Morgunblaðið - 04.02.2003, Blaðsíða 26

26 B ÞRIÐJUDAGUR 4. FEBRÚAR 2003 MORGUNBLAÐIÐHeimiliFasteignir
Útsala - Útsala - Útsala
Klapparstíg 44 - sími 562 3614
H
VERGI er
meira byggt en í
Kópavogsbæ,
hvort heldur af
íbúðarhúsnæði
eða atvinnuhús-
næði. Í austur-
hluta Kópavogs-
dals eru háhýsi áberandi, fyrst og
fremst sem fjölbýlishús og eru þau
hæstu þeirra 14 hæðir. Sumum
finnst víst nóg um, að byggja svona
upp í loftið. Aðrir segja, að hvergi sé
betra að búa en í háum fjölbýlishús-
um.
Það hefur hins vegar farið minna
fyrir háhýsum hér á landi sem at-
vinnuhúsnæði. Erfitt er að segja,
hvað veldur. Kannski er það beygur
af veðrasömu loftslagi eða einfald-
lega skortur á hugarflugi og fram-
taksemi. Víða erlendis eru himinhá-
ar skrifstofubyggingar samt al-
gengar og þær blasa við augum
okkar á hverjum degi, hvort heldur í
sjónvarpi eða kvikmyndahúsum.
Nú hefur kunnur færeyskur at-
hafnamaður hér á landi, Jákup Ják-
upsen, eigandi Smáratorgs ehf. en
jafnan kenndur við Rúmfatalager-
inn, riðið á vaðið og hafið undirbún-
ing að 20 hæða stórhýsi við Smára-
torg 3 í Kópavogi. Hönnunarvinnan
er framundan og framkvæmdir gætu
hafizt vorið 2004.
Nær 20.000 m²
Byggingin á að rísa við Smáratorg
3, á svæðinu þar sem Elkó, Rúmfa-
talagerinn og Bónus eru til húsa.
Þessi nýbygging verður 76 metrar á
hæð og engin smásmíði, en áformuð
heildarstærð hennar er 19.946 m² og
skiptist í um 4.170 m² verslunarhús-
næði og 8.300 m² turn með þjónustu-
og skrifstofuhúsnæði, samanlagt
12.470 m². Til viðbótar kæmu 7.476
m² bílageymslur í opnum kjallara.
Þarna er nokkuð djúpt niður á fast
eins og sagt er á fagmáli, en grafið
verður ofan á klöpp. Því er hægt að
hafa rúmgóðan bílakjallara neðst.
Ofan á bílakjallarann kemur fyrsta
hæðin, sem verður aðalbyggingin,
rúmir 4.000 m² að stærð og er hugs-
uð sem verzlunarhluti. Þar yrðu
væntanlega stórverzlanir í 1.500–
2.500 m² einingum. Fyrir utan stæði
í bílageymslu í kjallara, verða einnig
stæði á þaki aðalbyggingar og á lóð-
inni umhverfis húsið. Með nýbygg-
ingunni bætast því við um 400 bíla-
stæði við Smáratorg.
Við suðausturenda aðalbyggingar-
innar kemur síðan 19 hæða turn-
bygging með þakhæð, alls 20 hæðir.
Þessi hluti byggingarinnar er ætlað-
ur fyrir skrifstofu- og þjónustustarf-
semi eða hótelstarfsemi.
Hver hæð er um 430 m², þannig að
turninn er frekar grannur miðað við,
hvað hann verður hár.
Meginaðkoma að turnbygging-
unni verður frá jarðhæð og af þaki
aðalbyggingar, en ekið verður upp á
þakið um skábraut við austurend-
ann. Einnig yrði aðgengi úr bíla-
geymslu í kjallara.
Áætlaður byggingarkostnaður við
þessa nýbyggingu er 2 milljarðar
kr., en hún yrði lokaáfangi uppbygg-
ingarinnar á núverandi svæði
Smáratorgs ehf. Aðkoman verður
frá Dalvegi eins og aðkoman að öðr-
um byggingum við Smáratorg.
