Morgunblaðið - 25.10.2001, Qupperneq 20

LANDIÐ
20 FIMMTUDAGUR 25. OKTÓBER 2001 MORGUNBLAÐIÐ
Hreinasta sjónhverfing
Estée Lauder kynnir
ILLUSIONIST Maximum Curling Mascara
Nú geturðu léð augnhárunum dramatíska
sveigju og lyftingu sem er sjónhverfingu líkust.
Grunnurinn að hinu nýja Illusionist Maximum
Curling Mascara er gel sem byggir á náttúrulög-
málum loftmótstöðunnar. Þetta óvenjulega efni
gerir lyftinguna endingarbetri og sveigjanlegur
trefjaburstinn, sem við höfum einkaleyfi á, auð-
veldar nákvæma ásetningu. Einstaklega lipur
galdrastafurinn gefur fingurgómunum betra grip.
Illusionist - á undan sinni samtíð.
Árvekni um
brjóstakrabbamein
Ráðgjafar frá Estée Lauder verða í Lyfju Smáralind
og Lyfju Lágmúla í dag, fimmtudag, frá kl. 13-18
og í Lyfju Laugavegi og Lyfju Smáratorgi á morgun,
föstudag, frá kl. 13-18.
VATNSBORÐ í borholum Selfoss-
veitna í Laugardælalandi hækkaði
umtalsvert við jarðskjálftana á
síðastliðnu ári. Að sögn Ásbjörns
Blöndal veitustjóra jukust afköst
hitaveitunnar um 15% og má jafna
aukningunni við það að veitan hafi
fengið sem svarar einni aukaholu.
Síðustu fjögur ár hafa verið mikil
vaxtarár hjá Selfossveitum og mikl-
ar framkvæmdir verið í virkjun lág-
hitaholna og vinnu við dreifiveitur.
Á þessum árum voru boraðar
þrjár holur og er sú dýpsta þeirra
2.300 metrar sem mun vera 6.
dýpsta holan á landinu. Farið var í
þessar framkvæmdir vegna vaxandi
byggðar á svæðinu, einkum á Sel-
fossi. Síðasta borverk heppnaðist
mjög vel og leiddi til þess að veitan á
núna mikið umframvatn og er vel
stödd með vatn fyrir byggðina
næstu 15 árin. Þá er vitað að hægt
er að ganga að miklu vatni vísu á
svæðinu, það sýna rannsóknir.
Jarðhitaréttindi Selfossveitna eru
í landi Laugardæla, Stóra-Ármóts
og í landi Laugarbakka á vestur-
bakka Ölfusár. Þar er forrannsókn-
um lokið og búið að staðsetja holu til
rannsókna og vinnslu.
Hitaveitan stóðst skjálftana
„Á árunum 1992 og 1998 fjarlægð-
um við allt asbest úr aðveitu- og
stofnlögnum veitunnar á svæðinu og
eyddum talsverðu fé í það,“ sagði
Ásbjörn veitustjóri og vísaði til þess
að þegar jarðskjálftarnir dundu yfir
urðu engar skemmdir á hitaveitu-
lögnum hjá Selfossveitum. Hann
sagði að asbestlagnirnar hefðu ekki
þolað neinar sveiflur. „Það mátti
varla slökkva á dælu, þá þoldu
leiðslurnar það ekki og byrjuðu að
leka,“ sagði Ásbjörn.
Hann sagði aðaluppbygginguna í
dreifikerfi rafmagns og hitaveitu
vera í tveimur hverfum, Fosshverfi
og Suðurbyggð á Selfossi þar sem
lagðar hafa verið lagnir að 200–260
lóðum. Síðustu áföngunum í þessum
hverfum lýkur í ár.
Fjárhagur Selfossveitna er góður
en veitan var skuldlaus um síðustu
áramót. Þá var tekið 100 milljóna
króna lán vegna fjárfestinga fram í
tímann. Ásbjörn segir tekjur hafa
farið vaxandi en á síðustu átta árum
hefur raforkunotkun á svæði veitn-
anna, í sveitarfélaginu Árborg, auk-
ist um 50% sem er ákveðinn mæli-
kvarði á fjölgun íbúa og aukin
umsvif í atvinnurekstri.
