Morgunblaðið - 07.09.2003, Blaðsíða 18

Morgunblaðið - 07.09.2003, Blaðsíða 18
Gáta Hvernig er spaðinn á litinn í venjulegum spilastokki? Svartur Dótakrossgáta TIL ÞESS að finna leyniorðið í krossgátunni þurfið þið að raða orðunum hér á eftir á réttan stað. Orðin liggja öll lárétt nema leyniorðið sem liggur lóðrétt. Orðin eru: Bein Dótalest Dúkkuföt Flugdreki Munnharpa Skeljar Skopparakringla Tuskudýr Víkingadótið er skemmtilegast Andri Steinarr Linduson er sex ára. Hann seg- ir að uppáhaldsdótið sitt sé víkingadót. „Ég á fjórtán víkinga en einn er fótbrotinn. Svo á ég dreka og víkingaskip og kastala. Þetta er uppá- haldsdótið mitt af því ég fékk það í afmælisgjöf og af því það er svo gaman að leika sér að því,“ segir hann. Hvernig leikurðu þér að víkingadótinu? „Ég fer með það í bað og læt víkingana sigla í víkingaskipinu. Svo læt ég þá berjast í kastalan- um og stundum fer ég með þá í sumarbústað.“ Ariel og húsbíllinn í uppáhaldi Helena María Þórisdóttir er fjögurra ára. Uppáhaldsdótið hennar er Ariel-dúkka sem hún fékk þegar mamma hennar og pabbi komu heim frá útlöndum en þá hafði hún óskað sér að fá haf- meyju. Helena segist láta Ariel synda og svo sofi hún stundum með hana. „Mér finnst líka gaman að leika mér að húsbílnum,“ segir hún. „ Það er hægt að opna hann og svo er hundur inni í hon- um.“ Skemmtilegt að punta sig Eydís Erla Ágústsdóttir sem er sex ára segir að skartgripaskrín og hálsmen sem lýsir séu uppáhaldsleikföngin sín. „Það eru hálsmen og grænir eyrnalokkar í skartgripaskríninu og barmmerki með mynd af Birgittu í Grease,“ seg- ir hún. Af hverju er þetta uppáhalds dótið þitt? „Mér finnst bara skemmtilegt að leika mér með það og punta mig.“ Gaman að safna Pokemonmyndum Óðinn Claudio Romanelli, sem er sex ára, segir að Pokemonmyndirnar hans séu uppáhaldsdótið hans og að hann eigi 220 myndir í einni möppu og svo enn fleiri myndir í annarri möppu. „Ég er bú- inn að safna þeim síðan ég var fjögurra ára. Samt á ég ekki næstum því allar myndirnar því ég held að það séu til sjö hundruð myndir,“ segir hann. „Ég ætla að safna í fimm möppur.“ Hvernig leikurðu þér að myndunum? „Ég skoða þær og skipti á þeim við vini mína. Uppáhaldsmyndirnar mínar eru heima hjá ömmu en Diglet og Golbat-fjölskyldan eru uppá- halds Pokemonarnir mínir." Hvað er uppáhaldsdótið þitt? Óðinn Claudio RomanelliEydís Erla Ágústsdóttir Helena María ÞórisdóttirAndri Steinarr Linduson Morgunblaðið/Jim Smart Litið Grísla listavel GRÍSLI, minnsti og besti vinur Bangsímons, virðist eiga fullt í fangi með blöðruna á myndinni. Litið Grísla og blöðruna í uppáhaldslitunum ykkar. SÖGURNAR um Bangsímon og fleiri frægar sögur eru skrifaðar um alvöruleikföng. Þannig fjallar hið fræga ævintýri um hnotubrjótinn t.d. um dót og svo auðvitað Dótasagan „Toy Story“ sem flestir krakkar þekkja. Og nú fáið þið ykkar tækifæri til að segja frá uppáhaldsdótinu ykkar því við ætlum að halda sögu- og myndakeppni um uppáhaldsdótið ykkar hér á barnablaðinu. Það reynir aldeilis á hæfileika ykkar og hug- myndaflug því reglurnar eru þær að stærri krakk- arnir eiga að skrifa smásögu um uppáhaldsdótið sitt en minni krakkarnir eiga að teikna mynd af því. Þeir sem skrifa sögur geta þó líka teiknað myndir með en munið að til að skrifa góða sögu þarf bæði að huga að persónusköpun (lýsa því hvernig persónurnar í sögunni eru) og söguþræð- inum (því sem gerist í sögunni). Þið ættuð að gefa ykkur góðan tíma og vanda ykkur eins og þið getið því það eru margir mjög flottir vinningar í boði. Svo geta leikföngin ykkar líka orðið landsfræg! Í verðlaun eru Bangsímon-klukkur sem hægt er að lita og stuttermabolir með mynd af Bang- símon, Grísla, Eyrnaslapa og Tuma tígri. Skilafrestur er til 21. september og munið að senda nafn, aldur og heimilisfang með. Myndir og sögur þurfa að berast til: Barnablaðs Morgunblaðsins Kringlunni 1 Reykjavík. Mynda- og sögukeppni VINKONURNAR Heiðrún Dís og Valdís Harpa, sem eru að verða fjögurra ára, fóru að sjá mynd- ina um Bangsímon og vini hans um síðustu helgi. Hvernig var myndin? Valdís: Hún var fín. Heiðrún: Hún var skemmtileg og spennandi. Hvað var skemmtilegast? Heiðrún: Það var skemmtilegast að leika sér í tröppunum í hléinu. Valdís: Mér fannst Grísli svo mikið krútt af því hann var svo pínulítill. Svo fórum við í svona leik að ég var Kanga og Heiðrún Dís var Grísli. Heiðrún: Það var fyndið þegar Grísli var feitur og í bleikum fötum. Valdís: Mér fannst fyndnast þegar ég festist á leiðinni í bíóið. Krakkarýni: Stórmynd Grísla Vinkonurnar Heiðrún Dís og Valdís Harpa. Grísli var svo mikið krútt NÚ ER verið að sýna myndina Stórmynd Grísla í bíó. Myndin fjallar um Grísla, Bangsímon og vini þeirra í Hundraðekruskógi sem flestir krakkar kannast við. En vissuð þið að sögurnar um Bangsímon og vini hans eru byggðar á leikföngum alvörustráks? Það var rithöfundurinn A.A. Milne sem skrifaði sögurnar um leik- föng sonar síns sem hét Christopher Robin og átti heima í London á Englandi fyrir um það bil áttatíu árum. Uppáhaldsleikfang Christophers var bangsinn Winnie the Pooh sem á íslensku er kallaður Bangsímon. Grísli, Kanga og Gúri eru líka byggð á tuskudýrum Christophers Robins en Uglan og Kaninka eru byggðar á alvörudýrum sem bjuggu í nágenni við heimili fjölskyldunnar. Tumi tígur, sem aðeins kemur fram í tveimur af sögum Milne, er hins vegar bæði byggður á tuskutígrisdýri sem Christopher Robin átti og á hundi fjölskyldunnar sem var alltaf hoppandi og skoppandi. Hundraðekruskógurinn er líka byggður á umhverfi sveitabæjarins þar sem fjölskyldan bjó á sumrin og skóginum í kring um hann. Saga um skemmtilegt dót Bangsímon og vinir hans.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.