Pressan - 21.02.1991, Síða 12

12
FIMMTUDAGUR PRESSAN 21. FEBRÚAR 1991
Athafnamaðurinn Þorsteinn Ingason stjórnar fyrirtæki sem nýlega hefur tekið yfir rekstur annars fyrirtækis á
hans vegum. Nýja fyrirtækið framleiðir hundamat eins og það gamla og nýtur styrkja frá Qárfestingarlána-
sjóðunum, eins og það gamla
Á uppboði hjá bæjarfógetanum í Keflavík í síðustu viku
var boðin upp verksmiðja sem framleiðir hundafóður og
þurrkar þorskhausa. Aðalrekstraraðili verksmiðjunnar
er Þorsteinn Ingason sem er gjaldþrota einstaklingur.
Fyrirtæki á vegum Þorsteins, Sæsteinn hf., átti hæsta til-
boðið í þrotabúið og framvísaði þar að auki leigusamn-
ingi á verksmiðjunni fram á haustið 1992. Þetta er þriðja
fjármálaævintýri Þorsteins sem hefur ávallt fengið mikla
fyrirgreiðslu hjá fjárfestingarlánasjóðunum.
Það var fyrirtækið Roð hf. sem
var boðið upp í síðustu viku en kröf-
ur í þrotabúið voru upp á rúmar 35
milljónir króna. Roð hf. tók til starfa
fyrir þrem árum og hefur sérhæft
sig í því að framleiða hundafóður og
þurrka þorskhausa. Roð hf. er stað-
sett í verksmiðju við Hafnir á
Reykjanesi. Það nýtir sér gufuorku
frá Sjóefnavinnslunni sem er þar ná-
lægt.
A undan Roði hf. var fyrirtækið
Strandir hf. til húsa í verksmiðjunni
en það þurrkaði loðnumjöl. Það fyr-
irtæki varð gjaldþrota og eignaðist
þá helsti lánardrottinn Stranda,
Fiskveiðasjóður íslands, verksmiðj-
una. Fiskveiðasjóður samdi síðan
við Roð hf. þegar fyrirtækið tók til
starfa um kaup á verksmiðjunni og
var megnið að kaupupphæðinni
veitt að láni.
LÖGFRÆÐINGAR FJÖGURRA
SJÓÐA Á UPPBOÐINU
Á uppboðið sem haldið var í síð-
ustu viku voru mættir fulltrúar fjög-
urra fjárfestingarlánasjóða sem áttu
hagsmuna að gæta. Þeir voru frá
Fiskveiðasjóði sem átti 12 til 13
milljón króna kröfu, Þróunarfélagi
íslands sem átti þriggja milljón
króna kröfu, Byggðastofnun sem
átti 3,5 milljón króna kröfu og Fram-
kvæmdasjóði íslands sem átti fimm
milljón króna kröfu. Einnig liggur
fyrir að fyrirtækið skuldar aðstöðu-
gjöld til Hafnarhrepps.
Á uppboðinu gerðust síðan óvænt
tíðindi því nýtt fyrirtæki Sæsteinn
hf. átti hæsta tilboðið upp á 18,5
milljónir króna. Þróunarfélagið átti
næst hæsta tilboðið. Um leið sýndi
fulltrúi Sæsteins leigusamning sem
gerður hafði verið við Roð hf. Sá
samningur veitti Sæsteini rétt til að
starfa í fyrirtækinu fram á haustið
1992. Lögfræðingar sjóðanna létu
bóka mótmæli vegna leigusamn-
ingsins en honum hafði reyndar ver-
ið þingiýst í haust. Tók Þorsteinn
fram að hagsmuna Roðs hf. hefði
fullkomlega verið gætt við gerð
samningsins.
Mótmælunum var ekki andmælt
af hálfu leiguhafa, það er Sæsteins.
Ef tilboði Sæsteins í verksmiðjuna
verður tekið og fyrirtækinu tekst að
standa við tilboðið er hugsanlegt að
farið verði í riftunarmál til að fá
leigusamninginn ógiltan.
