Morgunblaðið - 15.09.2003, Side 12

VESTURLAND
12 MÁNUDAGUR 15. SEPTEMBER 2003 MORGUNBLAÐIÐ
STYKKISHÓLMSBÆR hefur
keypt öll hlutabréf í Þór hf. sem er
eigandi Hótel Stykkishólms. Stykk-
ishólmsbær var langstærsti eigand-
inn fyrir, en margir einstaklingar og
félög í Stykkishólmi áttu litla hluti.
Þá hefur Stykkishólmsbær keypt fé-
lagasamtök út úr félagsheimili
Stykkishólms sem er áfast hótelinu.
Ástæðan fyrir kaupunum er að
sögn Óla Jóns GTunnarssonar bæj-
arstjóra að verið er að endurskipu-
leggja fjárhag hótelsins. Með þess-
um aðgerðum er verið að draga
verulega úr fjármagnskostnaði hót-
elsins og losna við óhagstæð lán eins
og t.d. hjá Byggðastofnun. Þessar
breytingar hafa engin áhrif á samn-
ing við núverandi leigutaka.
Hótel Stykkishólmur hefur rekið
öfluga ferðaþjónustu í tæp 30 ár.
Þrátt fyrir að oft hafi blásið á móti,
er hótelið eitt af þeim fáu sem hafa
staðið við sínar skuldbindingar
gagnvart skuldunautum.
Góð nýting í sumar
Að sögn Óla Jóns Ólasonar, hót-
elstjóra og leigutaka, hefur rekstur-
inn gengið vel í sumar. Nýting á hót-
elinu var 96% í júlí og um 84% í júní
og ágúst. Horfur eru á að betri nýt-
ing verði á hótelinu síðustu mánuði
ársins, miðað við í fyrra.
Hótelkeðjan sem leigir Hótel
Stykkishólm rekur einnig hótelin í
Reykholti og Ólafsvík og er að taka
við rekstri á nýju hóteli í Kópavogi,
Smárahóteli.
Bærinn
kaupir öll
hlutabréf
Morgunblaðið/Gunnlaugur
Hótel Stykkishólmur.
Stykkishólmur
UPPBYGGINGU á húsum þeim
sem hýsa eiga Menningarmiðstöðina
á Hellnum og gestastofu þjóðgarðs-
ins Snæfellsjökuls miðar vel. Að
sögn Ketils Sigurjónssonar bygging-
arstjóra urðu smá tafir í upphafi
verksins af tæknilegum orsökum, en
nú er kominn verulegur skriður á all-
ar framkvæmdir.
Stefnt er að því að koma húsunum
sem fyrst undir þak svo innivinna
geti hafist. Byggingarverktakar hafa
ekki látið sunnanáttir og rigningu á
sig fá og haldið sínu striki.
Þegar fréttaritari átti leið hjá
framkvæmdasvæðinu var verið að
steypa, en Steypustöð Þorgeirs
Árnasonar ehf. á Rifi sér um þann
verkþátt.
Menningarmiðstöðin
á Hellnum
Verkinu
miðar vel
áfram
Hellnar
Morgunblaðið/Guðrún G. Bergmann
Steypuvinna við væntanlegt hús-
næði Menningarmiðstöðvar og
gestastofu á Hellnum.
ERLENDUR Sigurðsson og Gunnfríður Harð-
ardóttur höfðu átt þann draum að flytja í
Borgarfjörðinn og voru búin að finna sér hús í
Borgarnesi þegar þau sáu íbúðarhúsið á Galt-
arholti auglýst til sölu.
Erlendur, sem er frá Urriðaá á Mýrum, hef-
ur unnið við söðlasmíði og viðgerðir og var
með verkstæði í Keflavík þar sem þau Gunn-
fríður bjuggu áður en þau fluttu að Galtar-
holti í byrjun febrúar á þessu ári. „Það stóð
aldrei til að búa í Keflavík, þetta var svona
millilending. Við vorum fegin að komast í
sveitina og ég áttaði mig eiginlega ekki á hvað
var fallegt útsýni héðan fyrr en ég var búinn
að höggva trén sem voru fyrir eldhúsglugg-
unum.“
Erlendur er búinn að innrétta bílskúrinn
sem söðlasmíðaverkstæði og þar er hann einn-
ig að koma upp lítilli hestavörubúð. Hann tók
þvottahúsið líka undir starfsemina og innrétt-
aði þvottaaðstöðu annars staðar, en á eftir að
brjóta niður vegg á milli til að sameina pláss-
ið. Auk þess flutti hann skúr sem hann stað-
setti á bak við bílskúrinn þar sem hann verður
með séraðstöðu til að sjóða járn. Hann vinnur
eingöngu við söðlasmíði og viðgerðir og hefur
nóg að gera.
