Morgunblaðið - 03.02.2003, Blaðsíða 11
VIÐSKIPTI/ATHAFNALÍF
MORGUNBLAÐIÐ MÁNUDAGUR 3. FEBRÚAR 2003 11
SKILAFRESTUR í Nýsköpun 2003
– Samkeppni um gerð við-
skiptaáætlana er til 31. maí næst-
komandi. Námskeið í tengslum við
samkeppnina verða haldin víða um
land í febrúarmánuði. G. Ágúst Pét-
ursson, verkefnisstjóri samkeppn-
innar, hefur að mestu veg og vanda
af námskeiðunum. Hann var tekinn
tali um samkeppnina.
Hafa margir skráð sig til keppni?
„Skráning er afskaplega góð og
ég þykist greina meiri áhuga í ár en
ég hef áður orðið var við. Nú þegar
hafa vel á sjöunda hundrað manns
skráð sig og ég reikna með að stór
hluti þeirra muni sækja námskeiðin
sem haldin verða í febrúarmánuði.“
Verða námskeiðin víða um land?
„Námskeið verða á 10 stöðum
auk höfuðborgarsvæðisins en þau
verða alls 13. Það kostar ekkert að
taka þátt, nema hvað innheimt
verður vægt gjald fyrir léttan máls-
verð og kaffi, þar sem slíkt verður í
boði. Í Reykjavík verða þrjú mis-
munandi námskeið en styttri tími í
hvert skipti. Ég sé sjálfur um nám-
skeiðin utan Reykjavíkur en í
Reykjavík eru það sérfræðingar frá
KPMG og Nýsköpunarsjóði sem
annast fyrirlestrana.“
Hvað varður fjallað um á nám-
skeiðunum?
„Það verður farið yfir helstu at-
riði við gerð viðskiptaáætlana, þ.e.
um hugmyndina, markaðs-
greiningu, markaðssetningu og
sölu, fjárhagsáætlanir, fjármögnun,
undirbúning og verklag við gerð
viðskiptaáætlana.“
Eru einhver viðfangsefni vinsælli
en önnur?
„Ég get auðvitað ekki upplýst um
einstök verkefni þátttakenda. Al-
mennt má þó segja að svo virðist
sem hugmyndir er tengjast ferða-
þjónustu, ekki síst menningar-
tengdri ferðaþjónustu, séu nokkuð
áberandi. Þá skipa handverk og
listsköpun alltaf ákveðinn sess.
Einnig eru hugmyndir sem tengjast
internetinu áberandi. Auk þess er
ánægjulegt að sjá að hugmyndum
úr frumgreinum, eins og sjávar-
útvegi og landbúnaði, fer greini-
lega fjölgandi. Satt best að segja er
fjölbreytnin með ólíkindum og
stundum finnst mér eins og sköp-
unarkrafti fólks séu hreinlega eng-
in takmörk sett.“
Af hverju tekur fólk þátt í keppn-
inni?
„Algengasta ástæðan er löngun
til að læra að gera viðskiptaáætlun
og þörf fyrir að koma á framfæri
hugmynd. Fólk sér í nýsköp-
unarkeppninni tækifæri til að kom-
ast áleiðis með hugmynd eða verk-
efni. Einnig er algengt að starfandi
fyrirtæki nýti sér tækifærið og geri
viðskiptaáætlun um starfsemina
eða þætti í henni.“
Hvað með tengsl við skólakerfið?
„Það má segja að allt há-
skólastigið taki virkan þátt í verk-
efninu. Ég hef verið með fyrirlestra
í flestum háskólum og fengið ótrú-
lega góðar viðtökur. Við fáum
skráningar úr stórum skólum eins
og Háskóla Íslands og Háskólanum
í Reykjavík, en einnig er t.d. mikil
þátttaka úr litlum háskóla eins og
Hólaskóla. Þar var ég með fyr-
irlestur á dögunum og í framhald-
inu myndaðist áhugi sem end-
urspeglast í talsverðum fjölda
skráninga. Ég hef síðan verið að
taka upp samband við nokkra fram-
haldsskóla, en kveikjan að sam-
starfi við framhaldsskólana var af-
skaplega skemmtilegt samstarf og
þátttaka nemenda úr Fjölbrauta-
skóla Suðurlands á Selfossi á sínum
tíma. Síðan hafa fleiri framhalds-
skólar bæst í hópinn. Ég reikna
ekki með því að nemendur geri full-
búnar viðskiptaáætlanir, heldur
kynni sér hugmyndafræðina, leiti
að áhugaverðum hugmyndum og
taki jafnvel upp ákveðin tengsl við
atvinnulífið, hver á sínu svæð.
Áhugi forsvarsmanna skólanna er
oftast mikill, en mismunandi er
hvað einstakir skólar sjá sér fært
að vera með. Það hefði verið áhuga-
vert að kynna verkefnið fyrir fleiri
framhaldsskólum en ég kemst ekki
yfir að heimsækja alla skóla vegna
tímaskorts. Almennt má segja að
hér sé verk að vinna, því áhugi er
talsverður á nánari tengslum nem-
enda við atvinnulífið og möguleik-
arnir óþrjótandi.“
Í tengslum við sjálfa nýsköp-
unarkeppnina er einnig efnt til sér-
stakrar hugmyndasamkeppni.
Hvað geturðu sagt um hana?
Eins og í Nýsköpun 2001 tökum
við nú þátt í sérstakri Evr-
ópukeppni viðskiptahugmynda.
Þar er keppt í fjórum flokkum og
veljum við jafnmarga fulltrúa til að
keppa fyrir Íslands hönd. Ekki þarf
nauðsynlega að senda fullbúna við-
skiptaáætlun til að eiga möguleika
á að taka þátt í þessari keppni,
heldur nægir stutt hugmyndalýs-
ing, sem þó þarf að uppfylla
ákveðnar lágmarkskröfur.“
Hverjir standa að Nýsköpun
2003?
„Þetta er þéttur hópur stórra að-
ila. Burðarásar keppninnar eru Ný-
sköpunarsjóður, Íslandsbanki,
Byggðastofnun, KPMG, Háskólinn í
Reykjavík og Morgunblaðið. Síðan
hafa fjögur sterk fyrirtæki gerst
sérstakir stuðningsaðilar, en það
eru Eimskip, Samherji, Nýherji og
Síminn. Svo má ekki gleyma at-
vinnuráðgjöfum vítt og breytt um
landið, en án þeirra ötula stuðnings
hefðum við aldrei náð því flugi á
landsbyggðinni sem raun hefur
orðið.“
Nýsköpun 2003 – Samkeppni um gerð viðskiptaáætlana
Yfir 600 manns hafa skráð sig
G. Ágúst Pétursson, verkefnisstjóri
Nýsköpunar 2003, segist greina
meiri áhuga fyrir samkeppninni nú
en áður.
Morgunblaðið/Kristinn