Morgunblaðið - 17.08.2003, Blaðsíða 5

MORGUNBLAÐIÐ SUNNUDAGUR 17. ÁGÚST 2003 B 5
Hún sendi mig stundum með miða út
í búð en ég keypti allt sem mér datt í
hug til þess að eitthvað af því sem
hún bað um slæddist með. Ef eitt-
hvað vantaði sagði ég bara að hlut-
urinn hefði ekki verið til eða að ég
hefði ekki fundið hann. Maður verð-
ur snillingur í að bjarga sér ólæs í
læsu samfélagi. Allt snýst um að fela
ólæsið. Ég kunni að skrifa sumar töl-
ur í bókstöfum og ef ég þurfti að
skrifa ávísun þá notfærði ég mér
hvað ég var fljótur að reikna í hug-
anum og skrifaði svo ávísun með
þeirri tölu sem ég kunni. Til að sú
upphæð stemmdi þá annað hvort
bætti ég við vörum eða skilaði ein-
hverju, þannig gekk þetta upp. Þótt
ég væri mjög óöruggur innra með
mér þá kom ég fyrir sem mjög sjálfs-
öruggur og skrifaði mína ávísun
öruggri hendi.
En þegar ég sá drenginn minn
þriggja ára verða læsan af sjálfum
sér þá hætti ég að elska hann í nokk-
urn tíma, ég snerist á hæli og hljóp
út og drakk mig fullan og var fullur
meira og minna í sjö ár. Það er raun-
ar ekki eina óreglutímabilið í lífi
mínu, ég átti annað fimm ára
drykkjutímabil að baki. Á báðum
þessum tímabilum græddist mér
hins vegar mikið fé – ég var um tíma
milljónamæringur af fasteignavið-
skiptum. En mér mistókst aftur að
verða hippi, sem ég reyndi um tíma í
San Francisco og enn verr gekk mér
að verða ökukennari, ég þekkti
nefnilega illa hægri frá vinstri.
Við hjónin skildum að skiptum
nokkru eftir þetta atvik með son
okkar en ég og hinn snemmlæsi son-
ur minn eigum góð samskipti í dag.
Þessir tveir synir mínir eiga nú sam-
tals fimm börn. Þess má geta að hinn
lesblindi sonur minn varð flugvéla-
verkfræðingur en hætti störfum sem
slíkur til að helga sig störfum tengd-
um lesblindu. Ég gifti mig í þriðja
sinn Alice Davis og við höfum verið
gift í nær 30 ár.
Það er tilgangur með lífi mínu
Síðari árin hef ég fengist talsvert
við ritstörf. Fyrst ritaði ég ævisögu
mína, það tók mig tólf ár. Þá upp-
götvaði ég að það var röng bók sem
ég var að skrifa og hófst handa við að
skrifa bókina „Náðargáfan les-
blinda“ (The Gift of Dyslexia). Hún
hefur nú verið þýdd á átján tungu-
mál, m.a. íslensku. Ég skrifaði bók-
ina með mæður lesblindra barna í
huga sem leiðbeinenda, en komst svo
síðar að því að móðir lesblinds ein-
staklings er ekki endilega heppileg-
asti kennararinn og maki enn síður.
Þess vegna þurftum við að þjálfa upp
fagfólk til þessara starfa. Það fylgir
því mikil gleði að sjá líf fólks breyt-
ast til betra með því að læra þetta
kerfi.
Ég trúði aldrei á sínum tíma sjálf-
ur að ég gæti lært að lesa, hvað þá
lesið bók spjaldanna á milli á einum
degi. Það var of fjarlægt til þess að
ég gæti beðið um slíkt í bænum mín-
um.
Ég lít svo á að Guð hafi haft
ástæðu til að gera mig eins og ég var
og er. Við erum öll af Guði gerð og í
hans mynd. Það er tilgangur með lífi
mínu og ég vona að ég geti gert það
sem ég þarf að gera áður en ég dey.
