NT - 19.09.1985, Blaðsíða 11

■ John Legate ávarpar sýningargesti vid opnunina í gær. NT-mynd Róbert
íslenska fiskeldissýningin:
„Þetta er engin
karamellusýning“
- sagði einn kynningaraðilinn vegna dræmrar aðsóknar
■ „Norðmenn óttast íslenska
samkeppni" sagði John Legate
á blaðamannafundi sem haldinn
var vegna íslensku fiskeldissýn-
ingarinnar. Hann sagði enn-
fremur að Norðmenn væru
hræddir við að selja íslending-
um mikið af sínum búnaði, þar
sem það gæti orðið til þess að
framleiðni íslendinga myndi
aukast. „Norðmenn óttast að í
kjölfar þess hrapi verð á laxi á
Bandaríkjamarkað," sagði
John, en hann er framkvæmda-
stjóri ITF, sem skipuleggur ís-
lensku sýninguna.
Alls eru fjörutíu fyrirtæki sem
sýna framleiðslu sína. Mörg af
íslensku fyrirtækjunum eru á
tveimur vígstöðvum. Bæði á al-
þjóðlegri sýningu á Spáni og
einnig hér heima á fslandi. Að-
sókn að sýningunni í gær var
léleg. Það var rétt törn fyrst um
morguninn, en eftir hádegi var
ein og ein hræða sem lagði leið
sína í Höllina. Eða eins og einn
kynningaraðilinn orðaði það.
„Þetta er ekki nein karamellu-
sýning. Hingað koma fagmenn
í greininni og þeir koma allir
áður en yfir lýkur, og þá er
tilganginum líka náð.“
Ý nrislegur búnaður er til sýnis;
allt frá fiskeldiskerjum og
öryggisnetum, niður í smáar
tölvueiningar til stjórnunar í
fiskeldisstöðvum. Búast má við
því að mörg fyrirtækjanna geri
stóra sölusamninga á, og eftir
sýninguna, þar sem mikið er af
erlendum erindrekum stórfyrir-
tækja hérlendis, einmitt vegna
sýningarinnar. í dag hefst ráð-
stefna skipulögð af Veiðimála-
stofnun í tengslum við sýning-
una.
Stjórnarandstöðuþingmenn um fjarlagagerðina:
Aður óþekkt vinnubrögð
■ Viðbrögð flestra stjórnar-
andstöðuþingmanna. sem NT
leitaði til í gær vegna umfjöllun-
ar um fjárlagafrumvarpið og
gerð þess undanfarna daga voru
ásömulund. Önnurvinnubrögð
hafa verið tekin upp við fjár-
lagagerð en áður hafa tíðkast.
ráðherrar deila um efnisþætti
þess fyrir opnum tjöldum, í stað
þess að halda málinu innan
ríkisstjórnar þar til frumvarpið
kemur fyrir Alþingi. Jón Bald-
vin Hannibalsson minnti á að
breskur fjármálaráðherra heföi
skýrt blaðamanni í trúnaði frá
mikilvægum efnisþætti væntan-
legs fj árlagafrumvarps og blaða-
maðurinn heföi rofiö trúnaðinn.
„Ráðherrann varð aö segja af
sér samdægurs, en það eru aðrir
siðir þar í landi en hér.“ sagði
Jón Baldvin.
Geir Gunnarsson, einn helsti
sérfræðingur Alþýðubandalags-
ins um ríkisfjármál, sagði að
það væri ekki venjan að stjórn-
arandstöðuþingmenn fylgdust
með gerð fjarlaga og svo hefði
heldur ekki verið nú. Ekki væri
neitt um það að segja, en það
væri nýtt að menn stunduðu
fjárlagagerð í gegnum fjöl-
miðla. Hann kvaðst ekkert vilja
segja um frumvarpið á grund-
velli fjölmiðlafregna, rétti vett-
vangurinn til þess væri Alþingi.
Stefán Benediktsson kvaðst
ekki álíta að svo opinská um-
ræða sem nú hefði átt sér stað
við fjárlagagerðina kæmi mönn-
um til góða úti í þjóðfélaginu
eða ýtti undirspákaupmennsku,
hins vegar taldi hann. að deilur
ráðherra í fjölmiðlum undanfar-
iö hefðu grafið undan trausti
nianna á stjórnmálamönnum og
stjórnmálum yfir höfuð.
Kristín Halldórsdóttir sagðist
ekkert sjá athugavert við það að
almenningur fengi að fylgjast
með því hvaða horfur væru
t'ramundan í sameiginlegum bú-
skap landsmanna og kvaðst ekki
vilja gagnrýna fjölmiðla fvrir að
hafa sýnt fjárlagagerðinni óeðli-
legan áhuga. Hún sagöi alls
ekki unnt að sjá hvernig standa
ætti að tekjuöflun. en sagði þó
að hún og Kvennalistinn fögn-
uöu því að hætt hefði verið við
að leggja söluskatt á matvæli,
það hefði verið stórslys ef svo
hefði verið gert. Hún sagði að
sér fyndist uggvænlegt að sjá
það haft eftir forsætisráðherra
að allir framkvæmdaliðir yrðu
skornir niður nema vegamál.
„Við skiljum vel mikilvægi
góðra vega en við sjáum ekki að
þessi málaflokkur eigi alltaf að
hafa forgang umfram aðra.
