Morgunblaðið - 23.12.2003, Blaðsíða 60

60 ÞRIÐJUDAGUR 23. DESEMBER 2003 MORGUNBLAÐIÐ
LOKAÐ Í DAG, ÞORLÁKSMESSU LOKAÐ Í
ÞRÍR nemar í fatahönnun við
Listaháskóla Íslands héldu tísku-
sýningu í Hinu húsinu á föstudags-
kvöld. Þetta er fyrsta samsýning
Sigrúnar Baldursdóttur, Ylfu
Jónsdóttur og Iðunnar Andersen,
sem eru allar á öðru ári í náminu
en áður hafa þær tekið þátt í nem-
endasýningu.
Sýningin tengist því að annað ár
LHÍ er að safna fyrir nem-
endaferð til New York. Verður
megnið af fötunum til sölu í Jóla-
búð annars árs nema, sem er til
húsa á Laugaveginum þar sem
Noa Noa var áður. Þeir sem
misstu af sýningunni geta því kíkt
þangað til að skoða það sem stelp-
urnar hafa að bjóða og margt
fleira.
Tískusýning í Hinu húsinu
Afraksturinn er til sölu
í Jólabúðinni
Morgunblaðið/Árni Sæberg
Hönnuðirnir þrír, Iðunn, Ylfa og Sigrún, fagna að lok-
inni vel heppnaðri sýningu.
Alls voru um 24 innkomur á sýningunni, eða um átta alklæðnaðir á hönnuð.
Fatahönnuðirnir eru allir á öðru ári í LHÍ og stóðu
sjálfir fyrir sýningunni.
FJANDVINIRNIR Kalli kanína/
Bugs Bunny og Oddur önd/Daffy
Duck, eru búnir að elda grátt silfur
svo lengi sem harðfullorðnir bíógestir
muna. Þeirra vígvöllur var tjaldið í
Austurbæjarbíói í stuttmyndum á
undan aðalmyndinni og fóru oft með
sigur af hólmi í keppninni um
skemmtanagildið. Allavega brugðust
þær sjaldan eða aldrei, frekar en líf-
legar teiknimyndafígúrur Looney
Tunes þar sem þeir Kalli og Oddur
voru fremstir stórstjarnanna. Undan-
farna áratugi hefur þeim farnast vel á
Cartoon Network og þótti Warner
Bros-kvikmyndaverinu tímabært að
viðra sínar fornfrægu hetjur í bíó.
Looney Tunes: Aftur á kreik er
sambland leikinna og teiknaðra per-
sóna í annars venjulegri, leikinni
kvikmynd. Slík flétta kom fyrst fram
á sjónarsviðið í Hver skellti skuldinni
á Kalla kanínu? – Who Framed Roger
Rabbit?, og hefur skotið upp kollinum
af og til síðan.
Ekki blæs byrlega fyrir Oddi í
myndarbyrjun, er rekinn á dyr af
Warner-bræðrum er hann mótmælir
örmu hlutskipti sínu á tjaldinu, þar
sem hann verður jafnan að lúffa –
andlega og líkamlega, fyrir gulrót-
arætunni Kalla. Öryggisvörðurinn Dj
(Brendan Fraser) fær pokann sinn á
sama tíma, en hann er lánlítill sonur
aðalnjósnamyndastjörnu Warner-
bræðra, Damian Drake (Timothy
Dalton). Oddur og Dj komast að því
að Drake, sem er raunverulegur
spæjari í einkalífinu, er kominn í
hendurnar á Stjórnarformanninum
(Steve Martin), ómenni sem stýrir
sínu illa stórfyrirtæki ACME, og
stefnir hraðbyri að heimsyfirráðum.
Leikurinn berst til Las Vegas þar
sem björgunaraðgerðirnar hefjast og
líður ekki á löngu uns allt gamla
Looney Tunes-gengið er komið til
sögunnar.
Teiknifígúrurnar bjóðast bæði í
enskri og íslenskri talsetningu, und-
irr. sá þá íslensku, sem er upp og ofan.
Snúin, erfiða þýðinguna og framsetn-
ingu leikaranna skortir persónulegan
sjarma kjaftaska Looney Tunes. Ís-
lensku leikararnir fara oftar en ekki á
kostum í raddsetningum hefðbund-
inna teiknimynda en berjast að þessu
sinni við heimsfræg og ótvíræð ein-
kenni furðufígúra Warners: stam-
andi, málhaltar, frussandi út úr sér
orðunum og húmorinn skilar sér ekki
á fullnægjandi hátt. Svipaður vandi
blasir við þýðandanum sem nær held-
ur ekki rétta tóninum en hluti af
vandamálinu er vissulega misfyndið
handrit og nánast ósnertanleg sér-
kenni sem glutrast eflaust niður í
flestum þýðingum úr enskunni.