HLUTAFÉ SÆSTEINS
ER 400.000 KRÓNUR
Fyrirtækið Sæsteinn hf. er í eigu
nokkurra fyrrum starfsmanna Roðs
Hundamatsverksmiðjan Koð ht.
hf. en að sögn Þorsteins Ingasonar,
sem er framleiðslustjóri hjá Sæ-
steini, þá á hann sjálfur ekkert í fyr-
irtækinu enda gjaldþrota einstakl-
ingur. Hlutafé Sæsteins er 400.000
krónur, sem er það iágmark sem
krafist er samkvæmt lögum. Ekki
liggur fyrir hvort allt hlutafé hefur
verið greitt.
Að sögn Þorsteins Ingasonar var
gripið til þess ráðs að stofna Sæstein
til að vernda þá sölusamninga sem
búið var að gera en velta fyrirtækis-
ins er á milli 50 og 100 milljónir á
ári. Hjá Sæsteini starfa 8 manns.
Þorsteinn segir að fyrirtækið hafi
sölusamninga við Dani, Englend-
inga og Japani. Sagði Þorsteinn að
aðeins í Englandi væri fyrirtækið
með sölusamninga við 10.000 versl-
anir.
„Ég skal segja þér nákvæmlega
hvernig þetta er. Sæsteinn var stofn-
aður þegar Roð fékk ekki fyrir-
greiðslu eða réttara sagt; fékk hana
of seint. Það er búið að leggja tugi
milljóna í markaðssetningu á þessu
gæludýrafóðri erlendis og Sæsteinn
var stofnaður til þess að fyrirtækið
gæti starfað," sagði Þorsteinn.
Sæsteinn þarf að greiða 25 pró-
sent eða4,6milljónir af þessum 18,5
milljónum eigi síðar en 27. febrúar
og afganginn innan átta vikna frá
uppboði. Þorsteinn virtist ekki vera
trúaður á að fyrirtækið gæti reitt'
þetta af hendi heldur sagði hann að
þeir starfsmenn Sæsteins treystu á
aðstoð sjóðanna.
ÆVINTÝRALEGUR FERILL
Ferill Þorsteins er orðinn nokkuð
ævintýralegur því Sæsteinn er eitt
margra fyrirtækja, sem hann kemur
nálægt. Þorsteinn var meðal annars
fyrsti framkvæmdastjóri Hólma-
drangs á Hólmavík. Fyrsta fyrirtæk-
ið var Stokkfiskur hf. sem meðal
annars framleiddi skreiðartöflur fyr-
ir Hjálparstofnun kirkjunnar. Stokk-
fiskur seldi einnig herta þorskhausa
til Nígeríu og sagði Þorsteinn að það
hefði orðið gjaldþrota þegar mark-
aðurinn hefði lokast þar árið 1987.
Um leið sagðist hann sjálfur hafa
orðið gjaldþrota. Fyrirtækið Lauga-
fiskur hf. tók við framleiðslu af
Stokkfiski.
Síðan hefur Þorsteinn staðið að
fyrirtækjunum Roði hf. og Sæsteini
hf. án þess þó að vera eignaraðili.
Um leið liggur fyrir að þessi fyrir-
tæki hafa fengið töluverða fyrir-
greiðslu frá fjárfestingarlánasjóðun-
um fjórum sem hafa verið taldir upp
hér að framan.
Þorsteinn telur sjálfur að fyrirtæk-
in séu að vinna að þróunarverkefni
og séu ekki of sæl með þau framlög
sem þau fá: „Málið er að það er ekki
veitt neinum peningum í svona þró-
unarverkefni. Það sem við erum
núna að selja til Japans átti Roð hf.
aldrei að framleiða. Það var það vit-
lausasta sem hægt var að gera en
þegar byrjað er á svona máli þá þró-
ast þetta í nokkur ár og svo kemur
loksins að því að dæmið gengur
upp. Það er aldrei hægt að hætta,“
sagði Þorsteinn.
Sigurður Már Jónsson
Sigurjón M. Egilsson