Morgunblaðið - 18.11.2001, Síða 20

20 SUNNUDAGUR 18. NÓVEMBER 2001 MORGUNBLAÐIÐ
FELIX Steinþórsson fæddist24. október síðastliðinn. Á35. viku meðgöngu greindisthjartagalli í fóstrinu. Tveim-
ur dögum fyrr hafði komið í ljós ör-
lítið óreglulegur hjartsláttur hjá
fóstrinu og var móðirin, Claire, því
send í ómskoðun til Gunnlaugs Sig-
fússonar, sérfræðings í hjartalækn-
ingum barna. Þar kom í ljós að
fóstrið hafði alvarlegan hjartagalla.
Þegar ljóst var að von var á dreng
ákváðu þau Claire og Steinþór að
gefa honum nafnið Felix sem merk-
ir farsæll. Felix á eina systur,
Bríeti, sem er tæplega tveggja ára
gömul.
Lærir að drekka úr
„uppsprettunni“
Það hefur margt gerst í lífi Felix
á þeim stutta tíma síðan hann fædd-
ist. Hann var skírður á vökudeild
kvennadeildar Landsspítalans
tveimur dögum eftir fæðingu.
Tveimur dögum síðar var hann svo
kominn í flugvél á leið til Boston í
Bandaríkjunum til að gangast undir
sína fyrstu hjartaaðgerð. Aðgerðin,
sem tók fjóra klukkutíma, var gerð
29. október og gekk mjög vel. Hann
jafnaði sig vel og fljótt og hinn 7.
nóvember rann heimferðardagurinn
upp. Hann var kominn heim 8. nóv-
ember síðastliðinn og er nú undir
ströngu eftirliti auk þess sem hann
er nú að æfa sig að drekka móð-
urmjólkina úr „uppsprettunni“, eins
og faðir hans orðar það á heimasíð-
unni.
Um allt þetta og margt fleira er
hægt að lesa í dagbók Felix sem
nær allt aftur til 11. september.
Steinþór segir að þegar hjartagall-
inn hafi komið í ljós hafi hann strax
byrjað að leita að upplýsingum á
Netinu. Hann rakst fljótlega á
góðar íslenskar heimasíður um börn
í svipaðri aðstöðu t.d www.isholfi.-
is/arndisk/ og www.janasif.-
piranho.com og sá að þessi upplýs-
ingamiðill væri upplagður til að
miðla upplýsingum um hjartagall-
ann og gang mála til ættingja, vina
og kunningja.
Hjálpar til að takast á
við streituna
Steinþór segist hafa verið svo
heppinn að hafa sæmilega tölvu-
kunnáttu þannig að vefurinn var
tilbúinn á nokrum dögum. Það var
svo á fæðingardegi Felix að hann
sendi vefslóðina til ættingja og vina
og þar með var vefurinn kominn af
stað. Claire, móðir Felix, er ensk og
því var nauðsynlegt að halda síðunni
úti bæði á íslensku og ensku. „Mér
hefur gengið mjög vel að viðhalda
upplýsingum á síðunni,“ segir Stein-
þór, „og það verður reyndar að við-
urkennast að það að hanna síðuna
og viðhalda henni hefur verið mér
mjög mikilvægur liður í að takast á
við þá streitu sem fylgir óneitanlega
þeim aðstæðum sem við lentum allt
í einu í.
Ég varð fljótlega var við mjög já-
kvæð viðbrögð frá ættingjum og
vinum og það hvatti mig til dáða.
Við höfum orðið vör við mikinn hlý-
hug og erum mjög þakklát öllum
þeim sem senda okkur tölvupóst í
gegnum síðuna eða skilaboð í gegn-
um gestabókina.“ Á heimasíðu Felix
eru miklar og góðar upplýsingar.