Mennskir leikarar standa sig dável
og sýna viðeigandi látbragðsleik í
teiknimyndastíl. Joe Dante (Greml-
ins) keyrir myndina áfram með mikl-
um látum og nær furðu vel fram-
gangsmáta teiknimyndanna góðu.
Ræður vel við að flétta saman leikn-
um og ímynduðum persónum og nýt-
ur hjálpar leikaranna, ekki síst Fras-
ers og Martins. Sum atriðin eru
bráðfyndin, þess á milli stendur mað-
ur handritshöfundana að hugmynda-
og húmorsleysi sem setur fullmikinn
svip á annars vel þegna endurkomu
gamalla og góðra vina.
Það kemur ekki á óvart að Oddur
önd skuli komast í kast við laganna
verði í mannheimum.
Oddur og
Kalli bjarga
heiminum
KVIKMYNDIR
Háskólabíó, Sambíóin.
Leikin og teiknuð á ensku og með ís-
lenskri talsetningu. Leikstjórn: Joe Dante.
Handrit: Larry Doyle, John Requa, Glen
Ficarra. Kvikmyndatökustjórn: Dean
Cundey. Tónlist: Danny Elfman. Aðalleik-
endur: Brendan Fraser, Jenna Elfman, Tim-
othy Dalton, Steve Martin, Heather
Locklear. Íslensk talsetning: Leikstjóri:
Júlíus Agnarsson. Þýðing: Margrét Örn-
ólfsdóttir. Aðalraddir: Bergur Þór Ingólfs-
son, Hjálmar Hjálmarsson, Hilmir Snær
Guðnason, Steinn Ármann Magnússon,
Sigrún Edda Björnsdóttir. 90 mínútur.
Warner Brothers. Bandaríkin 2003.
LOONEY TUNES: AFTUR Á KREIK /
LOONEY TUNES: BACK IN ACTION

½
Sæbjörn Valdimarsson
EIN best heppnaða barnaplata síð-
ari ára er Uppáhaldslögin okkar,
hljóm- og mynddiskur sem inniheldur
lög sem vinsælir söngvarar sungu í
Stundinni okkar. Þessi jólaplata er af
svipuðum toga, inniheldur einnig
hljóm- og mynddisk með jólalögum
sem landskunnir söngvarar hafa verið
að syngja í Stundinni okkar upp á síð-
kastið. Og skemmst
er frá að segja að
enn hefur tekist vel
upp, ef þá ekki bara
ennþá betur.
Þrennt ræður þar
mestu um; í fyrsta
stað frábærar útsetningar og lagaval
þeirra Fálka Guðmundar Kristins
Jónssonar og Sigurðar Guðmunds-
sonar og Baggalútsins Enter, í annan
stað óborganlegir textar Enters og í
þriðja stað frábær túlkun flytjend-
anna, og þá bæði söngur og leikur.
Að fyrsta atriðinu. Lögin koma úr
ýmsum áttum, allt frá því að vera al-
þekkt erlend lög, minna þekkt og ólík-
legri erlend lög í jólabúningi, ástkær
íslensk jólalög og eitt frumsamið og
nýlegt íslensk jólalag meira að segja;
fyrirtakslag sem heitir „Jólalalag um
jólalög“ og er eftir Selmu Björnsdótt-
ur og Halldór Gylfason. Allt í allt hin
fínasta blanda, frumleg og fersk. Eina
lagið sem stingur í stúf á plötunni – og
það allrækilega – er fremur mislukk-
uð jólaútgáfa á annars dásamlegu
grínlagi Ladda um spæjarann Jón.
Útsetningarnar eru einkar smekk-
legar, þægilega látlausar og hentugar
hverju lagi fyrir sig; hressari lögin
lauflétt og full af sveiflu á meðan hin
hægari búa yfir nauðsynlegum hátíð-
leika og ró. Og viti menn; þeir Fálkar,
Guðmundur og Sigurður, hafa gert
okkur öllum stóran greiða og afsann-
að þá hvimleiðu kenningu að í öllum
jólalögum þurfi að glymja bjöllur út í
gegn. Mér tókst ekki að finna eitt ein-
asta bjölluhljóð á allri plötunni en hún
er samt jólaleg. Og þar hafið þið það!
