NT - 23.03.1985, Síða 11

Laugardagur 23. mars 1985 11
ffT -ri ~ ^ 7 '
ul Minning
Jórunn Ólafsdóttir
í dag verður jarðsungin frá Kálf-
holtskirkju tengdamóðir mín Jórunn
Ólafsdóttir frá Hamrahóli. Hún lést á
heimili okkar í Eyjum í Kjós aðfara-
nótt 14. mars síðastliðinn.
Hún var fædd 17. júlí 1893 í Desey
í Norðurárdal og var því á 92. aldurs-
ári þegar hún lést. Desey var smábýli
úr parti af Hvammsengjum og er nú
löngu komið í eyði, en þar bjuggu
foreldrar Jórunnar þau Guðrún Þórð-
ardóttir Jónssonar hreppstjóra á
Brekku í Norðurárdal og Ólafur
Ólafsson Ólafssonar ættaður af
Akranesi, móðir Ólafs var Elín Guð-
mundsdóttir frá Uppsölum í Norður-
árdal.
Jórunn ólst upp hjá foreldrum
sínum á Desey ásamt systkinum
sínum, en foreldrar hennar áttu ellefu
börn. Af þeim eru nú á lífi Helga,sem
býr í Damörku.og Albert fyrrverandi
kennari og skólastjóri búsetur í Nor-
egi. Látin eru:
Kristín dó 5 ára.
Halldór Ágúst bjó á Tjaldnesi í
Dölum.
Elín Kristín bjó á Háreksstöðum í
Norðurárdal.
Þorbjörn bjó á Hraunsnefi í
Norðurárdal, síðar í Borgarnesi.
Þórður bjó á Brekku í Norðurár-
dal.
Þorbergur bjó síðast á Akureyri.
Ástríður bjó á Selfossi.
Ólafur Kristinn bjó síðast í Reykja-
vík.
Það segir sig sjálft að það var þungt
heimili á Desey á uppvaxtarárum
Jórunnar og hún vandist því snemma
að vinna og 17 ára gömul fór hún í
vist til Reykjavíkur og er þar í vist
næstu vetur, en á sumrin var hún í
kaupavinnu og tvö sumur var hún á
Norðfirði matráðskona á síldarverk-
unarstöð. Á Norðfirði kynntist hún
fyrri manni sínum Jóni Guðmunds-
syni frá Sveinskoti í Skarðshreppi í
Skagafirði en þau giftust í júní 1916.
Þau byrjuðu þó ekki búskap strax.
Jórunn fór þetta sumar kaupakona
að Skarði í Landsveit, en Jón var
háseti á togaranum Ingólfi Arnarsyni
sem var við síldveiðar þetta sumar.
En 3. september þetta sumar
strandaði Ingólfur Arnarson í höfn-
inni á Akureyri við Oddeyrartang-
ann, og þegar verið var að ná skipinu
á flot varð það slys að Jón Guðmunds-
son drukknaði og var hann jarðsettur
á Akureyri.
Þetta var hinni ungu konu mikið
áfall en til marks um samgöngur á
þessum tímum er, að viku eftir að
Jórunni var tilkynnt andlát Jóns fékk
hún bréf þar sem hann sagði henni
frá því að hann hafi fest þeim íbúð í
Vestmannaeyjum en þar ætluðu þau
að setjast að.
Næstu tvo vetur var Jórunn hjá
bræðrum sinum Þorbirni á Hrauns-
nefi og Þórði á Brekku. En um vorið
1918 fór hún ráðskona til Tómasar
Kristins Þórðarsonar á Hamrahóli í
Ásahreppi, sem hafði þá misst konu
sína frá 7 ungum börnum. Tómas var
fæddur í Sumarliðabæ í Holtum 18.
október 1877. Foreldrar hans voru
Þórður Tómasson bóndi þar og kona
hans Borghildur Brynjólfsdóttir.
Á næstu árum gerist það að þau
fella hugi saman.Jórunn og Tómas,og
giftust þau 4. júní 1927. Börnum
Tómasar, þeim 5 sem voru heima,
gekk hún í móðurstað. En börn
Tómasar af fyrra hjónabandi eru:
Borghildur, húsfreyja, Brekku
Þykkvabæ gift Runólfi Þorsteinssyni
bónda. Þau eiga 3 börn.
Rósa býr með Matthíasi Guð-
bjartssyni í Reykjavík, hún á eitt
barn.
Guðrún Laufey býr með Vilbert
Stefánssyni í Reykjavík, hún á tvö
börn.
Ragnheiður, húsfreyja, Bjólu
Djúpárhreppi gift Einar Stefánssyni
bónda. Þau eiga þrjú börn.
Sigríður, húsfreyja, Lyngási Holt-
um.gift Sveinbirni Stefánssyni bif-
vélavirkja. Þau eiga átta börn.
Þórður verkamaður Seltjarnarnesi
kvæntur Petru Kristjánsdóttur, þau
eiga þrjú börn.
Sigurður hefur verið allan sinn
aldur í Bjálmholti hjá frændfólki
Tómasar. Hann er sjúkiingur.
