Morgunblaðið - 07.09.2003, Blaðsíða 12

12 B SUNNUDAGUR 7. SEPTEMBER 2003 MORGUNBLAÐIÐ
Sælkeri á sunnudegi
Steingrímur Sigurgeirsson
FYRIR Ólympíuleikana íBarcelona árið 1992 tókstBandaríkjunum að ná sam-an öllum helstu stjörnum
NBA-deildarinnar í eitt lið og var
fátt sem vakti meira athygli á þess-
um leikum en frammistaða þess.
Þrátt fyrir ítrekaðar tilraunir tókst
mér ekki að fá miða á einhvern leik
„draumaliðsins“ og varð að láta mér
nægja að sjá Íslendinga tapa fyrir
Svíum í handbolta í Granollers.
Hins vegar rifjaðist sagan um
draumaliðið upp þegar fréttist
hverjir hefðu verið ráðnir í eldhúsið
á Hótel Nordica. Yfirmatreiðslu-
maður þar er Hákon Már Örv-
arsson, sem um skeið var yfirmat-
reiðslumaður á Hótel Holti og hefur
einnig starfað um árabil með Leu
Linster á veitingastað hennar í Lúx-
emborg. Hákon hreppti fyrir rúm-
um tveimur árum bronsverðlaun í
matreiðslukeppninni Bocuse d’Or í
Lyon í Frakklandi. Með honum eru
síðan þeir Gunnar Karl Gíslason,
sem undanfarin ár hefur verið mat-
reiðslumaður hjá Sigga Hall, og
hins vegar Sigurður F. Gíslason,
sem hefur komið víða við jafnt hér á
landi sem erlendis. Meðal annars
starfaði hann um tíma hjá Charlie
Trotter’s í Chicago, einum þekkt-
asta veitingastað Bandaríkjanna.
Veitingasala Nordica tekur á sig
margvíslegar myndir og sérhæfir
hótelið sig m.a. í stórum ráð-
stefnum, fundum og veislum. Getur
Nordica sinnt allt að 500 mat-
argestum í einu.
Aðalveitingastaður hótelsins og
sá sem hér er til umfjöllunar heitir
hins vegar Vox. Nafnið hefur ekki
farið hátt til þessa, hann hefur ekki
verið auglýstur svo ég hafi tekið eft-
ir og á heimasíðu hótelsins er ekki
að finna neinar upplýsingar um
staðinn.
Hann er hins vegar merktur með
nafni með hófstilltum hætti við inn-
ganginn og að auki eru matseðlar
auðkenndir með nafninu.
Vox er bjartur og nútímalegur
staður þar sem mikið er lagt upp úr
hönnun líkt og annars staðar á hót-
elinu. Yfirbragðið er ljóst, mildir
gráir og hvítir tónar með brúnum
innslögum. Eldhúsið að hluta til op-
ið og inni í salnum þótt að-
alstarfsemin fari fram baka til og
raunar einnig á neðri hæðinni.
Líkt og oft verður um matsali á
stærri hótelum verður Vox að
gegna margþættu hlutverki. Á
morgnana snæða gestir þar morg-
unmat, í hádeginu er boðið upp á
fjölbreytilegt buffet eða hlaðborð
þar sem kennir ýmissa grasa og
hægt að fá salöt, pasta eða jafnvel
sushi svo eitthvað sé nefnt.
Það er hins vegar á kvöldin sem
Vox vaknar til lífsins og tekur við
hlutverki sínu sem à la carte staður
í hæsta gæðaflokki. Matargestir
snæða í hólfum innarlega í salnum
og er jafnt setið á stólum sem
bekkjum líkt og vinsælt er nú til
dags.
Vox er alls ekki fullkominn. Hin
mörgu hlutverk salarins gera hann
óneitanlega svolítið sundurleitan.
Þannig þarf til dæmis að ganga
fram hjá uppdúkuðum morgunverð-
arborðum þegar gengið er inn og út
úr matsalnum í stað þess að koma
strax inn í hinn eiginlega matsal
Vox. Þá reyndist nokkuð erfitt að ná
sambandi við staðinn símleiðis til að
panta borð og var það ekki fyrr en í
sjöttu tilraun sem það tókst.
Og þótt vínlistinn sé langur og
innihaldi gnótt góðra vína er það
nokkur löstur á stað í þessum gæða-
flokki að vera ekki með eitthvert
safn – þótt lítið væri – af toppvínum
af eldri árgöngum. Þegar rætt er
um veitingastaði í hæsta gæðaflokki
á Íslandi hlýtur Hótel Holt ávallt að
vera viðmiðunin. Vínseðill Holtsins
stendur enn upp úr sem sá lang-
glæsilegasti á Íslandi og þótt víðar
væri leitað.
