Morgunblaðið - 03.06.2004, Side 48
ÍÞRÓTTIR
48 FIMMTUDAGUR 3. JÚNÍ 2004 MORGUNBLAÐIÐ
PORTÚGALINN Jose Mourinho
var í gær ráðinn knattspyrnustjóri
Chelsea í stað Claudio Ranieri sem
vikið var úr starfi á mánudag eftir
tæp fjögur ár hjá Lúndúnaliðinu.
Mourinho, sem er 41 árs gamall,
náði undraverðum árangri með
Porto þau tvö og hálft ár sem hann
stjórnaði liðinu. Hann tók við liðinu
í janúar 2001 og á sínu fyrsta heila
tímabili vann Porto undir hans
stjórn portúgölsku deildina, bik-
arkeppnina og Evrópukeppni fé-
lagsliða. Í síðustu viku bættist enn
ein rósin í hnappagatið hjá Mour-
inho þegar Porto sigraði Mónakó í
úrslitaleik meistaradeildar Evrópu
auk þess sem liðið vann deild-
arkeppnina í Portúgal annað árið í
röð.
Ráðning Mourinhos átti sér lang-
an aðdraganda en lengi var vitað að
dagar Ranieris hjá félaginu væru
taldir. Sögusagnir þess efnis að Mo-
urinho tæki við liðinu höfðu verið
lengi á kreiki, en strax eftir leik
Porto og Mónakó sagði Mourinho
að verkefni sínu hjá félaginu væri
lokið.
Mourinho skrifaði undir þriggja
ára samning við Chelsea þar sem
hann verður bæði knattspyrnu-
stjóri og yfirþjálfari. Á blaða-
mannafundi í gær sagði hann að
þetta væri krefjandi verkefni.
Chelsea væri frábært lið skipað
leikmönnum á heimsmælikvarða.
Þó er búist við að Mourinho eigi eft-
ir að gera breytingar á liðinu. Hann
segist vilja hafa lítinn hóp sem ekki
sé skipaður fleiri en 21 útileik-
manni, sem þýðir að einhverjir leik-
menn verða látnir fara frá félaginu.
Spurður hvort einhverjir leikmenn
Porto fylgi honum til Chelsea sagði
hann: „Ef allir þeir leikmenn sem
orðaðir hafa verið við liðið væru á
leiðinni þýddi það að við hefðum 50
leikmenn og ég þoli ekki að vinna
með stóran hóp.“
Ekki er enn ljóst hvað Claudio
Ranieri mun taka sér fyrir hendur.
Hann hefur gefið það út að hann
vilji starfa áfram í Englandi en
hann hefur einnig verið orðaður við
þjálfarastöðuna hjá Valencia. Á
blaðamannafundinum í gær þver-
tók Peter Kenyon, stjórnarformað-
ur Chelsea, fyrir að félagið væri að
reyna komast undan því að borga
Ranieri þau laun sem hann á inni
hjá félaginu en þau eru talin vera
um sex milljónir punda.
Jose Mourinho tekur við Chelsea
FÓLK
KÁRI Einarsson, 17 ára piltur úr
Víkingi, lék sinn fyrsta leik í efstu
deild í knattspyrnu þegar lið hans
mætti FH í fyrrakvöld. Kári lék síð-
ustu 10 mínúturnar. Í umfjöllun um
leikinn í blaðinu í gær var hann
sagður Árnason, eins og nafni hans í
Víkingsliðinu, og er beðist velvirð-
ingar á því. Þá var gult spjald tví-
skráð á Sverri Garðarsson, FH-ing,
sem fékk aðeins að líta það einu
sinni.
ATLI Jóhannsson kom inn á sem
varamaður hjá ÍBV gegn KR í fyrra-
kvöld en nafn hans féll niður á lista
yfir leikmenn liðanna.
BRYNJAR Jóhannesson, fram-
kvæmdastjóri Fram, var varamark-
vörður liðsins þegar það sótti
Grindavík heim í úrvalsdeildinni í
fyrrakvöld. Brynjar, sem er fertug-
ur, hefur leikið einn leik í marki
Fram í efstu deild, fyrir ellefu árum.
