Morgunblaðið - 02.09.2001, Blaðsíða 13
GUÐRÚN Birgisdóttir og Unnur
Helga Briem, tíu ára dóttir hennar,
fóru í óvenjulega ferð til Danmerkur
í sumar. Þær fóru á viku námskeið í
Danmarks Designhøjskole sem er
lýðháskóli sérhæfður í ýmiss konar
listum. Námskeiðið sem mæðgurnar
fóru á er kallað náttúruhönnunar-
námskeið en þar var unnið að list-
sköpun úr
náttúrulegum
efnum.
„Þetta er
skemmtileg-
asta frí sem ég
hef farið í,“
segir Guðrún
og Unnur
Helga dóttir hennar tekur heilshug-
ar undir. „Þetta kom þannig til að ég
sé um alþjóðamál fyrir heimspeki-
deild Háskóla Íslands og fæ því í
mínar hendur mikið af bæklingum
um skólamál og fleira. Ég fékk upp-
lýsingar um Lýðháskólana í Dan-
mörku fyrir tilviljun og þegar ég fór
að skoða málið sá ég að það voru ein-
hver námskeið sem boðið var upp á
fyrir fjölskyldufólk. Ég tók sérstak-
lega eftir þessum skóla á Jótlandi
sem tók til starfa á síðasta ári.“
Skandinavísk hönnun í fyrirrúmi
Þarna spila saman hefðir og venj-
ur í kringum lýðháskóla og hin frá-
bæra skandinavíska hönnun. Hefð-
bundið nám í skólanum er eins árs
nám fyrir ungt fólk sem er að hugsa
um hvers konar listgreinar það vill
leggja fyrir sig í framtíðinni. Þarna
er hægt að stunda textíl, járnvinnu,
trévinnu, keramik, tónlist og fleira.
Bakgrunnur þessa skóla er að
sögn Guðrúnar þannig að hann er
einkarekinn lýðháskóli, staðsettur
um 25 km. frá Árósum. „Skólinn fær
styrki frá fyrirtækjum og stofnunum
þannig að mjög vel er búið að öllu,
bæði verkstæðum og öðrum híbýl-
um. Til dæmis eru öll hljómflutn-
ings- og sjónvarpstæki og allt hátal-
arakerfi húsanna frá Bang &
Olufsen, stólar, borð, sófar og aðrar
mublur frá þekktustu dönsku hönn-
uðum og fyrirtækjum. Allt yfirbragð
utan sem innan er það besta og
þekktasta í skandinavískri hönnun
og hrein unun að vera þarna.“
Daglegt líf í lýðháskólanum
Guðrún og Unnur Helga fóru á
fjölskyldunámskeið í náttúrulegri
hönnun þar sem áherslan var á að
nota náttúrulegt hráefni. Á nám-
skeiðinu voru auk þeirra um 30 til 40
Danir á öllum aldri og fór kennsla að
öllu leyti fram á dönsku. Þarna voru
ekki bara foreldrar með börn, þarna
var afi með tvö barnabörn, amma
með barnabarn og fólk á öllum aldri.
„Verðið spillti alls ekki fyrir, enda
danskir skólar mikið niðurgreiddir.
Verð fyrir okkur með öllu inniföldu
var um 40.000 krónur fyrir þessa
viku. Öll aðstaða, matur og annað
var í hæsta gæðaflokki, á morgnana
var mjög frábært morgunverðar-
hlaðborð, í hádeginu svignuðu borðin
undan því besta sem gerist í dönsk-
um „frokost“ og tví- og þríréttaður
kvöldverður á hverju kvöldi.
Dagurinn var þannig að á morgn-
ana var sungið og farið í létta leik-
fimi fyrir morgunmat. Eftir morg-
unmat var svo farið á ákveðin
verkstæði. Hægt var að velja um allt
mögulegt en við mæðgurnar vorum
mest í pappírsverkstæðinu auk þess
að prófa keramik og járnvinnslu.
Eftir hádegismat fórum við svo út og
unnum öll saman að því að vinna í
náttúrunni, ekki ósvipað og í Surviv-
or-þáttunum! Markmiðið var að
skapa veislusvæði eða nokkurs kon-
ar heimili handa okkur á þessari viku
sem við höfðum og halda svo veglega
veislu undir berum himni lokakvöld-
ið. Veislusvæðið var unnið eingöngu
úr náttúrulegum efniviði, trjám,
laufum, steinum og öðru sem við við-
uðum að okkur.