Hannaði hnakk fyrir fatlaða
„Ég sé ekki fram úr verkefnunum eftir að
ég kom hingað. Ég fæ verkefni í héraðinu, en
einnig hafa komið verkefni af öllu landinu. Ég
fékk til mín 30 hnakka á einu bretti frá Húsa-
vík til viðgerða og gömlu kúnnarnir norðan úr
Þingeyjarsýslu hafa sumir alltaf fylgt mér frá
því ég bjó þar,“ segir Erlendur.
„Ég er búinn að vera lengi með söðul sem
ég ætlaði að gera upp þegar ég kom hingað.
En það er búið að vera svo mikið að gera að
ég hef enn ekki komist í það verk. Ég bjóst
ekki við að hafa neitt að gera hérna til að
byrja með, en það er öðru nær.“
Erlendur hannaði og hefur sérsmíðað hnakk
fyrir fatlaða sem hann nefnir Seif. Hann segist
hafa búist við því að hann seldist betur, en
þeir sem hafa notað hann eru ánægðir. Önnu
Bretaprinsessu var einmitt gefinn slíkur
hnakkur sem hún tók við fyrir hönd fatlaðra
barna í Bretlandi á Landsmótinu 2000 og Vikt-
oríu Svíaprinsessu var gefinn annar sem ætl-
aður var fötluðum börnum í Svíþjóð í sumar.
Annars segist Erlendur aldrei hafa séð
hnakk smíðaðan. Ástæðan fyrir því að hann
fór út í þetta var að Guðrún Fjeldsted á Öl-
valdsstöðum, sem mikið hefur unnið við reið-
þjálfun fatlaðra, bað hann um að hanna og
smíða hnakk til að auðvelda henni starfið. „Ég
hafði auðvitað gert upp hnakka og vissi alveg
hvernig þeir voru smíðaðir og hafði í raun
smíðað öll stykki sem eru í hnökkum. Upp-
haflega byrjaði ég á þessu þegar ég bjó fyrir
norðan og ég fékk hvergi hófjárn. Það endaði
með því að ég varð að smíða mér hófjárn. Það
reyndist besta hófjárn sem ég hafði prófað og
það endaði með því að ég smíðaði fleiri hundr-
uð hófjárna og fyllti allar verslanir af þessu.
Þetta var áður en einhverjum datt í hug að
flytja þau inn.
Þá byrjaði ég að smíða beislisstangir, eig-
inlega þvingaður til þess af tveimur kunn-
ingjum mínum á Akureyri. Ég sagði óvart já.
Þær þóttu góðar og margir mætir hestamenn
eignuðust slíkar stangir.“
Smíðar hnakka eftir pöntun
Erlendur segist vera að fikra sig áfram í
söðlasmíðinni og að hann sé alltaf að læra.
Hann smíðar hnakka eftir pöntun, en auk þess
saumar hann höfuðleður og tauma. Í búðinni
er hægt að fá allt mögulegt þótt hún sé lítil.
Þar er að finna hnakka, beisli, tauma, mél,
píska, skæri og síðar ætlar hann að vera með
skeifur, en ekki fyrr en í vetur þegar tími
skaflaskeifnanna rennur upp. Þá verður einn-
ig hægt að fá leðurfeiti og hestasnyrtivörur og
ýmislegt fleira.
„Þótt ég vinni svipaða vinnu og áður þá
finnst mér allt annað líf að vera kominn í
sveitina,“ segir Erlendur. „Maður er svo miklu
frjálsari.“
Flutti frá Keflavík í borgfirska sveit til að stunda söðlasmíði og viðgerðir
Sér ekki fram úr verkefnunum
Borgarbyggð
Morgunblaðið/Ásdís Haraldsdóttir
Erlendur Sigurðsson við hnakkinn Seif í hesta-
vöruversluninni í Galtarholti.