Þegar öllu er á botninn hvolft er
það hins vegar maturinn sem ræður
úrslitum. Og hann er einfaldlega
frábær. Þeir Hákon, Gunnar Páll og
Sigurður standa fyllilega undir
þeim væntingum sem til þeirra eru
gerðar og gott betur.
Við byrjuðum á hreindýra-
carpaccio, sem ekki var á seðli en
mælt var með við borðið þar sem
hreindýr var nýkomið inn í hús. Þar
sem við höfðum í fyrri heimsókn
fengið ógleymanlegt kálfacarpaccio
var ákveðið að slá til. Kjötið var
meyrt, bragðmilt og með því olía,
edik, klettasalat, ætiþistlar og fleira
sem rann saman í góða heild en yf-
irgnæfði hins vegar kjötið nokkuð.
Hinn forrétturinn var einhver
besta bleikja sem ég hef nokkurn
tímann fengið. Tvö bleik stykki
syndandi um í froðukenndri og
léttri rjómasósu með léttum keim af
engifer og maískornum er koma í
ljós þegar byrjað er að borða.
Bleikjan léttelduð og með bökuðum
stökkum hjúp ofan á sem fellur að
fisknum líkt og um roð væri að
ræða. Þvílík snilld. Unun fyrir auga
jafnt sem bragðlauka.
Milliréttur sem gæti vel sómað
sér sem aðalréttur er gulrótar- og
kúmensúpa. Raunar væri nær að
tala um þykka, appelsínugula froðu
en súpu. Létt í bragðinu, mild og
unaðsfull.
Kjötréttirnir voru hefðbundnari
eins og oft vill verða. Lambafilé
fitusnyrt með fínsöxuðum sveppum
og grænmeti, þar á meðal ætiþistl-
um, soðsósu og fylltum, litlum tóm-
ati. Með þessu var borin fram lítil
polentukaka. Allt klassískt og þar af
leiðandi kannski ekki afskaplega
frumlegt en fullkomlega útfært
jafnt hvað varðar eldun, útlit sem
gæði hráefna.
Unga franska öndin var með
stökkum og fínum hjúp, bleik og féll
fullkomlega að sætri steiktri plóm-
unni. Wok-steikt kálgrænmeti
fylgdi með og soðsósa með fimm-
kryddakeim.
Að lokum panna cotta, mjúkt og
seiðandi með sætri jarðarberjasúpu.
Vox fylgir nokkuð klassískri ný-
franskri línu með alþjóðlegum áhrif-
um og gerir það frábærlega. Hvert
smáatriði fullkomlega útfært í rétt-
unum, samsetningarnar skotheldar
og öryggið í eldamennskunni al-
gjört. Ég hef farið þrisvar á Vox á
síðustu vikum, tvisvar í à la carte og
einu sinni snætt þar í um 30 manna
hóp. Ekkert olli vonbrigðum í neitt
skiptið og tvær af máltíðunum voru
þær bestu er ég hef upplifað á ís-
lensku veitingahúsi á þessu ári.
Meðan svona matur kemur út úr
eldhúsinu er ekki hægt annað en að
gefa Vox fullt hús.
Draumalið
á Nordica
Morgunblaðið/Jim Smart
Draumaliðið: Gunnar Karl, Hákon Már, Sigurður.
Morgunblaðið/Árni Sæberg
NÝR Egils Pilsner hefur verið
tekinn til sölu í verslunum
ÁTVR frá og með 1. sept-
ember. Í fréttatilkynningu frá
Ölgerðinni Agli
Skallagrímssyni
segir að Egils
Pilsner sé ódýr-
asti bjórinn á
markaðnum en
0,5 lítra umbúðir
kosta 149 krón-
ur. Haft er eftir
Önnu Maríu
Árnadóttur hjá
Ölgerðinni að
markmið Öl-
gerðarinnar sé
að Egils Pilsner
verði alltaf ódýrasti bjórinn í
ÁTVR.
Bjórinn flokkast undir pilsen
bjór og er 4,5% að styrkleika.
Fyrst um sinn verður Egils
Pilsner seldur í tveimur vín-
búðum ÁTVR, Heiðrúnu og
Kringlunni.
