Morgunblaðið - 17.08.2002, Side 12

FRÉTTIR
12 LAUGARDAGUR 17. ÁGÚST 2002 MORGUNBLAÐIÐ
SÍFELLT fleiri ferðalangar kjósa
að nota hjól á ferðum sínum um
landið. Ísland hefur löngum þótt
fremur bratt land og erfitt yfir-
ferðar en margir láta það ekki á
sig fá og bjóða brekkunum byrg-
inn. Það gerðu þessir fjórir ferða-
langar í Hrunamannahreppi í Ár-
nessýslu á dögunum en bæði
brekkan og hvassviðrið hjálpuðust
að við að gera þeim ferðina erf-
iðari.
Morgunblaðið/Kristinn
Upp í mót
FRJÁLSHYGGJUFÉLAGIÐ var
stofnað sl. laugardag, en stofn-
félagar þess eru um 20 ungir
frjálshyggjumenn, sem flestir hafa
starfað innan Sjálfstæðisflokksins.
Stefnt er að því að félagið bjóði
fram lista í alþingiskosningunum
2007. Haukur Örn Birgisson er
formaður félagsins. Hann var
spurður um tilurð þess. „Flestir
þeirra félagsmanna, sem eru í fé-
laginu núna, hafa starfað innan
Sjálfstæðisflokksins í nokkur ár.
Þar höfum við unnið að okkar hug-
myndum og hugsjónum. Við tókum
hins vegar þá ákvörðun að það
væri heillavænlegra fyrir okkur að
berjast fyrir okkar hugmyndum á
öðrum vettvangi; Sjálfstæðisflokk-
urinn væri ekki heppilegasti vett-
vangurinn fyrir okkur. Við vildum
fá tækifæri til að boða okkar hug-
myndir beint eða milliliðalaust til
fólksins í landinu. Auk þess er til-
gangur félagsins að bjóða fram í
næstu alþingiskosningum. Með því
viljum við gefa fólki skýran val-
kost í frjálsræðisátt.“
En af hverju er Sjálfstæðis-
flokkurinn ekki heppilegur vett-
vangur fyrir ykkar skoðanir? „Við
höfum barist þar fyrir okkar sjón-
armiðum en það hefur gengið
hægar en við höfum viljað. Okkur
finnst Sjálfstæðis-
flokkurinn ekki vera
á nægilegri siglingu í
frjálsræðisátt; hlut-
irnir hefðu mátt ger-
ast hraðar og fleiri
mál, frjálshyggjumál,
hefðu mátt vera sett í
stefnuskrá flokksins
en hefur verið gert.“
Stofnfélagar eru
um 20 manns, eigið
þið von á fleiri fé-
lagsmönnum í bráð?
„Einn tilgangur fé-
lagsins er að bæta við
félagsmönnum;
stækka félagið. Fé-
lagið hefur verið
stofnað og í kjölfarið munum við
kynna félagið og berjast fyrir
stefnumálum þess.“
Teljið þið að ykkar skoðanir eigi
einhvern hljómgrunn úti í sam-
félaginu? „Já, vissulega. Það er
mjög mikið af frjálslyndu fólki í
Sjálfstæðisflokknum, sem starfar
þar núna, og eins eflaust margir
frjálslyndir menn sem hafa ekki
séð Sjálfstæðisflokkinn sem sinn
rétta vettvang. Auk þess efast ég
ekki um að það sé hópur fólks á
öllum aldri sem aðhyllist sömu
hugmyndafræði og við.“ Haukur
Örn segir enn fremur
að félagið muni fræða
fólk um frjálshyggj-
una og stefnumál fé-
lagsins. „Ég efast ekki
um að félagið okkar
muni stækka og að við
munum hljóta braut-
argengi meðal fólks,“
ítrekar hann.
Stefnan sett á al-
þingiskosningar
Tengist stofnun fé-
lagsins að einhverju
leyti formannskosn-
ingunum í Heimdalli,
félagi ungra sjálfstæð-
ismanna í Reykjavík,
um síðustu helgi? „Samkvæmt um-
mælum sumra sigraði frjáls-
hyggjuarmurinn í þeim kosning-
um, þannig að stofnun okkar
félags tengist þeim alls ekki.
Ákvörðun um að stofna frjáls-
hyggjufélag var tekin löngu áður
en aðalfundur Heimdallar var
haldinn. Það hefði ekki breytt
neinu fyrir okkur hvernig kosning-
arnar fóru á þeim fundi.“
Þið stefnið að framboði í alþing-
iskosningunum 2007, hvers vegna
ekki fyrr? „Við teljum ekki tíma-
bært að bjóða fram með árangurs-
ríkum hætti eða þeim hætti sem
við viljum gera eftir eitt ár. Tím-
inn er of knappur til þess. Við vilj-
um fá tækifæri til að flytja okkar
mál almennilega áður en við
ákveðum að leggja þau fyrir kjós-
endur.“
En hvað um framboð í sveit-
arstjórnarkosningum? „Það hefur
ekki verið tekin ákvörðun um það.
