Morgunblaðið - 04.05.2003, Blaðsíða 6
6 B SUNNUDAGUR 4. MAÍ 2003 MORGUNBLAÐIÐ
ÞAÐ var brakandi blíðaog vor í lofti þegarnokkrir starfsmenn Ís-
landsbanka í Vestmanna-
eyjum héldu til sjóstangaveiða
á ferðamannabátnum Víkingi
fyrir skömmu. Siglt var suður
fyrir Hellisey þar sem lóðn-
ingar lofuðu góðu. Súlan, eða
drottning Atlantshafsins eins
og þessi tígulegi fugl er oft
nefndur, þurfti ekki fisksjá eða
dýptarmæli til að vita að þarna
bæri vel í veiði. Allt í kring var
súlukast. Drottningarnar svifu
hátt og gaumgæfðu hafflötinn.
Skyndilega steyptust þær með
kreppta vængi, líkastar flugskeytum,
og hurfu undir yfirborðið svo varla
gáraði. Þær fengju fullt hús væri ver-
ið að keppa í dýfingum. Svo var kom-
ið úr kafi með ufsa sem virtust mun
sverari en hálsinn á fuglunum. Það
var ótrúlegt að sjá súlurnar sporð-
renna rígvænum fiskunum og taka
svo flugið.
Bankamennirnir gerðu færin klár
og létu vaða. Agnið var varla horfið
undir yfirborðið fyrr en óður ufsi var
á hverjum króki. Þeir sem komust
með færin niður úr ufsatorfunni voru
þegar með rígaþorsk. Fullt af fiski og
menn kappdrógu. Gert var að aflan-
um jafnóðum og slóginu kastað fyrir
borð. Þar biðu múkkarnir í tugatali
og skvöldruðu eins og hundrað
saumaklúbbar. Um leið og slorbiti
lenti í sjónum var hann hirtur og at-
gangurinn svo harður að sjórinn
kraumaði. Þarna var stunduð fullnýt-
ing sjávaraflans í orðsins fyllstu
merkingu. Aðeins fjær fylgdust
svartfuglarnir með atganginum. Við
og við spyrntu þeir í sjávarborðið og
tóku kolldýfur í undirdjúpin í ætis-
leit. Lundar flugu hjá og voru ekkert
að drolla. Alltaf eins og þeir séu
orðnir aðeins of seinir á fund.
Þegar hóflega var veitt drógu
menn upp og luku við að gera að. Svo
var haldið heim á leið og aflanum
skipt. Þá tók við flökun og pökkun og
kom sér vel að flestir Eyjamenn eru
þaulvanir fiskverkun og handtökin
kunn. Þótt búdrýgindi séu að fisk-
inum í kistunni þá er víst að dýrmæt-
ast var að eiga ógleymanlegan dag í
yndislegu vorveðri við Eyjar.
Sjóstöng og súlukast
Súlurnar sporðrenndu ufsunum með þvílíkum aðförum að áhorfendum nærri svelgdist á. Sumir fiskanna virtust mun
sverari en súluhálsarnir og slaga vel upp í lengd fuglanna. Samt hurfu þeir ofan í gapandi ginin eins og ekkert væri.
Morgunblaðið/Sigurgeir
Fýlarnir slógu ekki slöku við slógið. Atgangurinn var harður og múkkakösin á sífelldu iði. Á stundum komst svolítil reiða á óreiðuna og á einu slíku augnabliki myndaðist þetta „fýlablóm“.
Veiðimennirnir voru þreyttir en ánægðir eftir frábæran dag. F.v. Sigurður Frið-
riksson, Börkur Grímsson útibússtjóri, Tómas Pálsson og Óðinn Steinsson.
Drottningar Atlantshafsins og vinir sjómannanna tóku vel
á móti nokkrum bankastarfsmönnum sem héldu nýlega til
sjóstangaveiða við Vestmannaeyjar. Sigurgeir Jónasson
ljósmyndari var með í för og myndaði ævintýrið.
Tómas Pálsson reyndist ekki síðri afreksmaður
íveiðinni en fótboltanum. Í baksýn sjást f.v.
Súlnasker, Stóri-Geldungur, Litli-Geldungur,
Hunda- og þúfusker og Geirfuglasker.