NT - 10.07.1984, Blaðsíða 25

Þriðjudagur 10. júlí 1984 25
Jórvík:
Ometanlegir dýrgripir
eyðileggjast í eldsvoða
Jórvík, Englandi-Reuter
■ Prestar hlupu inn í eldhafið
til að reyna að bjarga alda-
gömlum helgigripum úr dóm-
kirkjunni í Jórvík, þegar kvikn-
aði í kirkjunni snemma í gær-
morgun. Talið er að elding hafi
valdið brunanum.
Sjónarvottar sáu prestana
mynda keðju með hjálp lög-
reglu og slökkviliðsmanna og
handlanga þannig dýrgripina út
úr þessari elstu og glæsilegustu
gotnesku dómkirkju í Evrópu.
Með þessu móti tókst að bjarga
miklu en annað fór forgörðum
þar á meðal flestir steindir
gluggar kirkjunnar sem taldir
voru þeirglæsilegustu í Evrópu.
Sumir glugganna bráðnuðu en
aðrir brotnuðu í hitanum. Þá
féll þak suðurálmu kirkjunnar
sem byggð var á 13. öld. Lög-
reglan hefur metið tjónið á 40
miljónir ísl. króna, en ýmsir
dýrgripir, m.a. gluggarnir eru
ómetanlegir.
Þrumuveður gekk yfir Jórvík
í þann mund og eldsins varð
vart og talið er að elding hafi
kveikt í dómkirkjunni. Sjónar-
vottar sögðu að fyrst hefði reyk-
ur komið upp um þakið, síðan
eldtungur og skyndilega hefði
allt þak kirkjunnar staðið í
ljósum logum. Rúmlega 150
slökkviliðsmenn börðust við
eldinn í þrjá klukkutíma til að
reyna að hefta útbreiðslu hans.
íbúar í Jórvík voru þrumu
iostnir vegna eldsvoðans og
sumir töldu að borgin yrði aldrei
söm eftir. En erkibiskupinn í
Kantaraborg Dr. Robert Run-
ice, sagði að það gengi krafta-
verki næst hvað tjónið var í
raun lítið. „Kirkjan mun rísa
aftur" sagði hann.
Umsjónarmaður kirkjunnar,
Charles Brown, sagði að líklega
yrði hægt að bjarga rósaglugg-
anum fræga en það gæti tekið
langan tíma þar sem taka yrði
hann í sundur og endurvinna.
Hann taldi að endurbygging
kirkjunnar tæki mörg ár en
vonaðist til að bráðabirgðavið-
gerð yrði lokið innan fárra
vikna.
Leiðtogar ensku kirkjunnar
undirbúa nú fjársöfnun til
endurbyggingar kirkjunnar þar
sem þeir óttast að tryggingarféð
dugi hvergi nærri. Margaret
Thatcher sagði að ríkisstjórnin
kynni að hlaupa undir bagga.
Og Neil Balfour, fyrrum þing-
rnaður Jórvíkur á Evrópuþing-
inu, sagðist myndi kanna hvort
Efnahagsbandalag Evrópu gæti
veitt fjárstuðning.
■ Erkibiskupinn af Kantaraborg, Robert Runice, kannaði
skemmdirnar á dómkirkjunni í Jórvík í gær.
POLFOTO-Símamynd
Danir
flytja
út bíla
■ Danir eru farnir að
framleiða rafmagnsbíla og
hefur Hope verksmiðjan í
Hadsund gert samning við
bandarískt fyrirtæki um
sölu á 4.500 bílum á næsta
ári.
Bílaframleiðsla er ný af
nálinni í Danmörku en
Hope verksmiðjan hefur
þegar hafið framleiðslu á
rafmagnsbílum sem eru
eftirsóttir og segja for-
ráðamenn fyrirtækisins,
að góðar vonir standi til
að gerðir verði enn stærri
samningar um útflutning í
framtíðinni. Fyrstu bílarn-
ir verða sendir vestur um
haf í febrúar n.k.
Læknir í Englandi:
London-Reuter
■ Virtur breskur læknir var
fundinn sekur í síðustu viku um
að hafa skipulagt þjófnað á
nærri 12.000 lítrum afblóði sem
hermenn höfðu gefið, og selt
blóðvökvann til danskrar
læknamiðstöðvar. Læknirinn
sem heitir Mark Patterson, hef-
ur neitað sakargiftum. Dómur-
inn hefur ekki verið kveðinn
upp enn.
Stal og seldi
12.000 lítra
af gjafablóði
Blóði þessu var stolið á árun-
um 1977 til 1981 frá sjúkrahúsi
í London þar sem Patterson
starfaði sem sérfræðingur í
blóðsjúkdómum. Saksóknari hélt-
því fram að Patterson hefði
skipað starfsfólkinu að vinna
blóðvökvann, sem hann síðan
seldi fyrir 158.000 pund (tæpar
6,5 milljónir ísl. kr.) til lækna-
miðstöðvar í Danmörku til
lyfjaframleiðslu.
Danirnir sem héldu að blóð-
vökvinn kæmi frá einkafyrirtæki
Pattersons, hættu í fyllingu tím-
ans að kaupa blóðvökvann eftir
að sjúklingar höfðu kvartað um
ígerðir. Saksóknarinn sagði það
ekki vera undarlegt þar sem
blóðvökvinn var framleiddur
við frekar óbeysnar aðstæður,
m.a. í bílskúr.
