NT - 14.11.1984, Blaðsíða 3

Miðvikudagur 14. nóvember 1984
Ekki ný stórnar-
skrá á þessu þingi
en á kjörtímabilinu, segir forsætisráðherra
■ Ólíklegt er að frumvarp um
endurskoðun stjórnarskrárinn-
ar verði lagt fyrir það þing er
nú situr. Þetta kom meðal ann-
ars fram í fyrirspurnartíma sam-
einaðs þings í gær.
Gunnar G. Schram bar fram
fyrirspurn um hvað ríkisstjórnin
hyggðist fyrir varðandi endur-
skoðun stjórnarskrárinnar, og
sagði að þar sem unnið hefði
verið að endurskoðuninni í
rúma fjóra áratugi, væri kominn
tími til að frumvarpið væri lagt
fram.
í svari forsætisráðherra kom
fram að formaður nefndarinnar,
sem fjallar um endurskoðunina,
Matthías Bjarnason, hafi tjáð
honum að ólíklegt væri að frum-
varpið yrði lagt fyrir þetta þing.
Hins vegar sagði Steingrímur
að ríkisstjórnin hafi fullan hug
á að málið verði afgreitt á
yfirstandandi kjörtímabili.
Gunnar G. Schram rakti störf
nefnda sem unnið liafa að
endurskoðuninni síðan 1944, og
sagði að sú nefnd sem nú starfar
hefði í janúar 1983 skilað
skýrslu til þingflokkanna með
tilíögum sínum, en að aðeins
tveir þingflokkar, Alþýðuflokk-
urinn og Alþýðubandalagið,
hafi svarað erindi nefndarinnar.
Einnig tóku til máls Jón
Baldvin Hannibalsson og Svav-
ar Gestsson. Átöldu þeir að
aðrir þingflokkar hefðu ekki
svarað bréfi nefndarinnar og
sögðu ríkisstjórnina áhugalausa
um að koma máli þessu áfram á
þinginu. Sagði Svavar vel hægt
að leggja frumvarpið fram á
þinginú, ef vilji væri fyrir hendi.
Jöfnun
lífskjara
- sem lofað var samtímis
breytingu á kosningalögum
■ í framhaldi af umræðu á
alþingi í gær, um stjórnar-
skrárfrumvarpið, komu til
umræðu störf nefndar er
kanna á og vinna að jöfnum
lífskjara í dreifbýli og þétt-
býli.
Þegar kosningalögunum
var breytt varð samkomulag
meðal formanna stjórnmála-
flokkanna um jöfnun lífs-
kjara.
í framhaldi af samþykkt
þessari hafði Steingrímur
Hermannsson forgöngu um
skipan ne.fndar til að vinna
að þessu máli. Fram kom í
máli Helga Seljan, sem sæti á
í nefndinni, að nefndin hefur
„unnið gætilega" undir for-
mennsku Lárusar Jónssonar.
Ólafur Þ. Þórðarson, sem
einnig á sæti í nefndinni,
sagði að innan nefndarinnar
ríkti ekki sá einhugur sem
hefði verið með formönnum
stjórnmálaflokkanna þegar
nefndin var skipuð. Sagði
hann ólíklegt að nokkuð af
viti kæmi útúr nefndarstarf-
inu, og sagði líklegt að
„mönnum þætti vissara að
vera bankastjórar en á þingi
er niðurstöður nefndarinnar
verða birtar".
Svavar Gestsson lagði
áherslu á að nefndin hafi
verið skipuð samkvæmt lof-
orði formanna flokkanna við
breytingar á kosningalögum,
og ef nefndin ekki skili nein-
um niðurstöðum þá sé það
loforð brotið. Steingrímur
Hermannsson sagðist líta svo
á að nefndin starfi á vegum
þingflokkanna.
Karvel Pálmason tók til
máls og sagði ástæðu fyrir
forsætisráðherra til að hafa
hönd í bagga með störfum
nefndarinnar.
■ Hér sjást þeir á tali fláningsmaðurinn og fyrrverandi sláturhús-
stjóri Jón Þór Aðalsteinsson og svo núverandi sláturhússjóri
Norðfirðinga Árni Þórhallsson. NT-mynd: Svanfríður
Slátrað í Norðfirði:
Meðalþungi 17 kg
og 27 sá stærsti
Frá Svanfríði Hagvaag frcttarítara NT á
Ncskaupstað:
■ 2500 fjár var slátrað í
sláturhúsi Kaupfélagsins Fram
á Neskaupstað. Meðalfallþungi
var 16,9 kíló en vænstan dilk
átti Björn Gíslason í Sólbrekku.
Vó sá dilkur 27 skíló. Hæsta
meðalvigt var aftur á móti hjá
Guðjóni Magnússyni á Nes-
kaupstað 19,4 kt'ló og mesta
kjötinnlegg hafði Steinþór
Þórðarson í Skuggahlíð; 4566,2
kíló. Þá var 80 nautgripum slátr-
að í húsinu.
Afurðamesta ærin var svo frá
gömlum bónda inni í Nes-
kaupstað sem á þessu hausti
lagði af búskap og slátraði öllu
sínu. Hafði ærin verið þrílembd
og gekk með þau öll og vógu
þau til saman 63 kíló. Sjálf
vigtaði ærin svo 34 kíló.