Hægt er að velja um upplýsingar
um Felix, hjartagalla hans, dagbók,
myndasafn, tengla, ýmislegt efni og
heimasíðu allra fjölskyldumeðlima á
Fagrahjalla 70, þ.e, Felix, Bríetar,
Steinþórs og Claire. Auk þess er
bæði hægt að skoða gestabók og
skrifa í hana. Vefslóðin er www.sim-
net.is/steinbal/Felix.htm
Steinþór segir að þau stefni að
því að halda áfram að uppfæra síð-
una en ljóst sé að það muni ganga
misjafnlega hratt frá mánuði til
mánaðar. Hann segir að mestu
skipti að Felix gangi vel að jafna sig
á næstu mánuðum eftir uppskurð-
inn sem hann fór í, en hann dafni vel
og að vel gangi að undirbúa hann
undir næsta uppskurð svo að hægt
verði að skrifa jákvæðar og uppörv-
andi fréttir inn á síðuna hans.
Með eigin heima-
síðu við fæðingu
Það fæddist lítill drengur í Reykjavík hinn 24. október síðastliðinn og sama
dag var opnuð heimasíða hans á Netinu. Ástæðan var sú að vitað var að
barnið væri með hjartagalla og foreldrarnir, Claire Bilton og Steinþór Bald-
ursson, vildu geta miðlað upplýsingum um drenginn og hvernig honum
reiddi af til ættingja og vina, enda vitað að fljótlega þyrfti hann að gangast
undir hjartauppskurð. Ásdís Haraldsdóttir skoðaði heimasíðuna.
Á heimasíðu Felix geta ættingjar og vinir fylgst með uppvexti hans.
asdish@mbl.is
Felix litli ásamt foreldrum sínum, þeim Claire Bilton og Steinþóri Baldurssyni, og systur sinni Bríeti.
GÆSAPARTÍ, ný íslenskkvikmynd í fullri lengd,verður frumsýnd umnæstu helgi. Myndin var
tekin á aðeins sex dögum, spunnin og
leikin af ungum konum úr Borgar-
firði. Böðvar Bjarki Pétursson, leik-
stjóri og framleiðandi, segir að
myndin sé óður til íslenskra kvenna.
Myndina tileinkar hann dætrum sín-
um. „Oft er sagt að ekki séu nógu
góð handrit í íslenskum myndum en
ég hef sagt að þetta sé orðið klisja.
Það sem okkur vantar er að íslenskir
kvikmyndagerðarmenn tali frá
hjartanu. Friðrik Þór Friðriksson er
sá eini okkar sem sannarlega talar
yfirleitt frá hjartanu með sínum
myndum. Með því að tileinka mynd-
ina dætrum mínum verð ég að tala
frá hjartanu. Boðskapurinn er: Hve-
nær á maður sig sjálfur? Er heim-
urinn marglitur eða er hann einlit-
ur?“
Fékk hugmyndina í Hyrnunni
Á forsýningum hefur leikstjórinn
orðið þess var að konur um tvítugt
eru yfir sig hneykslaðar á framferði
kvennanna í gæsapartíinu og blygð-
ist sín hreinlega fyrir þær. Viðbrögð
eldri kvenna eru allt önnur og þeim
þykir gæsapartíið fyndið.
Leikstjórinn, sem jafnframt
stendur að kvikmyndagerðinni 20
geitum og stýrir að auki Kvikmynda-
skóla Íslands, fékk hugmyndina að
myndinni fyrir tveimur árum. „Ég
var staddur í Hyrnunni í Borgarfirði
á fögrum vordegi þegar rúta kom
upp að og húsið fylltist af konum í
furðubúningum. Unnið var að hand-
ritinu í tvö ár en síðan var ákveðið að
stökkva til og gera þetta með spuna.
Þó voru allar línur nokkuð vel lagð-
ar. Hugmyndin var sú að vinna með
heimamönnum en við undirbjuggum
leikkonurnar mjög vel og vorum með
þær á æfingum í þrjár vikur,“ segir
Böðvar Bjarki.
Engin kvennanna hafði reynslu af
leik en Böðvar Bjarki kveðst hafa
verið afar heppinn með leikaravalið
og aðstoðarleikstjóra í myndinni sem
er Árni Pétur Guðjónsson.
