Morgunblaðið - 23.11.2003, Síða 45
23.11.2003 | 45
Hvaða persónu mannkynssögunnar
metur þú mest?
Mest met ég þá valdsmenn sem hafa
haft húmanisma að leiðarljósi. Ég get
nefnt sem dæmi Markús Árelíus Róm-
arkeisara.
Hvaða dýr finnst þér flottast?
Kötturinn.
Hvaða lífsspeki ferðu eftir?
Að láta hverjum degi nægja sína þján-
ingu.
Hefur þú verið í lífshættu?
Ekki svo ég viti.
Hefur þú unnið góðverk?
Ekki svo ég viti.
Hvaða dyggð viltu helst læra?
Hógværð.
Hvaða tilfinning er þér kærust?
Gleðin.
Hvað metur þú mest í fari annarra?
Ósíngirni.
Hverju viltu helst breyta á Íslandi?
Umgengni Íslendinga við náttúruna.
Hvenær varstu glaðastur?
Þegar börnin mín og barnabörnin
fæddust.
Hver er uppáhalds erlenda borgin þín?
Þar er úr mörgum að velja. Ætli ég
setji ekki London efsta á blað.
Einnig mætti nefna Kaup-
mannahöfn, Rómaborg, New
York, Moskvu og Istanbul.
Hvers vegna fæst ekki friður
á jörðu?
Af því að maðurinn er alltaf
eins.
Hvaða starfstétt berðu
mesta virðingu fyrir?
Listamönnum.
Ertu hræddur við dauð-
ann?
Eftir því sem ég lifi lengur
hræðist ég dauðann minna.
Hvað óttast þú mest?
Einmanaleikann.
Hver gæti verið tilgangur
lífsins?
Að uppfylla jörðina.
Hvað viltu helst gera á síð-
kvöldum?
Fara í rúmið með Hildi.
Hvaða kvikmynd/tónlist/leikrit/ljóð/bók
breytti lífi þínu?
Árið 1950, þegar ég var 5 ára gamall,
var mér tilkynnt með miklum fyrirvara
að Guðný frænka og Kalli maður henn-
ar ætlaðu að bjóða mér með sér í hið
splunkunýja Þjóðleikhús til að sjá
barnaleikritið Snædrottninguna, byggt á
ævintýri H.C. Andersens. Ég hafði aldr-
ei komið í leikhús og mikil eftirvænting
bjó um sig í huga mínum, ekki síst
vegna íbyggins viðmóts foreldra minna
vegna þessa væntanlega atburðar og
umtalsins um hið glæsta Þjóðleikhús. Á
tilsettum tíma var ég búinn upp í mitt
fínasta púss. Og þvílík upplifun! Þetta
var upphafin stund í musteri og ég gaf
mig allan á vald ævintýrsins. Æ
síðan er leikhúsið minn
staður.
Guðjón Friðriksson sagnfræðingur
Maður eins og ég
L
jó
sm
yn
d:
G
ol
li
‚Eftir því sem ég lifi lengur hræðist ég dauðann minna‘
Nú sem endranær hefur söngkonan Sigríður Beinteins-
dóttir mörg járn í eldinum. Auk þess að vera dómari í Idol-
stjörnuleitinni, hefur hún nýlega sent frá sér glænýja plötu, sem
ber titilinn „Fyrir þig“ og inniheldur að megninu til róleg og ljúf
lög, erlend og íslensk. Sigga er sömuleiðis nýlega búin að stofna
söngskóla í Asker í Noregi ásamt systur sinni Halldóru Bein-
teinsdóttur, sem búsett hefur verið Noregi í yfir þrjátíu ár. Við-
tökur hafa verið geysigóðar og eru nú þegar komnir um áttatíu
nemendur, sem teljast má harla gott í ljósi þess að sjálf segist
Sigga vera óþekkt söngkona í Noregi. Þrír norskir kennarar
starfa við skólann og svo ætlar Sigga að vera á ferðinni milli
frændþjóðanna enda stendur hún líka í söngkennslu hér á landi
ásamt Maríu Björk. Sigga er í sófanum að þessu sinni.
Geisladiskur: „Í geislaspilaranum mínum núna er diskur með
danskri hljómsveit, sem ég held mikið upp á og heitir Savage
Rose. Þessi hljómsveit spilar rólega og ljúfa tónlist og söngkonan í
þessari sveit hefur mjög sérstaka en skemmtilega rödd. Mér finnst
svo gott þegar ég er að vinna á tölvuna að setja eitthvað rólegt og
gott í spilarann.“
Myndband: „Undanfarið hef ég nú ekki haft mikinn tíma til að
horfa á sjónvarp eða á myndbönd, en síðasta mynd, sem ég horfði
á, var The Pianist. Sú mynd er alveg mögnuð, handritið er frábært
og þessari mynd mæli ég hiklaust með að fólk sjái. Ein af betri
myndum, sem ég hef séð.“
Sjónvarpsþáttur: „Uppáhaldsþættirnir mínir í sjónvarpi eru Six
feet under og OZ, mjög ólíkir þættir en báðir frábærir. Ég reyni að
missa aldrei af þeim.“
Bók: „Ég man nú ekki hvaða bók ég las síðast, ég er nú ekki mikill
lestrarhestur og hef aldrei verið því er nú verr og miður, en í dag er
allavega minnisbókin mín uppáhaldsbókin mín því þar er skráð
allt, sem ég þarf að gera. Bók þessi er orðin nokkuð þétt skrifuð,
alla vega fyrir desembermánuð.“
Vefsíða: „Ég er nú ekki mikill netfíkill og fer sjaldan inn á heima-
síður. Uppáhaldsheimasíður eru því engar, ekki nema ef vera
skyldi heimabankinn minn. Inn á þá síðu fer ég reglulega og
stundum á hverjum degi.“
L
jó
sm
yn
d:
G
ol
li
Frá mínum sófa
séð og heyrt
Sigga Beinteins