáttu um vín og vín-
gerð í sinni heimasveit.
Frá Sugenheim er ekki nema rétt
um klukkustundar lestarferð til
Nürnberg en eitt af því sem við
höfðum komist á snoðir um fyrir
ferðina var að þar var að hefjast
heimsmeistaramótið í ísknattleik.
Ferðamálskrifstofan hafði athug-
að fyrir okkur möguleika á að sjá
heimsmeistarana frá Tékklandi
spila fyrsta leikinn í riðlinum. Gekk
allt eftir sem skipulagt hafði verið
og var deginum því eytt í Nürnberg
en þar er heilmikið að sjá.
Daginn eftir var farin ferð á
hestakerru um nágrenni Sugen-
heim.
Vínbóndi var heimsóttur og borð-
aður hjá honum ósvikinn þýskur
sveitamatur. Var sú ferð einnig
skipulögð af ferðamálaskrifstofunni
í Scheinfeld.
Síðasta heila deginum í ferðinni
eyddum við svo á hjólunum en þá
lögðum við að baki lengsta legg
hjólaferðarinnar í sól og 25 – 30
stiga hita. Ferðinni lauk á gistihúsi
Zwansger-bjórgerðarinnar í bæn-
um Uehlfeld. Sú bjórgerð hefur
verið í eigu sömu fjölskyldunnar frá
því snemma á 17. öld. Ungur mað-
ur, sem telst vera af 15. kynslóð
Zwansger-bruggmeistara, sýndi
okkur bjórgerðina. Að því loknu
vorum við allir með tölu sæmdir
doktorsnafnbót í bjórfræðum, dokt-
or bierologis causa, en ferðamála-
skrifstofan býður hverjum þeim
sem hjólar Bjórstrætið slíkan titil.
Er það vottað með virðulegu skjali.
Ljósmyndir/SAJ
Með þessari hestakerru ferðuðust
félagarnir milli vínbænda. Kerrurnar
eru smíðaðar í Póllandi og ekillinn átti
einar tuttugu slíkar. Sérstakt ökupróf
þarf á kerrurnar og meirapróf ef fólk
er flutt á þeim gegn gjaldi.
Á reiðhjóli um Steiger-
wald í Bæjaralandi
Ferðafélagar Svavars, Arnar Sigfússon, Jón Hjalta-
son, Jón Óðinn Jónsson og Þorsteinn Hjaltason.
Áhugasömum er bent á eft-
irfarandi heimilis- og netföng:
Tourist Information Steiger-
wald im Fremdenverke-
hrsverband Franken e. V.,
Hauptstrasse 3, 91443 Schein-
feld, sími 0049-9162-12424.
Netfang tourismus@steiger-
wald.btl.de Veffang www.steig-
erwald.org
Mittelalterliches Krim-
inalmuseum, Burggasse 3,
91541 Rothenburg o. T., sími
0049-9861-5359
Landgasthof Ehegrund,
Hauptstrasse 30, 91484 Markt
Sugenheim, sími 0049-9165-
360
Allt um Nürnberg:
www.nuernberg.de
Allt um Rothenburg:
www.rothenburg.de
Rétt norðan við borgina Nürnberg í Bæjaralandi er
fallegt skóglendi sem nefnist Steigerwald. Svavar
Alfreð Jónsson fór og hjólaði ásamt félögum sínum
frá Akureyri í viku um þetta svæði.
Höfundur er búsettur á Akureyri.
Bandaríkin
Breytast eftir götum
Leigubílar í New York eru farnir að
gera tilraunir með rafrænt auglýs-
ingakerfi tengt GPS-staðsetning-
artæki. Bílarnir verða með rafræn
auglýsingaskilti sem munu sýna
mismunandi auglýsingar eftir því
hvar bíllinn er hverju sinni. Þannig
gæti birst auglýsing um gengi þeg-
ar keyrt er framhjá Wall Street en
auglýsing um nýja fatatísku þegar
keyrt er framhjá Bloomingdales.
Austurríki
Djasshátíð í Vínarborg
Dagana 25. júní til 8. júlí fer fram
jazzhátíð í Vínarborg. Boðið er
upp á um 80 tónleika, bæði innan-
dyra og utan. Meðal þeirra sem
koma fram eru David Burne, Chick
Corea og tríó, Kahled, kvartett
Ron Carter og Billy Cobham, og
Herbie Hancock.
