Morgunblaðið - 09.08.2004, Page 14
SJÁLFSTÆÐISFLOKKNUM
hefur borist mikill og góður liðs-
auki í vikunni sem senn er á enda.
Helga Árnadóttir hefur tekið þá
ákvörðun að bjóða sig fram til for-
manns Heimdallar, félags ungra
sjálfstæðismanna í Reykjavík.
Ekki einungis eru þetta góðar
fréttir vegna þeirrar staðreyndar
að Helga er kraftmikill ein-
staklingur með skýr markmið,
heldur gefst þess nú kostur að fá
dugandi konu í framvarðasveit
ungra sjálfstæðismanna. Veiti fé-
lagsmenn Heimdallar Helgu
brautargengi mun hún verða önn-
ur konan í 77 ára sögu félagsins
til að gegna þessu veigamikla
hlutverki á vettvangi stjórnmál-
anna. Helga er síður en svo ný-
græðingur í starfi Sjálfstæð-
isflokksins og reynsla hennar mun
án efa nýtast Heimdellingum á
sviði stjórnmálanna.
Stöndum saman
Helga hefur kynnt framboð sitt í
fjölmiðlum og á heimasíðu sinni,
www.helgaarna.is. Markmiðið er
skýrt. Framboðið á að ryðja götu
fyrir fjölbreyttan, opinn og mál-
efnalegan Heimdall. Mikilvægt er
að stjórnin endurspegli hinn fjöl-
breytta hóp félagsmanna Heim-
dallar. Nýir einstaklingar hafa þar
jafn mikið vægi og þeir sem fyrir
eru í ungliðastarfi Sjálfstæð-
isflokksins, með það fyrir augum
að skapa sátt innan félagsins svo
virkja megi kraftmikla ein-
staklinga til að vinna að sameig-
inlegum hugsjónum um frelsi ein-
staklingsins. Þó markmiðið sé
skýrt, minni ríkisumsvif og aukið
frelsi einstaklingsins, er mikilvægt
að þeir einstaklingar sem skipa
stjórn Heimdallar hafi eigin
áherslur og útfærslur á hugsjón-
inni.
Greinarhöfundar láta sitt ekki
eftir liggja og styðja framboð
Helgu af heilum hug. Þeir hafa
ákveðið að slást í för með Helgu
og bjóða sig fram til stjórnarsetu í
Heimdalli. Heimdellingar eru
hvattir til að fylkja liði um þennan
efnilega formannsframbjóðanda og
leggja þar með lóð sín á vog-
arskálarnar við að gera ungliða-
starf Sjálfstæðisflokksins enn öfl-
ugra. Framboð Helgu er opið.
Hver einstaklingur skiptir máli og
allir geta lagt framboðinu lið með
einum eða öðrum hætti. Áhuga-
samir eru því hvattir til að hafa
samband við Helgu (helga-
arna@gmail.com)
eða kynna sér
framboðið nánar á
heimasíðu þess,
www.helgaarna.is.
Frjálshyggjan
fyrir alla
Mikilvægt er að öfl-
ugt uppbygging-
arstarf eigi sér stað
innan ungliðahreyf-
ingarinnar sem og
flokksins sjálfs á
milli kosninga. Efla
þarf málefnastarf
og nauðsynlegt er að ungir sjálf-
stæðismenn láti til sín taka í þjóð-
málaumræðunni hverju sinni.
Áherslur þessa framboðs munu
einkennast af því að efla nýliðun
og hvetja ungt fólk til þess að
starfa innan ungliðahreyfing-
arinnar. Nauðsynlegt er að bæði
kynin njóti sín á vettvangi stjórn-
málanna og að ungliðahreyfingin
endurspegli þann breiða hóp sem
aðhyllist frjálshyggjustefnuna.
Hugmyndafræði frjálshyggjunnar
á erindi við unga sem aldna. Því
hvetjum við alla þá sem áhuga
hafa, að taka þátt í ungliðastarfinu
og kynna sér framboð Helgu
Árnadóttur til formanns Heimdall-
ar.
Við tökum þátt í
framboði Helgu
Erla Tryggvadóttir og
Heiðrún Lind Marteinsdóttir
skrifa um stjórnmál
’Heimdellingar eruhvattir til að fylkja liði
um þennan efnilega for-
mannsframbjóðanda...‘
Heiðrún Lind
Marteinsdóttir
Höfundar eru frambjóðendur
til stjórnar Heimdallar.
