Morgunblaðið - 23.12.2003, Blaðsíða 61

MORGUNBLAÐIÐ ÞRIÐJUDAGUR 23. DESEMBER 2003 61
DAG, ÞORLÁKSMESSU
20.12. 2003
8
7 7 9 4 5
6 1 0 7 1
13 21 25 33
14
17.12. 2003
1 15 21
41 42 47
34 45
ÞREFALDUR
1. VINNINGUR
Í NÆSTU VIKU!
VÁKORT
Eftirlýst kort nr.
4741-5200-0002-4854
4741-5200-0004-4092
4507-4300-0029-4578
Afgreiðslufólk, vinsamlegast takið
ofangreind kort úr umferð og
sendið VISA Íslandi sundurklippt.
VERÐLAUN kr. 5000
VISA ÍSLAND
Álfabakka 16,
109 Reykjavík.
Sími 525 2000.
FREY Eyjólfsson kannast lands-
menn væntanlega við sem þátta-
gerðarmann á Rás 2 en meðfram því
er hann ötult starfandi tónlistar-
maður og var með fjölmörg verk-
efni á sínum snærum í ár, þar á með-
al fimm hljómplötur.
Gítar-Konni
Eitt af þeim verkefnum sem
Freyr er með í vinnslu er að taka
upp plötu með afa sínum, sem gekk
undir nafninu Gítar Konni á árum
áður. Þá brugðu flestir á sig harm-
onikku á skemmtunum en Konni var
af einn af þeim fáu sem var hrifnari
af gítarnum.
„Þetta eru lög sem hann samdi á
þriðja og fjórða áratugnum,“ segir
Freyr. „Þetta er bara lítið verkefni
og ég býst við því að upplagið af
plötunni verði takmarkað. Ætli við
brennum þetta ekki bara sjálfir.
Þetta verður svona í anda Johnny
Cash!“
Miðnes
Hljómsveitin Miðnes var stofnuð á
sínum tíma þegar Frey og félaga
hans vantaði vasapeninga en þá
voru meðlimir blankir háskólastúd-
entar. Gerðust þeir húshljómsveit á
gamla Grand rokk og léku þar
uppáhaldslögin sín; slagara með
Clash, R.E.M, Who, Jam og Primal
Scream m.a. Önnur plata Miðness
með frumsömdu efni, Alein, er ný-
komin út. Kjarni sveitarinnar hefur
í gegnum tíðina samanstaðið af
Frey og Stefáni Má Magnússyni.
„Ég og Stebbi sömdum efnið hvor
í sínu lagi. Það var Þorkell Heið-
arsson, harmonikkuleikari og upp-
takari Geirfuglanna, sem tók upp.
Platan var að mestu tekin upp í
Keflavík þar sem við vorum í góðu
yfirlæti hjá þeim Sigga og Kidda í
Geimsteini. Það var mjög afslöppuð
stemning, næstum því hippaleg. Það
er gaman að láta vaða og hækka að-
eins í með Miðnesi á tónleikum.“
Geirfuglarnir
og Lína Langsokkur
„Þetta er leikhúsplata líkt og við
gerðum fyrir Trúðleik fyrir þremur
árum. Við erum uppi á sviði í sjálfri
sýningunni, hoppandi og sprellandi.
Tónlistin er mestmegnis sænsk að
uppruna en öll millistef og slík eru
okkar. Þorkell hefur mikla vigt í
þessu verkefni.“
Villikettirnir
„Þetta er barnaplata sem er tilbú-
in og bíður einfaldlega útgáfu. Ég
vann hana með Davíð Þór Jónssyni
Radíusmanni og hér er að finna tólf
ný íslensk barnalög. Boðskapurinn
er ekki í takt við pólitíska rétt-
hugsun og það er kannski ástæðan
fyrir því að platan er ekki komin út
(hlær). Buffdrengir aðstoðuðu okk-
ur við upptökur og hljóðfæraleik.“
Ceres 4
Árið 2000 kom út ljóðhljóðadisk-
urinn Kaldastríðsbörn með Ceres 4.
Árið eftir var það hins vegar pönk-
platan Í uppnámi. Skömmu eftir
hana gekk Freyr til liðs við Ceres og
hefur leitt undirleikarasveit hans.
„Hann Ceres er eitt kraftmesta
ljóðskáld Íslands og óþrjótandi hug-
myndabrunnur. Við erum að vinna
plötu núna og fyrirmyndin er The
Idiot með Iggy Pop. Þetta er svona
vöðvapönk þar sem stungið er á kýl-
um þjóðfélagsins.“
Að lokum
Auk alls þessa, verandi útvarps-
maður og tónlistarmaður hefur
Freyr verið drifkrafturinn í tónlist-
arkvöldum Grand rokks, sem eru
orðin helsti vettvangur lifandi tón-
listar í Reykjavík. Freyr er auk þess
lærður mann- og kennslufræðingur
og kenndi einn vetur við grunnskóla
hér í bæ.
Öll þessi athafnasemi vekur
furðu. Hvað drífur Frey áfram?
Hann segir að ekki sé hægt að
miðjusetja hann hvað allar þessar
plötur varðar. Hann segir að þessi
félagsskapur sinn sé mjög frjór,
alltaf sé til lager fullur af lögum hjá
vinum sínum og félögum.
„Á meðan aðrir hittast einu sinni í
viku og spila Póker þá hittumst við
og búum til tónlist saman,“ segir
hann.
En hvað hann sjálfan varðar, þá
er eins og þetta gerist bara, það er
engin stór hernaðaráætlun í gangi.
„Mig hefur alltaf langað til að
vasast í hinu og þessu. Ég hef alltaf
verið mjög forvitinn en annars kann
ég litlar skýringar á þessu.“
Morgunblaðið/Kristinn
Freyr Eyjólfsson fór víða í tónlistinni í ár.
Frjósemisgoðið Freyr
Freyr Eyjólfsson var með mörg járn í eldinum á þessu ári
arnart@mbl.is