Morgunblaðið - 25.07.2004, Síða 38

MINNINGAR
38 SUNNUDAGUR 25. JÚLÍ 2004 MORGUNBLAÐIÐ
Elsku mamma.
Ég sit hér við eldhúsborðið og
hugsa til þín, bæði brosandi og með
tárin rennandi. Ég á eftir að sakna
þín svo mikið. Þessi síðustu ár eru bú-
in að vera þér erfið og sérstaklega
síðastliðið ár. Uppgjöf hefur aldrei
verið í þinni orðabók, heldur barátta,
dugnaður og ótrúleg seigla.
Mig langar svo að þakka þér elsku
mamma mín fyrir allt sem þú hefur
gefið mér og kennt. Og fyrir þína já-
kvæðni og yndislegt lundarfar.
Þú verður alltaf mitt leiðarljós.
Þín alltaf,
Birna.
Elsku amma.
Við sitjum hérna saman systurnar,
erum að hugsa um þig og finnst svo
óraunverulegt að þú sért farin. Við
hlæjum og grátum til skiptis þegar
við minnumst þín en það sem stendur
upp úr er þakklæti. Þó við viljum ekki
vera án þín þá vitum við að þér líður
miklu betur núna. Takk fyrir að hafa
verið besta amma sem hægt er að
hugsa sér, þú gafst okkur svo margar
yndislegar minningar og kenndir
okkur svo margt. Það sem stendur
uppúr hjá okkur báðum er þegar við
komum í heimsókn til þín og afa þá
gat maður alltaf stólað á að þið voruð
búin að búa til klakadjúsinn sem þið
vissuð að okkur fannst svo góður. Og
auðvitað gerðu amma og afi hann
best. Við gleymum heldur aldrei pí-
anóinu og litla appelsínugula stólnum
við það sem við tróðum okkur í langt
fram eftir aldri þangað til við fest-
umst í honum. Það var nú ekki hægt
GRETA N.
ÁGÚSTSDÓTTIR
✝ Greta NúpdalÁgústsdóttir
fæddist í Reykjavík
29. desember 1931.
Hún lést á Landspítala
– Háskólasjúkrahúsi
við Hringbraut 15.júlí
síðastliðinn. Foreldrar
hennar voru Ágúst N.
Benjamínsson og Sig-
ríður Jónsdóttir. Sam-
mæðra systkini eru
Sigurjón Bjarnason,
Ragna Þyri Bjarna-
dóttir og Esther Blön-
dal Stenseth, sem er
ein eftirlifandi. Sam-
feðra var Guðlaug Inga. Greta var
gift Ísaki Sigurðssyni f. 11.1. 1928.
Börn þeirra eru fjögur. Benjamín
Á., kvæntur Helgu Helgadóttur,
Jóna G., Birna, sambýlismaður
Guðlaugur Kr. Jónsson og Vera
Björk, gift Tryggva Þór Ágústs-
syni. Barnabörn Gretu eru 15 og
barnabarnabörnin eru 6.
Útför Gretu fór fram í kyrrþey,
að hennar ósk.
að koma í heimsókn án
þess að spila Memory
eða Over the Rainbow
allavega einu sinni.
Eða pönnukökulykt-
in sem maður vaknaði
svo oft við um helgar,
hún var það besta því
þá vissi maður að
amma og afi voru kom-
in í heimsókn. Um leið
og maður kom niður þá
fékk maður risa
skammt af hrósi og
hlýju, sem var svo gott.
Takk fyrir allt sem
þú hefur gefið okkur.
Við elskum þig svo mikið og við vitum
að þú fylgist með okkur.
Anganórurnar þínar
Ragna og Lillý.
Elsku tengdamamma. Því miður
fékk ég aðeins að njóta þess að vera
formlega tengdasonur þinn í tæpar 2
vikur. Ég tel mig þó hafa verið mjög
heppinn að fá að kynnast þér og finna
hlýju þína, umhyggju og ást gagnvart
öllu þínu fólki. Við getum öll lært
mikið af þeirri ótrúlegu seiglu og
dugnaði sem hefur einkennt allt þitt
líf og ekki síst hvernig þú tókst á við
þá miklu erfiðleika sem fylgdu þínum
veikindum. Ég er ríkari af þeirri
reynslu og ríkari fyrir það að eiga um
þig dýrmætar minningar sem ég mun
ávallt geyma í hjarta mínu.
