Morgunblaðið - 02.09.2001, Blaðsíða 20
20 B SUNNUDAGUR 2. SEPTEMBER 2001 MORGUNBLAÐIÐ
bílar
LEXUS stendur fyrir lúxusbíla og
fólksbílum fyrirtækisins er stillt
upp á móti þýskum lúxusbílum,
eins og Mercedes-Benz og BMW.
LS-bíllinn keppir við Mercedes-
Benz S og BMW 7, GS-bíllinn við
Benz E og BMW 5 og IS200 við
Benz C og BMW 3. Það sem vekur
athygli í þessum samanburði er að
verðlagið á Lexus er mun hagstæð-
ara en keppinautanna, en engu að
síður hefur Lexus oftar en ekki
trónað á toppin-
um í ýmsum
könnunum sem
gerðar hafa ver-
ið á gæðum bíla.
Lexus hefur
tekið þá stefnu
að ná fótfestu á
Evrópumarkaði
með hagstæðu
verði og lýta-
lausri fram-
leiðslu, rétt eins
og gert var á
Bandaríkja-
markaði þegar
fyrirtækið hóf
innreið sína þar.
Lúxussportbílar
Nú er kominn
á markað
SC430, kúpu-
bakurinn sem
kynntur var
sem hugmynda-
bíll í Tókíó
haustið 1999 og
vakti þar mikla athygli. Með þess-
um bíl fer fyrirtækið inn á nýjan
markað lúxussportbíla, og ætlar
þar að velgja undir uggum umtöl-
uðum bílum eins og Jaguar XK8,
nýjum Mercedes-Benz SL og
Porsche 911. Við prófuðum bílinn á
dögunum.
Leiðin lá austur að Nesjavalla-
virkjun, meðfram Þingvallavatni til
norðurs og eftir Mosfellsheiðinni
aftur til borgarinnar. Farkosturinn
var með ýmsum aukabúnaði, s.s.
leiðsögutæki og Mark Levinsson
hljómtækjum, sem saman hækka
verðið frá um 7,8 milljónum kr. í yf-
ir 8,4 milljónir kr. Það var ekki
laust við að prófara stæði dálítil
ógn af öllum þeim krónum sem
liggja í þessu magnaða ökutæki, en
það vandist vel að aka bílnum og
fyrr en varði snerust heilabrotin
um allt annað en krónur og aura.
SC430 er, að mati þess sem þetta
skrifar, einhver laglegasti kúpu-
bakur sem lengi hefur komið fram.
Að sumu leyti minnir hann á
Mercedes-Benz CL en einnig finnst
manni einhver svipbrigði frá litla
Toyota MR2 sportaranum. SC430
er með hárri mittislínu og litlu þaki
sem myndar hálfhring. Vélarhlífin
er stór og sömuleiðis skotthlutinn.
Undir bílnum
eru vegleg 245/
40 hjól á 18
tommu álfelgum.
Þakið er með raf-
stýrðri opnun og
fellur ofan í
skottið með einni
rofasnertingu.
Að innan er bíll-
inn klæddur
þykku, ljósu
leðri, jafnt sæti
sem mælaborð
og hurðir. Þarna
er allt til alls;
rafstýring í að-
drætti á stýri,
stjórnrofar fyrir
hljómtæki í stýri,
hraðastillir,
feikiöflug Mark
Levinsson hljóm-
tæki, leiðsögu-
tæki, hiti í sæt-
um, regnskynj-
arar í framrúðu,
minnisstilling í
sætum og stýri, spólvörn og skrið-
vörn svo eitthvað sé nefnt. Aftan
við framsætin eru tvö sæti en þau
nýtast ekki til annars en þess að
geyma litlar töskur eða annað slíkt.
Vélin 286 hestöfl
Það er gríðarlega vandað til
þessa bíls og þess verður greinilega
vart í allri umgengni. Vélin er 4,3
lítra, VVT-i V8, 32 ventla og skilar
286 hestöflum. Þetta er sama vél og
í Lexus LS430 „forsetabílnum“
sem áhugasamir geta virt fyrir sér
í nýjum salarkynnum Lexus á Ný-
býlavegi. Við vélina er tengd fimm
þrepa, rafeindastýrð sjálfskipting,
en Lexus hefur ekki boðið hálfsjálf-
skiptingu í stærri gerðir sinna bíla.