■ Guðbrandsbiblían góða sem systkinin Ólafur og Edda
Alexandersbörn gáfu Reykholtskirkju. Til vinstri á myndinni
er sóknarpresturinn Geir Waage en til hægri sóknarnefndar-
formaðurinn, Aðalsteinn Árnason. NT mynd Magnús Magnússon
Reykholt:
Kirkjan fær
veglega gjöf
Ýmsar framkvæmdir á döfinni
Frá Magnúsi Magnússyni frcttaritara NT
í Kcykhultsdal:
■ Fyrir skemmstu var
Reykholtskirkju færð Ijós-
prentun af Guðbrandsbiblíu
að gjöf. Gefendur voru syst-
kinin Ólafur og Edda Alex-
andersbörn. Gáfu þau Bibl-
íuna í minningu foreldra
sinna, Alexanders Jóhannes-
sonar fæddan að Skáney
1884, dáinn 1974 og konu
hans Halldóru Ólafsdóttur
fædda 1895 og dána 1982.
Ljósprentunin er frá 1956,
fögur bók og verðmæt.
Sér Geir Waage sóknar-
prestur í Reykholti og Aðal-
steinn Árnason sóknar-
nefndarformaður kölluðu
blaðamenn í héraði á sinn
fund og kynntu gjöf þessa,
svo og mál safnaðarins sem
nú erú á döfinni.
Sagði Geir að söfnuðurinn
væri þeim systkinum mjög
þakklátur fyrir þessa gjöf og
hug þeirra til Reykholts-
kirkju. Guðbrandsbiblía hef-
ur ekki verið til í bókasafni
kirkjunnar.
Aðalsteinn sóknarnefnd-
arformaður vék að um-
ræðum í söfnuðinum um
byggingu nýrrar kirkju í
Reykholti. Sú gamla, sem
byggð var 1887, þjónar illa
því hlutverki sem staðurinn
gerir kröfu um. Samþykkt
var á sóknarnefndarfundi
1983 að hefja byggingu nýrr-
ar kirkju í Reykholti.
Húsameistari ríkisins hef-
ur nú unnið að teikningum
að nýrri kirkju sem senn eru
tilbúnar. Er þar meðal ann-
ars hugað að minningarstofu
um Snorra Sturluson
Úttekt Þjóðminjasafnsins
á gömlu kirkjunni sem gerð
varl983 leiddi í ijós að hún
er illa farin og mikið spillt frá
upphaflegri gerð. Kirkjan
tekur ekki nema um 100
manns í sæti svo að þar er
ekki pláss fyrir alla kirkju-
gesti innandyra við fjöl-
mennar messur, jarðarfarir
og fermingar.
í sumar var lokið við að
endurbyggja prestsetrið.
Varð það mjög kostnaðar-
söm viðgerð, enda kappkost-
að að láta húsið halda sinni
upprunalegu mynd að utan
jafnt sem innan.
■ Nýjasta skip Hafskips, Hofsá, kom til Reykjavíkur á laugardag.
Hofsá:
Nýtt skip í flota Hafskips
■ Hofsá heitir nýtt skip, sem
hefur bæst við kaupskipaflota
Hafskips hf. Hún kom til
Reykjavíkur síðastliðinn
laugardag með fullfermi frá
Evrópuhöfnum. Hofsá er sjö-
unda skip Hafskips.
Skipið var smíðað í Austur-
ríki árið 1972, en hingað er það
keypt af kanadísku skipafélagi.
Hofsá er 3200 lestir að stærð og
tekur 183 gámaeiningar fulllest-
uð. Tólf manna áhöfn er á
skipinu og skipstjóri er Guðm-
undur Eyjólfsson. Hofsá verður
í áætlunarsiglingum til Norður-
landanna á móti Skaftá.
Með tilkomu Hofsár fer
spænska leiguskipið Hvítá úr
leigu Hafskips og verður því
skilað í byrjun næsta mánaðar.
Bæjar-og héraðsbókasafninu á Selfossi berst stórgjöf:
„Einstæður viðburður í
íslenskri menningarsögu"
■ Hjónin frú Kristín Jónsdótt-
ir og Sr. Eiríkur J. Eiríksson,
fv. prófastur á Þingvöllum, hafa
gefið Bæjar- og héraðsbóka-
safninu á Selfossi bókasafn sitt
sem hefur að geyma um 30 þús.
bindi bóka. Hér er því um að
ræða einstakan viðburð í ís-
lenskri menningarsögu að mati
starfsmanna Bæjar- og héraðs-
bókasafnsins á Selfossi.
í bókasafni þeirra hjóna er
að finna nærri hverja einustu
útgáfu af ritum íslenskra höf-
unda; skáldsögur, ljóð og
leikrit. Þá má nefna Guðbrands-
biblíu og allar síðari útgáfur
Biblíunnar á íslensku; mikið
safn lögfræðirita, safn rita um
íslensk fræði; bókmenntir, mál-
fræði, sögu ogfornritin í flestum
útgáfum auk þess sem þar eru
flest íslensk tímarit frá upphafi.
„{ safninu eru einnig stássgripir
sem hvergi eiga hliðstæðu, og
má þar nefna Sögu Ólafs
Tryggvasonar sem út kom 1892“
segir í fréttatilkynningu frá Bæj-
ar- og héraðsbókasafninu á Sel-
fossi.
Með gjöf þessari hefur bóka-
eign Bæjar- og héraðsbóka-
safnsins meira en tvöfaldast, en
hún var tæp 19. þús. bindi um
síðust áramót. f þakklætisskyni
bauð bæjarstjórn Selfoss og
sýslunefnd Arnessýslu þeim
hjónum, börnum þeirra og
tengdabörnum til kaffisamsætis
1 Tryggvaskála þar sem mættir
voru allir bæjarfulltrúar og
sýslunefndarmenn úr héraðinu
auk annarra merkismanna.
Bæjar- og héraðsbókasafnið
á Selfossi verður 75 ára um
þessar mundir.
■ Sr. Eiríkur J. Eiríksson og Krístín Jónsdóttir.