Mamma ætlar að sofna.
Mamma er svo þreytt.
– Og sumir eiga sorgir,
sem svefninn getur eytt.
Sumir eiga sorgir,
og sumir eiga þrá,
sem aðeins í draumheimum
uppfyllast má.
Í kvöld skulum við vera
kyrrlát og hljóð.
Mamma ætlar að sofna,
systir mín góð.
(Davíð Stefánsson frá Fagraskógi.)
Ástarkveðja
Tryggvi.
Elsku amma Greta, nú ert þú farin.
Þú varst ótrúlega góð amma. Þú
leyfðir mér að mála með olíulitum á
striga þegar ég var bara tveggja ára.
Þú færðir mér lykilinn að spariskápn-
um og leyfðir mér að skoða sparistell-
ið og allt skartið þitt og ótal aðra fjár-
sjóði, þú gafst mér eitthvað úr
skápnum í hvert skipti sem ég fékk
að gramsa. Þú leyfðir mér að máta
silkisloppana þína og mála mig með
skærbleika varalitnum þínum. Ég
var alsæl.
Þú varst mikill dýravinur og tal-
aðir við þau af sömu virðingu og
mannfólkið. Þegar einn af hundunum
í fjölskyldunni var nýlátinn, þá
dreymdi þig hann hlaupandi um í
góðu veðri á grænum engjum. Ég
vona að þú fáir að hlaupa þar um með
þeim öllum; Tinna, Neró, Pása,
Kobba I og Kobba II og öllum hinum.
Þú kenndir mér eitt lag. Ef ég
breyti einu orði í textanum og set
ömmu í stað mömmu, þá get ég sung-
ið það til þín:
Ef væri ég söngvari syngi ég ljóð
um sólina vorið og land mitt og þjóð.
En mömmu ég gæfi mín ljúfustu ljóð,
hún leiðir mig verndar og er mér svo góð.
Ef gæti ég farið sem fiskur um haf
ég fengi mér dýrustu perlur og raf.
Og rafið ég geymdi og gæfi ekki braut
en gerði henni mömmu úr perlunum
skraut.
Ef kynni ég að sauma ég keypti mér lín
og klæði ég gerði mér snotur og fín.
En mömmu úr silki ég saumaði margt
úr silfri og gulli, hið dýrasta skart.
(Páll J. Árdal.)
Ég kom í heiminn daginn fyrir af-
mælið þitt og varð þess heiðurs að-
njótandi að vera skírð í höfuðið á þér.
Ég hef alltaf verið stolt að bera þetta
nafn, og ég geri mitt allra besta,
amma mín, til þess að vera þess verð-
ug og muna allt sem þú hefur kennt
mér.
Hvar sem þú ert núna, þá veit ég
að þú ert á stað þar þjáning þín er lin-
uð, þar sem ekkert er myrkt og þar
sem ekkert er að óttast. Ég er svo
þakklát fyrir að þú varst til og að þú
varst amma mín. Ég elska þig að ei-
lífu!
Greta Ósk Óskarsdóttir.
Elsku amma.
Takk fyrir að vera amma mín, og
takk fyrir að vera amma og móðir
þeirra sem eru það dýrmætasta sem
ég á. Góðvild þín og réttlætiskennd
munu lifa áfram í öllum þeim sem
eiga þann heiður að hafa kynnst þér.
Ég sakna þín, en ég ætla að lifa líf-
inu með þrjóskri bjartsýni innblás-
inni af ástúð þinni.
Lísa Hlín.
Jæja Greta mín, nú er komið að því
að kveðja. Ég þakka þér fyrir þessi
ár, fyrir trúnaðinn og þann þroska
sem hann veitti mér.
Börnin okkar eiga minningar um
ömmu sem kunni að fíflast og pakkaði
jólagjöfunum í nóvember. Ömmu
sem passaði að eiga til í skápunum
það sem var í uppáhaldi hjá hverjum
og einum. Ég á minningu um konu
sem virtist óbugandi.
Bakgrunnur okkar var svo ólíkur.
Þú veittir mér innsýn í heim sem ég
þekkti ekki og reyndir að skilja minn.
Þú varst baráttukona og þekktir
ekki annað. Frá byrjun hefur þú
þurft að berjast, uppgjöf stríddi gegn
þinni lífssýn. Það er enginn öfunds-
verður af æsku eins og þeirri sem þú
áttir, en þú hélst alltaf áfram, þrátt
fyrir allt, stolt og keik.
