Pressan - 18.11.1993, Page 12

E R L E N T
12 PRESSAN
Fimmtudagurinn 18. nóvember 1993
Uppljóstrari FB hljóðritaði samtöl alríkislögreglu
sem bendir ti þess að þeir hafi klúðrað mólinu
Glötuðu tækifæri til
að koma í veg fyrir
hryðjuverkið
EMAD SALEM. Fullyröir aö harin heföi getaö komiö í veg fyrir
sprengingu hryðjuverkamanna á Manhattan ef FBI heföi virt
hann viölits.
1 kjölfar sprengingar
hryðjuverkamanna í World
Trade Center á Manhattan
fyrr á þessu ári vöktu hröð
vinnubrögð bandarísku alrík-
islögreglunnar FBI við rann-
sókn málsins og handtöku
hinna grunuðu mikla athygli.
Nú virðist sem alríkislögregl-
unni hafi yfirsést tækifæri til
að koma í veg fyrir ódæðið ef
marka má hljóðritanir af sam-
tölum heimildamannsins Em-
ads Salem og stjórnenda hans
meðal FBI. Salem hljóðritaði
öll samtöl sín við lögreglu-
mennina, sem höfðu alls enga
hugmynd um upptökutæki
sem hann hafði komið fyrir.
Af einu samtalinu má skilja að
lögreglumaður samþykki full-
yrðingar Salems um að hægt
hefði verið að stöðva áform
hryðjuverkamannanna ef FBI
hefði notast við upplýsingar
Salems og fengið hann til að
koma óvirku efni fyrir í stað
sprengiefnisins sem notað var.
Alríkislögreglan, sem óttast
að einhver innan stofnunar-
innar hafi tekið þá ákvörðun
að líta framhjá aðvörunum
Salems vegna efasemda um
trúverðugleik hans, er nú að
rannsaka þessar aðdróttanir.
Það þykir kaldhæðnislegt að
Salem skuli, að sögn kunn-
ugra, hafa hætt samstarfi við
lögregluna hálfu ári fyrir
sprenginguna vegna þess að
hann neitaði að bera falinn
upptökubúnað innanklæða.
Hann var fenginn til samstarfs
aftur eftir sprenginguna til
þess að komast í raðir hinna
meintu hryðjuverkamanna.
Salem hljóðritaði alls sjötíu
snældur af samtölum sínum
við alríkislögregluna, sem án
efa eiga eftir að koma sér illa
fyrir FBI og gætu spillt fyrir
máli saksóknara í réttarhöld-
unum vegna sprengingarinn-
ar og eins í skyldu dómsmáli,
sem fjallar um meint samsæri
um að sprengja fleiri staði í
New York og ráða ýmsa
stjórnmálamenn af dögum.
Að sögn Williams Kuntsler,
eins verjandans í seinna mál-
inu, grunaði alríkislögregluna
aldrei að Salem væri að hljóð-
rita samtöl þeirra og talaði því
afar ógætilega um verkefni
Salems og tilraunir hans til að
leiða meinta hryðjuverka-
menn í gildru. „Þetta er líklega
í fyrsta skipti sem lögregluyfir-
völd hafa lent í því að vera
beitt eigin brögðum,“ segir
Kuntsler.
í versta falli gæti farið svo
að verjendum þeirra, sem nú
eiga yfir höfði sér langan dóm
vegna sprengingarinnar, tæk-
ist að fá málinu vísað frá, á
grundvelli þess að upptökur
Salems innihaldi nauðsynleg
sönnunargögn sem hefðu átt
að koma fram fyrir mörgum
mánuðum en ekki í síðustu
viku, þegar hluta upptakanna
var lekið í bandaríska fjöl-
miðla.
Ýmsir hafa þó bent á að
fúllyrðingar Salems séu í besta
falli óáreiðanlegar og upptök-
urnar varpi ekki síst skugga á
hann sjálfan. Salem, sem var
áður foringi í egypska hern-
um, hefúr orð á sér fyrir ýkjur
og óstaðfestar frásagnir. Ekki
hjálpar að FBI hafði svo litla
trú á honum að hún hætti
samstarfinu um skeið eða að
Salem bar svo lítið traust til
lögreglunnar að hann hljóð-
ritaði öll samtöl sín við hana.
Ennfremur snýst stór hluti
upptakanna um samningavið-
ræður milli Salems og lögregl-
unnar um greiðslur fyrir störf
hans. Salem, sem fór fram á
eina milljón dollara fyrir
greiðviknina, fékk ýmsar ráð-
leggingar frá lögreglumönn-
unum um hvernig hann ætti
að snúa sér til að fá slíka upp-
hæð greidda. Sýnist nú sitt
hverjum um trúverðugleika
og starfsaðferðir bæði Salems
og alríkislögreglunnar í mál-
inu._________________________
Byggt á Time.
Ósýnilegt vímuefni
BAÐKAR FYRIR 700 MILUÓNIR? Þetta baökar, sem smygla átti
til Bandaríkjanna, er úr hreinu kókaíni.
Fíkniefnalögreglan í Banda-
ríkjunum stendur nú ráðþrota
frammi fyrir nýstárlegri aðferð
sem hefur skotið upp kollin-
um í innflutningi á kókaíni.