Erla
Tryggvadóttir
UMRÆÐAN
14 MÁNUDAGUR 9. ÁGÚST 2004 MORGUNBLAÐIÐ
ÞAR SEM mér var kennt að maður
skyldi alltaf þakka fyrir sig, geri ég
það hér með og þakka sr. Erni
Bárði Jónssyni fyrir svar við fyr-
irspurn minni frá 16. júlí, sem Vel-
vakandi sá ástæðu til að endurtaka
26. júlí. Þar var spurt um hvort það
væri ekki rétt skilið að prestar
væru mannasættar, en ég fæ ekki
séð að komið hafi svar við því.
Til stuðnings málstað sínum vísar
presturinn til Jesú Krists og spá-
manna, sem sagan hermir að hafi
verið uppi fyrir 2000 árum. Og þess-
ir menn eiga trúlega að réttlæta
gerðir hans á hinum „prúðmann-
lega“ fundi við Alþingishúsið fyrir
skömmu.
Mér finnst það talsvert langsótt
að vera að líkja sér við spámenn
fyrir 2000 árum – og sjálfan Jesú
Krist í sambandi við þann atburð
sem ég sá ástæðu til að gagnrýna.
Ekki voru sambærilegar aðstæður
þeirra og manna nú til dags. Ekki
höfðu þeir aðgang að fjölmiðlum,
svo sem prédikunarstólum, dag-
blöðum og tímaritum, útvarpi og
sjónvarpi ásamt „Internetinu“ með
öllu því fári, sem þar er rótað upp.
Var það ekki þess vegna sem þeir
þurftu að prédika á götuhornum og
torgum?
Ég lít á kirkjuna sem friðarins
stað og þangað vil ég sækja ró og
frið frá amstri dagsins. Hlýða á fal-
legan sálmasöng og uppbyggilega
prédikun, ekki pólitík og þras. Nóg
er um það í fjölmiðlunum.
Var það ekki Plótínus sem sagði
að engin trúarbrögð væru sannleik-
anum æðri? Hafa ekki öll trúar-
brögð tvær hliðar, innri og ytri leið?
Og býr ekki helgin í tilfinningum
fólks? Getur guðfræðingur skýrt
það hvað býr þar að baki? Eða hver
er veruleikinn í heimi hverfulleik-
ans? Væri gott að fá svör við þessu.
Aldraður og vinnulúinn maður
spurði Dalai Lama á almennum
fundi hver væri tilgangur lífsins.
Stórt var spurt. Svar hans var
skýrt: „Það er að vera hamingju-
samur og að gera aðra hamingju-
sama“.
Að lokum: Presturinn ýjar að því
að ég álíti að kirkjan sé baggi á
þjóðfélaginu. Ég spyr nú bara, hefir
það eitthvað að gera með það hvort
prestar vilji vera mannasættar eða
tala á æsingafundi við Alþingishús
Íslendinga? En ég minntist ekki á
þá þörfu stofnun í minni einföldu
fyrirspurn.
Ég hefi ekki hug á að standa í
þrætum svo þetta verða lokaorð mín
um þetta mál.
ÁSTA KRISTJÁNSDÓTTIR,
Melhaga 8,
Reykjavík.
Engra, sumra, allra
Frá Ástu Kristjánsdóttur:
BRÉF TIL BLAÐSINS
Morgunblaðið Kringlunni 1 103 Reykjavík Bréf til blaðsins | mbl.is
NÆSTKOMANDI laugardag
verður kosin ný stjórn í Heimdalli,
félagi ungra sjálfstæðismanna í
Reykjavík. Þar bjóðum við okkur
fram sex konur og sex
karlar. Öflugir ein-
staklingar sem vilja
beita sér fyrir breyt-
ingum í starfi Heim-
dallar.
Málefni ungs fólks
og Reykvíkinga
„Öll stjórnmál eru
staðbundin,“ sagði ein-
hver. Það er kannske
ekki alveg þannig, en
við viljum færa mál-
efnastarf Heimdallar
nær ungu fólki í
Reykjavík, án þess þó
að missa sjónar af al-
mennari baráttu-
málum flokksins. Við
viljum taka upp og
gera tillögur um brýn
hagsmunamál ungs
fólks s.s. um tryggan
aðgang allra sem vilja
að framhalds- og há-
skólum og öflugu en
sveigjanlegu lánasjóðskerfi. Leita
leiða til að greiða úr húsnæðis-
málum ungs fólks sem ekki hefur
miklar tekjur eða er nýkomið úr
námi með himinháar náms-
lánaskuldir. Svo aðeins tvö dæmi
séu tekin.
