NT - 19.09.1985, Blaðsíða 7
Njósnir og skemmdarverk:
Þjóðverjar, Bretar
og Frakkar í vanda
Hvert hneykslismálið rekur annað
London, Moskva, París, Bonn-Rcutcr:
■ Hneyksli er varða njósnir
og skemmdarverk tröllríða nú
v-evrópsku stjórnmálalífi. Sí-
fellt bætast við upplýsingar um
starfsemi njósnara í skrifstofu
v-þýska kanslarans, breska
ríkisstjórnin hefur neyðst til
þess að láta í minni pokann
fyrir hefndarráðstöfunum
sovéskra stjórnvalda og frönsku
ríkisstjórninni hefur ekki tek-
ist að kveða niður frétt þess
efnis að varnarmálaráðherra
hafi fyrirskipað eyðileggingu
Rainbow-Warrior.
Staðfest hefur verið af em-
bættismanni í innanríkisráðu-
neyti V-Þýskalands að Kohl
kanslara hafi verið tjáð um
grunsemdir leynisþjónustunn-
ar gagnvart Willner-hjónunum
og hann beðinn um heimild til
fulls eftirlits. Að sögn em-
bættismannsins taldi Kohl ekki
þörf á slíku eftirliti þar sem
ekki væru nægilegar vísbend-
ingar fyrir hendi um hugsan-
lega sekt þeirra. Ennfremur
hefur verið haft eftir fyrrver-
andi nágrönnum Willner-
hjónanna að sést hafi til Her-
bert Willner þar sem hann
kom farangri fyrir i bifreið
sinni daginn áður en tilkynning
barst um fljótta þeirra. Sönn-
unargögn sem fundist hafa í
íbúð Willner-hjónanna sanna
sekt þeirra og þykja benda til
þess að þau hafi stundað
njósnir í lengri tima. Kröfur
stjórnarandstöðunnar í V-
Þýskalandi um afsögn Zim-
merman innanríkisráðherra
gerast æ háværari.
Breski forsætisráðherrann
Margaret Thatcher tilkynnti í
gær þar sem hún var á ferðalagi
í Egyptalandi að Bretar
myndu ekki bregðast við ann-
arri brottvísun breskra þegna
frá Moskvu með því að svara í
sömu mynt. Hvor aðilinn um
sig hefur nú vísað 31 einstakl-
ingi úr landi en að staðaldri
eru um 205 Sovétmenn í
Lundúnum og um 100 Bretar í
hafi fyrirskipað eyðileggingu
Rainbow Warrior í Auckland
á Nýja Sjálandi. Stjórnarand-
stæðingar krefjast afsagnar
Mitterrand forseta, Fabius
forsætisráðherra og Hernu
sjálfs. Þessir aðilar hafa hingað
til neitað að kannast við frétt
Le Monde og Hernu hefur
einungis birt tilkynningu þar
sem hann fordæmir harðlega
órökstuddar árásir á sig og
aðra er málinu tengjast. Sú
saga hefur farið fjöllum hærra í
Frakklandi að „erlendar leyni-
þjónustur" hafi framkvæmt
skemmdarverkið í Kyrrahafi
til þess að koma óorði á
Frakka og er þá átt við þá
bresku. Önnur frétt hermir að
bresku og bandarísku leyni-
þjónustunum hafi verið kunn-
ugt um fyrirætlanir Frakka
áður en til framkvæmda kom.
Grikkir hafa heldur ekki
farið varhluta af njósnamál-
um. Liðsforingi í flotanum
hefur verið handtekinn sakað-
ur um njósnir og þrír aðrir
hafa verið yfirheyrðir. Opin-
berir aðilar hafa ekki viljað tjá
sig um málið. Heimildarmenn
segja að Sergei Bokhane, sem
var sovéskur stjórnarerin-
dreki, hafi leitað hælis í
Bandaríkjunum og veitt þar
upplýsingar um 25 Grikki er
starfa fyrir sovésku leyniþjón-
ustuna. Hinn handtekni er
sagður þar á meðal.
Umsjón Ragnar Baldursson og Sturla Sigurjónsson
Moskvu. Það hefur komið illa
við breska sendiráðið í Sovét-
ríkjunum að eiginkonur
margra þeirra sem hefur verið
vísað þaðan störfuðu jafn-
framt við hlið eiginmanna
sinna. Því má segja að Bretar
hafi misst fleiri virka starfs-
menn í þessum gagnkvæmu
brottvísunum en Sovétmenn.
Almennt er talið í Bretlandi
að lyktir þessa máls séu Thatc-
her-stjórninni mikill
álitsnhnekkir.