Norsk tilraun:
Sakamaður dæmdur til vinnu
í stað sektar eða fangelsis
27 ára gamall Norðmaður
var nýlega dæmdur til að inna af
hendi starf fyrir samfélagið í
stað sektar eða fangelsisvistar.
Þetta er í fyrsta sinn sem slíkur
dómur er upp kveðinn t' Noregi.
Dómsmálaráðuneytið norska
ákvað að slíkir dómar skyldu
kveðnir upp til reynslu og að
hegning skuli vera vinnuskylda
fyrir opinbera aðila án launa og
fari fram í frítíma hins dæmda.
Stavangerlögsagnarumdæmið
varð fyrir valinu og þar verða
þessar refsingar við lýði f tvö ár
til að byrja með.
Refsing þessa tiltekna saka-
manns hefði að öllum líkindum
verið ákveðin árs fangelsi af
dómstóli. Þess í stað var hann
dæmdur til 200 stunda vinnu og
60 daga óskilorðsbundna fang-
elsisvist. En hana hefur maður-
inn þegar afplánað, en hann er
búinn að sitja í tvo mánuði í
varðhaldi. Hann var dæmdur
fyrir mörg innbrot og ítrekaða
ölvun við akstur.
Samkvæmt þeim reglum sem
dómsmálaráðuneytið hefur sett
mun dómsuppkvaðning um
vinnuskyldu ekki ná til þeirra
sem teknir eru ölvaðir við
akstur, en fangelsisdómurinn
sem maðurinn hefði þegar af-
plánað er sú refsing sem álitin er
hæfileg fyrir þau brot.
Sá dæmdi mun starfa við
viðhald opinberra eigna. Ef
hann skrópar frá vinnu tvisvar
sinnum verður hann að mæta
aftur fyrir rétti og heimilt er að
dæma hann þá í skilorðsbundið
fangelsi.
Talið er líklegt að 20-30
manns verði dæmdir til vinnu-
skyldu í stað hefðbundinna
refsinga á einu ári í því lögsagn-
arumdæmi sem tilraunin fer
fram í.
Nicaraguastjórn:
Segir CIA undirbúa
innrás í Nicaragua
Managua-Reutcr Nicaraeua. ob bar saeði að ráð- iúlí n k verður hess minnst að
Managua-1
■ Nicaraguastjórn sakaði í
gær leyniþjónustu Bandaríkj-
anna, CIA um að undirbúa
sókn 4500 uppreisnarmanna inn
í landið og sóknin verði hafin
um leið og fyrirhuguð hátíða-
höld vegna fimm ára afmælis
stjórnarbyltingarinnar í landinu
á að hefjast.
Ásóknin var birt í opinberri
yfirlýsingu utanríkisráðuneytis
Nicaragua, og þar sagði að ráð
gert væri að nertaka landsvæði
í norðurhluta Nicaragua, lýsa
það nýlendu og biðja síðan um
erlenda íhlutun í nafni nýlendu-
stjórnarinnar.
Þá segir að áætlunin standist
á við ákvörðun Reaganstjórnar-
innar um að senda 20 herskip til
Mið-Ameríku áður en hátíða-
höld vegna afmælis Sandinista-
byltingarinnar hefjast en 19.
júlí n.k. verður þess minnst að
fimm áreru liðin síðanSandin-
istum tókst að steypa einræðis-
herranum Anastasio Somosa af
stóli.
í yfirlýsingunni segir að Nic-
aragua sé tilbúið að halda áfram
viðræðum við Bandaríkjastjórn
þrátt fyrir þetta. Embættismenn
frá Bandaríkjunum og Nicarag-
ua ræddust við í síðasta mánuði.
Þó lítill árangur virðist vera af
þeim viðræðum.
Bandaríkin hafa stutt og fjár-
magnað um 10.000 uppreisnar-
menn gegn Sandinistastjórninni
í Nicaragua, en þeir hafa bæki-
stöðvar í Honduras og Costa
Rica. Reaganstjórnin telur að
Sandinistar kyndi undir ófriði í
Mið-Ameríku og sakar þá um
að undirbúa vinstri byltingu í
álfunni.
■ Danir hafa kvartað sáran yfir veðrinu undanfarið, eins og kom fram í orðum Schliiters
forsætisráðherra í heimsókn hans til íslands fyrir skömmu. En nú skín sólin á Dani á ný og allir eru
glaðir og ánægðir, þeirra á meðal þessi ísbjörn sem kælir sig í sundlauginni sinni í dýragarðinum í
Kaupmannahöfn. PLOKOTO-Símamynd
Pundið
lækkar
London-Rcuter
■ Sterlingspundið lækk-
aði enn í verði gagnvart
Bandaríkjadollar í gær
þegar fréttir bárust um
fyrirhugað verkfall hafn-
arverkamanna. Lægst
komst pundið að jafngildi
1,3025 Bandaríkjadollars
en hækkaði síðan um Vi
sent áður en bankar lok-
uðu.
Vextir í Bretlandi voru
hækkaði á föstudag -%%
og talið er að þeir verði
hækkaðir um x/i% í viðbót
til að reyna að styrkja
pundið.
Hafnarverkfallið, sem
hefjast átti á miðnætti í
nótt, var ákveðið eftir að
verkamenn voru látnir
flytja járngrýti sem hafn-.
arverkamenn í Imntong-
ham höðfu neitað að vinna
við í samúðarskyni við
verkfall námumanna.