Pressan - 14.10.1988, Blaðsíða 13

Föstudagur 14. október 1988
.13
Göngulagið segir
sína sögu
Þeir eru alltaf aö rannsaka
alla skapaða hluti I Ameríku. Nú
hefur t.d. verið gerð könnun á
göngulagi fólks I tengslum við
árangur þess á framabrautinni.
Útkoman reyndist sú, aö frama-
gosar taka stór skref og sveifla
svolítið höndunum. Fólk með
slíkt göngulag er líka álitið
sjálfsöruggt, hamingjusamt,
vingjarnlegt og metorðagjarnt.
Ef þú tekur stutt skref og lætur
lappirnar þvælast um á gang-
stéttinni telur fólk þig hins veg-
ar óvingjarnlega og óljósa per-
sónu.
Ertu hjónabands-
manngerð?
Sálfræðiprófessor við há-
skólann í Buffalo hafði umsjón
með viðamikilli rannsókn ágiftu
og ógiftu fólki í þeim tilgangi að
athuga hvort einhver munur
væri á þessum tveimur hópum.
Þeir voru raunar töluvert ólíkir.
Fólk í hjónabandi var alvar-
legt, raunsætt, áreiðanlegt,
skipulagt, samviskusamt, sam-
vinnuþýtt, jarðbundið og tók til-
lit til tilfinninga annarra. Þeir,
sem hvorki voru í sambúð né
hjónabandi, voru allt öðruvísi;
viðkvæmir, áhugasamir, trygg-
lyndir, hjálpsamir og fóru auð-
veldlega úr skorðum, þegar
ágreiningur kom upp. En siðari
hópurinn hugsaði fyrst og
fremst um eigin þarfir og hags-
muni.
Sagði prófessorinn að fólk,
sem hefði einkenni þeirra
ógiftu, gengi þó oft í hjónaband.
Þau sambönd entust hins vegar
sjaldnast nema skamman tíma.
Háðsjúklingar
Margir þjóðfélagshópar aðrir
en áfengissjúklingar hafa getað
notað aðferðir AA-manna með
góðum árangri. Sem dæmi má
nefna fólk, sem hefur tilhneig-
ingu til að borða of mikið og of
oft. Það hefur stofnað með sér
samtök, sem á íslensku nefnast
Ónefnd átvögl eða ÓÁ. Og nú
berast þær fréttir að fólk, sem
þjáist af kaldhæðni, hafi tekið
höndum saman undir nafninu
Sarcastics Anonymous
(Ónefndir háðfuglar?).
Það ku vera í tísku í Bretlandi
um þessar mundir að rekja —
eða láta rekja — ættir sínar. Sí-
fellt fleiri láta skrá sig í ætt-
fræðifélög og auðvitað hafa þeir
áhugasömustu látið sér detta í
hug að kanna forfeður fræga
fólksins. Mun þá hafa komið í
Ijós að Díana prinsessa er skyld
Humphrey Bogart og Breta-
drottning áfjarskyldan ættingja
að nafni Nancy Reagan.
Hvrtlaukurínn
Það er kannski óþarfi að ýta
frekar undir hvítlauksát íslend-
inga, sem ku nú þegar gleypa
lyktarlausa laukbelgi af kappi.
En við látum þetta samt flakka.
Visindamenn við Brigham
Young-háskólann segja að hvit-
laukur hafi læknað eftirfarandi
með 100% árangri: Rhino-virus,
sem veldur kvefi. Inflúensuveir-
una Parainfluenza 3, Herpes
simplex 1 og Herpes simplex 2,
sem leggst á kynfæri fólks.
Næsta skref er síðan að kom-
ast að því hvaðaefni í hvítlaukn-
um er svona áhrifaríkt í barátt-
unni við veirurnar. Þá verður
hægt að framleiða pillur við
framangreindum kvillum.
Stress og stress
Það er greinilega ekki sama
hvort maðurerundirálagi ivinn-
unni eða í einkalífinu, ef marka
má nýlega könnun á stressuð-
um konum. Streita í vinnu virtist
valda eftirfarandi einkennum:
höfuðverk, meltingartruflunum,
háum blóðþrýstingi og örum
hjartslættí. En konur, sem áttu
erfitt heima fyrir, sögðust finna
fyrir þunglyndi, sorg, svefntrufl-
unurtt og almennum áhyggjum.
Síðarnefndu áhrifin valda vist
meiri skaða, samkvæmt um-
sjónarmönnum rannsóknarinn-
ar.
