Morgunblaðið - 08.06.2002, Side 28

FJÓRIR menn höfðu látið lífið í gær
af völdum ofsaveðurs í hluta Þýska-
lands, Frakklands, Sviss og á Ítalíu.
Mikið úrhelli var og olli það aur-
skriðum og flóðum á nokkrum stöð-
um, meðal annars í Feneyjum.
Ferðamenn vaða hér á Mark-
úsartorgi í hjarta borgarinnar.
Tugir húsa skemmdust af völdum
flóða í suðurhluta Þýskalands og í
Suðaustur-Frakklandi eftir met-
úrkomu á svæðinu. Lesta-
samgöngur lögðust niður milli
Frakklands og Norður-Ítalíu og
rafmagnslaust varð í nokkrum
þorpum.
Reuters
Óveður í Evrópulöndum
ERLENT
28 LAUGARDAGUR 8. JÚNÍ 2002 MORGUNBLAÐIÐ
Kíktu inn á bílaland.is
FRÖNSK lög kveða nú í fyrsta sinn
á um að jafn margir karlar og konur
skuli vera á framboðslistum við þing-
kosningarnar er hefjast í landinu á
sunnudaginn, en stærstu flokkunum
hefur ekki tekist að uppfylla þetta
skilyrði.
Fyrir tveim árum samþykkti
stjórn sósíalista svonefnd „jafnaðar-
lög“ sem gera stjórnmálaflokkum
skylt að leggja fram framboðslista
þar sem konur eru jafn margar og
karlarnir. Var markmiðið að hvetja
konur til þátttöku í stjórnmálum.
Þessi lög höfðu mikil áhrif á úrslit
sveitarstjórnarkosninganna í mars í
fyrra, þegar hlutfall kvenna sem
kjörnar voru í sveitarstjórnir fór úr
23% í 48%.
En þótt rúmlega 3.250 konur verði
í framboði í fyrri umferð þingkosn-
inganna á sunnudaginn – 125%
aukning síðan í kosningunum 1997 –
hafa einungis litlu flokkarnir skilað
listum með jafn mörgum konum á og
körlum. Samkvæmt lögunum er
flokkum refsað, uppfylli þeir ekki
jöfnuðarskilyrðið, með því að opin-
ber fjárstuðningur við þá er skertur.
Því ójafnara sem kynjahlutfallið er,
því meiri verður skerðingin.
Seinni umferð kosninganna fer
fram á sunnudag eftir viku. Á vinstri
vængnum eru 50,5% frambjóðenda
Stéttabaráttuflokks trotskíista kon-
ur, og græningjar, kommúnistar og
Byltingardeild kommúinsta eru allir
nærri því að vera með jafna skipt-
ingu. Sömu sögu er að segja af mörg-
um minni hægriflokkum, t.d. flokki
Jean-Maries Le Pens.
En Sósíalistaflokkurinn og hægri-
flokkarnir tveir sem fylgja Jacques
Chirac forseta að málum, Samtök
um forsetameirihluta (UMP) og
Samtök um lýðræði í Frakklandi
(UDF), eru fjarri því að hafa jafna
kynjaskiptingu. Um 36% frambjóð-
enda Sósíalistaflokksins eru konur,
en aðeins 20% frambjóðenda UMP
og 21% hjá UDF.
Þingkosningarnar í Frakklandi hefjast á morgun
Kynjahlutfall jafnast
hjá litlu flokkunum
París. AFP.
EIGENDUR danska glansritsins Se
og Hør [Séð og heyrt] ákváðu í gær
að reka ritstjóra blaðsins, Peter
Salskov, en sú ákvörðun blaðsins að
rifja upp hörmulegan dauðdaga for-
eldra danska knattspyrnumannsins
Stigs Tøftings, sem er í danska
knattspyrnulandsliðinu, fyrir nítján
árum hafði vakið mikla hneykslun í
Danmörku. Hafa sumar verslanir
jafnvel fjarlægt blaðið úr búð-
arhillum.
