NT - 11.07.1984, Blaðsíða 28
HRINGDU ÞÁ f SflVSA6865-38
Við tökum við ábendingum um ííértir allan sólarhringinn.
Greiddar verda 1000 krónur fyrir hverja ábendingu sem leiðir
til fréttar í blaðinu og 10.000 krónur ffyrir ábendingu sem leiðir
til bitsstaeðustu fréttar mánaðarins. Fullrar nafnleyndar er gætt
Feðgarnir í Belgsholti:
Stórminnka kjarnfóðurgjöf
- með ,,turnheyi“ og grænfóðri úr rúlluböggum
■ Ný heyverkunaraðferð er nú að byrja að ryðja sér til rúms
hér á landi. Á fjóruin bæjum: Belgsholti í Leirár- og Melasveit,
Kirkjubóli á Hvalfjarðarströnd, Svarfhóli í Svínadal og Skarði í
Landsveit eru nú risnir bláemaleraðir stálturnar um 24 metrar að
hæð, sem taka um 55 kýrfóður. Það jafngildir um 2.200
hestburðum af þurrheyi. Llpp komnir með öllum búnaði segja
menn turna þessa kosta um 2 til 2,5 millj. króna
Heyverkunin er mitt á milli
þurrheys og votheys. Grasið er
forþurrkað - á að hafa um 40%
þurrefnisinnihakl. Ef t.d. er
slegið að kvöldi í þurru veðri,
snúið þegar tekið hefur af morg-
uninn eftir, er heyið sagt tilbúið
til hirðingar síðar þann sama
dag. Það er fínsaxað og því
blásið upp í turninn, sem er
lokaður nema hvað sérstakur
ventill hleypir loftinu út. Verk-
unin er skýrð þannig út að
súrefnið eyðist fljótt úr heyinu
og þar með hættan á að það
skemmist. Það á að geymast
einstaklega vel og ekkert að
missa af sínu upphaflega fóður-
gildi. Heyið á ekki að súrna eins
og vothey, aðeins að verða af
því sætur ilmur.
„Ég tek upp þess nýbreytni
til að reyna að minnka vinnu-
álagið - því ég held að flestum
sé ljóst að íslenskir bændur eru
vinnuþrælar“, sagði Magnús
Ólafsson, bóndi í Belgsholti, en
hann býr þar félagsbúi með syni
sínum Haraldi. Magnús sagði
útbúnað í turninum létta vinnu
við gjafir til mikilla muna. Neðst
í honum sé sérstakur armur,
sem gangi hringinn og krafsi
heyið jafn óðum neðan af stæð-
unni og færi það út úr turninum
að neðan, og áfram inn í fóður-
gang í fjósinu á sérstöku færi-
bandi.
Þeir feðgar hafa um 60 mjólkur- ■
kýr auk geldneyta og nokkurs
annars búfénaðar og þurfa því
mikinn heyfeng. Einnig segjast
þeir venjulega selja töluvert af
heyi, fyrst og fremst til hesta-
manna, enda eru túnin í Belgs-
holti um 80-90 hektarar.
Turninn er ekki eina nýjungin
í heyskaparháttum í Belgs-
holti. Magnús sagðist í fyrra
hafa bundið og sett í plastpoka
98 rúllubagga af grænfóðri, sem
enst hafi fram undir áramót og
gefist alveg sérstaklega vel. í ár
kvaðst hann verða með enn
meira grænfóður. Þeir feðgar
vinna nú við að brjóta niður
flatgryfjur, sem þeir hafa notað
undir vothey á undanförnum
árum og hyggjast þess í stað
nota rýmið fyrir grænfóður í
rúlluböggum. Með þessum
tveim fóðurverkunaraðferðum
telja þeir sig geta dregið mjög
mikið úr kjarnfóðurgjöf, eða
jafnvel nær alveg.
Spurður kvaðst Haraldur
ekki vilja giska á hvort margir
fieiri fari út í slíkar turnbygging-
ar. Óneitanlega sé þetta gífurleg
fjárfesting og þurfi því töluverð-
an rekstur til að standa undir
slíku. Nefndi Haraldur sem
dæmi að votheyshlöður fyrir
sama magn af fóðri mundu
kosta um l,4 millj. kr. og þurr-
heyshlöður eitthvað minna. í
Belgsholti hafi hins vegar verið
nauðsynlegt að bæta töluvert
við hlöðurými og valið hafi þar
m.a. staðið um turninn, sem
hægt var að byggja við hliðina á
fjósinu eða að rífa niður mikið
af gömlu hlöðunum og byggja
upp á nýtt.