Helga.
Útför eiginkonu minnar, móður okkar, tengda-
móður og ömmu,
KRISTÍNAR ÞORSTEINSDÓTTUR
hjúkrunarfræðings,
Blásölum 22,
Kópavogi,
sem lést fimmtudaginn 15. júlí sl., verður gerð
frá Kristskirkju Landakoti þriðjudaginn 27. júlí
kl. 13.30.
Sigurjón Ingi Hilaríusson,
börn, tengdabörn og barnabörn.
Við þökkum hjartanlega fyrir hlýhug og
stuðning allra við veikindi og fráfall
RAFNS RAGNARS JÓNSSONAR
(Rabba)
tónlistarmanns,
Norðurbraut 41,
Hafnarfirði.
Þá fá heimahlynning, heimahjúkrun, Rabba-
barar, árgangur 1954 frá Ísafirði, Kvenfélagið á Suðureyri og Ísfólkið sér-
stakar þakkir.
Fjölskylda Rafns.
Innilegar þakkir fyrir samúð og hlýhug við andlát og útför elskulegrar
eiginkonu minnar, móður okkar, tengdamóður, ömmu og langömmu,
GRETU N. ÁGÚSTSDÓTTUR.
Útför hefur farið í kyrrþey að ósk hinnar látnu.
Kærar þakkir sendum við Landspítalanum deild 14G, Droplaugar-
stöðum og Landakoti.
Ísak Jón Sigurðsson,
Benjamín Á. Ísaksson, Helga Helgadóttir,
Jóna G. Ísaksdóttir,
Birna Ísaksdóttir, Guðlaugur Kr. Jónsson,
Vera Björk Ísaksdóttir, Tryggvi Þór Ágústsson,
barnabörn og barnabarnabörn.
Innilegar þakkir til allra þeirra, sem sýndu
okkur samúð og hlýhug við andlát og útför
hjartkærs eiginmanns míns, föður okkar,
tengdaföður og afa,
GUÐMUNDAR KJARTANSSONAR,
Álftamýri 23,
Reykjavík.
Kristín Hermundardóttir,
Kjartan R. Guðmundsson, Jóhanna Jóhannsdóttir,
Hermundur J. Guðmundsson, Yazmin O. Guðmundsson,
Helgi Fr. Guðmundsson, Charina M. Aligaen,
Páll Á. Guðmundsson, Sigríður Björnsdóttir
og barnabörn.
Innilegar þakkir til allra, sem sýndu okkur
samúð og hlýhug vegna andláts og útfarar
móður okkar, tengdamóður, ömmu og lang-
ömmu,
GUÐRÚNAR INGÓLFSDÓTTUR.
Sérstakar þakkir til starfsfólks dvalar- og
hjúkrunarheimilisins Skjólgarðs.
Ingólfur Ásgrímsson, Siggerður Aðalsteinsdóttir,
Halldór Ásgrímsson, Sigurjóna Sigurðardóttir,
Anna Guðný Ásgrímsdóttir, Þráinn Ársælsson,
Elín Ásgrímsdóttir, Björgvin Valdimarsson,
Katrín Ásgrímsdóttir, Gísli Guðmundsson,
barnabörn og barnabarnabörn.
Þökkum af alhug auðsýnda samúð og vinar-
hug við andlát og útför
JÓHANNESAR KRISTBERGS
ÁRNASONAR,
Gullsmára 11,
Kópavogi.
Áróra Helgadóttir,
Árni Jóhannesson, Laufey Valdimarsdóttir,
Sólveig Jóhannesdóttir, Gunnar Árnason,
barnabörn og barnabarnabörn.
Hjartanlegar þakkir til allra þeirra sem sýndu
okkur samúð og hlýhug við andlát og útför
okkar ástkæra,
ÁRNA BRYNJÓLFSSONAR,
Grænumörk 1,
Selfossi,
Börn og aðstandendur hins látna.
Inger Steinsson,
útfararstjóri,
s. 691 0919
Ólafur Ö. Pétursson,
útfararstjóri,
s. 896 6544
Bárugötu 4, 101 Reykjavík.
S. 551 7080
Vönduð og persónuleg þjónusta.
Blómastofa Friðfinns,
Suðurlandsbraut 10,
sími 553 1099, fax 568 4499.
Opið til kl. 19 öll kvöld
Kransar • Krossar • Kistuskreytingar