Bettina Aller, formaður stjórnar
félagsins sem rekur Se og Hør, sagði
blaðið skulda hlutaðeigandi, og þá
einkum Stig Tøfting og fjölskyldu
hans, afsökunarbeiðni.
Í umfjöllun sinni hafði Se og Hør
rifjað upp gamlar frásagnir af því að
Tøfting, sem þá var þrettán ára
gamall, hefði komið að foreldrum
sínum látnum
dag einn fyrir
nítján árum er
hann kom heim
af fótboltaæf-
ingu.
Hafði faðir
hans þá myrt eig-
inkonu sína og
móður Tøftings,
áður en hann
svipti sjálfan sig lífi. Mörgum þótti
Se og Hør ganga allt of langt er það
rifjaði þennan harmleik upp. Slógu
sumir lögmenn því föstu að um brot
á friðhelgi einkalífsins væri að
ræða.
Danska knattspyrnulandsliðið,
sem nú tekur þátt í heimsmeist-
aramótinu í knattspyrnu í Japan og
Suður-Kóreu, sendi frá sér yfirlýs-
ingu, eftir að fréttir bárust um fyr-
irætlan glanstímaritsins, þar sem
ritstjórar þess voru fordæmdir.
Sögðu leikmennirnir að engar nýjar
upplýsingar væri að hafa um það
hvernig dauða Tøfting-hjónanna
bar að fyrir nítján árum, og að Se og
Hør væri því einungis að gera til-
raun til að hafa sannkallaðan harm-
leik að féþúfu, nú þegar danska
landsliðið stæði í eldlínunni.
Hyggst danska landsliðið fram-
vegis hunsa blaðamenn Se og Hør
með öllu og hafa leikmenn þess heit-
ið því að þeir muni frá þessari
stundu í engu svara fyrirspurnum
og viðtalsbeiðnum blaðsins.
Ekki var þó að sjá að fréttirnar
hefðu áhrif á frammistöðu Tøftings í
landsleiknum við Senegal á fimmtu-
dag, þar gerðu liðin 1-1 jafntefli.
Ritstjóri Se og Hør
í Danmörku rekinn
Danir hneykslaðir á upprifjun Se og Hør á hörmulegum
dauðdaga foreldra knattspyrnumannsins Stigs Tøftings
Kaupmannahöfn. AFP.
Stig Tøfting
HEILSULEYSI Bulents Ecevits,
forsætisráðherra Tyrklands, kom í
gær í veg fyrir að hann gæti mætt
til mikilvægs
fundar tyrk-
neskra stjórn-
málaleiðtoga um
aðildarumsókn
landsins að Evr-
ópusambandinu.
Ecevit, sem er 77
ára gamall, hefur
undanfarinn
mánuð legið á
sjúkrabeði og gaf
fjarvera hans í gær háværum sögu-
sögnum, um að forsætisráðherrann
væri ófær um að gegna embætti
sínu, byr undir báða vængi.
Tansu Ciller, leiðtogi tyrknesku
stjórnarandstöðunnar, ákvað að
mæta ekki til Evrópufundarins í
gær, eftir að greint hafði verið frá
fjarveru forsætisráðherrans. „Það
ríkir algert valdatóm. Ef forsætis-
ráðherrann mætir ekki á fundinn
þýðir það að engin ríkisstjórn er við
völd í landinu. Við getum ekki leitað
lausna á pólitískum vandamálum
fyrr en búið er að leysa þann vanda
sem þetta valdatóm óneitanlega
er,“ sagði Ciller.
Ecevit hefur ekki sést opinber-
lega síðan 28. maí sl. en í síðustu
viku þurfti hann m.a. að afboða
mikilvægan fund sinn með yfir-
mönnum tyrkneska hersins, sem
varð til þess að ýmsir hvöttu for-
sætisráðherrann til að segja af sér.
Þykir líklegt að fjarvera Ecevits í
gær ýti enn undir kröfur um að
hann segi af sér, en þær koma nú
meðal annars úr herbúðum sumra
stjórnarflokkanna.