THOMAS Kahlenberg hefur verið
kallaður inn í danska landsliðshóp-
inn. Hann kemur í stað Morten
Wieghorst sem meiddist á hné.
Kahlenberg, sem er 21 árs miðju-
maður, leikur með Bröndby í Dan-
mörku. Stig Töfting verður því ekki
valinn að þessu sinni en hann kom
til greina er Wieghorst meiddist.
KNATTSPYRNUSAMBAND
Georgíu hefur meinað georgíska lið-
inu Sioni Bolnisi þátttöku í Evrópu-
keppni félagsliða á næsta tímabili.
Ástæðan er sú að aðdáendur liðsins
komu af stað óeirðum er liðið spilaði
úrslitaleik við WIT Georgi Tblisi
um deildarmeistaratitilinn þar í
landi sem það síðarnefnda vann, 2:0.
LÆTIN hófust þegar Tblisi skor-
aði fyrsta mark leiksins og varð að
stöðva leikinn, sem stóð yfir í þrjár
klukkustundir, í þrígang. Tveir
aðdáendur Sioni voru fluttir á
sjúkrahús með alvarleg stungusár
og kalla þurfti til óeirðalögreglu.
Félagið var einnig sektað um tíu
þúsund dollara og dæmt til að leika
næstu tíu heimaleiki sína á hlutlaus-
um velli.
BILL Kenwright mun taka við
formennsku hjá enska úrvalsdeild-
arliðinu Everton. Hann tekur við af
Philip Carter sem hefur setið í
stjórn félagsins í 30 ár. Kenwright,
sem er einn eiganda liðsins, er núna
varaforseti félagsins . Þessi breyt-
ing er hluti af uppstokkun á stjórn
félagsins en í síðasta mánuði var
Trevor Birch ráðinn sem stjórnar-
formaður en hann hefur áður gegnt
slíku hlutverki hjá Leeds og
Chelsea.
SKOSKI landsliðsmaðurinn Paul
Dickov, framherji Leicester, gekk í
gær til liðs við Blackburn. Nokkur
ensk úrvalsdeildarlið voru á hött-
unum eftir þessum 31 árs gamla
baráttuglaða leikmanni en hann
varð markahæstur í liði Leicester
sem féll úr úrvalsdeildinni með 14
mörk.
Helena sagði að þrátt fyrir tvömörk í byrjun hafi liðið samt
ekki gefist upp. „Við verðum strax
fyrir miklu áfalli
með því að fá á okk-
ur tvö mörk og það
tekur alltaf tíma að
byggja upp sjálfs-
traust í liðinu eftir það svo að það
tók sinn toll. Mér fannst við samt
byrja seinni hálfleikinn mjög vel og
skapa okkur færi, mikið fleiri en við
gerðum í leiknum í Frakklandi.
Engu að síður töpum við leiknum og
við erum ekki sáttar við það en við
reynum að leggjast yfir þennan leik
og taka það besta úr honum.“
Í seinni hálfleik, í stöðunni 2:0
fyrir Frakkland, fór boltinn í hendi
fransks leikmanns inni í vítateig en
í stað þess að dæma víti lét dóm-
arinn aukaspyrnu nægja. „Þótt
maður þurfi alltaf að sætta sig við
það sem dómarinn dæmir er hund-
fúlt að taka því. Það hefur sýnt sig í
þessari keppni að maður fær ekki
alltaf mjög góða dómara. Ef við
hefðum minnkað muninn í eitt mark
hefði það gefið stelpunum von og
hefði getað gjörbreytt leiknum. Við
hefðum þá átt möguleika á að ná í
eitt stig,“ sagði Helena og ætlar sér
það stig, ef ekki fleiri gegn Rússum
í ágúst. „Næst eru Rússar hérna
heima en það á margt eftir að ger-
ast í riðlinum áður. Við höldum
samt ótrauðar áfram og ætlum að
sigra hérna heima. Ég held að við
skuldum okkar áhorfendum að við
spilum betur en þetta.“
Margir
leikmenn
geta betur
„MÉR fannst við aldrei fara almennilega í gang,“ sagði Helena
Ólafsdóttir landsliðsþjálfari eftir 3:0 tap fyrir Frakklandi í gær-
kvöldi. „Við vorum að leika við gríðarlega sterka andstæðinga og þá
verður að mæta af fullum krafti en mér fannst við alltaf eiga tölu-
vert inni. Það getur verið eitthvað spennufall en mér fannst við ekki
eins og ég þekki til liðsins. Mér fannst margir leikmenn geta betur.
