Morgunblaðið - 11.05.2003, Blaðsíða 17

háskólaprófessor sem fær nemanda
sem hrærir laglega upp í lífssýn hans
og -tilgangi.
Ágúst: Carrey er Guð
Þeir eru vafalítið ófáir sem eru
ekki alveg tilbúnir til að gleypa þá
fullyrðingu hráa að Jim Carrey sé
Guð almáttugur en þeir hinir sömu fá
því ekki breytt að Carrey leikur Guð í
nýjustu gamanmynd sinni Bruce al-
máttugur (Bruce Almighty), eða fær
réttara sagt tækifæri til þess að
gegna starfi Guðs (Morgan Freeman
auðvitað) tímabundið. Í þessari þriðju
mynd sem hann leikur í fyrir Tom
Shadyac (Ace Ventura, Liar Liar) er
Carrey í hlutverki óþolandi fjölmiðla-
manns sem lætur nákvæmlega allt
fara í taugarnar á sér. Einn góðan
veðurdag fær Guð nóg af röflinu í
kauða og skorar á hann að reyna að
gera betur og vitanlega getur sjálf-
umglaður fjölmiðlamaður hafnað
slíkri áskorun. Jennifer „Vinur“ An-
iston leikur konu Carreys.
Glöggir eru þegar hér er komið
sögu vafalítið farnir að klóra sér í
hausnum og spyrja sig hvort Jerry
Bruckheimer sé virkilega ekki með
neina sumarmynd í ár? Hvernig dett-
ur þeim í hug að halda það? Auðvitað
er Bruckheimer með. Bíósumar án
hans væri eins og popplaus bíóferð,
eða ofbeldislaus Tarantino-mynd.
Reyndar er Bruckheimer á svolítið
framandi slóðum miðað við venju-
lega; engar löggur, ekkert dóp, engir
bílar og eiginlega engar byssur, alla-
vega engar sjálfvirkar. Nei, framlag
hans til sumarvertíðarinnar í ár er
nefnilega sjóræningjamynd. Pirates
hugsa einhverjir, Cutthroat Island
aðrir og fá æluna upp í hálsinn, skilj-
anlega. Sjóræningjamyndir hafa
vissulega ekki alveg verið að gera sig
síðustu áratugina eða svo en þeir eru
allmargir sem telja Sjóræningja Kar-
íbahafs (Pirates of the Caribbean:
The Curse of the Black Pearl) geta
breytt þar heilmiklu. Fyrir það fyrsta
vegna návistar Bruckheimers gull-
gerðarmanns. Svo er Disney-veldið á
bak við myndina og það er rennerí á
leikstjóra myndarinnar Gore Ver-
binski eftir Hringinn (The Ring).
Kyntáknin Johnny Depp og Orlando
Bloom (Hringadróttinssaga) í hetju-
hlutverkunum og Geoffrey Rush sem
höfuð sjóræningjanna geta varla
mengað þá vænu blöndu. Ekki heldur
brellurnar frá ILM fyrirtæki George
Lucas.
Var einhver búinn að fá nóg af
Bandarísku bökunum? En leiðinlegt
fyrir ykkur að þær eru ekki búnar.
Hellingur af liði er þó örugglega him-
inlifandi að fá að gæða sér á þeirri
þriðju, en hún verður borin fram í
brúðkaupi því myndin heitir Banda-
rískt brúðkaup (fínt að fá titla sem
stuðla svona flott á íslensku). Eins og
nafnið gefur til kynna snýst myndin
um brúðukaup, hjá Stifler. Nei, auð-
vitað ekki, það eru Jim og Michelle
sem ætla að gifta sig og flestallir vin-
anna hafa boðað komu sína, allir
nema Chris (Chris Klein) og Heather
(Mena Suvari). Stifflerinn lætur sig í
það minnsta ekki vanta. Blandar
væntanlega bolluna.
Og fyrst við erum enn og aftur í
framhaldsmyndunum þá fer vel á að
geta annarrar sem sýnd verður í
ágúst, Lög(u)leg ljóska 2: Rauð, hvít
og ljóshærð (Legally Blonde 2: Red,
White and Blonde) með eftirlætis
tengdadótturinni þarna í vestri henni
Reese Witherspoon. Leikstjórinn er
Charles Herman-Wurmfeld sem síð-
ast gerði hina prýðilegu Kissing Jes-
sica Stein. Í myndinni snýr ljóskan
Elle Woods sér að dýraverndunar-
málum með skrautlegum en að von-
um áhrifaríkum árangri.
Í ágúst kemur svo Selfosshrollur-
inn Kofakvillinn (Cabin Fever). Já,
Selfosshrollurinn því höfundur henn-
ar og leikstjóri, hinn ungi og efnilegi
Eli Roth, fékk hugmyndina að gerð
hennar – krakkar að glíma við dul-
arfullan húðsjúkdóm – þegar hann
var staddur á Selfossi, einmitt með
dularfullan húðsjúkdóm sjálfur, af
völdum heyóþols. Þykir skemmtilega
gamaldags hrollvekja sem þegar hef-
ur vakið heilmikla athygli vestra, þar
sem hún verður frumsýnd í sumar.
Manndráp í Hollywood (Holly-
wood Homicide) er gamanspennu-
mynd, svona félagamynd, þar sem
þeir Harrison Ford (gamla brýnið)
og Josh Harnett (nýgræðingurinn)
rannsaka morð á rappsveit í bíóborg-
inni, sem hugsanlega var skipulagt að
útgefanda sveitarinnar. Ron Shelton
leikstýrði.
Fyrr en síðar fá þeir sína eigin
mynd allir kantmenn – svo notað sé
orðfar ágæts kvikmyndagagnrýn-
anda – blessuðu Disney-myndanna.
Þannig eru þeir hver af öðrum að fá
sínar myndir vinir Bangsímons, fyrst
Tígri og nú er það Gríslingur sem
kemur í bíó í ágúst.
Og þannig liggur í því. Sumarið er
tíminn. Sumarið er tíminn, söng
gúanórokkarinn forðum, gerir vænt-
anlega enn, og honum finnst það í
góðu lagi, alveg eins og síðasta sumar
og sumarið þaráður. Og enn sem fyrr
tökum við undir með honum, því þá
fáum við sumarmyndir. Þó ekki allar,
bara sumarmyndir, og það er líka í
góðu lagi, því sumarmyndir eru
stærri en aðrar.
Sjóræningjar Karíbahafs: Nappið konunum og nauðgið hestunum!
skarpi@mbl.is
MORGUNBLAÐIÐ SUNNUDAGUR 11. MAÍ 2003 B 17
bíó
Alltaf á
þriðjudögum
Sérblað alla
þriðjudaga