Morgunblaðið - 03.06.2004, Síða 23

SUÐURNES
MORGUNBLAÐIÐ FIMMTUDAGUR 3. JÚNÍ 2004 23
Keflavík | Sólúrið við Myllubakkaskóla í Keflavík er
þegar orðið vinsæll áningarstaður einstaklinga og
hópa sem ganga um Reykjanesbæ. Þegar blaðamann
bar að garði voru þar til dæmis börn úr 4. bekk Heið-
arskóla í fylgd kennara sem sýndi þeim hvernig úrið
virkaði.
Sólúrið á lóð Myllubakkaskóla var afhjúpað síðastlið-
inn laugardag. Það er gjöf nemenda Barnaskóla Kefla-
víkur sem fæddir eru árið 1950, í tilefni af fjörutíu ára
fermingarafmæli hópsins. Sólúrið er tileinkað minn-
ingu Vilhjálms Ketilssonar, fyrrverandi skólastjóra
Myllubakkaskóla, sem lést á síðasta ári og annarra úr
fermingarhópnum sem fallnir eru frá. Sigrún Ólafs-
dóttir, ekkja Vilhjálms, og Ketill Vilhjálmsson, faðir
hans, afhjúpuðu verkið að viðstöddum gefendum og
öðrum gestum.
Sólúrið er þannig útbúið að sá sem ætlar að nota það
til að sjá hvað tímanum líður verður að stíga á mán-
uðinn og sjá skugga sinn falla á klukkuna. Það reyndu
börnin úr Heiðarskóla að gera en sáu að þau yrðu að
koma aftur þegar bjartara væri yfir og mögulegt að
mynda skugga.
Morgunblaðið/Helgi Bjarnason
Sólúr: Hvað skyldi klukkan vera? Stúlkan stendur á júní og myndi sjá hvað tímanum liði ef bjartara væri yfir.
Sólúrið vinsæll áningarstaður
Reykjanesbær | Fulltrúar Samfylk-
ingarinnar og Framsóknarflokksins
í bæjarstjórn Reykjanesbæjar telja
að meirihluti sjálfstæðismanna sé á
góðri leið með að keyra sveitarfélag-
ið í þrot. Fulltrúar Sjálfstæðis-
flokksins segja að þrátt fyrir mikla
uppbyggingu hafi tekist að styrkja
efnahag bæjarins.
Ársreikningar Reykjanesbæjar
fyrir árið 2003 voru til síðari um-
ræðu á fundi bæjarstjórnar í vik-
unni og voru þeir samþykktir sam-
hljóða að lokinni umræðu. Við þetta
tækifæri lögðu fulltrúar meirihluta
og minnihluta fram bókanir þar sem
misvísandi túlkanir eru á fjárhags-
stöðu bæjarins.
Margfaldur
framkvæmdaþróttur
Árni Sigfússon bæjarstjóri talaði
fyrir bókun meirihlutans, fulltrúa
Sjálfstæðisflokksins. Þar kemur
fram að þrátt fyrir mikla uppbygg-
ingu í Reykjanesbæ hafi tekist að
lækka skuldir og styrkja efnahag
bæjarins. Það hafi verið gert með
aukinni áherslu á að Reykjanesbær
leiti samstarfsaðila við uppbygging-
arverkefni og margfaldi það fram-
kvæmdaþróttinn.
Vakin er athygli á því að fram-
undan séu frekari uppbyggingar-
verkefni sem kalli á tímabundnar
lántökur. Nefnd er áframhaldandi
uppbygging Iðngarða við Helguvík
og fullnaðarfrágangur Tjarnahverf-
is, þar sem eftirspurn eftir húsnæði
hefur verið langt umfram björtustu
vonir. Þessar fjárfestingar muni
skila sér í auknum tekjum sveitarfé-
lagsins þegar fram í sæki og styrkja
rekstur Reykjanesbæjar. Þá vekur
meirihlutinn athygli á að í ársreikn-
ingi 2003 komi fram að niðurstaðan
sé mun hagstæðari en gert hafi ver-
ið ráð fyrir en það sé vegna mikils
hagnaðar af sölu eigna til Fasteign-
ar hf. Þetta hafi gerst þrátt fyrir
óvæntar gjaldfærslur lífeyrisskuld-
bindinga og kostnað við gatnagerð-
arframkvæmdir umfram áætlanir.
„Ljóst er að minnihluti hvers tíma
finnur ársreikningi allt til foráttu í
hvert sinn sem hann er framlagður.
Á því er engin undantekning nú.
Staðreyndirnar hér að ofan tala þó
sínu máli,“ segja sjálfstæðismenn.
Stefnir í þrot
„Óstjórn í fjármálum sveitarfé-
lagsins“ er yfirskrift bókunar sem
Kjartan Már Kjartansson lagði
fram fyrir hönd minnihlutans, full-
trúa Framsóknarflokks og Samfylk-
ingar. „Ársreikningur Reykjanes-
bæjar fyrir árið 2003 sýnir að
meirihluti sjálfstæðismanna er á
góðri leið með að keyra sveitarfélag-
ið í þrot og virðist á engan hátt hafa
náð tökum á rekstri þess,“ segir
þar.
