Morgunblaðið - 06.04.2002, Side 2

FRÉTTIR
2 LAUGARDAGUR 6. APRÍL 2002 MORGUNBLAÐIÐ
Fylgstu
með
nýjustu
fréttum
www.mbl.isSenegalferð knattspyrnu-
manna flautuð af / 1B
ÍS hefur vænlega stöðu
eftir annan sigur / B1
4 SÍÐUR16 SÍÐUR
Sérblöð í dag
Á LAUGARDÖGUM L a u g a r d a g u r6.
a p r í l ˜ 2 0 0 2
SEXTÁN manns báru í gær vitni
fyrir dómi í máli lögreglustjórans í
Reykjavík gegn fyrrverandi flug-
rekstrarstjóra Leiguflugs Ísleifs
Ottesen en hann er sakaður um að
hafa sem flugstjóri TF-GTX flutt 12
farþega frá Vestmannaeyjum til Sel-
foss en vélin var aðeins búin sætum
fyrir 10 farþega. Þetta á að hafa átt
sér stað að morgni 7. ágúst 2000 en
síðar þann sama dag hrapaði flugvél
frá flugfélaginu í Skerjafjörð og lét-
ust sex af völdum flugslyssins.
Flugrekstrarstjórinn hefur ávallt
neitað sök og breytti í engu frá þeim
framburði í gær þegar aðalmeðferð
málsins fór fram fyrir Héraðsdómi
Reykjavíkur. Hann hefði ekki flogið
með of marga farþega og neitaði að
hafa sagt einhverjum þeirra að sitja
á gólfi vélarinnar. Á hinn bóginn
hefði hann ekki haft tök á að líta
mikið aftur í vélina og komist að því
við lendingu á Selfossi að dóttir
hans, sem var farþegi í vélinni, hefði
setið í fangi unnusta síns við lend-
ingu og meðan á fluginu stóð. Þá
væri hugsanlegt að einhver farþeg-
anna hefði fært sig úr sæti sínu og
niður á gólf vélarinnar án hans vit-
undar.
Dóttir flugrekstrarstjórans og
unnusti hennar sögðust fyrir dómi
ekki hafa séð að umframfarþegar
væru í flugvélinni. Unnusti hennar
kvað einn farþeganna hafa verið
mjög ölvaðan og með háreysti í vél-
inni og m.a. sungið. Það hefði farið
illa um hann og hann hefði fært sig
úr sæti sínu og um tíma setið á gólfi
vélarinnar.
Hildur Briem, fulltrúi ákæru-
valdsins, sagði ljóst af framburði 10
annarra sem báru vitni í gær, að þau
hefðu öll verið um borð í flugvélinni í
umræddu flugi og til samans hefðu
farþegarnir því verið 12. Þessu mót-
mælti verjandi flugrekstrarstjórans,
Baldvin Björn Haraldsson hdl., og
sagði að ósannað væri með öllu að
þau hefðu verið samtímis um borð og
raunar væri alls ekki víst að allir
hefðu flogið með TF-GTX frá Vest-
mannaeyjum.
Ekkert sæti og varð því
að sitja á gólfinu
Flest þessara 10 vitna sögðu á
hinn bóginn að ljóst hefði verið við
flugtak að tveir farþegar hefðu ekki
sæti. Því hefði einn þeirra orðið að
sitja á gólfinu og stúlka hefði orðið
að sitja í fangi pilts. Ung kona sem
bar vitni sagðist þó ekki vera viss um
að hafa séð fleiri en einn umframfar-
þega og tveir piltar sögðust lítið
muna eftir flugferðinni og vildu ekki
staðfesta um fjölda farþega í vélinni.
