Morgunblaðið - 07.09.2003, Blaðsíða 15

MORGUNBLAÐIÐ SUNNUDAGUR 7. SEPTEMBER 2003 B 15
ferðalög
VEIÐIVÖRUR
RÝMINGARSALA
Á sama tíma stendur yfir útsala í
Veiðihorninu - Hafnarstræti 5 og
Veiðihorninu Síðumúla 8
Veiðihornið lokar versluninni
í Nanoq, Kringlunni
Við efnum því til rýmingarsölu
Allt á að seljast - mikill afsláttur
Veiðistangir, veiðihjól,
vöðlur, jakkar, vesti,
línur, spúnar, flugur,
bellybátar, camofatnaður,
byssuskápar, byssur, töskur,
útivistarbuxur, fleecejakkar
Einfaldlega allt í veiðina
Gerðu kaup aldarinnar!
Kampavín og kavíar með í
baðið eða morgunverðinn út á
svalir segir Guðbjörg R.
Guðmundsdóttir að sé meðal
þess sem farþegar Silver
Whisper geta beðið um meðan
á siglingu stendur.
UM síðustu helgi lagðist að bryggju í
Sundahöfn skemmtiferðaskipið Silver
Whisper sem er í eigu skipafélagsins
Silversea.
Undanfarin ár hafa bæði banda-
ríska og breska ferðatímaritið Condé
Nast valið skipafélagið Silversea sem
besta skipafélag í heimi þegar lítil
skemmtiferðaskip eru annarsvegar.
Skipið er í alla staði mjög glæsilegt,
rúmgott og áttatíu prósent gesta eru
með svalir útaf káetum sínum.
Reyndar er varla um að ræða káetur
því þær minnstu eru jafnvel með sér-
fataherbergi, baðherbergi og rúm-
góðri setustofu innaf svefnrýminu. Öll
umgjörðin er glæsileg, falleg hús-
gögn, breiðir gangar, íburðarmiklar
ljósakrónur og mikil áhersla lögð á
fyrsta flokks þjónustu um borð allan
sólarhringinn og að þjónar um borð
kynni sér sérþarfir og óskir gesta
sinna.
Fyrsta flokks þjónusta
Jesper Boas-Smith, umboðsmaður
skipafélagsins fyrir Norðurlönd
bendir á þessu til staðfestingar að á
meðan farþegar Silver Whisper geta
mest verið 382 talsins er starfsfólkið
um 300 talsins. „Þar að auki er allt
innifalið í verði ferðarinnar þ.e. mat-
ur, drykkur og þjónusta svo starfs-
fólkið þarf ekki að einbeita sér að því
að muna að setja þetta eða hitt á
reikning viðkomandi heldur leggur
sig í líma við að þjóna, muna hvaða
drykki farþegar halda upp á, hvaða
sérþarfir þeir hafa varðandi mat og
svo framvegis.“
Fjögur skip eru í eigu skipafélags-
ins en Silver Whisper er nýjasta skip-
ið sem var vígt árið 2001. Jesper
Boas-Smith hefur sjálfur siglt með
skemmtiferðaskipum í meira en 500
daga og hefur viðamikla reynslu af
því að vera farþegi um borð.
Hann segir að við hönnun þessa
skips hafi verið tekið mið af óskum
fastra viðskiptavina skipafélagsins.
Þeir vildu gjarnan hafa mjög góða að-
stöðu til líkamsræktar og um borð í
Silver Whisper er t.d. hægt að fara í
fullkominn tækjasal en líka sækja
tíma í jóga og annarri leikfimi. Þá er
boðið upp á úrval nudd- og ilmmeð-
ferða í rólegu umhverfi. Töluvert er
einnig lagt í tölvuver þar sem gestir
geta að vild farið á Netið, sent tölvu-
póst og sinnt sínum málum.
Vindlaherbergið um borð er sér-
kapítuli útaf fyrir sig en þar geta
gestir valið um ótal vindlategundir til
að gæða sér á eftir matinn með kon-
íakinu. Ýmis afþreying er um borð,
oft er boðið upp á fyrirlestur um þann
stað sem heimsóttur er næsta dag,
tónleikar eru oft á dagskrá fyrir og
eftir mat, dansleikir, skemmtikvöld,
kvikmyndir, sundlaug, lítið spilavíti
og svo framvegis. Vanhagi gesti um
bók til að lesa eða myndband í mynd-
bandstækið eru söfn um borð þar sem
gestir geta sótt sér slíkt efni eða
hringt eftir því.
Uppáhaldsmaturinn
Allur matur um borð er innifalinn
en um nokkra veitingastaði er að
velja. Langi gesti í eitthvað sérstakt í
kvöldmatinn þá er þeim óskum komið
á framfæri og matreiðslumeistarar
skipsins gera allt sem í þeirra valdi
stendur til að mæta þeim óskum.
Jesper nefnir sem dæmi að gestir
geti einnig beðið um kavíar og
kampavín í baðið eða borðað hádeg-
isverðinn inni hjá sér ef þannig stend-
ur á.
Gesta bíður kampavín við komuna
um borð, á marmaraklæddum bað-
herbergjum eru nauðsynlegar snyrti-
vörur, baðsloppur og inniskór og
gestir ganga að sínum uppáhalds-
drykkjum vísum í barskápum og
ferskir ávextir eru á borðum.
Skemmtiferðaskipið Silver Whisper í heimsókn hér á landi
Hægt er að velja úr nokkrum veitingastöðum þegar hungrið sverfur að.
Það væsir ekki um gesti í vistarverunum en þetta er meðalstór svíta um borð.
Þjónarnir eiga að
þekkja þarfir gestanna
gudbjorg@mbl.is
Skip Silversea-skipafélagsins
sigla víða um höf og allar nánari
upplýsingar um verð og ferðir
skipanna fást á slóðinni
www.silversea.com
Fyrir miðju skemmtiferðaskipsins er
heitur pottur og sundlaug.