■ Gljáandi bláemaleraður
turninn í Belgsholti gnæfir
við himin, líkastur vita. Þar
sem söluskattur af ýmsum
aðföngum til landbúnaðar
var felldur niður á s.l. sumri
þykir Belgsholtsbændum
heldur hart að þurfa að borga
fullan söluskatt af mannvirki
þessu, sem flutt var inn frá
Englandi. Sömuleiðis þykir
þeim furðulegt að þeir geta
blásið heyi sínu söluskatts-
fritt en verða að punga út
með fullan söluskatt ef þeir
vilja flytja það á færiböndum
úr eða í hlöður.
Magnús í Belgsholti (á
miðri mynd) lýsir kostum
turnsins fyrir heimamönnum
og gestum, þeirra á meðal
BrynjólFi, mjólkurbússtjóra
á Hvammstanga.
NT-myndir Heidur.
Borgin getur sparað í sorpinu:
Keflavíkurflugvöllur:
Tilboð í sorpvörslu 44%
lægri en kostnaðaráætlun
■ Tveir verktakar telja
sig geta sparað Reykjavík-
urborg 18 milljónir króna
við vörslu og jörðun sorps
á sorphaugunum við Gufu-
nes á næstu tveimur árum.
Þegar tilboð í sorpvörsluna
voru opnuð í gær kom í Ijós
að tvö tilboðin voru um
44% lægri heldur en skrif-
stofa borgarverkfræðings
hafði áætlað að verkið
myndi kosta.
Tvö tilboðanna voru því
sem næst jöfn og lægst,
annað frá Jarafli, upp á
22,5 milljónir króna, og
hitt frá Sverri Bjarnasyni
og Ragnari Guðjónssyni,
upp á 22,6 milljónir.
Kostnaðaráætlun hljóðaði
upp á 40.3 milljónir króna.
Hæsta tilboðið var um 48,7
milljónir.
Ingi Ú. Magnússon,
gatnamálastjóri, sagði í
samtali við NT að það væru
um 10 ár síðan sorpvarsla
hefði síðast verið boðin út.
Þá hefði útboðum verið
hætt vegna þess að verkin
hefðu þótt illa unnin. Nú
hefðu í útboðslýsingu verið
gerðar mun strangari
kröfur um frágang haug-
anna.
Borgin eyddi í fyrra 12
milljónum ícróna til verks-
ins sem nú var boðið út. Út-
boðstímabilið er til l. ágúst
1986.
Ingi tók fram að þessar
tilboðstölur væru „hráar“,
eftir væri að yfirfara tilboð-
' in vegna hugsanlegra
reiknivilla, og með tilliti til
hvort þau væru í samræmi
við útboðslýsingu, áður en
þau færu fyrir borgarráð.
Malbikun tefur
Ameríkuflug
■ Flugleiðavéiar á leið til
Bandaríkjanna verða að milli-
lenda á Ganderflugvelli á Ný-
fundnalandi til eldsneytistöku
í nokkra daga upp úr miðjum
mánuðinum. Ástæðan fyrir
því er malbikunarframkvæmd-
ir á Keflavíkurflugvelli.
Malbikuð verða flugbrauta-
mót, sem hefur þær afleiðing-
ar, að flugvélar verða að lenda
og taka á loft á mun styttri
braut en áður. Vesturvélarnar
geta þvf ekki tekið á loft full-
hlaðnar. Framkvæmdirnar
hafa hins vegar ekki áhrif á
Evrópuflugið.
„Þetta hefur í för með sér
einhverjar tafir, sem er mjög
slæmt á háannatímanum,“
sagði Sæmundur Guðvinsson,
fréttafulltrúi Flugleiða, í sam-
tali við NT. Aðspurður sagði
hann, að Flugleiðir hefðu ekki
tekið saman kostnaðaraukann,
sem þessu fylgdi. „En þetta
hefur óhjákvæmilcga í för með
sér aukakostnað og óþægindi
sagði Sæmundur.
Ásgeir Einarsson, skrif-
stofustjóri flugvallarstjóra á
Keflavíkurflugvelli, sagði í
samtali við NT, að ekki hefði
verið talið hægt að geyma
framkvæmdirnar til haustsins,
þegar mestu annirnar í milli-
landafluginu væru um garð
gengnar.
„Það verður að nota besta
veðrið í þetta og þessar fram-
kvæmdir eru óhjákmæmilegar
til að halda vellinum við. Þetta
var löngu vitað og kemur eng-
um á óvart,“ sagði Ásgeir
Einarsson.