Enginn skilur tilganginn
með gæsapartíum
Myndin gerist á einum sólarhring
á Mótel Venusi í Borgarnesi, þar
sem hún er tekin upp. Þar hafa
nokkrar vinkonur söguhetjunnar
tekið staðinn á leigu og slegið upp
gæsapartíi. „Gæsapartí er mjög sér-
stakt fyrirbæri. Það er einhvers kon-
ar „ritúal“ en enginn skilur fullkom-
lega tilganginn með því. Ég
rannsakaði þetta fyrirbæri nokkuð
vel og heyrði sögur af mörgum
gæsapartíum. Það sem kom mér
kannski mest á óvart var það að það
er engan veginn á hreinu hvers
vegna slíkum veislum er slegið upp.
Það er jú hnapphelda framundan og
e.t.v. verið að benda viðkomandi á að
verið sé að yfirgefa vissan lífsmáta
með væntanlegu hjónabandi.
Það eru líka margir þættir þekktir
í gæsapartíum, eins og t.d. að bjóða
gæsinni á veitingastað og láta hana
sitja við hlið brúðu sem er klædd í
jakkaföt. Þetta er fullkomlega óskilj-
anlegt. Einnig er limadýrkunin al-
geng í gæsapartíum, en hugsanlega
er það tákn fyrir vald sem gæsin er
að gefast undir. Þetta er raunsannur
heimur sem ég er að lýsa að því leyti
til að ég vann myndina að töluverðu
leyti með samþykki leikkvennanna
og fékk hugmyndir frá þeim í fram-
vindunni. En senurnar eru skrifaðar
af karlmönnum og sumar þeirra eiga
einhverjar konur væntanlega eftir
að gagnrýna,“ segir Böðvar Bjarki.
Teflt saman tveimur heimum
Algengt viðkvæði kvenna sem
hafa séð myndina er að þær langi til
þess að horfa á hana vegna þess að
þær þekki ekki svona konur. „Fyrir
mér eru þetta konur eins og ég þekki
þær. Ég held að tilgangurinn sé því
fyrst og fremst sá að koma inn í
kvennahóp, lýsa þeirri upplifun og
segja auk þess í leiðinni sögu af gæs-
inni.“
Í kvikmyndinni er teflt saman
tveimur heimum; annars vegar
heimi kvennanna og hins vegar
heimi Kristjáns, bróður gæsarinnar,
sem leikin er af Oddnýju Guðmunds-
dóttur, og vini væntanlegs brúð-
guma. Þeir tilheyra báðir sértrúar-
söfnuði og í kvikmyndinni leitast
Kristján við að halda veislunni innan
siðsamlegra marka. „Auðvitað er
Kristján fulltrúi einhvers valds eða
einstrengingsháttar á hvaða sviði
sem er. Þarna er því líka stillt upp að
í gæsapartíi er stigið inn í alveg nýj-
an heim.“
Sömuleiðis er teflt fram sem and-
stæðu við heim gæsapartísins söng-
lögum sem allir þekkja úr sunnu-
dagaskólum landsins. Guðmundur
Pétursson gítarleikari annast tón-
listarþátt kvikmyndarinnar. „Á dá-
lítið barnslegan hátt er ég að benda á
að við erum samsett úr mörgum lög-
um. Ef þú sest niður og lest ung-
lingabók sem þú last sem unglingur
geta undarlegir hlutir gerst í höfði
þínu. Þú kemst í samband við dreng-
inn sem var að lesa þessa bók og ferð
að hugsa sömu hugsanirnar. Með
öðrum orðum ertu þarna ennþá. Ég
er að leika mér með þetta og tónlist
Guðmundar er ein af uppgötvunum í
myndinni.“
Gæsapartí
– óður leikstjóra til
íslenskra kvenna
Úr kvikmyndinni Gæsapartí. Myndin var tekin á sex dögum.
Um næstu helgi verður
frumsýnd ný íslensk
kvikmynd, Gæsapartíið.
Guðjón Guðmundsson
ræddi við leikstjóra
myndarinnar, Böðvar
Bjarka Pétursson.