Það er enginn skortur á afli í þess-
um bíl og sjálfskiptingin er afar
fylgin og svarar strax óskum öku-
manns um snúningshraðaaukningu
og skiptir sér hljóðlaust og mjúk-
lega. Það sem vekur líka athygli er
hljóðeinangrunin. Það heyrist vart
í þessari stóru vél, jafnvel þótt
hraustlega sé gefið inn. Bíllinn nær
100 km hraða á 6,4 sekúndum, sem
er talsvert langt frá t.d. Porsche
911 Carrera 4, sem er 5,2 sekúndur
í hundraðið, hvað þá Porsche 911
Turbo sem er 4,2 sekúndur í hund-
raðið, enda ólíku saman að jafna
þar sem Carreran er mun léttari
bíll með 300 hestafla vél og Turbo-
inn með 420 hestafla vél. Einnig
verður að líta til þess að SC430 er
ekki hreinræktaður keppnisbíll,
heldur miklu fremur ofurfágaður
sportbíll með mikilli innistæðu í
formi vélarafls. Helsti keppinautur
þessa bíls á Evrópumarkaði er
reyndar sagður vera Mercedes-
Benz CL 500, sem er með 306 hest-
afla, V8 vél og er 6,5 sekúndur í
hundraðið. Það sem SC430 hefur
hins vegar á móti sér út frá evr-
ópskum væntingum er fjöðrunar-
kerfið. Fjöðrunin er til fyrirmynd-
ar í öllum venjulegum akstri,
mýktin og slaglengdin uppmáluð,
en þegar reynir á bílinn á miklum
hraða hefur hann tilhneigingu til að
missa jarðsambandið.
Þótt Lexus SC430 skáki kannski
ekki bestu sportbílunum í Evrópu,
(lesist Porsche), er þetta magnaður
gripur og svo virðist sem Lexus
hafi hitt á réttu formúluna því lang-
ir biðlistar eru eftir bílnum í Evr-
ópu og Bandaríkjunum. Og þótt
verðið sé um átta milljónir kr. þá er
það, ótrúlegt en satt, tombóluverð
miðað við CL500 sem sagður er
helsti keppinauturinn. Samkvæmt
upplýsingum frá Ræsi, umboðs-
aðila Mercedes-Benz, kostar slíkur
vagn frá um 15 milljónum kr. og er
hann reyndar illfáanlegur vegna
mikillar eftirspurnar erlendis.
Þannig tæki nokkra mánuði að fá
slíkan bíl til landsins.
Lexus SC430
á tombóluverði?
Þokkalegasta farangursrými þegar
þakið er uppi.
Leður er í sætum, hurðum og mæla-
borði.
Ekta viður og leður og hágæðahljómtæki frá Mark Levinsson.
Þakið er með rafstýrðri opnun og fellur ofan í farangursrýmið.
Morgunblaðið/Jim Smart
Lexus SC430 er fágaður sportbíll og hönnunin er stórglæsileg.
Vél: 4.293 rsm, V8, 32
ventlar, VVTi, 286 hest-
öfl, 419 Nm við 3.500
sn./mín.
Gírkassi: Fimm þrepa
sjálfskipting ECT-i.
Hámarkshraði: 250 km/
klst.
Hröðun: 6,4 sekúndur úr
kyrrstöðu í 100 km.
Eyðsla: 12 lítrar í blönd-
uðum akstri.
Lengd: 4,51 m.
Breidd: 1,82 m.
Eigin þyngd: 2.110 kg.
Verð: 7,8–8,4 milljónir kr.
Umboð: Lexus, Nýbýlavegi.
Lexus SC430
gugu@mbl.is
REYNSLUAKSTUR
Lexus SC430
Guðjón Guðmundsson