Þú rekur þig á
ýmis óþægindi ef rafmagnið fer!
Varla er hægt að hugsa sér betri eða þægi-
legri orku en rafmagnið. Hljóðlaust og
öruggt bíður það í leiðslunum, reiðubúið
að verða við óskum okkar um næga birtu,
hrein föt, hressandi kaffisopa eða stundar-
korn fyrir framan sjónvarpið.
Þeir sem draga að greiða rafmagnsreikn-
inginn verða fyrir óþægindum. Háir dráttar-
vextir leggjast á skuldina og ef lokað er fyrir
rafmagnið standa þeir allt í einu uppi án
helstu lífsþæginda, nánast í myrkri miðald-
anna! Þá er ekkert mikilvægara en rafmagnið
sem hvarf úr leiðslunum — og ekkert sjálf-
sagðara en að greiða fyrir það!
^ 'J
Láttu rafmagnsreikninginn hafa forgang!
ft
RAFMAGNSVEITA
REYKJAVÍKUR
SUÐURLANDSBRAUT 34 SÍMI 68 62 22
Athugasemd
Elsku Pressa
Mikið höfum við nú haft gaman
af því að lesa þig, við munum meira
að segja eftir því þegar við sáum
fyrsta tölublaðið. Það var nú í
henni N-Ameríku, meira að segja í
Tampa, Florida. Okkur var mjög
skemmt, en í dag lásum við þig; í
þessu 6. tölublaði er smámoli um
okkur á baksíðu.
Okkur þykir mikill heiður að
vera dáðasta hljómsveit landsins,
en hvort því fylgja völd og fé má
lengi deila um. En það er ekki til-
gangur þessa bréfs að ræða heims-
yfirráð okkar eða dauða heldur
myndbandagerð okkar.
Þú elsku Pressa heldur því fram
að við séum byrjuð að sniðganga
„óþekkt“ íslenskt kvikmyndagerð-
arfólk við gerð myndbanda okkar,
og að við í frægðinni leitum til er-
lendra aðila; sem sagt að svíkja lit,
en elsku Pressa af hverju athugar
þú ekki staðreyndir. Um þessar
mundir erum við að klára mynd-
band við lagið Mótorslys, leikstjóri
Óskar Jónasson, framleiðandi
Frostfilm. íslenskt fólk. Eftirfar-
andi listi er yfir þau myndbönd sem
við höfum gert:
Ammæli: Friðrik Þór Friðriks-
son/Myndbandagerð
Reykjavíkur.
Cold Sweat: Óskar Jónasson/
Smekkleysa sm. hf.
Deus: Óskar Jónasson/
Myndbandagerð
Reykjavíkur.
Luftgitar: Spermi/Myndbanda-
gerð Reykjavíkur.
Ammæli #2: Kristín Jóhannes-
dóttir/Saga Film.
Mótorslys: Óskar Jónasson/
Frostfilm.
Af þessari upptalningu má sjá að
við höfum ekki sniðgengið
„óþekkta“ íslendinga. Og við frek-
ari eftirgrennslan kemur í ljós að
allir þessir aðilar hafa fengið borg-
að í samræmi við þá fjármuni sem
við höfum haft þá stundina undir
höndum fyrir gerð viðkomandi
myndbanda. Auk þess sáum við
okkur fært í fé- og valdagræðgi
okkar að styrkja að hluta til nýja ís-
lenska smákvikmynd, SSL25, nú i
sumar.
Elsku Pressa, þú minnist á
bandaríska fyrirtækið Propa-
ganda, það er rétt að við leituðum
til þeirra, þó aðallega til Sigurjóns
Sighvatssonar, í von um góðar ráð-
leggingar og hugsanlegt samstarf.
Af samstarfi varð ekki vegna tíma-
skorts en ráðleggingar fengum við.
Sem sagt engin viðskipti hafa farið
fram rnilli Sykurmolanna og
Propaganda, einungis samskipti.
Þannig að þú sérð, elsku Pressa,
að málflutningur þinn er úr lausu
lofti gripinn og ekki byggður á rétt-
um staðreyndum. En ætli það hafi
ekki verið frekar einhvers konar
öfund sem hrakti þig út í að skrifa
þessa vitleysu, því oftast er léttara
að gera slæma hluti en góða!
í von um að sorppressumennska
hverfi! Heimsyfirráð eða dauði!
F.h. Hugleysu T.M.H.F. &
Smekkleysu S.M.H.F.'
Árni Ben.