Það vantaði líka uppá hugarfarið, það var eins og við værum oft
ekki alveg með. Getur verið að leikmenn hafi verið þreyttir að ein-
hverju leyti.“
Eftir
Stefán
Stefánsson
Morgunblaðið/Brynjar Gauti
Hinn skæði framherji Olga Færseth náði ekki að hrella vörn
Frakka í gær. Hér hefur Peggy Provost orðið fyrri til.
„FYRSTA sem kemur upp í huga minn er að ég er gífurlega vonsvikin,“
sagði Olga Færseth eftir leikinn. „Við vissum að til að eiga möguleika á
að ná í stig eða sigra þyrftum við að halda hreinu en svo fáum við
snemma í leiknum á okkur mark sem myndi flokkast undir heppn-
ismark og það virtist slá okkur aðeins útaf laginu. Svo kemur annað
mark í kjölfarið og það var of stór biti fyrir okkur. Við ætluðum að
halda hreinu í þessum leik, það var númer eitt, tvö og þrjú. Því miður
fannst mér við ekki byrja af fullum krafti frá fyrstu mínútu og því vökn-
um við upp við vondan draum og tvö mörk á bakinu. Eftir mörkin tók-
um við aðeins við okkur og það varð aðeins meira sjálfstraust í liðinu.
Ég var ein frammi og fannst kantmenn okkar og Margrét Lára jafnvel
fullaftarlega í byrjun leiks svo það var erfitt að vera ein á móti fjórum
en ég vissi það vel fyrir leikinn og sætti mig við það,“ bætti Olga við.
„Nú er viðureignin við Rússa lykilleikur og eins og staðan er held ég að
við verðum frekar að sigra en taka eitt stig, reyndar svo framarlega
sem Rússar tapi á móti Frakklandi. Hinsvegar held ég að það sé tími til
kominn að við vinnum þetta rússneska lið því við höfum gert fjögur
jafntefli við það og við munum gera allt til þess að vinna í þetta sinn.“
Gífurlega vonsvikin
FRANSKI þjálfarinn Elisabeth
Loisel var ánægð með sigurinn. „Ís-
land er með ungt lið, sem er að læra
að spila á alþjóðlegum vettvangi og
getur átt möguleika í umspili. Það
er með nokkra góða leikmenn, til
dæmis númer þrjú (Olga Færseth)
og níu (Margrét Lára Viðarsdóttir)
og markvörðurinn (Þóra B. Helga-
dóttir). Liðið hefði samt mátt spila
mun meira sín á milli í stað þess að
sparka boltanum fram völlinn, sem
það gerði of mikið af,“ sagði Loisel.
Hún telur sitt lið í hópi fjögurra til
tíu besta í heiminum en sagði
þreytu eftir veturinn sitja aðeins í
liðinu. „Við erum svolítið þreyttar
enda tímabilinum að ljúka í Frakk-
landi og ég sá það á hvernig hraða
leikmenn okkar náðu í sinn leik,
sérstaklega í seinni hálfleik. Sig-
urinn er því kærkominn, við erum
komin áfram og þurfum ekki að
taka þátt í umspili.“ Aðspurð hvort
hún teldi að leikurinn hefði þróast
öðruvísi ef ekki hefðu komið til tvö
mörk snemma í leiknum sagðist
hún ekki geta svarað því.
Mættu spila
meira saman
Morgunblaðið/Brynjar Gauti
Frakkland reyndist ofjarl íslenska kvennalandsliðsins í gær-
kvöldi þegar liðin mættust á Laugardalsvelli. Hér hefur
Sabrina Viguier betur gegn Margréti Láru Viðarsdóttur en
Laufey Ólafsdóttir bíður átekta.