Einn þeirra sem bar vitni sagði að
flugstjórinn hafi sagt sér að setjast á
tösku milli sæta á gólfi vélarinnar en
þá hefðu engin sæti verið laus auk
þess sem ein stúlka hafi setið í fangi
pilts. Hann hefði ákveðið að gera
þetta enda þurfti hann að vera í sam-
floti með öðrum frá flugvellinum á
Selfossi. Hann kvað dvölina á gólfinu
hafa verið óþægilega og hann hafi
verið smeykur meðan á fluginu stóð.
Unnusta hans bar á sama veg.
Hún kvaðst hafa rætt þetta við flug-
stjórann en mundi ekki gjörla hver
viðbrögð hans voru. Aðspurð um að-
draganda þess að hún bar vitni um
þetta fyrir lögreglu sagðist hún hafa
sagt vinkonu sinni þetta, sagan hefði
síðan spurst út. Faðir eins þeirra
sem fórst í flugslysinu í Skerjafirði
hefði í kjölfarið haft samband við sig
og spurt hvort hann mætti segja lög-
reglunni að hringja í hana. Hún hafi
játað því og stuttu síðar hafi lögregla
haft samband.
Auk þeirra sem sögðust hafa verið
um borð í vélinni bar vitni flugvéla-
verkfræðingur, flugmaður og fyrr-
um starfsmaður LÍO.
Við skýrslugjöf vitna gerði Valtýr
Sigurðsson, formaður dómsins, all-
nokkrar athugasemdir við spurning-
ar verjandans, Baldvins Björns Har-
aldssonar hdl. Þá heimilaði dómari
honum ekki, í málflutningsræðu, að
vitna til álits geðlæknis á framburði
vitna hjá lögreglu. Áður hafði hér-
aðsdómur í tvígang neitað verjand-
anum um að leggja skýrsluna fyrir
dóm og hafði Hæstiréttur staðfest
þá niðurstöðu.
Verjandinn hélt því m.a. fram að
umfjöllun fjölmiðla hefði haft áhrif á
framburð vitna og nefndi sérstak-
lega að fimm þeirra hefðu komið til
skýrslutöku að lokinni ítarlegri um-
fjöllun í fjölmiðlum. Þá væri mikið
misræmi í framburði þeirra. Fulltrúi
ákæruvaldsins mótmælti þessu og
sagði vitnin enga ástæðu hafa til að
skýra rangt frá. Hún krafðist sak-
fellingar og að ákærði yrði tíma-
bundið sviptur atvinnuflugmanns-
skírteini.
Dóms er að vænta 24. apríl nk.
Aðalmeðferð lokið í máli fyrrum flugrekstrarstjóra LÍO
Flest vitni sögðu
farþega of marga
NOTKUN regnhlífa er fremur lítil
hérlendis, þótt ekki megi kenna úr-
komuleysinu um heldur rokinu,
sem oft fylgir regninu, og fettir og
brettir jafnvel sterkustu regnhlífar.
Fólkið sem varð á vegi ljósmynd-
arans í vikunni virtist skemmta sér
bærilega í einni skúrinni í mið-
bænum og gæti hafa verið að æfa
miðbæjarröltið fyrir næstkomandi
þjóðhátíðardag með tilhlökkun í
brjósti.
Morgunblaðið/Ásdís
Bros í regni
VALGERÐUR Sverrisdóttir iðnað-
arráðherra segist í samtali við Morg-
unblaðið kannast við það að fulltrúi
íslenskra stjórnvalda hafi nýlega haft
samband við stjórnendur bandaríska
álrisans Alcoa, vegna stóriðjufram-
kvæmda hér á landi. Staðfestir hún
þar ummæli eins upplýsingafulltrúa
Alcoa í blaðinu á fimmtudag.
Ráðherra segist ekki hafa haft
samband persónulega við Alcoa og
vill heldur ekki upplýsa hver hafi gert
það eða nákvæmlega hvenær.
„Samtöl hafa átt sér stað af hálfu
aðila sem heyra undir stjórnvöld.
Menn hafa persónuleg sambönd við
ýmis stórfyrirtæki og núna er um að
gera að rifja upp öll slík sambönd,“
segir Valgerður.
