Tíminn Sunnudagsblað - 18.08.1963, Side 16

Pakkhúsið á Skipalóni er nú orðið 120 ára. Það býður niðurrifs, en verður endur-
reist í byggðasafninu á Akureyri.
mæðu sinni við þau þelhlýindi, sem
lýstu sér í þessu góða verki.
Síra Árni var ókvæntur og barn-
l'aus, en vinur hans og granni, síra
Davíð Gnðmundsson, sem sat þá á
Syðri-Reistará, en komið hafði að
Möðruvailakiaustursbrauði einmitt
um sömu mundir og sr. Árni að Glæsi
bæ, lét son sinn, sem fæddist daginn
eftir að sr. Árni drukknaði, heita
eftir honum. Bar hann raunar nafn
tveggja presta, sr. Árna og sr. Hann-
esar Stephensens á Innra-Hólmi, en
því nafni var hann nefndur endra-
nær. Hannes er nú nýlátinn, en hafðj
búið á Hofi í Hörgárdal eftir föður
sinn, en sr. Davíð lézt 27. sept. 1905,
alla tíð fram ttt sl. árs, ásamt með
Valgerði systur sinni, sem dó vorið
1956. — Enn var meðal barna sr.
Davíðs og konu hans, frú Sigríðar Ól-
afsdóttur Briems frá Grund í Eyja-
firði, Ólafur náttúrufræðingur. Hann
drukknaði í Hörgá 6. sept. 1903 á
heimleið frá Gæsum, hlaðinn stein-
um, sem hann var að safna fyrir er-
lendan vísindamann. Ólafur áði á
Hlöðum hjá Ólöfu skáldkonu, en
drukknaði á Hlaðavaði, þar niður
undan bænum. Áin var mikil eftir
rigningar. Skammri bæjarleið innar
með ánni var hin nýreista Hörgárbrú.
— Þá var dóttir prófastshjónanna á
Hofi Ragnheiður, sem giftist Stefáni
B. bónda og alþingismanni í Fagra-
skógi Stefánssyni, prests á Hálsi Árna
sonar. Börn þeirra hjóna eru m. a.
Davíð skáld, og Sigríður, gift Guð-
mundi bónda Kristjánssyni í Glæsi-
bæ. Son þeirra er Davíð Guðmunds-
son, alnafni langafa síns á Hofi, sem
nú er setztur að búi í Glæsibæ. Kona
hans er Sigríður Manasessdóttir frá
Barká.
Síra Árni varð hinn síðasti staðar-
prestur í Glæsibæ, eins og þegar er
sagt. Tók nú við Glæsibæjarsókn sr.
Davíð á Hofi, er sóknin lagðist til
Möðruvalla, og þjónaði meðan hedsa
og kraftar entust. Þá hafði síra Geir
Sæmundsson þessar sóknir í auka-
þjónustu um tvö ár, unz síra Jón Þor-
steinsson kom að Möðruvöllum 1907.
Þá átti Glæsibær að lögum að samein-
ast Akureyrarbrauði, en hið forna
Myrkárprestakall og Bægisárpresta-
kall að leggjast undir MöðruvelM.
Af því varð ekki þá, þar sem ungur
prestur sat að Bægisá, síra Theódór
Jónsson frá Auðkúlu. Þjónaði hann
Bægisárprestakalli og Myrkársókn til
75 ára aldurs, 1941. Glæsibær var þó
eigi settur undir Akureyri þá, heldur
þjónað áfram frá Möðruvöllum, og
var sú skipan lögfest rrokkrum árum
síðar. Situr nú einn prestur í þessum
sóknum í stað fjögurra áður.
Glæsibæjarkirkja, sú er nú stend-
ur þar, var vígð 1866, í prestskapartíð
síra Guðjóns Hálfdanarsonar. Á hún
sér nokkuð sérstæða forsögu: Að Ósi
í Hörgárdal var byggð timburstofa
um 1858, en þar settist þá að sr. Þórð-
ur Þ. Jónassen, prestur til Möðru-
vallaklausturs. Bjó hann áður í Stóru-
Brekku, Arnbjargarbrekku, sem áður
hér. Ekki var sr. Þórður guðfræði-
menntaður sérstaklega, en stúdent
1847, þá amtmannsskrifari á Möðru-
völlum og síðar stiftamtmanns-
skrifari. Hann var vígður til
Lundar 1853, fékk Möðruvalla-
klaustur 1856, en Reykholt 1872,
varð prófastur 1873. — Síra Þórður
var kvæntur Margréti Ólafsdóttur,
læknis á Hofi Thorarensens Stefáns-
sonar amtmanns Þórarinssonar. Var
hún fósturdóttir Þorsteins byggingar-
meistara á Skipalóni, Danielsens.
Reisti hann timburstofu á Lóni 1824,
á Hofi 1829, og fyrir sr. Þórð á Ósi
1858. Sú stofa var ofan tekin og ílutt
að Glæsibæ, er sr. Þórður fór að
Þrastarhóli í Hörgárdal 1865. Var
hún reist af nýju í Glæsibæ og vígð
þar kirkja 1866. Er hún enn hið feg-
ursta guðshús, björt og vel við haldin.
Árið 1929 var reistur við hana turn
á stöpli og forkirkja, en kvistgluggi
settur yfir prédikunarstóli.
Kirkjurnar eiga nú færri muni en
fyrrum. Þær éru háreistari en guðs-
hús feðra vorra, en miklum mun
snauðari að helgigripum og bókum,
svo sem glöggt má sjá af Pétursmál-
daga hér að framan.
Þó á kirkjan í Glæsibæ enn tvo
góða gripi. Hinn fyrri er kaleikur
með nafni Jóns Björnssonar sýslu-
manns, síðast á Grund í Eyjafirði, og
ártalinu 1612. Var Jón sonarsonur
Jóns biskups Arasonar.
Hinn síðari er altaristafla eftir
Arngrím Gíslason málara, talin mik-
ið listaverk.
Helztu heimildir: fsl. fornbréfasafn,
fsl. æviskrár, Prestatal og prófasta,
Kirkjubækur Glæsibæiar* Formáli a'ð
Ljóðum Bó'lu-Hjálmars e. Jó,n Þor-
kelsson, og Aldarmjnning Lögmanns-
hlíffiarkirkju e. Sigurð Stefánsson
vígslubiskup.
HOFSSTOFAN, reist 182>. (Ljósmynd: Gunnlaugur Pálsson)
T í M I N N — SUNNUDAGSBLAf)