Morgunblaðið - 25.10.2001, Blaðsíða 21

LANDIÐ
MORGUNBLAÐIÐ FIMMTUDAGUR 25. OKTÓBER 2001 21
ÁRIÐ 2001 er evrópsk tungu-
málaár og í ár heldur Háskóli Ís-
lands upp á 90 ára afmæli. Í tilefni
tímamótanna stendur skólinn fyrir
tungumálanámskeiði fyrir börn
víða um land. Grunnskólum á lands-
byggðinni stóð til boða námskeið í
nokkrum tungumálum og varð
danska fyrir valinu í Stykkishólmi.
Nemendur þriðja bekkjar tóku
þátt í dönskunámskeiðinu og fór
fyrsti hluti þess fram síðasta laug-
ardag. Umsjón hefur Kristín Jó-
hannesdóttir, kennsluráðgjafi við
Norræna húsið og henni til að-
stoðar er Tomas Bölkov frá Dan-
mörku. Þau hafa samið námsefnið
sem byggist upp á tónlist og föndri.
í vinnubók.
Að viku liðinni hafa umsjón-
armenn samband við krakkana í
gegnum fjarkennslu. Að hálfum
mánuði liðnum mæta þau aftur í
Hólminn og verða þá lok nám-
skeiðsins. Háskólinn greiðir allan
kostnað og er það gjöf til yngstu
nemenda grunnskóla úti á landi á
afmælisárinu.
Morgunblaðið/Gunnlaugur Árnason
Nemendur þriðja bekkjar grunnskólans í Stykkishólmi á dönskunámskeiði í boði Háskóla Íslands. Námsefnið
var mjög lifandi og vakti áhuga þeirra. Á myndinni eru þau að syngja með látbragði lag á dönsku.
Kynnast dönsku í
boði Háskóla Íslands
Stykkishólmur
ÞINGMENN landsins nota þessa
viku sem frí er gefið frá þingstörfum
til þess að heimsækja kjósendur
sína, heyra hvað á þeim brennur og
upplýsa þá um hvað er efst á baugi í
landsmálunum.
Þingmenn Vestfjarða eru þar eng-
in undantekning. Voru þeir allir
saman á ferð í Strandasýslu á mánu-
dag og áttu fundi með sveitar-
stjórnarmönnum. Héldu þeir fundi
bæði á Hólmavík og á Drangsnesi.
Vildu þeir með þessum fundum fá
fram frá sveitarstjórnarmönnum
skoðanir þeirra á hinum ýmsu mál-
um sem unnið er að og ekki síður
ábendingar sem sveitarstjórnar-
menn óska eftir að tilllit verði tekið
til í störfum þingmanna.
Eftir fund með sveitarstjórnar-
mönnum í Kaldrananeshreppi var á
áætlun að næsti fundur yrði á Reyk-
hólum með sveitarstjórnarmönnum í
Reykhólahreppi.
Þingmenn
Vestfjarða
saman á ferð
um Strandir
Drangsnes
NÚ nýlega fóru þrír ungir bændur úr
Mývatnssveit á bíl suður fyrir Vað-
öldu og að Svartá til að sækja þangað
þrjár kindur sem sést hafði til úr flug-
vél. Leiðin er um 150 kílómetra löng
úr Mývatnssveit.
Þeir Gunnar Rúnar Pétursson,
Birgir Hauksson og Jón Ingi Hinriks-
son settu undir sig pallbíl og óku
Öskjuleið, en þegar komið var að
Dreka var haldið austur með Dyngju-
fjöllum, suður fyrir Vaðöldu og er þá
komið að upptökum Svartár. Svartáin
silfurtær sprettur þar upp úr sand-
inum og er töluvert vatnsfall. Hún á
sér síðan afar stutta ævi því eftir um
það bil 4 kílómetra ferð meðfram Vað-
öldu steypist hún í fallegum fossi
fram af 4 metra hraunbrún að kalla
beint út í Jökulsá, sem gleypir hana í
sig og þar með er saga hennar öll.
Á þessu svæði er kolsvartur eyði-
sandur, Dyngjusandur og nær enginn
gróður enda í um 650 m.y.s. en á
bökkum árinnar er nokkurt hvann-
stóð sem gefur umhverfinu sumarfag-
urt yfirbragð og snapir fyrir sauðfé.
Hætt er við að skammdegið hefði þó
orðið skepnunum erfitt ef dvölin hefði
ekki verið rofin við komu leitar-
manna.
Ferð þeirra félaga gekk snöfur-
mannlega og tók aðeins um 7 klst.
Færð var ágæt miðað við aðstæður og
hvergi snjór en veður hið fegursta.
Suður við Svartá fundu þeir á með
tveim lömbum og voru vel haldin,
auðvelt reyndist að handsama skepn-
urnar sem reyndust frá Norðurhlíð í
Aðaldal, í eigu Agnars Kristjánssonar
bónda þar, en þangað er um 105 km
loftlína frá Svartá.
Snöfurmannleg
ferð eftir
þremur kindum
Mývatnssveit
♦ ♦ ♦