ÞÁTTTAKENDUR á íbúaþinginu
„Yfir til þín“, sem haldið var á
Akranesi fyrir skömmu, vilja að
unnið verði markvisst að nýsköpun
í atvinnumálum og lögð verði
áhersla á störf fyrir langskóla-
gengna samfara framþróun í hefð-
bundnum atvinnugreinum. Í því
skyni mætti stofna sérstakan at-
vinnuþróunarsjóð. Einnig vilja þeir
auka sóknarfæri á sviði menntun-
ar. Nefnd var aukin fjölbreytni í
námsframboði Fjölbrautaskóla
Vesturlands og nám á háskólastigi.
Um 100 Akurnesingar sóttu
íbúaþingið, en niðurstöður þess
verða m.a. nýttar við endurskoðun
aðalskipulags sem nú stendur yfir.
Þingið var haldið að tilhlutan
skipulags- og umhverfisnefndar
Akraness, sem fékk ráðgjafarfyr-
irtækið Alta til að sjá um fram-
kvæmd þess.
Ýmis sóknarfæri í nálægð
Akurnesingar telja nálægðina
við Reykjavík frekar vera kost en
galla og sjá í því ýmis sóknarfæri
fyrir bæinn. Þeir telja að Akranes
bjóði upp á alla helstu kosti „smá-
bæjarsamfélagsins“ þó bærinn sé
við bæjardyr höfuðborgarsvæðis-
ins. Akranes bjóði upp á minni
hraða en í borginni, þægilegt and-
rúmsloft, góð samskipti og fé-
lagslega samkennd.
Einnig kom fram að lækkun eða
niðurfelling gjalda í Hvalfjarðar-
göngin væri mikið hagsmunamál
svo hægt væri að nýta til fulls þau
sóknarfæri sem nálægðin við borg-
ina býður upp á. Með því lækkaði
kostnaður vegna aðfanga fyrir-
tækja og aðgengi að stærri mark-
aði opnaðist.
Skiptar skoðanir
um verslunarmiðstöð
Mikið var rætt um skipulagsmál
á þinginu og talið brýnt að marka
skýra stefnu. Þá voru skiptar
skoðanir um fyrirhugaða uppbygg-
ingu verslunarmiðstöðvar á Skaga-
verstúni og þær afleiðingar sem
hún kunni að hafa á gamla miðbæ-
inn á Akranesi. Áhersla var lögð á
að leiða þetta mál til lykta sem
fyrst.
Lögð var áhersla á að auka vægi
gangandi og hjólandi umferðar og
almenningssamgangna innan bæj-
arins. Þingið var haldið að tilhlut-
an skipulags- og umhverfisnefndar
Akraness, sem fékk ráðgjafarfyr-
irtækið Alta til að sjá um fram-
kvæmd þingsins.
Fram kom að Skagamenn vilja
að íþróttaaðstaða í bænum sé með
því besta sem gerist. Það þurfi að
auka fjölbreytni í aðstöðu til
íþróttaiðkunar og bæta vetrarað-
stöðu. Mikið var rætt um mik-
ilvægi þess að bjóða upp á sem
fjölbreyttast félagsstarf fyrir ungt
fólk og talið að það væri besta leið-
in til að efla forvarnir í vímuefna-
málum.
Góð aðstaða til útivistar er talin
einn helsti kostur Akraness. Það
þurfi að efla uppbyggingu göngu-,
hjóla og reiðstíga með góðum
tengingum.
Akurnesingar telja að með
stofnun íbúasamtaka gæti orðið til
heppilegur samráðsvettvangur
íbúa og bæjaryfirvalda enda sé það
ósk íbúa að fá fleiri tækifæri til að
hafa áhrif á þróun síns samfélags.
Um 100 manns sóttu íbúaþingið „Yfir til þín“ á Akranesi
Nálægðin við borgina felur í sér
sóknarfæri fyrir Skagamenn
Akranes
Morgunblaðið/Sigurður Elvar
Mikilvægi fjölbreytts félagsstarfs fyrir ungt fólk var rætt á íbúaþinginu. Þá vilja Skagamenn að íþróttaaðstaða í
bænum sé með því besta sem gerist, en auka þurfi fjölbreytni í aðstöðu til íþróttaiðkunar og bæta vetraraðstöðu.