Ísland
Ferðir til þriggja stórborga
Ferðaskrifstofan Samvinnuferðir-
Landsýn býður í sumar upp á ferð-
ir til þriggja heimsborga. Ferðirnar
verða farnar með fararstjóra og
því hentugar fyrir þá sem það
kjósa. Dagana 23. til 26 ágúst er
ferð til London með fararstjór-
anum Lilju Hilmarsdóttur þar sem
m.a. verður farið á söngleik og út
að borða. Verð er 53.500 kr. á
manninn í tvíbýli og innifalið er
flug, gisting, morgunverður, akstur
til og frá flugvelli og skoðunarferð
á sunnudeginum.
23. til 27. ágúst verður svo farið til
Dublin með Svanhildi Davíðs-
dóttur þar sem boðið er upp á
fjölda skoðunarferða. Verð á
manninn er 44.900 kr í tvíbýli og
innifalið er flug, gisting, morg-
unverður og akstur til og frá flug-
velli.
Að lokum verður svo farið til Pét-
ursborgar 27. september til 2.
október með Pétri Péturssyni og
farið á söfn og tónleika svo eitt-
hvað sé nefnt. Ferðin kostar
72.905 kr fyrir manninn í tvíbýli
með sköttum. Innifalið er flug,
gisting, morgunverður og akstur
til og frá flugvellinum í Helsinki.
Nánari upplýsingar eru veittar hjá
Samvinnuferðum-Landsýn.
Listahátíð á Seyðisfirði
Listahátíðin Á seyði verður haldin
á Seyðisfirði nú í sumar, sjöunda
árið í röð. Sýningin var opnuð 16.
júní og stendur til 31. ágúst. Meðal
viðburða má nefna myndlistasýn-
ingar, ljósmyndasýningu og leik-
sýninguna Með vasa fulla af grjóti.
Gönguferð um Hornstrandir
Í sumar standa Vesturferðir á Ísa-
firði fyrir tveimur ferðum um
Hornstrandasvæðið, ætlaðar þeim
sem ekki þola miklar gönguferðir
eða burð. Ýmist er siglt eða geng-
ið milli staða og gönguleiðir oft
þannig að hægt er að velja um
misléttar leiðir. Allur farangur er
fluttur með bátum og gist í húsum
allan tímann svo þetta ætti að
henta þeim sem ekki leggja í erf-
iðar gönguferðir og mikinn burð.
Brottfarir til Hornstranda eru
2. og 23. júlí. Nánari upplýs-
ingar er hægt að fá hjá Vest-
urferðum í síma 456-5111 eða á
heimasíðu þeirra, www.vest-
urferdir.is.
Bílaleigubílar
Sumarhús
í Danmörku
Ódýrari bílaleigubílar
fyrir Íslendinga
Vikugjald 3ja vikna
gjald
Opel Corsa dkr. 1.975 dkr. 4.495
Opel Astra dkr. 2.175 dkr. 4.995
Opel Astra Station dkr. 2.375 dkr. 5.675
Ford Mondeo dkr. 2.545 dkr. 5.995
Opel Zafira,
6-7 manna dkr. 3.495
Fáið nánari verðtilboð
Til afgreiðslu m.a. á Kastrup-
og Billund flugvellir
Innifalið í verði ótakmarkaður akstur og
tryggingar. (Allt nema bensín).
Aðrir litlir og stórir bílar,
minibus og rútur.
Sumarhús og íbúðir.
Fáið sendan nýjasta verðlistann.
Útvegum sumarhús, íbúðir og
bændagistingu. Höfum íbúðir til
leigu í orlofshverfum með
skiptidögum samkvæmt
samkomulagi, s.s. Lalandia,
Dansk folkeferie og
DanskeFeriecentre.
Margar stærðir íbúða.
Húsbílar
Fáið nánari upplýsingar.
Heimasíða
Á heimasíðu má velja sumarhús og
orlofsíbúðir, panta bílaleigubíl og fá
fjölbreyttar upplýsingar.
Skoðið www.fylkir.is
Fylkir Ágústsson
Fylkir — Bílaleiga ehf.
sími 456 3745
netfang fylkirag@snerpa.is
heimasíða www.fylkir.is