Morgunblaðið - 02.09.2001, Blaðsíða 12
Gengið í fótspor-
um frelsishetja
Stærsta
gljúfur
Evrópu
er á Krít
GYÐINGASAFNIÐ í Berlín hefur mikið aðdrátt-
arafl og hefur safnið þegar laðað að 340.000
gesti þrátt fyrir að enn hafi engar sýningar verið
haldnar í safninu. Safnið þykir marka þáttaskil í
þýskum arkitektúr en það var hinn frægi arkitekt
og gyðingur Daniel Libeskind sem hannaði bygg-
inguna. Hinn 9. september næstkomandi verður
fyrsta sýningin opnuð í safninu og þar með verð-
ur safnið stærsta gyðingasafn í Evrópu.
Á sýningunni verður 2.000 ára saga gyðinga
kynnt og á hún að gefa innsýn í líf og örlög gyð-
inga í gegnum aldirnar. Stuðst verður við ævisög-
ur valinna gyðinga til að sýna fram á hve sam-
tvinnað líf þeirra hefur verið þýskri sögu.
Sýningin á jafnframt að höfða til fólks á öllum
aldri og hvetja til gagnrýninnar skoðunar á sögu
gyðinga. Þá munu ýmsar uppákomur krydda sýn-
inguna og til að mynda mun fólki bjóðast að
kynna sér matargerðarlist gyðinga auk þess sem
hægt verður að gæða sér á hefðbundnum mat
að hætti gyðinga á veitingastaðnum Lieberman.
AP
Nýtt safn til heiðurs gyðingum
í Berlín
ALDREI hafa fleiri komið hingað
til lands, til að vinna í sjálfboða-
vinnu að umhverfisvernd á vegum
bresku samtakanna British Trust
for Conservation Volunteers
(BTCV), alls um 50 manns.
BTCV hafa skipulagt sjálfboða-
liðastarf um allan heim í meira en
20 ár en hafa verið í samstarfi við
Náttúruverndarráð Íslands um
skipulagningu starfsins hérlendis
síðastliðin tíu ár. Á vegum þessara
samtaka geta Íslendingar einnig
farið utan sem sjálfboðaliðar í
mörgum löndum.
Trausti Baldursson, sviðsstjóri
hjá Náttúruverndarráði, segir
starfið hafa farið hægt af stað í
fyrstu en nú komi um fimm hópar
hingað til lands yfir sumarið og
vinni m.a. í þjóðgörðum Íslands.
„Fólkið hefur unnið við stígagerð,
það hefur lagað brýr, borið í
göngustíga, lagað gönguleiðir, sett
upp skilti og annað sem fallið hef-
ur til,“ segir Trausti. „Við höfum
fengið hingað mjög duglegt fólk og
vinnan hefur skilað sér mjög vel í
þjóðgörðunum,“ bætti hann við en
starf sjálfboðaliðanna hefur að
mestu farið fram í Skaftafelli,
Dimmuborgum, Jökulsárgljúfrum
og Landmannalaugum.
Enn sem komið er hafa aðallega
Bretar komið hingað til að vinna
og greiðir fólkið kostnað við ferðir
sjálft auk þess sem það borgar
tryggingar meðan á dvölinni
stendur. Náttúruverndarráð
greiðir á hinn bóginn fæði og húsa-
skjól ef það stendur til boða, ann-
ars býr fólkið í tjöldum,“ segir
Trausti. Hann bætir við að ein-
staka sinnum hafi einn eða tveir
Íslendingar slegist í hóp Bret-
anna.
Nemar jafnt sem ellilífeyrisþegar
Chas Goemans hefur haft um-
sjón með sjálfboðaliðunum sem
hingað hafa komið frá árinu 1996.
