NT - 12.07.1985, Blaðsíða 3
Föstudagur 12. júlí 1985
3
Hverjir fá að heimsækja Bandaríkin?
Hertar reglur undir Reagan
- segirTime
■ „No comment" var svarið
sem NT fékk frá bandaríska
sendiráðinu í gær er það leitaði
skýringa á landgöngubanni því
sem Sigurður Björgvinsson loft-
skeytamaður var beittur er hann
kom í bandaríska höfn á síðast-
liðnu vori.
Hjá Eimskip og Skipadeild
Sambandsins fengum við þær
upplýsingar í gær að engin nýleg
dæmi væru um slíkt land-
göngubann hvað þeirra starfs-
menn varðaði, en starfsmanna-
stjóri Sambandsins sagði í gær
að slíkt hefði verið mjög algengt
á McCarthy tímanum.
í viðtali sem Marshall Bre-
ment sendiherra Bandaríkjanna
átti við blaðamann Morgun-
blaðsins fyrir skömmu sagði
hann að hömlur af þessu tagi
væru á undanhaldi. Sigurður
Björgvinsson sagði í samtali við
NT að sér virtust að þvert á móti
væri hert á nú undir Reagan
stjórninni.
Fleiri eru greinilega sama
sinnis. I tímaritinu Time frá 6.
maí sl. er greint frá því að
kanadískum rithöfundi, Farley
Mowat hafi verið neitað um
leyfi til að heimsækja Bandarík-
in til að kynna nýja bók sína.
Mowat þessi mun flokkast undir
það sem kallað er að vera rót-
tækur í skoðunum en er annars
þekktur fyrir dýrasögur sínar. í
frétt Time er haft eftir talsmanni
bandarískra mannréttindasam-
taka að það hafi færst mjög í
vöxt á stjórnartíð Reagans að
fólki sé meinað að heimsækja
Bandaríkin. Mowat þessum var
boðið að ræða málin við banda-
rísk yfirvöld en hann afþakkaði.
Mowat var skráður í svokallaða
„Look out book,“ eftirlitsbók,
sem að sögn Time inniheldur
nöfn 50.000 manna sem banda-
rísk yfirvöld telja óæskilega
gesti af pólitískum ástæð-
um. Meðal þeirra sem hafa
Truedau, fyrrum forsætisráð-
herra Kanada!
■ Svar við vegabréfsumsókn Sigurðar Björgvinssonar. Neðst á
plagginu stendur: „Þú hefur verið meðlimur í Alþýðubandalaginu
frá stofnun þess og uppfyllir því ekki skilyrði til vegabréfsáritunar.
Mælt með undanþágu.
Ríkisútvarpið:
Kurteisleg
ábending
um að skrá
viðtækin
■ „Stjórnendur Ríkisútvarpsins hafa
ákveðið að gefa öllum, sem ekki hafa skráð
afnot af viðtækjum, tækifæri til að tilkynna
þau með því að fylla út og endursenda neðri
hluta þessa seðils,“ segir í seðli sem Ríkisút-
varpið sendir um þessar mundir frá sér til
Islendinga á aldrinum 20 til 67 ára.
„Afnot hafa þeir, sem eiga tök á að hlusta
og/eða horfa á útsendingar Ríkisútvarpsins.
Hvert heimili, þ.m.t. sumarbústaður og
bifreið skal einungis greiða eitt afnota-
gjald,“ segir jafnframt í seðlinum.
„Samkvæmt reglugerð RÚV á heimili
aðeinsað borga. eitt afnotagjald af öllum
þeim tækjum sem finnast innan veggja
heimilisins,“ sagði Theódór Georgsson, inn-
heimtustjóri um þennan seðil stofnunarinn-
ar. „Hins vegar kemur þar einnig fram að ef
tvö til þrjú uppkomin börn eru á heimilinu,
vinna úti og eru með eigiösjónvarpstæki þá
þurfa þau að borga af sínum tækjum eins og
þau væru með sér heimili."
Hann sagði að gjaldið byggðist á afnotum
á viðtækjum og því skipti ekki máli hver ætti
tækin heldur að borgað væri af þeim sam-
kvæmt afnotum.
„Þessi seðill er tilraun Ríkisútvarpsins til
að biðja fólk í fullri kurteisi að skrá sjón-
varps- og útvarpstæki sín,“ sagði Hörður
Vilhjálmsson fjármálastjóri RÚV aðspurð-
ur um tilkynninguna. „Við viljum ná til allra
þeirra sem eru með óskráð tæki fyrir 1.
september næstkomandi. Síðan verður þess-
um seðlum ef til vill fylgt eftir með því að
senda seðla til þeirra sem ekki hafa tilkynnt
um afnot.
Það er rétt að okkur hefur verið boðinn
bíll frá Danmörku að láni til að miða út
viðtæki í húsum. Það hefur engin ákvörðun
verið tekin um það og verður ekki gert í
þessari umferð. Slíkar miðanir tíðkast þó
mikið erlendis og ef til vill kemur að því að
hann verður fenginn að láni,“ sagði Hörður
Vilhjálmsson.
Framsóknarferð
í Eldgjá
■ Hin árlega sumarferð framsóknarfélaganna
í Reykjavík verður farin á morgun og að þessu
sinni liggur leiðin í Eldgjá um Landmannalaug-
ar. „Þetta er eitt mesta náttúruundur íslands og
jafnvel alls heimsins og nú gefst einstakt
tækifæri til að fara þangað í góðum hópi,“ sagði
Heimir Hannesson aðalfararstjóri ferðarinnar í
samtali við NT og lét í Ijós þá ósk að ferðin
mætti verða til þess að þátttakendur kynntust
landinu betur og tengdust náttúru þess traustari
böndum.
Sérstakir heiðursgestir ferðarinnar verða
Steingrímur Hermannsson forsætisráðherra og
frú Edda Guðmundsdóttir. Forsætisráðherra
mun flytja ávarp í Eldgjá.
Úr Eldgjá verður ekið niður í Skaftártungur
og þaðan sem leið liggur til Reykjavíkur um
kvöldið. Fargjald er kr. 650 fyrir fullorðna og
kr. 450 fyrir börn 12 ára og yngri. Lagt verður
upp frá Rauðarárstíg 18 og þar eru miðar til
sölu í síma 24480.
föstudag og laugardag
að Höfðabakka 9
Við kynnum:
Opel Corsa
Opel Kadett GL
Opel Kadett GSI
Opel Kadett Caravan
Opel Ascona
Opel Rekord
Á þessari kröftugu sýningu getur þú
kynnst á einu bretti því besta í
bílaflota okkar. Pú skoðar,
reynsluekur, færð góð ráð og
gagnlegar upplýsingar. Þú færð með
öðrum orðum svar við því hvers
vegna svo margir velja Opel bifreiðar
einmitt þessa dagana.
Sýningin er opin föstudag
kl. 9.00-18.00 og laugardag
kl. 13.00-17.00.
Við bjóðum hagstæðari greiðslu-
skilmála en gengur og gerist og
tökum jafnvel gamla bílinn þinn upp
í þann nýja!
Sjáumst á alvöru bílasýningu
BíLVANGURsf
HÖFÐABAKKA 9 5ÍMI 687BOO