Fram kemur að rekstrarhalli
bæjarsjóðs nemi 866 milljónum kr.,
27,3% af heildartekjum. Rekstrar-
gjöld umfram fjárhagsáætlun árs-
ins, sem þó hafi verið endurskoðuð í
október, séu 290 milljónum hærri en
gert var ráð fyrir, „og af því má
ætla að stjórnendur sveitarfélagsins
hafi alls ekki nógu góð tök á rekstr-
inum enda gerir endurskoðandi
sveitarfélagsins alvarlegar athuga-
semdir við þessa umfram-
keyrslu …“ Minnihlutinn segir að
rekstrarhalli samstæðu Reykjanes-
bæjar sé alls 954 milljónir kr. Eigið
fé samstæðunnar sé 3,5 milljarðar.
„Af því má sjá að ef ekki verður al-
gjör viðsnúningur á fjármálastjórn
meirihlutans mun eigið fé verða
uppurið innan 5 ára með sama
áframhaldi.“
Þá kemur fram að á árinu 2002
var rekstrarhalli samstæðunnar 331
milljón sem þýði að niðurstaðan hef-
ur versnað um 620 milljónir á milli
áranna 2002 og 2003. Rekstrarhall-
inn hafi verið fjármagnaður með
söluhagnaði fasteigna og verði fróð-
legt að sjá niðurstöðuna fyrir árið
2004 þegar engar eignir séu eftir til
þess að selja.
Vakin er athygli á því að skuld-
bindingar samstæðu Reykjanesbæj-
ar séu mun hærri en fram komi í
skuldum á efnahagsreikningi. Húsa-
leiguskuldbindingar gagnvart Fast-
eign hf. hafi numið 3,3 milljöðrum
kr. í lok síðasta árs, samkvæmt
skýringum með ársreikningi. „Að
breyta lánum í leigu breytir ekki því
að sveitarfélagið er skuldbundið til
næstu 30 ára að greiða þau.“
Í lok bókunar sinnar segja fulltrú-
ar minnihlutans: „Fjármálastjórn
sem þessa er ekki hægt að túlka
öðruvísi en sem óstjórn í fjármálum.
Þær kennitölur sem sjálfstæðis-
menn í bæjarstjórn Reykjabæjar
hafa verið að birta og eiga að sýna
góðan rekstur þeirra, standast ekki
nánari skoðun. Ef ekki á illa að fara
verður að beita aðhaldi í rekstri
sveitarfélagsins á næstu árum og
fylgja þeim áætlunum sem liggja
fyrir. Bókhaldsæfingar bæta ekki
afkomu bæjarbúa.“
Sjálfstæðismenn segja fjárhag Reykjanesbæjar styrkjast
Minnihlutinn segir
óstjórn í fjármálum
Grindavík | Hagnaður af rekstri
Bláa lónsins hf. nam rúmlega 25
milljónum kr. á síðasta ári. Kom
þetta fram á aðalfundi félagsins sem
haldinn var í vikunni.
Um 320 þúsund gestir heimsóttu
Bláa lónið – heilsulind á síðasta ári
og hafa þeir aldrei verið fleiri. Í
fréttatilkynningu frá félaginu kemur
fram að rekstrartekjur jukust um
15% frá fyrra ári, námu nú 663 millj-
ónum kr. Rekstrarhagnaður fyrir af-
skriftir og fjármagnsliði var 87,5
milljónir og hagnaður ársins nam
rúmum 25 milljónum kr. Eiginfjár-
hlutfall fyrirtækisins er um 60%.
Bláa lónið hf. stendur nú fyrir
miklum framkvæmdum á athafna-
svæði félagsins í Grindavík. Bygging
húðlækningastöðvar er í fullum
gangi og á næstunni hefjast fram-
kvæmdir við nýtt framleiðsluhús.
Bæði þessi mannvirki verða tilbúin
til notkunar á öndverðu næsta ári.
Samið hefur verið við KB banka
vegna fjármögnunar þessara verk-
efna og við Keflavíkurverktaka um
framkvæmdir.
Stjórn félagsins var endurkjörin á
fundinum. Eðvarð Júlíusson er for-
maður, Júlíus Jónsson varaformaður
og með þeim í stjórn eru Albert Al-
bertsson, Einar Sigurðsson og
Gunnar Örn Gunnarsson.
Bláa lónið hagnaðist
um 25 milljónir kr.
Reykjanesbær | Keflavík – íþrótta-
og ungmennafélag og Ungmenna-
félag Njarðvíkur standa saman að
íþrótta- og leikjaskóla í sumar og
mun Keflavíkurfélagið annast rekst-
urinn. Þá eru veiðibúðir við Seltjörn,
fyrir 10 til 14 ára krakka, meðal nýj-
unga í tómstundum í Reykjanesbæ í
sumar.
Út er kominn bæklingurinn Sum-
ar í Reykjanesbæ, í fjórða sinn.
Menningar-, íþrótta- og tóm-
stundasvið Reykjanesbæjar dreifir
honum í öll hús í bænum. Reynt er
að safna saman helstu upplýsingum
um það sem í boði er fyrir börn og
unglinga á vegum bæjarins og félaga
og félagasamtaka í sumar.
Sameiginlegur leikjaskóli