Nýr Egils
Pilsner
SAMLOKUR eru hluti af daglegu mat-aræði margra Íslendinga enda fátt ein-faldara en að smyrja brauðsneið meðáleggi. Hins vegar vill bregða við að hug-
myndaflugið fái ekki að njóta sín við sam-
lokugerðina og hún verði nokkuð einhæf. Þær
Heiða Björg Hilmisdóttir og Bryndís Eva Birg-
isdóttir hafa nú bætt úr því. Þær eru báðar
menntaðir næringarfræðingar og segjast hafa
fengið þá hugmynd fyrir þremur árum að kom-
inn væri tími til að efla hugmyndaflugið við sam-
lokugerðina. Hins vegar komust þær að því að
engin bók var til sem hentaði þörfum þeirra í
þessum efnum. „Samlokur eru fljótlegur matur
og þær geta verið fullgild máltíð. Fólk er hins
vegar oft að kaupa sér skyndibita þegar það hef-
ur í raun allt sem þarf í eldhúsinu til að búa til
góðar samlokur. Með bókinni viljum við hvetja
fólk til að elda sjálft, það fer fram mikilvægt
starf í öllum eldhúsum landsins. Hver sá sem er
að búa til mat er í ábyrgðarstöðu. Því fylgir líka
gleði og hamingja, hvort sem maður eldar einn
fyrir sjálfan sig, fjölskyldu eða vini,“ segja þær
Heiða og Bryndís.
Þær hafa áhyggjur af því að fólk sé stundum
að temja sér lífsstíl undir því yfirskini að hann sé
„hollur“ en sé það í raun ekki þegar betur er
skoðað. „Það er kannski heppni að þessi bók
skuli koma út núna þegar Atkins-kúrar eru mik-
ið í umræðunni. Það er ekki lífsstíll sem fólk á að
temja sér,“ segja þær.
Í bókinni má finna mikinn fjölda af upp-
skriftum. Samlokur sem henta jafnt sem hvers-
dagsmatur eða veislumatur og sérkafli er um
samlokur fyrir börn. „Það þarf ekki að vera flók-
ið að búa til góðar samlokur og því viljum við
reyna að gefa fólki hugmyndir um hvernig megi
brydda upp á nýjungum. Markmiðið var að gera
bók eins við viljum hafa bækur.“
Samlokubók Heiðu og Bryndísar er fáanleg í
öllum verslunum Hagkaupa.
Taj Mahal
(fyrir fjóra)
400 g kjúklingakjöt
½ paprika, skorin í bita
½ rauðlaukur, skorinn í sneiðar
½ banani, skorinn í sneiðar
½ avókadó, skorið í bita
8 dl blandað salat, skorið í strimla
½ dl saltaðar jarðhnetur
Sósa
1 dl 10% sýrður rjómi
1 tsk sterkt karrí eða karrí Bombay
2 msk eplamús eða chutney að eigin vali
Blandið saman karríi og sýrðum rjóma ásamt
chutney og eplamús. Blandið öðrum hráefnum
vel saman í aðra skál. Setjið salatið í pítubrauð
og setjið sósuna yfir. Heiða og Bryndís segja
þetta vera frábæran partírétt í litlum pítubrauð-
um og góðan rétt í veisluna.
Samlokur með stæl

Hótel Nordica, Suðurlandsbraut.
Pöntunarsími 444 5050.
Andrúmsloft: Alþjóðlegt yfirbragð,
bjartur salur í mildum litum, skilrúm
láta sal virðast minni en hann er,
tónlist lágvær.
Þjónusta: Skilvirk og fagmannleg,
gæðalið ekki síður en í eldhúsinu.
Verð:
Aðalréttir: 2.800-3.900 kr.
Eftiréttir: 1.100-1.400 krónur.
Árstíðarseðill: 7.500 k5ónu5
Mælt með: Samsetti ártíðaseðillinn
er hreinasta snilld. Haustseðill kem-
ur 15. september.
Vínlisti: Mikill um sig og þarna má
finna flest af því besta í vínum sem í
boði er á Íslandi. Verðlagningin hag-
stæðari en á mörgum öðrum reyk-
vískum matsölustöðum. Mætti þó
vera meira af eldri árgangsvínum
fyrir stað í þessum gæðaflokki.
VOX
Einkunn
Viðunandi
Góður
Mjög góður
Frábær
Afburða veitingastaður
Einkunnagjöf byggist á mati á þjónustu,
húsnæði, vínlista og mat, að teknu tilliti
til verðlags.