Börn Jórunnar og Tómasar eru tvö
en þau eru Guðjón f. 5.9. 1927
bifreiðarstjóri hjá Skeljungi.kvæntur
Margréti Einarsdóttur frá Húsum.
Þau eiga einn son. Guðrún Ólafía f.
4.4. 1936 húsfreyja Eyjum, Kjós.gift
undirrituðum. Hún á sjö börn.
Ennfremur ólst upp hjá þeim að
miklu leyti dóttursonur Tómasar,
Tómas Steindórsson f. 22.12.1932.
bóndi Hamrahóli kvæntur Sigurbirnu
Guðjónsdóttur og eiga þau 6 börn.
Tómas var í miklu uppáhaldi hjá
henni og leit hún ávallt á hann sem
eitt af sínum börnum.
Á Hamrahóli var ekki auður í búi,
en þau hjón Jórunn og Tómas voru
samhent um að sjá sér' og sínum
farborða og hjartahlýju höfðu þau
mikla, þessum stað og þessari sunn-
lensku sveit unni hún og þar vildi hún
hvíla þegar kallið kæmi. A Hamrahóli
átti hún heimili í 40 ár og oft kom það
fram hjá henni hve mikið hún hélt
upp á fyrrverandi nágranna sína í sveit-
inni sinni. Tómas mann sinn missti
Jórunn 13. okt. 1957 en hann varð
bráðkvaddur að heimili þeirra.
Hún bjó þó áfram á Hamrahóli næsta
ár, en 1958 fluttist hún með Guðrúnu
dóttur sinni til Hafnarfjarðar og átti
þar heimili næstu ár. Árið 1964 hófum
við Guðrún dóttir hennar búskap og
fluttist Jórunn með henni hingað að
Eyjum og átti hún heimili hér eftir
það, en þær mæðgur voru alla tíð'
mjög samrýmdar og hafa aldrei skilið.
Jórunn var mýndarkona, fríð sýn-
um hæglát og hlédræg en samt ákveð-
in, hógvær og trygglynd og sagði ekki
niðrandi orð um nokkurn mann. Hún
var söngvin og hafði gaman af söng
og oft rauðlaði hún fyrir börnin á
heimilinu. Hún var alla tíð ákaflega
heimakær en heimilið og börnin voru
henni allt. Okkar börn voru mjög
hænd að henni og héldu mikið upp á
ömmu sína. Jórunn var mikil trúkona
og margt kenndi hún börnunum af
bænum og bænir hennar fylgdu okkur
öllum á heimilinu.
Margs er að minnast eftir rúmlega
'20 ára samveru en efst eru í huga mér
þakkir til minnar ágætu tengdamóður
fyrir samfylgdina, sem engan skugga
bar á gegnum árin, og þakkar fyrir
allt sem hún var okkur, börnunum og
samferðarfólki öllu, sem hér hefur
verið.
Jórunn verður jarðsett við hlið
Tómasar manns síns í Kálfholts-
kirkjugarði í dag. Fjölskyldan í Eyj-
um II bíður henni velfarnaðar og
blessunar Guðs í nýjum heimkynn-
um, sem hún sjálft hafði þráð, eftir að
andlegir og líkamlegir kraftar höfðu
verið á undanhaldi á síðustu misser-
um.
Að endingu vil ég gera orð Davíðs
Stefánssonar að kveðjuorðum fjöl-
skyldunnar í Eyjum II til hennar.
Þú áttir þrek og haíðir verk að
vinna,
og varst þér sjálfri hlífðarlaus
og hörð,
Þú vaktir yfir velferð barna þinna.
Þú vildir rækta þeirra ættarjörð.
Frá æsku varst þú gædd þeim góða
anda,
sem gefur þjóðum ást til sinna
landa
og eykur þeirra afl og trú.
En það er eðli mjúkra móður-
handa,
að miðla gjöfum - eins og þú.
Ég flyt þér, móðir, þakkir þúsund-
faldar,
og þjóðin öil má heyra kvæði mitt.
Er íslands mestu mæður verða
taldar,
þá mun það hljóma fagurt, nafnið
þitt.
Blessuð sé öll þín barátta og
vinna.
Blessað sé hús þitt, garður feðra
minna,
sem geymir lengi gömul spor.
Hafhjartansþakkir;blessunbarna
þinna -
og bráðum kemur eilíft vor.
Magnús Sæmundsson.
Afmælis- og
minningargreinar
Þeim, sem óska birtingar á afmælis- og eða minningar
greinum í blaðinu, erbent á, að þær þurfa að berast
a.m.k. tveim dögum fyrir birtingardag. Þær þurfa að
vera vélritaðar.
HfiNS PETERSEN HF
• Innbyggt eilííðarflass, sem geíur merki sé notkun
þess þörf.
• Rafhlöður endast á u.þ.b. 250 ílassmyndir.
• Engar stillingar
MYNDARLEG GJÖF
nett mundavél sem
notar35mm
sýning um heleina
I Al ir.ADHAr A « *
LAUGARDAGA
10-14 T u u
SUNNUDAG hSSöttin9a'
14-17 Háteigsvegi 3 Sími 27344
^Jeldhús með 12 mánaða