Frá því 1992 hefur ekki orðið
vöxtur í starfsmannahaldi þannig að
hagræðing hefur náðst með samein-
ingu við aðrar veitur. Starfsmenn
Selfossveitna eru nú samtals 15.
Í samstarfi við Bæjarveitu Vest-
mannaeyja var gerð hagkvæmniat-
hugun á rekstri 5 stórra vindmyllna
á hvorum stað. Niðurstöður sýndu
að hægt var að reka myllurnar með
örlitlum hagnaði en keyra þurfti dís-
ilvélar með þeim.
„Ágóðinn var ekki nógu mikill til
að menn teldu rétt að ráðast í verk-
efnið. En vindmylluverð hefur síðan
þá farið lækkandi og það gerir að
verkum að við fylgjumst vel með,“
sagði Ásbjörn. Stofnað var félag, Ís-
lenska vindorkufélagið hf., sem fylg-
ist vel með stöðunni og að sögn Ás-
björns er á döfinni að gera aðra
hagkvæmniathugun miðað við nýjar
forsendur og þá með öðrum aðilum
sem áhuga hafa á að starfa í orku-
geiranum.
„Í kjölfarið á þeim athugunum
verður tekin ákvörðun um uppsetn-
ingu á myllum eða ekki,“ sagði Ás-
björn. Gert er ráð fyrir að þessum
athugunum ljúki í byrjun næsta árs.
Sérstaða okkar er samrekstur
Miðað við óbreytt frumvarp að
orkulögum eins og það liggur fyrir
þyrftu Selfossveitur, að sögn Ás-
björns, að skipta sínum núverandi
rekstri upp þannig að sala á raforku
yrði að vera í sérstöku fyrirtæki en
hitaveita í öðru. Loks yrði dreifing á
rafmagni að vera í sérstakri einingu.
Hann segir að þarna gangi menn
lengra í aðskilnaði en reglugerðir
Evrópusambandsins gera, sem
frumvarpið byggist á. Ásbjörn sagð-
ist telja að ráðuneytið væri tilbúið
að skoða breytingu á þessum þætti
frumvarpsins.
„Ég tel að þegar menn fóru í
smíðina á frumvarpinu hefði átt að
greina sérstöðu okkar hér á landi en
hún felst í sem mestum samrekstri
innan veitufyrirtækjanna. Þannig
hefur þróunin í veiturekstri verið
hér á undanförnum árum og gefist
vel, við höfum getað hagrætt í
rekstri og stillt verði í hóf,“ sagði
Ásbjörn.
Undirrituð hefur verið viljayfir-
lýsing um að skoða sameiningu fyr-
irtækjanna Selfossveitna, Hitaveitu
Suðurnesja og Bæjarveitna Vest-
mannaeyja. Að sögn Ásbjörns mun
verðbréfafyrirtæki meta þessi fyr-
irtæki á sama grunni. Hann sagði
það gert til að tillögur að eignarhlut
í nýju félagi byggðust á sömu for-
sendum. „Þessar vinnu á að ljúka 1.
nóvember en þá munu stjórnir og
eigendur fyrirtækjanna fá þessar
niðurstöður til mats og athuga-
semda. Í framhaldi af því getur orð-
ið til tillaga að sameiningu ef fólki
líst svo á,“ sagði Ásbjörn.
Samhliða sagði Ásbjörn unnið að
öðru mati. Annars vegar væru nú-
verandi stjórnarmenn að huga að
framtíðarskipulagi sameinaðs fyrir-
tækis og hlutverki starfsstöðva á
hverjum stað. Þar væru menn með
augun á því að þjónustan yrði ekki
lakari á hverjum stað en nú er.