Með því að nota efnafræðilega
tækni, sem bólivískir eitur-
lyfjasalar þróuðu, er hægt að
smygla kókaíni milli landa-
mæra dulbúnu sem ólíkleg-
ustu hlutir; allt frá ferðatösk-
um til hundakofa eða bað-
kara.
Aðferðin felst í því að kóka-
'íni er blandað saman við plast
og trefjagler þannig að úr
verður lyktarlaust efni sem
hægt er að móta í líki nánast
hvaða hlutar sem er. Þegar
sendingin kemst á áfangastað
eru leysiefni notuð til að
brenna í burtu plastið og
trefjaglerið, þannig að aðeins
hreint kókaín verður eftir. Þar
sem ógjörningur er að komast
að því hvort hlutur inniheldur
kókaín nema með því að efna-
greina hann á rannsóknar-
stofú eru tollyfirvöld og fikni-
efnalögregla í Bandaríkjunum
í stökustu vandræðum í bar-
áttunni gegn gífurlegu flæði
efnisins frá Suður-Ameríku.
Nýlega fréttist að eiturlyfja-
smyglarar væru ennfremur
búnir að þróa aðferð til að
blanda kókaíni saman við
vökva á borð við gosdrykki.
Grunur leikur nú á að Coca
Cola, sem upprunalega inni-
hélt örlítið magn af kókaíni,
standi í sumum tilfellum all-
hressilega undir nafni.
Ekkert kampavín fyrir
Yves St. Laurent
Dómstóll í París dæmdi kampavínsffamleið-
endum í vil þegar hann bannaði í síðustu viku
tískurisanum Yves Saint Laurent að nota nafn-
ið „Champagne“ sem vöruheiti fyrir nýtt ilm-
vatn sem fyrírtækið setti á markað í Frakklandi.
Dómstóllinn komst að þeirri niðurstöðu að
nafnið mætti einungis nota yfir freyðivínið
sjálft og skipaði YSL að greiða sekt og endur-
kalla allt ilmvatn sem þegar væri komið í um-
ferð. Elf-Sanofi, sem á tískufyrirtækið, ætlar
engu að síður að markaðssetja ilmvatnið á
heimsvísu. „1 byijun síðasta áratugar var Opi-
um-ilmvatnið frá YSL umdeilt vegna nafnsins
en nú er það eitt vinsælasta ilmvatn heims,“
fullyrðir talsmaður Yves Saint Laurent.
Tískufýrirtækið mun áffýja dómnum á þeim
forsendum að Louis Vuitton Moet Hennessey,
sem var eitt þeirra fyrirtækja er lögðu fram
ákæru, framleiði ekki einungis kampavín held-
ur einnig ilmvötn frá Dior, Givenchy og
Christian Lacroix. Ýmsir benda hinsvegar á að
YSL hafi vitað fyrir tveimur árum að nafngiftin
myndi valda háværum deilum en haldið fast í
hana, jafnvel bara til að skapa umtal um ilm-
vatnið. Það gekk upp.________________________
Byggt á Time.
UMDEILTILMVATN. Tískurisanum YSL var bannaö aö nota Champagne-nafniö á ilmvatn sitt.
Njósnari A-Þjóðverja
býst við sýknu
Austur-þýski njósnarinn Markus Wolf, sem
margir telja fyrirmynd njósnameistarans Karla
úr bókum breska rithöfundarins Johns Le
Carré, mun samkvæmt heimildum dagblaðsins
The Europeati að öllum líkindum sleppa með
vægan dóm fyrir lífstíðarstarf sitt í þágu austur-
þýsku leyniþjónustunnar.
Wolf, sem var ákærður fyrir landráð og ýmsa
aðra glæpi, getur átt von á að fá fimm ára fang-
elsisdóm þegar sakadómur í Þýskalandi kveður
upp úrskurð sinn. Allt bendir hins vegar til að
hann verði laus innan fárra mánaða eða þegar
áffýjunardómstóll í Karlsruhe tekur afstöðu til
málsins. Búist er við að þar verði Wolf endan-
lega sýknaður. Ástæða þess að hann er talinn
munu fá svo væga meðferð er sögð sú að þýsk
stjómvöld vilji greiða fyrir endurskipulagningu
leyniþjónustunnar og koma í veg fyiir að Wolf
ljóstri upp óþægilegum upplýsingum sem gætu
skaðað stjómvöld í Bonn.
Wolf, sem stjórnaði erlendum njósnum
Austur-Þjóðverja til 1986, hefúr neitað öllum
ásökunum um landráð gegn þýska ríkinu.
„Hvaða þjóð á ég að hafa svikið?“ spyr Wolf.
Hann heldur því fram að hann hafi í raun
stuðlað að friði með störfum sínum og ekki
AUSTUR-ÞÝSKI NJÓSNAMEISTARINN. Markus
Wolf er ákæröur fyrir landráö í Þýskalandi en
spyr á móti hvaöa þjóö hann eigi aö hafa svikiö.
getað svikið þjóð sem hann aldrei tilheyrði.
Njósnarar beggja vegna járntjaldsins sáluga
bíða nú dóms í málinu með eftirvæntingu, því
ef áffýjunardómstóllinn dæmir gegn Wolf er
ekkert því til fýrirstöðu að kollegar hans úr
vestur-þýsku leyniþjónustunni verði einnig
sóttir til saka.