Við ætlum að fara í skólana í
Reykjavík og fá ungt fólk þaðan inn
í starfið. Það gerðum við á síðasta
ári þegar við fengum ríflega þúsund
manns, ungt áhugafólk um stjórn-
mál, til að stíga fyrsta skrefið í
virku stjórnmálastarfi með því að
ganga í Sjálfstæðisflokkinn.
Jákvæð áhrif á
Sjálfstæðisflokkinn
Við viljum vinna með okkar borg-
arfulltrúum að því að ná betur til
ungs fólks í Reykjavík. Það gerum
við í gegnum okkar starf að mál-
efnum ungs fólks og með ungu fólki,
eins og áður sagði. Alþingismenn og
borgarfulltrúar okkar þurfa að vera
aðgengilegir ungu fólki. Það munum
við tryggja með því að beita okkur
fyrir óformlegum samráðsfundum,
þar sem ungt fólk kem-
ur sínum sjónarmiðum
á framfæri. Ekki bara
fáir útvaldir, heldur
allir félagsmenn, sem
áhuga hafa. Þannig
getum við lagt því lið
að Sjálfstæðisflokk-
urinn komist aftur til
áhrifa í Reykjavík, en
Reykjavíkurlistinn er
löngu „kominn fram
yfir lokadagsetningu“,
eins og sagt er í versl-
unarbransanum. En
eigi það að takast þarf
Sjálfstæðislokkurinn
að endurheimta traust
ungs fólks. Í síðustu
kosningum studdi jafn
stór hópur yngstu
kjósendanna Sjálf-
stæðisflokkinn og
Framsóknarflokkinn.
Það sér hver maður að
það er óviðunandi, því
þurfum við að breyta.
Endurnýjum Heimdall
Rannsóknir sýna að ungt fólk á
Norðurlöndum hefur litla trú á því
að það geti haft áhrif með þátttöku í
stjórnmálum. Við vitum að við get-
um haft áhrif. Við ætlum að hafa
áhrif. Og við ætlum að virkja annað
ungt fólk til áhrifa. En við ætlum að
virða allar lýðræðishefðir. Við ætl-
um að gera Heimdall að öflugum
vettvangi skoðanaskipta, lærdóms
og áhrifa. Að fjölbreytilegu sam-
félagi ungs áhugafólks um stjórn-
mál, þar sem öllum finnst þeir vera
velkomnir.
Kjósum nýjan
Heimdall
Bolli Thoroddsen
skrifar um stjórnmál
’Við ætlum aðgera Heimdall
að öflugum vett-
vangi skoð-
anaskipta, lær-
dóms og áhrifa.‘
Bolli Thoroddsen
Höfundur er í hópi sex kvenna
og sex karla, sem bjóða sig fram til
stjórnar í Heimdalli nk. laugardag,
www.blatt.is.
Eftirfarandi greinar eru á mbl.is:
Jón Steinsson: „Það er engin til-
viljun að hlutabréfamarkaðurinn í
Bandaríkjunum er öflugri en
hlutabréfamarkaðir annarra
landa.“
Regína Ásvaldsdóttir: „Eitt af
markmiðum með stofnun þjón-
ustumiðstöðva er bætt aðgengi í
þjónustu borgaranna.“
Jónas Gunnar Einarsson:
„Áhrifalaus og mikill meirihluti
jarðarbúa, svokallaður almenn-
ingur þjóðanna, unir jafnan mis-
jafnlega þolinmóður við sitt.“
Jakob Björnsson: „Mörg rök
hníga að því að raforka úr vatns-
orku til álframleiðslu verði í fram-
tíðinni fyrst og fremst unnin í til-
tölulega fámennum, en
vatnsorkuauðugum, löndum eins
og t.d. Kanada, Íslandi, sumum fá-
mennari ríkjum Suður-Ameríku
og víðar.“
Á mbl.is
Aðsendar greinar
FYRIR skemmstu gaf Sjálfstæð-
isflokkurinn út leiðbeinandi reglur
um kosningar og framkvæmd aðal-
funda fyrir aðild-
arfélög sín. Þessar
reglur voru gefnar út í
kjölfar þess að fyrr-
verandi stjórn Heim-
dallar, félags ungra
sjálfstæðismanna í
Reykjavík, neitaði yfir
þúsund nýjum fé-
lagsmönnum um inn-
göngu rétt fyrir aðal-
fund félagsins í
október á síðasta ári.
