Morgunblaðið - 18.11.2001, Page 48

48 SUNNUDAGUR 18. NÓVEMBER 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
FRAM undan eru stórauknir flutn-
ingar á sementi með stórum flutn-
ingabílum á Vesturlandsvegi til
Reykjavíkur. Daglega munu tugir
slíkra bíla leiða af sér stórhættu í
umferð, ekki síst Hvalfjarðargöng-
um, mikla aukningu mengunar og
aukinn kostnað fyrir þjóðfélagið. Á
sama tíma er Skeiðfaxi, hljóðlátt,
hættulaust og lítt mengandi skip
sem borgar sig, lagt niður. Þetta er
gert til að Sementsverksmiðja rík-
isins fái meiri peninga úr flutnings-
jöfnunarsjóði því hún fær meiri
styrki á hvert tonn fyrir flutninga
á bílum en í skipinu sem frekar
borgar sig þjóðhagslega. Þarna er
ríkið að moka sementspeningum úr
einum vasa í annan en þjóðarbúið
tapar.
Er flutningsjöfnunarsjóður ætl-
aður til jafnaðar milli landshluta
eða er hann ætlaður í gróðabrask á
höfuðborgarsvæðinu eins og sjóð-
urinn virkar í dag? Ef fyrirtæki,
sem fær greitt úr sjóðnum, færir
flutninga frá skipi yfir á stóra bíla,
tæplega þrefaldast greiðslur úr
sjóðnum og skekkir þar að auki
samkeppnishæfni sjóflutninga.
Sementverksmiðjan á Akranesi
ákvað á dögunum að leggja skipi
sínu Skeiðfaxa og færa flutningana
yfir á stóra sementsbíla og yfirfull-
an Vesturlandsveg – þar sem er
meiri umferð en á Reykjanesbraut.
Sementsverksmiðjan fær greiddar
990 krónur fyrir tonnið á bifreiðum
en fékk 391 fyrir tonnið í skipi.
Í lögum sjóðsins segir að stjórn
hans sé skylt að miða greiðslur við
þá flutningshætti sem ódýrastir
eru á hverjum tíma. Þau lög eru
því brotin með því að færa flutn-
ingana frá skipinu yfir á stóru bíl-
ana.
Þingmenn Suðurnesja hafa lagt
fram tillögu um að banna flutninga
á olíu á Reykjanesbraut og Grinda-
víkurvegi vegna mengunarhættu.
Það breytist kannski ef sjóflutn-
ingar fá að keppa á jafnréttis-
grundvelli – til hagsbóta fyrir um-
ferðaröryggi, vegina sjálfa,
þjóðarhag og ríkisfjármál og ég
tala nú ekki um Kyoto-bókun.
GEORG ÞORVALDSSON,
sjómaður, Grenigrund 10,
Akranesi.
Ríkisverksmiðja
mokar peningum úr
einum vasa í annan
Frá Georg Þorvaldssyni sjómanni:
ÞEGAR kom að því á fyrrihluta
þessa árs að gera skattframtal þar
sem gerð skyldi grein fyrir tekjum
ársins 2000 og eignum í árslok leit
dagsins ljós sú nýbreytni að skráðar
voru inn á framtalsblöðin upplýs-
ingar um tekjur ársins 2000 og eign-
ir í árslok.
Upplýsingar þessar voru sóttar í
tölvukerfi ríkisskattstjóra, Fast-
eignamats ríkisins og í Bifreiðaskrá.
Sá sem þetta ritar hefur með
höndum smávegis framtalsþjónustu.
Vitneskjan um þessar breytingar
vakti nokkra tilhlökkun að þær boð-
uðu minni vinnu við framtalsgerð-
ina, þeim mun frekar sem tími til
framtalsskila var verulega skertur.
En strax kom í ljós agnúi sem að
óreyndu enginn hefði trúað að verða
mundi á þessari framkvæmd.
Að sögn ríkisskattstjóra birtust á
framtalsblöðunum upplýsingar frá
100 stærstu launagreiðendum lands-
ins svo og um greiðslur frá Trygg-
ingastofnun og lífeyrissjóðum lands-
ins. En upplýsingar um afdreginn
staðgreiðsluskatt af þessum tekjum
vantaði. Upphæð skattsins skal
færa í sérstakan reit á framtalinu
með auðkennisnúmeri 296 og er
hann tölvuskráður við úrvinnslu
þess.
Þessi vöntun upplýsinga kom
a.m.k. þeim sem þessar línur ritar
algjörlega á óvart, mér fannst það
hlyti að hafa næstum verið sjálfgefið
að skrá upphæð afdreginnar stað-
greiðslu um leið og tekjurnar.
Framteljendur velflestir höfðu
vitneskju um þessa nýbreytni og
það hafði þær afleiðingar þeir hirtu
miklu minna um að halda til haga og
láta fylgja eyðublöðum sínum launa-
miða eða launaseðla vinnuveitenda
þar sem afdregin staðgreiðsla ársins
kemur fram.
Ég hefi litið svo á skattyfirvöld
mundu ekki telja framtal frágengið
til fullnustu nema áðurnefndur reit-
ur væri útfylltur. Umtalsverður tími
og fyrirhöfn af minni hálfu fór því í
það að afla upplýsinga um endan-
lega upphæð staðgreiðsluskatts ein-
stakra framteljenda. Þeim mun
bagalegra var það þar sem tími til
framtalsskila var 2 – 3 vikum styttri
en undanfarin ár.
Því beini ég þeirri ábendingu til
ríkisskattstjóra, sem vonandi er þó
óþörf, að upphæð staðgreiðsluskatts
af tekjum á framtalsblöðum 2002
verði forprentuð í reit 296.
Sé hinsvegar sú raunin að slíkt sé
óþarft þá birtist það væntanlega í
þeirri mynd að áðurnefndur reitur
verði ekki á framtölum 2002 eða
sýnt greinilega að hann sé ekki
„skráningarskyldur.“
GUÐMUNDUR GUNNARSSON,
lífeyrisþegi, búsettur
á Akureyri.
Bréfkorn til
ríkisskattstjóra
Frá Guðmundi Gunnarssyni: