NT - 10.07.1984, Qupperneq 6

■ Tapið á síðasta ári
natn rúmum 54 milljón-
um króna - um 14 mill-
jónum meiru en öll
greidd laun félagsins á
árinu. Skuldirnar í lok
ársins 1983 námu sam-
tals 210 milljónum
króna - en á sama tíma
voru eignir félagsins
bókfærðar á 167 millj-
ónir króna. Eigið fé
félagsins var um síðustu
áramót neikvætt um 43
milljónir króna.
Þegar fulltrúar á aðalfundi
Arnarflugs virða fyrir sér þess-
ar tölur núna í vikunni, má
vera að þeir velti fyrir sér hvort
Flugleiðir hafi þrátt fyrir allt
haft gilda ástæðu til að skrá
hlutabréf sín í Arnarflugi sem
verðlaus í reikningnum sínum
fyrr í vor. Þremur árum eftir að
Arnarflug hóf áætlunarflug sitt
til Evrópu stendur félagið í
erfiðari fjarhagsstöðu en
nokkrusinni fyrr. Rekstrartap-
ið hefur aldrei verið meira en
á síðasta ári.
Ásókn í hlutabréfin
En þá bregður svo við að
ásókn í hlutabréf Arnarfugs er
með mesta móti. Starfsmenn
Arnarflugs leituðu eftir við-
ræðum við Flugleiðir um kaup
á þeim bréfum sem félagið á,
og hefur afskráð, en fengu
afsvar. Og allt bendir til að
núverandi eigendur Arnar-
flugs muni nýta sér forkaups-
rétt sinn á þeim nýju bréfum
sem stjórn félagsins hefur gert
tillögu um útboð á til aðalfund-
ar. Þannig muni almenningi
ekki gefast kostur á að kaupa
þessi bréf síðar í sumar. Flug-
myndin er að þetta nýja útboð
nemi um 40 milljónum króna,
og ylli ef að yrði, rúmlega
sexföldun á hlutafé Arnar-
flugs.
Björn Theodórsson, fulltrúi
Flugleiða í stjórn Arnarflugs,
sagði að vísu í samtali við NT
að stjórn Flugleiða hefði ekki
tekið formlega ákvörðun um
hlutabréfakaup sín. En Björn,
ásamt Grétari Br. Kristjáns-
syni, hinum fulltúa Flugleiða í
stjórn Arnarflugs, greiddi at-
kvæði með hlutafjárútboðinu
þegar það var til afgreiðslu í
stjórninni. Flaukur Björnsson,
formaður stjórnarinnar, taldi
að með afstöðu sinni hefðu
fulltrúarnir gefið „nokkurs
konar viljayfirlýsingu," varð-
andi kaup á bréfum. Flugleiðir
eiga 40,11 % af hlutafé í Arnar-
flugi.
Eindregnari yfirlýsingar
fengust hjá öðrum eignaraðil-
um. Villhjálmur Jónsson kvað
Olíufélagið myndu kaupa bréf
sem svaraði sínum hlut í Arn-
arflugi, sem er 11,7%. Og
Anna Sverrisdóttir, aðalbók-
ari, kvað starfsmenn Arnar-
flugs hafa áhuga á kaupum á
þessum nýju bréfum, þó ekki
væri ákveðið hvað mörgum.
Starfsmennirnir eiga nú um
23% af félaginu.
_______________________________Þriðjudagur 10. júlí 1984 6
Fréttir
■ Agnar Friðriksson
Hvers vegna var
afskrifað?
Pessi áhugi á eignarhlutum í
Arnarflugi skýtur nokkuð
skökku við afskriftaraðgerð
Flugleiða. Björn Theodórsson
sagði að afskriftin hefði nú
verið réttlætt með því að
komið hefði í Ijós að eiginfjár-
staða Amarflugs væri neikvæð.
„Þetta segir manni að maður sé
búinn að tapa hlutabréfun-
um,“ sagði Björn. Samt sem
áður vildu Flugleiðir ekki láta
hlutabréfin af hendi, og Björn
bætti því við að afskriftin þýddi
ekki að Flugleiðir vildu draga
sig út úr Arnarflugi, enda væri
nú búið að taka ákvörðun um
■ Björn Theodórsson
endurfjármögnun fyrirtækis-
ins.
Ekki eru allir á sama máli
um afskriftina. Fram hefur
komið að Flugleiðir fylgdu
bandarískum uppgjörsreglum,
sem krefðust þess að fyrirtækið
færi á þennan hátt með hluta-
bréf í fyrirtækjum sem stæðu
höllum fæti.
Agnar Friðriksson, fram-
kvæmdastjóri Arnarflugs,
sagði að miðað við þetta bók-
haldskerfi væri afskriftin
skiljanleg. „En ég tek þó fram
að miðað við íslenskan praxis
þá hefði þetta ekki verið gert.
Nærtækt dæmi er að Eimskip
á mjög stóran hlut í Flug-
leiðum. Flugleiðir eru með
■ Haukur Björnsson
neikvætt eigið fé, og hafa verið
um árabil. Eimskip hefur aldr-
ei afskrifað hlutafjáreign sína
í Flugleiðum, enda er bókhalds-
uppgjör Eimskips á allt öðrum
grunni.“
Porsteinn Guðnason, hag-
fræðingur hjá Fjárfestingar-
félaginu, sagðist ekki hafa verið
sammála Flugleiðum um að
telja hiutabréfin í Arnarflugi
einskis virði um áramót. Hann
hefði ekki á takteinum mat á
„hagrænu gildi“ bréfanna á
grundvelli þeirra reikninga
sem Arnarflug hefði lagt fram.
Með tillögu stjórnarinnar um
að nýju bréfin yrðu gefin út á
nafnvirði 1, þá væri hins vegar
búið að ákvarða markaðsverð
■ Vilhjálmur Jónsson
á gömlu bréfunum, jöfnu verði
á nýju bréfunum.
Getgátur um hvatir
Flugleiða
Ýmsar getgátur hafa verið
uppi um raunverulegan tilgang
Flugleiða með afskriftunum.
Margir virðast telja að með
þessu hafi félagið viljað hag-
ræða skattaframtali sínu og
minnka skattgreiðslur sínar.
Petta virðist ekki eiga við rök
að styðjast. Kristján Jónasson,
fulltrúi hjá ríkisskattstjóra,
sagði að skattayfirvöld gerðu
miklar kröfur um að sannað
væri að slíkar eignir væru tap-
aðar áður en samþykkt væri að
■ Sæmundur Guðvinsson
taka tapið til greina við
ákvörðun skatta. Og aðspurð-
ur hvort sala á nýjum hluta-
bréfum væri ekki næg sönnun
þess að hin eldri væru einhvers
virði sagði Kristján aðeins:
„Sýnist þér það ekki.“
Athyglisvert er að það virð-
ist vinsæl skoðun meðal að-
standenda Arnarflugs að ann-
arlegar hvatir hafi legið að
baki afskriftunum. „Petta var
kannski eitthvert pólitískt
útspil,“ sagði Haukur
Björnsson, formaður stjórnar
Arnarflugs. „Frá mínu sjón-
armiði var þetta ekki á hrein-
um ökonomískum grunni
gert."
Kenning Arnarflugsmanna
er sú að með afskriftunum hafi
Flugleiðir ætlað að gera endan-
lega útaf við Arnarflug. Arn-
arflug stóð mjög veikt á þess-
um tíma, hafði síðast orðið
fyrir áfalli með stjórnarbylting-
unni í Nígeríu, sem síðar batt
endi á flug félagsins þar.
Greiðsluþrot stóðu fyrir
dyrum. Stuttu áður hafði félag-
ið leitað til ríkisstjórnarinnar
og alþingis um ríkisábyrgð á
lántökum til langs tíma.
Það voru svo nýir samningar
um leiguflug í Túnis sem björg-
uðu Arnarflugi fyrir horn. Sag-
an segir síðan að eftir að
Flugleiðir sáu fram á að Arnar-
flug myndi lifa af, þá hafi
félagið snúið blaðinu við og
viljað ná yfirhönd í féfaginu.
Með því móti hyggðust þeir
draga úr samkeppninni frá
Arnarflugi. Þetta skýrir áhuga
Flugleiða, og annarra eignar-
aðila, á því að kaupa nýju
bréfin í Arnarflugi.
Þessum sögusögnum mót-
mæla Flugleiðir harðlega.
Sæmundur Guðvinsson, blaða-
fulltúi, sagði að ef Flugleiðir
hefðu áhuga á að koma Arnar-
flugi fyrir kattarnef gæti það
hindrað framgang hlutafjárút-
boðsins á aðalfundinum, en til
þess að tillagan nái fram að
ganga þarf 2/3 hluta atkvæða.
Skaðað Arnarflug?
En hefur afskriftin í vetur
þá skaðað Arnarflug? For-
ráðamenn félagsins eru tregir
til að tjá sig opinberlega um
þetta atriði. Þó sagði Haukur
Björnsson að þetta kynni að
hafa komið Arnarflugi illa.
STÓRTAP, EN
ÁSÓKNí NÝ
HLUTABRÉF
■ Boeing 720 vél Arnarflugs, ein þriggja véla sem félagið seldi á síðasta ári.