Hún segir formlegar viðræður
hvorki hafa farið fram við Alcoa né
önnur álfyrirtæki að undanförnu,
enda sé það verkefni nýskipaðrar við-
ræðunefndar, undir forystu Finns
Ingólfssonar, að setja sig í samband
við álfyrirtæki og aðra mögulega
samstarfsaðila erlendis.
„Alcoa er mjög áhugavert fyrir-
tæki, enda það stærsta á álmarkaðn-
um og eitt þeirra sem við horfum
mjög til með samstarf í huga. Því er
fullkomlega kunnugt um Noral-verk-
efnið á Íslandi.“
Stjórnendur Alcoa hafa
áður hitt íslenska ráðamenn
Garðar Ingvarsson, framkvæmda-
stjóri Fjárfestingarstofunnar – orku-
sviðs, sem iðnaðarráðuneytið og
Landsvirkjun starfrækja, hefur í
gegnum tíðina átt mikil samskipti við
erlend álfyrirtæki vegna stóriðju-
áforma hér á landi. Í samtali við
Morgunblaðið sagðist Garðar kann-
ast persónulega við marga háttsetta
stjórnendur Alcoa, líkt og margra
annarra álfyrirtækja, en hann sagðist
ekki hafa verið í sambandi við þá ný-
lega að fyrra bragði. Fyrirtækið hefði
fyrr á árum sýnt áhuga á að taka þátt
í stóriðjuverkefnum.
Garðar sagðist hafa í gegnum árin
bæði tekið á móti stjórnendum Alcoa
hér á landi og heimsótt þá oftar en
einu sinni. Þannig hefði aðalforstjóri
fyrirtækisins komið hingað fyrir
nokkrum árum og hitt íslenska ráða-
menn að máli.
Viðskipta- og iðnaðarráðherra
Kannast við sam-
töl við stjórn-
endur Alcoa
GREIN um áfanga í rannsóknum ís-
lenskra og erlendra vísindamanna á
geðklofa, sem birtar voru á tveimur
vefsíðum á Netinu og voru grund-
völlur fréttar AP-fréttastofunnar og
síðan Morgunblaðsins þar að lút-
andi, hafa verið dregnar til baka
tímabundið vegna athugasemda sem
komið hafa fram, samkvæmt upplýs-
ingum Tómasar Zoëga geðlæknis,
sem stýrir rannsókninni af hálfu ís-
lensku vísindamannanna.
Tómas sagði að greinarnar hefðu
verið birtar á svonefndum „preprint
server“, sem væri nokkurs konar
umræðuvettvangur á Netinu. Komið
hefðu fram athugasemdir frá Wales
við tölfræðigrunn rannsóknarinnar,
sem líklega væru réttmætar, og á
meðan væri verið að skoða og meta
þessar athugasemdir hefðu þeir talið
rétt að taka greinina til baka. Hann
reiknaði með að á næstu tveimur til
þremur vikum myndi greinin komast
í endanlegt form.
Aðspurður hvort þessar athuga-
semdir vörpuðu rýrð á niðurstöður
rannsóknarinnar, sagði Tómas, að
svo væri alls ekki. Um væri að ræða
mjög flóknar tölfræðilegar aðferðir
og ákveðið hefði verið að skoða
ábendingarnar nánar.
Tómas benti á að þeir hefðu ekki
getað fengið þessar athugasemdir
fram nema birta niðurstöður rann-
sóknarinnar með þessum hætti.
Segja mætti að þessi birtingarháttur
á Netinu væri ígildi vísindaráðstefna
þar sem menn kynntu rannsóknir og
fengju fram viðbrögð við þeim. Birt-
ing með þessum hætti væri algeng í
eðlisvísindum, en mun sjaldgæfari í
lífvísindum, einkum vegna ýmiss
konar möguleika á einkaréttindum.
Fréttir af rannsóknum á geðklofa
Greinin dregin til
baka tímabundið