Margir óttast hins vegar að hugs-
anlegt brotthvarf Ecevits úr emb-
ætti muni leiða til þess að þriggja
flokka stjórn hans riði til falls, en
hún þykir byggð á veikum grunni
enda hafa stjórnarflokkarnir tekist
hart á um þær lýðræðisumbætur,
sem gera þarf eigi landið að fá boð
um inngöngu í ESB.
Segja fréttaskýrendur að a.ö.l.
myndi þurfa að flýta kosningum í
Tyrklandi ef svo færi að Ecevit
neyddist til að segja af sér. Þykir
þessi stjórnarkreppa koma á slæm-
um tíma en pólitískur stöðugleiki er
sagður afar mikilvægur einmitt nú,
þegar tyrknesk stjórnvöld gera til-
raun til að sigla þjóðarskútunni í
rétta átt eftir efnahagshrun í fyrra.
Sagður hafa
Parkinsons-veiki
Krankleiki Ecevits er sagður af
ýmsum toga, m.a. í þörmum, og þá
hafi hann rifbrotnað og þjáist af
æðasýkingu. Einnig hafa verið uppi
getgátur um að Ecevit þjáist af
Parkinsons-veiki.
Ecevit gaf frá sér yfirlýsingu fyrr
í vikunni en þar sagðist hann við
góða heilsu og að hann myndi senn
hafa náð fullri starfsorku að nýju.
„Ég hef ekki vanrækt starf mitt
sem forsætisráðherra,“ sagði Ecev-
it í skriflegri yfirlýsingu sinni og
hét því þá að mæta til fundarins í
gær sem á daginn kom að hann gat
ekki sótt sökum vanheilsu.
Háværar kröfur
í Tyrklandi um
afsögn Ecevits
Heilsuleysi forsætisráðherrans farið
að hafa áhrif á starfsgetu hans
Ankara. AFP.
Bulent Ecevit
BANDARÍSKUR trúboði og hjúkr-
unarkona af filippseysku bergi brot-
in biðu bana í gær eftir að stjórn-
arher Filippseyja gerði áhlaup að
búðum Abu Sayyaf-skæruliðahreyf-
ingarinnar nærri bænum Siraway á
Zamboanga-skaga í því skyni að
bjarga fólkinu úr gíslingu. Eigin-
kona trúboðans slapp hins vegar lif-
andi úr prísundinni.
Skæruliðarnir rændu þeim Martin
og Graciu Burnham, sem eru frá
Kansas í Bandaríkjunum, fyrir
meira en ári á dvalarstað erlendra
ferðamanna á Filippseyjum. Hjúkr-
unarkonunni Yap var rænt nokkrum
dögum síðar og héldu skæruliðarnir
fólkinu síðan í gíslingu á eyjunni
Basilan sunnarlega á Filippseyjum.
Roy Cimatu hershöfðingi sagði
Graciu Burnham hafa særst á fæti í
aðgerðum stjórnarhersins í gær, en
hinir gíslarnir tveir biðu hins vegar
bana, sem fyrr segir. Cimatu sagði
fjóra liðsmenn Abu Sayyaf hafa ver-
ið fellda í aðgerðunum.
Gloria Arroyo, forseti Filippseyja,
brást illa við fréttum af dauða gísl-
anna tveggja og hét hún því að ráða
niðurlögum skæruliðanna. Hún
varði frammistöðu stjórnarhersins
og sagði þá hafa gert sitt besta.
Undanfarna fjóra mánuði hafa um
eitt þúsund bandarískir hernaðar-
ráðgjafar aðstoðað við að undirbúa
filippseyska stjórnarherinn fyrir
áhlaup gegn Abu Sayyaf.
Tveir af gíslum Abu
Sayyaf biðu bana
Zamboanga. AFP.
Reuters
Martin og Gracia Burnham á
myndum sem skæruliðar Abu
Sayyaf sendu frá sér í mars.