í Frakklandi aukast enn
deilur í framhaldi af frétt dag-
blaðsins Le Monde þess efnis
að Hernu varnarmálaráðherra
■ Margarete Höke sem starfaði á forsetaskrifstofunni í V-Þýska-
landi var handtekin fyrir skömmu ásökuð um njósnir í þágu
A-Þjóðverja. Fjöldi kollega hennar hefur nú forðað sér á flótta.
Varnarmál:
Japanarauka
varnarútgjöld
Eru nú í fyrsta skipti meira en 1 % af þjóðarf ramleiðslu
Tokyo-Reuter
■ Samþykkt nýrrar fimm ára
varnarmálaáætlunar í Japan í
gær þýðir að Japanar muni ráð-
stafa um 1,04% af þjóðarfram-
leiðslu til hernaðarútgjalda.
Þessi ákvörðun er talin marka
tímamót þar sem hún brýtur í
bága við þá hefð að slík útgjöld
nemi aldrei meiru en 1% af
þjóðarframleiðslu.
Stjórnvöld í Bandaríkjunum
hafa nú um nokkurt skeið hvatt
Japana til þess að verja meiri
fjármunum en þeir hafa gert
fram að þessu til varnarmála.
Reagan-stjórnin hefur vísað til
hvort tveggja aukins hernaðar-
máttar Sovétmanna og svo eig-
in byrða vegna varna Japan.
Fram til þessa hafa Japanar ekki
viljað fara fram úr fyrrnefndu
hámarki af sögulegum ástæð-
um.
Það er ríkisstjórn Nakasones
sem stendur að umræddri
ákvörðun og varnarmálaráð-
herrann segir að hún hafi verið
tekin til þess að gera Japönum
sjálfum kleift að verjast tak-
markaðri árás á eyjarnar. Þess
má geta að í tillögum Banda-
ríkjamanna um hernaðarumsvif
Japana kemur fram að fyrr-
nefndir óska þess að japönsk
herskip geti gegnt eftirlitsstörf-
um allt að 1.000 sjómílum frá
heimalandinu.
Kína:
2000 sýkjast
í eiturslysi
Peking-Reutcr
■ Rúmlega tvö þúsund Kínverjar sýktust af gaseitrun eftir að
lífshættulcgt klórgas lak úr tanki í járnbrautarlest í kínversku
borginni Fushan í Norðaustur-Kína.
Kínversk dagblöð hafa eftir embættismönnum í borginni, þar
sem um milljón menn búa, að með naumindum hefði tekist að
koma í veg fyrir gasslys sem líkja hefði mátt við gasslysið í
Bhopal á Indlandi þar sem 2.500 menn létust og 125.000
slösuðust í desember á seinasta ári.
Lestin flutti alls 46 tonn af klórgasi. Þegar lekans varð vart
lögðu nokkrir einstaklingar líf sitt í hættu til að stöðva hann en
annars er hætt við að klórgasið hefði streymt út yfir börgina.
Að sögn kínverskra embættismanna létust alls um sjötíu
verkamenn vegna eldsvoða, gasslysa eða sprenginga í efnaverk-
smiðjum fyrstu sex mánuði þessa árs.
Nýja Sjáland:
Kynóð flugfreyja
kref st skaðabóta
Wcllington-Reuter:
■ Nýsjálensk flugfreyja, sem
var rekin fyrir tilraun til kyn-
maka við farþega á flug-
leiðinni milli Aucklands í Nýja
Sjálandi og Honolulu, hefur
höfðað mál á hendur flugfélag-
inu. Hún krefst endurráðningar
í fyrra starf sitt og þess að fá
greidd laun frá því að henni var
sagt upp störfum.
Að sögn flugfélagsins fór flug-
freyjan á salerni með farþega
þar sem hún hafði mök við
hann. Hún reyndi líka að þukla
á brytanum og sparkaði í klofið
á honum og að lokum settist
hún klofvega á sofandi karl-
mann á fyrsta farrými sem síðar
kærði flugfreyjuna.
Flugfreyjan var ekki við störf
þegar þetta kynæði rann á hana
heldur var hún farþegi í flugvél-
inni. Hún segist ekkert muna
eftir þessum atburðum og held-
ur því fram að hegðun sín stafi
af samverkandi áhrifum þriggja
kampavínsglasa og svefntaflna
sem læknir flugfélagsins hafi
ráðlagt henni að taka til að
yfirvinna áhrif tímamunarins.
■ Fimm ára varnarmálaáætlun Japana gerir ráð fyrir að þeir verji
næstum 80 milljörðum bandarískra dala til hernaðarútgjalda á
tímabilinu. Þetta þýðir að útgjöldin fara í fyrsta skipti yfir 1% af
þjóðarframleiðslu.