Í kringum þetta veislusvæði fór
svo aðalvinnan fram. Við byrjuðum á
því að búa til eldstæði og héldum
fundi um hvað ætti að gera. Svo tálg-
uðum við hnífa og skálar, bjuggum
til stóla og borð ásamt húsi úr trjám
og laufblöðum.
„Á kvöldin voru haldnir fyrirlestr-
ar um ýmiss konar listir, sagðar sög-
ur við varðeldinn. Svo voru lesnar
sögur fyrir yngstu börnin á kvöldin
og þá settist fullorðna fólkið niður á
barnum og spjallaði saman. Dagarn-
ir liðu þannig, það voru allir saman
alltaf, við vorum ekki inni í bæ svo
það var ekkert hægt að skreppa í
búð eða sjoppu. Frábær aðstaða til
að eyða fríi með börnunum.“
Allt gaman tekur enda
Í lok vikunnar var svo sett upp
sýning með því sem fólk hafði gert á
verkstæðunum yfir vikuna. „Við
höfðum aðallega unnið með pappír
og afrakstur vikunnar voru tvær
handgerðar bækur, þrjár pappírs-
skálar og járnhnífur. Aðrir höfðu
unnið með keramik, skorið út úr tré
og einhver hafði búið til stól í garðinn
hjá sér.
Síðasta daginn var svo haldin
veisla á svæðinu sem við höfðum ver-
ið að undirbúa. Það var dúkað borð,
steikt svín og boðið upp á allt sem
hugurinn girntist og var maturinn
þarna með því besta sem gerist.“
Vikan var sem sagt frábærlega
heppnuð hjá mæðgunum og erfitt að
slíta sig frá skólanum og fólkinu þeg-
ar halda átti ferðinni áfram.
Óvenjulegt frí í Danmörku
Náttúrulist í
lýðháskóla
Unnið úti við náttúrusköpun.
Svæðið bak við herragarðinn var
einstakt útivistarsvæði og hægt að
vinna úti alla dagana.
Unnur Helga, 10 ára, að vinna á pappírsverkstæðinu ásamt öðrum nemendum
og kennara.
Hægt er að kynna sér hvað er í
boði hjá Danmarks Designhøj-
skole á heimasíðu skólans,
www.designhojskolen.dk.
Morgunblaðið/Billi
Guðrún Birgisdóttir og Unnur Helga
Briem, dóttir hennar.
Þarna er hægt
að stunda textíl,
járnvinnu, tré-
vinnu, keramik,
tónlist og fleira.
MORGUNBLAÐIÐ SUNNUDAGUR 2. SEPTEMBER 2001 B 13
ferðalög
Bílaleigubílar
Sumarhús
í Danmörku
Ódýrari bílaleigubílar
fyrir Íslendinga
Bílar frá dkr. 1.975.- pr. viku.
Innifalið í verði; ótakmarkaður akstur,
allar tryggingar. (Allt nema bensín og
afgr.gjöld á flugvöllum.)
Aðrir litlir og stórir bílar,
minibus og rútur.
Sumarhús og íbúðir.
GSM- símakort
með dönsku símanúmeri.
Á heimasíðu má velja sumarhús og
orlofsíbúðir, panta bílaleigubíl og
fá fjölbreyttar upplýsingar.
Fylkir Ágústsson
Fylkir — Bílaleiga ehf.
Sími 456 3745
Netfang fylkirag@snerpa.is .
Heimasíða www.fylkir.is .
G LF
í Túnis
Sími 437 2323, fax 437 2321. Netfang travest@simnet.is
Ferðaskrifstofa Vesturlands býður upp á 11 daga
golfferðir til Túnis, þar sem ekkert er til sparað til
að gera ánægjulega og eftirminnilega ferð.
Golf við kjöraðstæður í þægilegu loftslagi.
Fyrsta flokks strandhótel, góður matur og þjónusta.
Sérlega áhugaverður menningarheimur.
Brottfarir 26. október, 8. febrúar og 26. apríl.
Fararstjóri er Sigurður Pétursson, golfkennari.
Verð frá kr. 135.700 í tvíbýli innifalið: flug, fararstjórn,
akstur, gisting, hálft fæði og 8 vallargjöld.
Ferðaskrifstofa Vesturlands, sími 437 2323.