Stefnan er sett á alþingiskosning-
ar.“
Hver eru ykkar helstu stefnu-
mál? „Frjálshyggjan byggist á
ákveðnum grundvallarreglum um
það hvert hlutverk ríkisins eigi að
vera. Þessar grundvallarreglur ná
eðlilega yfir alla málaflokka. Það
er því ekki hægt að taka eitt mál
út og nefna það sérstaklega. Í
stuttu máli viljum við að hlutverk
ríkisins sé miklu minna en það er í
dag; umfang þess og afskipti af
einstaklingum séu minni. Við vilj-
um t.d. að skattar séu lækkaðir, að
útgjöld séu lækkuð mikið, tollar
séu afnumdir og að viðskiptafrelsi
komist á svo og einstaklingsfrelsi
yfirhöfuð.“
Að lokum hvetur Haukur Örn
almenning til að kynna sér stefnu-
mál félagsins á heimasíðu þess,
www.frjalshyggja.is. Þar er einnig
hægt að skrá sig í félagið.
Haukur Örn Birgisson um markmið nýstofnaðs Frjálshyggjufélags
Nauðsynlegt að hlutverk
ríkisins verði miklu minna
Haukur Örn
Birgisson
VALGERÐUR Sverrisdóttir iðnað-
ar- og viðskiptaráðherra segist ekki
geta svarað því nákvæmlega hvort við
höfum efni á því að hafna Norðlinga-
ölduveitu og líta til annarra kosta til
að mæta þörfum Norðuráls á Grund-
artanga. Í Morgunblaðinu í gær var
m.a. haft eftir Ólafi Erni Haraldssyni,
þingmanni Framsóknarflokksins, að
við hefðum efni á því að hlífa Þjórs-
árverum.
„Hlutirnir eru bara ekki svona ein-
faldir,“ segir Valgerður. Hún segir að
við stöndum frammi fyrir beiðni
Norðuráls um orkuafhendingu vegna
stækkunar álvers Norðuráls á Grund-
artanga og að Landsvirkjun hljóti að
reyna að verða við þeim óskum svo
framarlega sem það sé hægt. Fyrir-
tækið setji málið í lögformlegan far-
veg og síðan gangi málið sinn gang.
Skipulagsstofnun hafi m.a. komist að
þeirri niðurstöðu að Norðlingaöldu-
veita myndi ekki rýra um of náttúru-
verndargildi Þjórsárveranna. Með
Norðlingaölduveitu eigi því að fram-
leiða hagkvæma orku m.a. í ljósi þess
að um veitu er að ræða en ekki virkj-
un.
Valgerður minnir reyndar á að í
iðnaðarráðuneytinu hafi verið lögð
nokkur vinna í það að athuga aðra
kosti en Norðlingaölduveitu. T.d.
hefði verið rætt við Hitaveitu Suður-
nesja í því sambandi. „Út úr þeirri
vinnu kom að það var ekki hægt að
fullnægja þörfum Norðuráls með því
að ná í orku í gegnum jarðhitann,“ út-
skýrir hún. Spurð um Urriðafoss og
Núpsvirkjun segir Valgerður að það
verði í fyrsta lagi hægt að taka þær
virkjanir í notkun eftir fimm til sjö ár.
„En áform Norðuráls hljóða upp á að
taka næsta áfanga álversins í notkun
árin 2004 til 2005. Það er staðan sem
við stöndum frammi fyrir.“
En eigum við að láta Norðurál
stjórna ferðinni?
„Þetta eru auðvitað viðskipti sem
eiga sér stað og við vitum um óskir
þessa fyrirtækis. Auðvitað hlýtur það
alltaf að vera mikilvægt að reyna að
fullnægja þörfum þegar um það er að
ræða að fara hér út í atvinnuuppbygg-
ingu.“
Valgerður leggur áherslu á að hún
sé sammála samráðherrum sínum í
Framsóknarflokknum um að það
megi ekki fórna Þjórsárverum. „Og
við erum ekki að fórna Þjórsárverum
með Norðlingaölduveitu,“ segir hún.
„Þó það sé farið yfir línuna þá erum
við ekki að fórna Þjórsárverum.“ Val-
gerður minnir á að áður fyrr hafi ver-
ið uppi hugmyndir um að sökkva
Þjórsárverum meira eða minna. Tek-
ist hafi að koma í veg fyrir það með
friðlýsingu svæðisins fyrir u.þ.b. tutt-
ugu árum.