Annað atriðið eru bráðskemmtileg-
ir textarnir. Þeir eru flestir spánnýir
og samdir af bráðefnilegum texta-
smið sem kýs að kalla sig Enter en sá
hefur vakið kátínu fyrir fjörleg skrif á
vefsíðunni Baggalút. Þarf því vart að
koma á óvart að textarnir eru hver
öðrum skondnari og augljóst að móð-
urmálið leikur í höndum Enters.
Hann gerir góðlátlegt grín að öllu því
sem jólalegt getur talist; pínlegu
kossaflensi Sveinka og mömmu
(„Kæri Stúfur“), vandræðunum sem
ófærðin getur valdið jólasveinunum
(„Ófært úr Esjunni“), þeim eðlilegu
vangaveltum barnsins hvernig ein-
hver kemst upp með að lauma nammi
í skóinn í skjóli nætur („Hver setti
nammi í skóinn minn?“) og sjálfsagðri
löngun Sveinka til að skella sér í
jólafrí á Kanarí. Þá sýnir Enter
glæsta Þorsteins Eggerts-takta er
hann breytir „Till There Was You“
(sem Bítlar gerðu frægt) í hið gull-
fallega „Það vantar snjó“. Eini ljóð-
urinn á textum Enters er sá að stund-
um vilja þeir verða svolítið óþjálir til
söngs.
Þá er eftir að geta frábærrar túlk-
unar söngvaranna – allra með tölu.
Villi Naglbítur, Heiða og Selma
Björns eru þeim hæfileikum gædd
sem söngtúlkendur að þau láta sér
ekki nægja að syngja heldur leika þau
einnig. Það nýtist þeim vel hér. Sér-
staklega fer Heiða á kostum í Gling-
gló-legu „Kæri Stúfur“, þar sem
barnslegt séreinkenni hennar nýtur
sín til fulls. Keli klikkar ekki í Presl-
ey-gallanum og leikþátturinn „Hver
setti nammi í skóinn minn“ er bráð-
fjörugur þótt hann verði reyndar
heldur leiðigjarn við ítrekaða hlustun.
Ungstirnin Ragnheiður Gröndal,
Friðrik Ómar Hjörleifsson og Þor-
valdur Davíð Kristjánsson styrkja
svo enn stöðu sína meðal efnilegustu
söngvara landsins.
Þá er vel viðeigandi að Sigurður
Guðmundsson, sem á aðalheiðurinn af
þessari bráðskemmtilegu plötu ásamt
Guðmundi Kristni og Enter, skuli
fara svo glæsilega með tvö lög og ólík
og sýni með því fjölhæfni sína sem
tónlistarmaður.
Mynddiskurinn sem fylgir með og
ósungnar útgáfur á lögunum í lok
hjómdisksins ættu að vera kærkomin
viðbót fyrir þá yngri, sem vafalítið
mun halda lífi í þessari útgáfu enn
frekar.
Tónlist
Bjöllulaus
jólalög virka
Ýmsir flytjendur
Jólalögin okkar
Sonet/Sjónvarpið
Hljóm- og mynddiskur með ellefu jólalög-
um sem fyrst hljómuðu í Stundinni okkar.
Söngvarar: Heiða, Friðrik Ómar Hjörleifs-
son, Ragnheiður Gröndal, Laddi, Vilhelm
Anton Jónsson, Regína Ósk Óskarsdóttir,
Hera Ketilsdóttir, Freyr Eyjólfsson, Enter,
Þorvaldur Davíð Kristjánsson, Sigurður
Guðmundsson, Kötturinn Keli (Steinn Ár-
mann Magnússon), Guffa (Selma Björns-
dóttir) og Simbi (Halldór Gylfason). Um
hljóðfæraleik sáu Sigurður Guðmundsson
gítar, bassi, hammond, rhodes, Wurlitzer,
raddir; Guðmundur Kristinn Jónsson gít-
ar, Kristinn Snær Agnarsson trommur og
Guðni Franzson klarínetta. Lagaval, út-
setningar: Guðmundur Kristinn Jónsson,
Sigurður Guðmundsson og Enter. Upp-
tökur, hljóðblöndun og tónjöfnun: Guð-
mundur Kristinn Jónsson og Sigurður
Guðmundsson. Hljóðritað í Upptökuheim-
ili Geimsteins, Keflavík, dagana 8. til 20.
nóvember 2003. Upptökustjórn í mynd-
veri og framkvæmdastjórn f.h. Sjónvarps-
ins: Eggert Gunnarsson. Útgefandi Sonet
og Sjónvarpið.
Skarphéðinn Guðmundsson
Sigurður Guðmundsson fer á kost-
um á Jólalögunum okkar, sem flytj-
andi, útsetjari og upptökustjóri.