Chas starfar sem yfirverkstjóri en
í hverjum hópi er auk þess einn
hópstjóri sem aðstoðar við verk-
stjórn. Aðspurður segir Chas
hvern hóp starfa í tvær vikur í
senn. „Við vinnum venjulegan
vinnudag frá klukkan níu til fimm,
en stundum tökum við okkur frí-
daga til að skoða okkur um,“ segir
Chas. Það er alls konar fólk sem
kýs að eyða fríinu sínu í sjálfboða-
liðastarf, að sögn Chas. „Fólkið er
á öllum aldri og aðhefst mismun-
andi hluti, hingað koma nemar
jafnt sem ellilífeyrisþegar,“ segir
hann. Chas segir BTCV-samtökin
starfa í 25 löndum og nefnir Afr-
íku, Nepal og Tyrkland sem dæmi.
„Starfið snýst alls staðar um um-
hverfisvernd en við köllum þá sem
starfa á okkar vegum vistfræði-
lega ferðamenn (eco-tourists),“
segir Chas að lokum.
Skipulagt sjálfboðaliðastarf um allan heim
Starfað við um-
hverfisvernd í fríinu
Morgunblaðið/RAX
Sjálfboðaliðarnir vinna ýmis störf víðsvegar um landið, þar á meðal í Land-
mannalaugum.
FÓLK getur komist að því hvernig er að vera
bjórflaska á færibandi á Heineken-safninu í Amst-
erdam en þar hefur verið útbúið stórt hreyf-
anlegt gólf í þeim tilgangi, segir í ferðatímaritinu
Itn. Ýmislegt fleira stendur gestum til boða á
safninu sem nýlega var opnað aftur eftir átta
mánaða breytingar, m.a. geta þeir kynnt sér bjór-
framleiðslu, drukkið bjór, kannað hvað þeir eru
fróðir um bjór, og hitt dr. Elion sem einangraði
gersveppinn sem notaður er í Heineken-bjór.
Morgunblaðið/Brynjar Gauti
Bjór á færibandi í Amsterdam
BORGARSTJÓRI New York-borgar, Rudolph
Giuliani, mælist nú til þess að þjónum sem starfa í
borginni séu greidd 25% af reikningi í þjórfé.
Þetta kom fram á fréttavef norska dagblaðsins
Aftenposten.
Ráðamenn í neytendamálum í New York með
borgarstjórann í broddi fylkingar hafa kveðið á
um að 25 af hundraði sé hæfilegt hlutfall af
reikningi sem beri að borga þjónum. Þetta er
mikil hækkun því hingað til hafa ferðamenn getað
miðað við að greiða 18–20% í þjórfé og fyrir að-
eins þremur árum var hlutfallið 16 af hundraði.
Þess ber þó að geta að aðeins skal greiða svo
hátt hlutfall af reikningi ef viðskiptavinurinn er
ánægður með þá þjónustu sem hann fær.
Ekki eru þó allir íbúar New York- borgar sam-
mála þessu nýja viðmiði borgarstjórans því útgef-
andi veitingahúsahandbókar Zagat, Tim Zagat,
telur það allt of hátt. Hann sagði í viðtali við
fréttablaðið San Fransisco Chronicle að hinn al-
menni NewYork-búi borgi um 18,3 prósent í
þjórfé og telur hann það eðlilegt hlutfall.
Morgunblaðið/Ásdís
Síhækkandi viðmið um þjórfé í
New-York
Í MIÐBÆ Madríd, skammt frá kon-
ungshöllinni og Plaza de Oriente, er
að finna upprunalegt egypskt hof.
Hofið kallast Debod og er þakklæt-
isvottur Egypta til Spánverja fyrir
aðstoð sem þeir veittu við að flytja
Ramses II af stalli þegar bygging
Aswan-stíflunnar stóð sem hæst.
Á sama tíma var Debod-hofinu
einnig bjargað undan flóði af völd-
um stíflu og stein fyrir stein var
hofið flutt frá Egyptalandi til Madr-
íd þar sem það hefur verið opið
ferðamönnum fra 1972.
Nýlokið er viðamiklum breyt-
ingum á hofinu og það fært að inn-
anverðu í nútímalegra horf með til-
heyrandi ljósabúnaði og
gagnvirkum búnaði.