Ráðherrarnir eru líklega svona
sannfærðir um að leiðin að
hjörtum kjósenda liggi um mal-
bikaða vegi.“
Jón Baldvin Hannibalsson
hafði aðra skoðun á söluskatts-
málunum. Hann sagðist hafa
fengið þau svör í fyrra við
fyrirspurn að ef engar undan-
þágur væru nýttar mætti inn-
heimta um 10 miUjafða króna.
Þetta þýddi að ef allar undan-
þágur væru afnumdar mætti
lækka söluskattsprósentuna um
meira en helming, einfalda sölu-
skattskerfið og nota söluskatt-
inn til verðlækkunar.
Fimmtudagur 19. september 1985 11
Ódýr matarkaup:
Verð á heilu
slátri 158 kr.
■ Ákveðið hefur verið verð á
slátri í þeirri sláturtíð sern nú er
hafin. Heil slátur með sviðnum
haus og kílói af mör kosta í
smásölu 158,20 kr. stykkið
ópakkað - þ.e. þegar kaupend-
ur koma sjálfir með ílát - en 10
krónum meira pökkuð.
Verð á sviðunum einum
(sviðinn haus) er 94,80 kr. kíló-
ið, en á innmat - lifur, hjörtum
og nýrum - 140 krónur kílóið.
Miðað við að þarna er um
beinlaust og nær fitulaust kjöt
,að ræða virðist innmatur vera
einhvert allra ódýrasta kjötmeti
sem völ er á og jafnframt ódýr-
ari en fiskur að nýjurn þorski
undanskildunt.
Skálholtsútgáfa:
Gefur út bók um
Reyni göngugarp
- hluti ágóða rennur til Sólheima
■ Væntanleg er útkoma bókar
urn íslandsgöngu Reynis Péturs
Ingvarssonar, göngugarpsins
sem vanr. hugi og hjörtu
landsmanna með göngu sinni í
kringum landið í sumar.
Bókin kemur út á vegum
Skálholtsútgáfunnar og er skrif-
uð af Eðvarð Ingólfssyni.
„Við reiknum með að bókin
komi út um miðjan nóvember,“
sagði sr. Kristinn Ágúst Frið-
finnsson framkvæmdastjóri
Skálholtsútgáfunnar í samtali
við NT. „Hún verður á annað
hundrað bls. að lengd og er
mikið af myndum í henni sem
við höfum bæði fengið frá dag-
blöðum og annars staðar frá. í
bókinni verður viðtal við Reyni
sjálfan, frásögn af göngunni, og
saga Sólheima verður einnig
rakin. Ætlunin er að hafa hressi-
legt yfirbragð yfir bókinni svo
bæði börn og fullorðnir hafi
gaman af henni.“
Sr. Kristinn sagði einnig að ef
bókin selst vel þegar hún kemur
út, munu Sólheimar njóta góðs
af því hluti af ágóða bókarinnar
rennur þangað.
Arnarflug:
Hefst flug til Ham-
borgar með vorinu?
- beiðni til athugunar hjá þýskum yfirvöldum
■ Vestur-þýsk stjórnvöld hafa
nú til athugunar umsóknir Arn-
arflugs um flug milli Keflavíkur
og Hamborgar. Arnárflug sótti
um flugleyfi til Hamborgar fyrr
í sumar og var beiðnin sam-
þykkt samhljóða í íslenska flug-
ráðinu. Að sögn Magnúsar
Oddssonar, markaðsstjóra hjá
Arnarflugi, er ólíklegt að þýsk
yfirvöld setji sig upp á móti
leyfisveitingunni, en flug til
Hamborgar myndi þá væntan-
lega hefjast með vorinu.
Fái Arnarflug vilyrði fyrir
Hambrogarfluginu myndi flugið
til Dússeldorf leggjast niður.
„Við sóttum aldrei um að fá að
fljúga til Dússeldorf hcldur til
Hamborgar," sagði Magnús.
„Flugráð var hins vegar á móti
því á sínum tíma og því var
okkur úthlutað Dússeldorf í
staðinn."
„Hamborg er betur í sveit
sett fyrir okkur en Dússeldorf
og við teljum okkur geta veitt
betri þjónustu með flugi
þangað. Mikil frakt fer til og frá
Hamborg og í tengslum við þá
flutninga eiga margir erindi til
Hamborgar. Þá höfum við orðið
varir við að niargir sem fljúga
frá Dússeldorf koma frá norður-
héruðum Þýskalands og því
myndum við vera að færa okkur
nær markaðnum með því að
hefja flng þangað," sagði Magn-
ús Oddsson, markaðsstjóri hjá
Arnarflugi.
Arnarfíug hóf flug til Dúss-
cldorf árið 1982og þangaðernú
tJogið yfir sumarmánuðina, 10
vikur á ári. Flugið hefur gengið
svipað og búist var við, en
Dússeldorf geldur þess að vera
nálægt Amsterdam og Luxem-
borg, þangað sem Arnarflug og
Flugleiðir fljúga.
r---------------------—...............................................i
í LEIKFANGASMIDJAN ALDA HF. staðsett á Þingeyri Dýrafirði. I
| Þar er framleiddur dýrfirski vörubítlinn Dúiogerhann jafntfyrírstrákasemsteipur.
J Styðjum íslenskan iðnað og spörum dýrmætan gjaldeyri.
| Leikfangasmiðjan ALDA HF., Þingeyri Dýrafirði, sími 94-8181.