Valgerður Sverrisdóttir iðnaðar-
og viðskiptaráðherra
Erum ekki að
fórna Þjórs-
árverum
FRAMKVÆMDASTJÓRN Sam-
fylkingarinnar hefur beint því til kjör-
dæmisráða flokksins að þau ákveði á
fundum sínum nú í ágúst að ganga frá
því formlega að framboðslistar vegna
alþingiskosninga næsta ár liggi fyrir
eigi síðar en í lok nóvember. Björgvin
G. Sigurðsson, framkvæmdastjóri
flokksins, segir að því sé einnig beint
til kjördæmisráðanna að haga vali á
framboðslista með samræmdum
hætti um landið allt og að prófkjör
fari fram á svipuðum tíma.
„Samfylkingin hefur lagt mikla
áherslu á flokkslýðræði, m.a. með
póstkosningu í formannskjöri og
ákvörðun um flokkskosningu til að
móta stefnu varðandi samningavið-
ræður við Evrópusambandið,“ segir
m.a. í frétt frá Samfylkingunni. Segir
jafnframt að flokkurinn leggi kapp á
að byggja upp flokkseiningar í nýjum
kjördæmum. Björgvin segir að liður í
því sé meðal annars að tryggja flokks-
mönnum áhrif á val á frambjóðendum
á lista vegna komandi alþingiskosn-
inga. Hann segir framkvæmdastjórn
flokksins hafa lagt til að raðað verði á
lista í þremur umferðum.
Í fyrstu umferð sé leitað eftir til-
nefningum og að baki hverju nafni
standi að minnsta kosti tíu einstak-
lingar sem ekki þurfa að vera flokks-
bundnir. Í annarri fari fram samræmt
flokksval í öllum kjördæmum þar sem
félagsbundið Samfylkingarfólk geti
raðað tilnefndum einstaklingum í
samræmi við reglur sem hvert kjör-
dæmisráð setur. Í þriðju umferð fái
valnefndir á vegum kjördæmisráð-
anna það verkefni að ljúka gerð fram-
boðslista og skuli þær tillögur liggja
fyrir eigi síðar en í lok nóvember.
Björgvin segir líklegt að prófkjör
gætu farið fram fyrstu eða aðra
helgina í nóvember til að gefa ráðrúm
til að ganga frá listum í lok mánaðar-
ins.
Samfylkingin hefur
undirbúning fyrir
þingkosningar
Listar liggi
fyrir í lok
nóvember
PÁLL Pétursson félagsmálaráð-
herra tók þátt í ráðstefnu í Ósló á
dögunum, þar sem ráðherrar frá öll-
um Norðurlöndum komu saman og
ræddu málefni barna og ungs fólks.
Páll var fulltrúi Íslands ásamt Siv
Friðleifsdóttur umhverfisráðherra.
„Þetta var ráðstefna um vernd
barna og ungmenna og hvernig best
yrði að henni staðið. Menn sögðu
reynslusögur og hvað hver væri að
gera í einstökum atriðum. Hvað væri
vænlegast að taka til bragðs til að
fyrirbyggja einelti til dæmis. Það var
líka fjallað um barnavernd í Eystra-
saltsríkjunum og nálægari ríkjum
Rússlands og hvort einhver tök væru
á að aðstoða þessar þjóðir í þessum
efnum,“ segir Páll og bendir á að
töluverður fjöldi embættismanna
hafi einnig setið ráðstefnuna.
Hann segir að í ljós hafi komið að
mikill áhugi sé á málefninu og sýni
það sig best á því að allir þessir ráð-
herrar skyldu gefa sér tíma til þess
að vera þarna. „Menn telja það mik-
ilvægt að sinna börnum. Við Íslend-
ingar stöndum að mörgu leyti vel,“
leggur hann áherslu á og tekur sem
dæmi fæðingarorlofið og skólakerfið
sem sé til fyrirmyndar. Hann bendir
einnig á framboð á leikskólaplássi og
einsettan grunnskóla og undirstrik-
ar að Ísland sé í fremstu röð í þess-
um efnum.
Að sögn Páls hélt hann framsögu-
erindi sem fjallaði um þverfaglegt
samstarf leikskóla og skóla. Hann
lagði jafnframt áherslu á mikilvægi
þess að leyfa börnunum að vinna og
varaði við því að við mættum ekki
ganga of langt í því að hindra vinnu
barna og ungmenna. Hann segist
standa í þeirri trú að börn hafi gott
af því að vinna og vinnan sé sjálf-
sagður hlutur í lífsgæðunum. „Við
erum bundin af samþykktum Al-
þjóðavinnumálastofnunarinnar
(ILO), þar sem verið er að berjast
gegn barnaþrælkun en það er allt
annað en það sem við þekkjum,“
bendir hann á.
Páll segir að þessi sjónarmið hafi
hlotið frekar góðar undirtektir.
Norrænir ráð-
herrar ræddu
málefni barna
og unglinga