Hofið var byggt fyrir um 2.200
árum til heiðurs guðunum Amin og
Isis en var seinna stækkað og end-
urhannað af faraóum og rómversk-
um keisurum.
Hofið er opið alla daga nema
mánudaga frá 10–14 og 18–20,
laugardaga og sunnudaga frá 10–
14.
Gamalt
egypskt hof í
Madríd opnað
að nýju
SUMARDAGSKRÁ á Þingvöllum
er nú að mestu lokið. Í sumar var
boðið upp á gönguferðir alla laug-
ardaga, sunnudaga og fimmtu-
daga, gjarnan voru gestafyrirles-
arar með þemu eins og Kjarval á
Þingvöllum eða Njála á Þingvöll-
um. „Þátttakan var mjög góð og
það komu til dæmis yfir 200
manns í fyrstu gönguna,“ segir
Sigurður Oddsson þjóðgarðsvörð-
ur. „Dagskráin er ekki alveg búin
þetta árið, það er stefnt á að fara
einhverjar göngur í lok september
og byrjun október þegar haustlit-
irnir eru komnir.“
Um hverja helgi hefur svo verið
dagskrá fyrir tjaldgesti og aðra.
Þá er svæðið skoðað og boðið upp
á sérstaka dagskrá fyrir börnin. Á
sunnudögum voru gengnar þing-
helgargöngur eftir messu. Þá var
gengið um þinghelgina og sagt frá
sögu og örnefnum í þjóðgarðinum.
Sigurður á von á að þessi dag-
skrá byrji af fullum krafti í júní
byrjun næsta sumar. „Það stóð
upp úr eftir sumarið hversu vel
fimmtudagsgöngurnar gengu og
hversu vel þessari nýbreytni var
tekið yfirleitt.“
Vel heppnaðar göngur
á Þingvöllum
Morgunblaðið/Sigurður Jökull
TAÍLAND höfðar ekki síður
til fjölskyldufólks en annarra,
að mati Louis Borgia, mark-
aðsstjóra hjá Ferðamálaráði
Taílands með aðsetur í
Stokkhólmi, sem staddur var
hér á landi í vikunni. „Þið haf-
ið hvalina en Taílendingar fíl-
ana, þið talið um veðrið en
þeir um mataræði,“ bætti
hann síðan við. Louis Borgia
var kom hingað til þess að
kynna ferðamöguleika lands-
ins í fjarska, meðal annars
nefndi hann golf, útivistar-
ferðir af ýmsum toga, fjalla-
ferðir, verslunarferðir og
strandalíf sem vinsæla af-
þreyingu og skemmtan þar í
landi fyrir ferðafólk.
„Í auglýsingum höfum við
ekki lagt mikla áherslu á
strendur Taílands þótt þær
séu hreinar og fallegar því við
viljum benda fólki á ýmsa
aðra möguleika.“
Norðurlandabúar sækja
mikið til Taílands að sögn
Borgia, á fyrsta þriðjungi
þessa árs mest af öllum
ferðamönnum heims en sam-
anlagt árið í fyrra voru stadd-
ir í Taílandi um 415.000
Norðurlandabúar. Níu millj-
ónir ferðamanna sóttu Taí-
land heim í fyrra, þar af
helmingur Asíubúar. Besti
ferðamannatíminn er fyrstu
þrír mánuðir í byrjun árs þótt
hvaða árstími sem er sé góð-
ur, að sögn Borgia, og hvað
gistimöguleika varðar segir
hann unnt að fá góða aðstöðu
fyrir aðeins um 1.000 krónur.
Upplýsingavefur um Taíland
á íslensku
Á Netinu er unnið að upp-
setningu vefjar um Taíland á
íslensku og verður hann
tilbúinn eftir um það bil tvo
mánuði en nú þegar eru þar
upplýsingar á öðrum Norður-
landatungumálum auk
ensku.
Morgunblaðið/Þorkell
„Þið hafið
hvalina en
Taílend-
ingar hafa
fílana“
Upplýsingavefur um
Taíland, brátt á íslensku:
www.travelgate.net/
thailand.