Ég kvíði því ekki að deyja, miklu
frekar hlakka ég til, lít til þess eins
og ég sé að fara heim.“
gudrung@mbl.is
HJÁ Lesblind.com er nýkomin út bókin
„Náðargáfan lesblinda“, eftir Ronald D. Davis
og væntanlegt er myndband sem stuðningur
við bókina.
„Við ákváðum að þýða þessa bók sem
svar við gífurlegri eftirspurn sem fram kom
m.a. á fyrirlestri mínum í febrúar, þar sem ég
kynnti Davis-kerfið,“ segir Axel Guðmunds-
son Davis-leiðbeinandi í London og forsvars-
maður Lesblind.com á Íslandi.
„Við bjuggumst við um 30 til 40 manns
en það hlýddu á fyrirlesturinn um 700 og
fjölmargir urðu frá að hverfa.“
„Í hverju felst Davis-kerfið?“
„Það byggist á því að lesblinda orsakist af
myndrænni hugsun sem líka veldur í mörg-
um tilvikum afburðagreind. Myndræna hugs-
unin nýtist mjög vel til að leysa vandamál og
átta sig á hlutum í þrívíðum raunveruleika en
þegar kemur að tvívíðum táknum veldur hún
lesblindueinkennum. Davis-kerfið sam-
anstendur af því að kenna athyglisþjálfun í
fyrsta lagi, í öðru það við köllum tákna-
meistrun (Symbol Mastery). Hún gengur út
að móta í leir tvívítt tákn sem þrívíðan hlut
ásamt merkingu táknsins sem líka er mótuð
í leir.
Myndræna hugsunin verður til trafala við
lestur vegna þess að það eru ákveðin orð í
tungumálinu sem ekki hafa myndræna merk-
ingu. Við köllum þessi orð kveikjuorð vegna
þess að þau kveikja skynvillu. Skynvillan
veldur aftur lesblindueinkennunum. Með
táknameistruninni tengjum við saman útlit
orðsins, merkingu og hljóð þess og þar með
hefur sá sem hugsar í myndum og áttað sig
á merkingu orðsins og nýtt sér það við lest-
ur og skrift. Þessi orð valda þá ekki lengur
skynvillu og þar með hverfa lesblinduein-
kennin.
Það er þrennt sem við erum að gera hér
hjá Lesblind.com. Fyrir utan að gefa út fyrr-
nefnda bók þá erum við nýbúin að útskrifa
yfir 20 kennara til að beita Davis-kerfinu
með fyrirbyggjandi hætti í fyrstu bekkjum
grunnskólans. Í öðru lagi erum við að
mennta að minnsta kosti 25 íslenska
Davis-leiðbeinendur, með það fyrir augum að
þeir bjóði upp á 5 daga Davis-leiðréttingu
fyrir Íslendinga sem þegar eiga við les-
blinduvanda að stríða. Í þriðja lagi erum við
að flytja inn erlenda leiðbeinendur til að
bæta úr brýnustu þörfinni þar til hinir ís-
lensku leiðbeinendur verða komnir með
réttindi, en það verður ekki fyrr en næsta
sumar.
Stöðug vakning er í þessum efnum. Skóla-
fólk hefur sýnt Davis-kerfinu mikinn áhuga.
Við vonumst til að á næstu fimm árum verði
Davis-kerfið innleitt í alla grunnskóla lands-
ins. Nú þegar hafa 5% skóla landsins sent
fulltrúa á námskeið um Davis-kerfið með það
fyrir augum að innleiða það í fyrstu bekki
grunnskólans. A.m.k. einn skóli hefur ákveðið
að aðlaga allt starf sitt að Davis-kerfinu.
Fulltrúar frá Lesblind.com hafa farið á fund
Ólafs Proppé, rektors Kennaraháskóla Ís-
lands og rætt við hann um Davis-kerfið.
Ólafur sagði að KHÍ gæti ekki mælt með
einu kerfi fram yfir annað, en taldi að KHÍ
gæti verið rétti aðilinn til að gera rannsóknir
á árangri Davis-kerfisins hér á landi.“
Myndræn hugsun orsök lesblindu