Langur aðdragandi
Þessi nýbygging er búin að eiga
sér langan aðdraganda en undirbún-
ingur fyrir hana hófst 1998. „Und-
irbúningsvinnan fer fram í mikilli
samvinnu við skipulags- og bygging-
aryfirvöld í Kópavogi og við hags-
munaaðila,“ segja arkitektarnir Eg-
ill Guðmundsson, Björn Guð-
brandsson og Aðalsteinn Snorrason
hjá teiknistofunni Arkís, en þeir eru
aðalhönnuðir byggingarinnar.
Að mörgu þarf að hyggja, hvað
varðar húsið, hæðina, skuggana af
húsinu og umhverfisáhrifin svo að
eitthvað sé nefnt, en húsið verður
það hátt, að það þarf sérstakar
lausnir við það.
Sérstök skuggavarpsathugun var
gerð fyrir Kópavogsbæ og er hún til
á myndbandi. Þar sést vel, hvernig
skugginn af nýbyggingunni hreyfist
yfir daginn. „Að sjálfsögðu verður
skuggamyndun af svo hárri bygg-
ingu,“ segja þeir félagar. „En ekki
má gleyma því, að turninn verður
grannur, þó að hann sé hár, þannig
að skugginn, sem hann gefur frá sér,
færist mjög hratt.
Turninn mun standa á suðaustur-
horni lóðarinnar og skuggamyndun-
in verður því mest frá suðvestri og
þess vegna mest á lóð Smáratorgs
sjálfs og ætti ekki að verða mikið til
ama fyrir fólk í öðrum byggingum í
nágrenninu.
Nýbyggingin ætti ekki að þurfa að
koma nokkrum manni á óvart, en
það hefur verið gert ráð fyrir sam-
bærilegu byggingarmagni á þessari
lóð, allt frá því að svæðið var skipu-
lagt, en þetta er mjög verðmæt lóð,
sem kallar á mikla nýtingu. Nýbygg-
ingin stendur heldur ekki ein og sér
sem háhýsi, því að í kring eru nokkr-
ar fjórtán hæða íbúðabyggingar.
Jafnframt stendur byggingin ofan í
dal með hlíðum allt í kring, þannig að
hún virkar ekki eins há og ella.“
Enn er fyrirhuguð bygging engan
veginn fullhönnuð en hún verður
annaðhvort alfarið úr steypu eða úr
stáli og þá með steyptum gólfum og
klædd með vandaðri veðurhlíf að ut-
an. „Vindálag getur að sjálfsögðu
orðið mikið á svona hárri byggingu
Tuttugu hæða skrifsto
ing á að rísa við Smára
Nú er í kynningu hjá Kópavogsbæ fyrsta 20 hæða
stórhýsið hér á landi. Hönnunarvinnan er framundan
en gert er ráð fyrir, að framkvæmdir hefjist vorið
2004. Magnús Sigurðsson kynnti sér fyrirhugað
háhýsi, sem verður hæsta bygging landsins.
Horft yfir byggðina í Kópavogi. Fyrirhuguð nýbygging er innfelld fyrir miðju, en hún mun sjást langt að. Eins og sjá má stendur hún ekki ein og sér sem háhýsi, því að í kring eru nokkrar fjórtán hæða íbúð-
arbyggingar. Jafnframt stendur byggingin ofan í dal með hlíðum allt í kring, þannig að hún virkar ekki eins há og ella.
Byggingin verður tuttugu hæðir og 76 metrar á hæð. Heildarstærð verður 19.946 ferm. og skiptist í um 4.170 ferm.
verzlunarhúsnæði og 8.300 ferm. turn með þjónustu- og skrifstofuhúsnæði, samanlagt 12.470 ferm. Til viðbótar koma
7.476 ferm. bílageymslur í opnum kjallara.