Með þeirri aðgerð var
fótunum kippt undan
lýðræðislegu fyr-
irkomulagi kosninga á aðalfundi,
leikreglum breytt eftir á og öllu
starfi Heimdallar teflt í tvísýnu.
Öllum má vera ljóst að þessum að-
gerðum var beint að öðru af tveimur
framboðum sem hugðust bjóða fram
krafta sína á umræddum aðalfundi.
Aðgerðirnar beindust að framboði
Bolla Thoroddsen sem ekki hafði
stuðning þáverandi stjórnar, eða
stjórna síðustu ára, en hafði tekist
með miklum dugnaði að fá yfir þús-
und nýja félaga til að taka þátt í
kosningum og í störfum Heimdallar.
Þessu fólki var öllu meinaður að-
gangur að starfi félagsins. Eðlilega
gat framboð Bolla, sem skipað var
tólf manns, ekki liðið slíka fram-
komu og var því nauðugur einn kost-
ur að draga framboðið til baka. Síð-
ara framboðið, sem naut stuðnings
þáverandi stjórnar Heimdallar, var
því sjálfkjörið.
Aðalfundur Heimdallar er nk.
laugardag og því er
ekki úr vegi að rifja
þessa atburði upp, ekki
síst til að læra af
reynslunni. Skýrar leik-
reglur og jafnræði
frambjóðenda í kosn-
ingum er forsenda fyrir
öllu góðu félagsstarfi.
Hingað til hefur verið
rík sátt um að standa
vörð um slíkt jafnræði
innan Sjálfstæð-
isflokksins og það litið
alvarlegum augum ef
misbrestur verður á.
Endurnýjum forystu
Heimdallar
Nú er ljóst að framboð Bolla mun
bjóða fram krafta sína á næsta aðal-
fundi Heimdallar. Einnig er komið
mótframboð fólks sem hafði beina
aðkomu að þeim atburðum sem áttu
sér stað í fyrra. Því gefst fé-
lagsmönnum Heimdallar nú tæki-
færi til að leggja sín lóð á vogarskál-
arnar og segja skoðun sína þessum
vinnubrögðum.
Á aðalfundi síðasta árs var mæt-
ing í sögulegu lágmarki en aðeins
um 70 manns sáu ástæðu til að mæta
og styðja núverandi stjórn. Því má
segja að þorri félagsmanna Heim-
dallar, sem eru mörg þúsund, hafi
lýst skoðun sinni á framkvæmd
fundarins. Á næsta aðalfundi gefst
þeim tækifæri til að leiðrétta úrslit
síðasta árs og endurnýja í forystu
Heimdallar.
Ég hvet alla félagsmenn Heim-
dallar til að taka þátt í þessum kosn-
ingum, ekki einungis til að sjá til
þess að sagan endurtaki sig ekki,
heldur einnig til að sjá til þess að
ferskir vindar leiki um starf félags-
ins. Félag eins og Heimdallur verður
að vera opinn vettvangur skoð-
anaskipta og umræðna. Sjá þarf til
þess að félagið fái meira vægi í ís-
lenskum stjórnmálum og geti þannig
komið málefnum ungs fólks í for-
grunn. Því er forgangsmál að koma
Heimdalli úr núverandi hjólförum
stöðnunar og tryggja endurnýjun í
forystu félagsins. Því hvet ég alla
sem eiga þess kost að styðja fram-
boð Bolla Thoroddsen.
Opinn vettvangur skoðanaskipta
og lýðræðislegra vinnubragða
Brynjólfur Stefánsson
skrifar um stjórnmál
Brynjólfur Stefánsson
’Félagsmönnum Heimdallar gefst nú
kostur á að segja skoð-
un sína á vinnubrögðum
síðasta árs með því að
kjósa framboð Bolla
Thoroddsen.‘
Höfundur var á framboðslista Bolla
Thoroddsen á síðasta ári.