Helst vildu menn að frekari upp-
bygging gæti átt sér stað. „Við vilj-
um gera vel á þeim markaði sem við
störfum á í dag og viljum afla frek-
ari viðskipta með góðri þjónustu.“
Hins vegar væri unnið að því að fá
RARIK á Suðurlandi að hinu sam-
einaða fyrirtæki ef sú yrði niður-
staðan. Þessar hugmyndir hafa, að
sögn Ásbjörns, verið kynntar iðn-
aðarráðuneytinu og ætlunin er að
kanna hug ráðuneytisins til þessara
hugmynda. „Þetta hefði þau áhrif á
Suðurlandi, Reykjanesi og í Hafn-
arfirði að sameinuð dreifiveita
myndaðist og sameinuð þjónustu-
svæði. Í því felast hagræðingar-
möguleikar stærðarinnar,“ sagði Ás-
björn.
„Okkar fyrirtæki, Selfossveitur,
er vel statt, bæði á raforkusviði og
hitaveitusviði. Við erum með vel
endurnýjað dreifikerfi í raforku og
hitaveitan er mjög öflug lághitaveita
þar sem við búum yfir mikilli þekk-
ingu starfsmanna. Í sameinuðu fyr-
irtæki þurfa allir þættir að eflast,“
sagði Ásbjörn Blöndal, veitustjóri
Selfossveitna.
Mikill vöxtur hjá
Selfossveitum
Afköst í borholum Sel-
fossveitna jukust um
15% við jarðskjálftana í
fyrra. Þessi aukning og
borun á þremur holum
hefur tryggt veitusvæð-
inu nægt heitt vatn til
næstu 15 ára, að því er
fram kemur í viðtali
Sigurðar Jónssonar
við Ásbjörn Blöndal
veitustjóra. Þeir
ræddu einnig um vind-
myllur, samrekstur,
sameiningu og fleira.
Selfoss
Morgunblaðið/Sigurður Jónsson
Ásbjörn Blöndal, veitustjóri Selfossveitna í Árborg.
NÝLEGA var haldinn svokallaður
starfsdagur hjá fermingarbarna-
hópnum í Ólafsvík. Um var að ræða
samstarfsverkefni Ólafsvíkurkirkju
og grunnskólans í Ólafsvík undir
stjórn umsjónarkennara og sókn-
arprests. Fyrir hádegi fengu börnin
fræðslu í skyndihjálp, brunavörn-
um, smurbrauðsgerð auk kennslu á
áttavita og á GPS tæki.
Eftir hádegi fóru ferming-
arbörnin í ratleik í kringum jökul
en þar biðu þeirra ýmis verkefni
þar sem reyndi á kunnáttu þeirra
frá því um morguninn. M.a. þurftu
þau að finna slasaðan mann á Arn-
arstapa með hjálp áttavita og GPS
tækis og síðan þurfti auðvitað að
veita hinum slasaða nauðsynlega
skyndihjálp. Í ratleiknum reyndi
umfram allt á samvinnu og vand-
virkni en stundum skipti líka máli
að hafa hraðar hendur, td. ef um
slasaða manneskju var að ræða.
Undrunarsvipur kom á suma íbúa
Ólafsvíkur þegar fermingarbörn
gengu til þeirra og gáfu dýrindis
smurbrauðsbakka en það var ein-
mitt einn liðurinn í ratleiknum.
Einnig reyndi á listfengi og hug-
myndaflug barnanna í ljóðagerð og
listaverkum búnum til úr grösum,
steinum, sandi og þangi.
Ratleiknum, sem bar heitið „Trú
í verki“, lauk seinnipart dags og
starfsdeginum var svo formlega
slitið með helgistund í kirkjunni og
grillveislu á eftir. Þess má geta að
fermingarbörnin í Ólafsvík eru
óvenju mörg eða þrjátíu talsins.
Morgunblaðið/Elín Vala
Fermingarbörn í Ólafsvík fyrir utan kirkjuna á leið í ratleik.
„Trú í verki“
Ólafsvík